| 1 | א שיר מזמור לבני-קרח | |
| 2 mapa | ב גדול יהוה ומהלל מאד-- בעיר אלהינו הר-קדשו | |
| 3 | ג יפה נוף משוש כל-הארץ הר-ציון ירכתי צפון קרית מלך רב | |
| 4 | ד אלהים בארמנותיה נודע למשגב | |
| 5 | ה כי-הנה המלכים נועדו עברו יחדו | |
| 6 | ו המה ראו כן תמהו נבהלו נחפזו | |
| 7 mapa | ז רעדה אחזתם שם חיל כיולדה | |
| 8 | ח ברוח קדים-- תשבר אניות תרשיש | |
| 9 | ט כאשר שמענו כן ראינו-- בעיר-יהוה צבאות בעיר אלהינו אלהים יכוננה עד-עולם סלה | |
| 10 | י דמינו אלהים חסדך-- בקרב היכלך | |
| 11 mapa | יא כשמך אלהים-- כן תהלתך על-קצוי-ארץ צדק מלאה ימינך | |
| 12 mapa | יב ישמח הר ציון--תגלנה בנות יהודה למען משפטיך | |
| 13 | יג סבו ציון והקיפוה ספרו מגדליה | |
| 14 | יד שיתו לבכם לחילה--פסגו ארמנותיה למען תספרו לדור אחרון [ (Psalms 48:15) טו כי זה אלהים אלהינו--עולם ועד הוא ינהגנו על-מות ] | |