| 1 | א למנצח בנגינת מזמור לאסף שיר | |
| 2 mapa | ב נודע ביהודה אלהים בישראל גדול שמו | |
| 3 | ג ויהי בשלם סוכו ומעונתו בציון | |
| 4 | ד שמה שבר רשפי-קשת מגן וחרב ומלחמה סלה | |
| 5 | ה נאור אתה אדיר-- מהררי-טרף | |
| 6 | ו אשתוללו אבירי לב-- נמו שנתם ולא-מצאו כל-אנשי-חיל ידיהם | |
| 7 | ז מגערתך אלהי יעקב נרדם ורכב וסוס | |
| 8 | ח אתה נורא אתה--ומי-יעמד לפניך מאז אפך | |
| 9 | ט משמים השמעת דין ארץ יראה ושקטה | |
| 10 | י בקום-למשפט אלהים-- להושיע כל-ענוי-ארץ סלה | |
| 11 | יא כי-חמת אדם תודך שארית חמת תחגר | |
| 12 | יב נדרו ושלמו ליהוה אלהיכם כל-סביביו--יבילו שי למורא [ (Psalms 76:13) יג יבצר רוח נגידים נורא למלכי-ארץ ] | |