| 1 | א דבר יהוה אשר היה אל הושע בן בארי בימי עזיה יותם אחז יחזקיה מלכי יהודה--ובימי ירבעם בן יואש מלך ישראל | |
| 2 | ב תחלת דבר יהוה בהושע {פ} ויאמר יהוה אל הושע לך קח לך אשת זנונים וילדי זנונים--כי זנה תזנה הארץ מאחרי יהוה | |
| 3 | ג וילך ויקח את גמר בת דבלים ותהר ותלד לו בן | |
| 4 mapa | ד ויאמר יהוה אליו קרא שמו יזרעאל כי עוד מעט ופקדתי את דמי יזרעאל על בית יהוא והשבתי ממלכות בית ישראל | |
| 5 mapa | ה והיה ביום ההוא ושברתי את קשת ישראל בעמק יזרעאל | |
| 6 | ו ותהר עוד ותלד בת ויאמר לו קרא שמה לא רחמה כי לא אוסיף עוד ארחם את בית ישראל--כי נשא אשא להם | |
| 7 | ז ואת בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשים | |
| 8 | ח ותגמל את לא רחמה ותהר ותלד בן | |
| 9 | ט ויאמר קרא שמו לא עמי כי אתם לא עמי ואנכי לא אהיה לכם {פ} | |
| 10 | ||
| 11 mapa | ||