Salmos 5

א  למנצח אל-הנחילות    מזמור לדוד

ב  אמרי האזינה יהוה    בינה הגיגי

ג  הקשיבה לקול שועי--מלכי ואלהי    כי-אליך אתפלל

ד  יהוה--בקר תשמע קולי    בקר אערך-לך ואצפה

ה  כי לא אל חפץ רשע אתה    לא יגרך רע

ו  לא-יתיצבו הוללים לנגד עיניך    שנאת כל-פעלי און

ז  תאבד דברי כזב    איש-דמים ומרמה יתעב יהוה

ח  ואני--ברב חסדך אבוא ביתך    אשתחוה אל-היכל-קדשך ביראתך

ט  יהוה נחני בצדקתך--למען שוררי    הושר (הישר) לפני דרכך

י  כי אין בפיהו נכונה--קרבם הוות    קבר-פתוח גרנם לשונם יחליקון

יא  האשימם אלהים--    יפלו ממעצותיהם ברב פשעיהם הדיחמו--    כי-מרו בך

יב  וישמחו כל-חוסי בך לעולם ירננו--    ותסך עלימו ויעלצו בך    אהבי שמך [ (Psalms 5:13) יג  כי-אתה תברך צדיק    יהוה--כצנה רצון תעטרנו ]