| 1 | א ואלה דברי דוד האחרנים נאם דוד בן ישי ונאם הגבר הקם על--משיח אלהי יעקב ונעים זמרות ישראל | |
| 2 | ב רוח יהוה דבר בי ומלתו על לשוני | |
| 3 | ג אמר אלהי ישראל לי דבר צור ישראל מושל באדם--צדיק מושל יראת אלהים | |
| 4 | ד וכאור בקר יזרח שמש בקר לא עבות מנגה ממטר דשא מארץ | |
| 5 | ה כי לא כן ביתי עם אל כי ברית עולם שם לי ערוכה בכל ושמרה--כי כל ישעי וכל חפץ כי לא יצמיח | |
| 6 | ו ובליעל כקוץ מנד כלהם כי לא ביד יקחו | |
| 7 | ז ואיש יגע בהם ימלא ברזל ועץ חנית ובאש שרוף ישרפו בשבת {פ} | |
| 8 | ח אלה שמות הגברים אשר לדוד ישב בשבת תחכמני ראש השלשי הוא עדינו העצנו (העצני)--על שמנה מאות חלל בפעם אחד (אחת) {ס} | |
| 9 | ט ואחרו אלעזר בן דדי (דדו) בן אחחי בשלשה גברים (הגברים) עם דוד בחרפם בפלשתים נאספו שם למלחמה ויעלו איש ישראל | |
| 10 | י הוא קם ויך בפלשתים עד כי יגעה ידו ותדבק ידו אל החרב ויעש יהוה תשועה גדולה ביום ההוא והעם ישבו אחריו אך לפשט {ס} | |
| 11 mapa | יא ואחריו שמה בן אגא הררי ויאספו פלשתים לחיה ותהי שם חלקת השדה מלאה עדשים והעם נס מפני פלשתים | |
| 12 | יב ויתיצב בתוך החלקה ויצילה ויך את פלשתים ויעש יהוה תשועה גדולה {ס} | |
| 13 mapa | יג וירדו שלשים (שלשה) מהשלשים ראש ויבאו אל קציר אל דוד--אל מערת עדלם וחית פלשתים חנה בעמק רפאים | |
| 14 mapa | יד ודוד אז במצודה ומצב פלשתים אז בית לחם | |
| 15 mapa | טו ויתאוה דוד ויאמר מי ישקני מים מבאר בית לחם אשר בשער {ס} | |
| 16 mapa | טז ויבקעו שלשת הגברים במחנה פלשתים וישאבו מים מבאר בית לחם אשר בשער וישאו ויבאו אל דוד ולא אבה לשתותם ויסך אתם ליהוה | |
| 17 | יז ויאמר חלילה לי יהוה מעשתי זאת הדם האנשים ההלכים בנפשותם ולא אבה לשתותם אלה עשו שלשת הגברים {ס} | |
| 18 | יח ואבישי אחי יואב בן צרויה הוא ראש השלשי (השלשה) והוא עורר את חניתו על שלש מאות חלל ולו שם בשלשה | |
| 19 | יט מן השלשה הכי נכבד ויהי להם לשר ועד השלשה לא בא {ס} | |
| 20 mapa | כ ובניהו בן יהוידע בן איש חי (חיל) רב פעלים מקבצאל הוא הכה את שני אראל מואב והוא ירד והכה את האריה (הארי) בתוך הבאר ביום השלג | |
| 21 | כא והוא הכה את איש מצרי אשר (איש) מראה וביד המצרי חנית וירד אליו בשבט ויגזל את החנית מיד המצרי ויהרגהו בחניתו | |
| 22 | כב אלה עשה בניהו בן יהוידע ולו שם בשלשה הגברים | |
| 23 | כג מן השלשים נכבד ואל השלשה לא בא וישמהו דוד {ר} אל משמעתו {ס} | |
| 24 mapa | כד עשהאל אחי יואב בשלשים אלחנן בן דדו {ר} בית לחם {ס} | |
| 25 mapa | כה שמה החרדי {ס} אליקא {ר} החרדי {ס} | |
| 26 mapa | כו חלץ הפלטי {ס} עירא {ר} בן עקש {ס} התקועי {ס} | |
| 27 mapa | כז אביעזר {ר} הענתתי {ס} מבני החשתי {ס} | |
| 28 mapa | כח צלמון {ר} האחחי {ס} מהרי הנטפתי {ס} | |
| 29 mapa | כט חלב בן בענה {ר} הנטפתי {ס} אתי בן ריבי מגבעת בני בנימן {ס} | |
| 30 mapa | ל בניהו {ר} פרעתני {ס} הדי מנחלי געש {ס} | |
| 31 mapa | לא אבי עלבון {ר} הערבתי {ס} עזמות הברחמי {ס} | |
| 32 | לב אליחבא {ר} השעלבני {ס} בני ישן יהונתן {ס} | |
| 33 | לג שמה {ר} ההררי {ס} אחיאם בן שרר האררי {ס} | |
| 34 mapa | לד אליפלט {ר} בן אחסבי בן המעכתי {ס} אליעם בן אחיתפל {ר} הגלני {ס} | |
| 35 mapa | לה חצרו (חצרי) הכרמלי {ס} פערי {ר} הארבי {ס} | |
| 36 mapa | לו יגאל בן נתן מצבה {ס} בני {ר} הגדי {ס} | |
| 37 mapa | לז צלק העמני {ס} נחרי {ר} הבארתי--נשאי (נשא) כלי יואב בן צריה {ס} | |
| 38 | לח עירא {ר} היתרי {ס} גרב היתרי {ס} | |
| 39 | לט אוריה {ר} החתי--כל שלשים ושבעה {פ} | |