| 1 | א למנצח על-הגתית לאסף | |
| 2 | ב הרנינו לאלהים עוזנו הריעו לאלהי יעקב | |
| 3 | ג שאו-זמרה ותנו-תף כנור נעים עם-נבל | |
| 4 | ד תקעו בחדש שופר בכסה ליום חגנו | |
| 5 mapa | ה כי חק לישראל הוא משפט לאלהי יעקב | |
| 6 | ו עדות ביהוסף שמו-- בצאתו על-ארץ מצרים שפת לא-ידעתי אשמע | |
| 7 mapa | ז הסירותי מסבל שכמו כפיו מדוד תעברנה | |
| 8 | ח בצרה קראת ואחלצך אענך בסתר רעם אבחנך על-מי מריבה סלה | |
| 9 | ט שמע עמי ואעידה בך ישראל אם-תשמע-לי | |
| 10 mapa | י לא-יהיה בך אל זר ולא תשתחוה לאל נכר | |
| 11 | יא אנכי יהוה אלהיך-- המעלך מארץ מצרים הרחב-פיך ואמלאהו | |
| 12 | יב ולא-שמע עמי לקולי וישראל לא-אבה לי | |
| 13 | יג ואשלחהו בשרירות לבם ילכו במועצותיהם | |
| 14 | יד לו--עמי שמע לי ישראל בדרכי יהלכו | |
| 15 | טו כמעט אויביהם אכניע ועל צריהם אשיב ידי | |
| 16 | טז משנאי יהוה יכחשו-לו ויהי עתם לעולם [ (Psalms 81:17) יז ויאכילהו מחלב חטה ומצור דבש אשביעך ] | |