10 Milagres de Jesus na Bíblia: Lista com versículos e explicação

Pinatgên Apu Jesus ya Daluh

35 Kinayabinan, ambala na ha tawtagahunul na, "Magbatah kitamu ha lipay dagat." 36 Kaya inibuwatan tawtagahunul nay tawtawu buy naghakay mêt hila ha bangkan hinahakyan Apu Jesus. Mayin pun bawbangkan hinuhumunul kanla. 37 Biglan inlumatêngaꞌ malakasaꞌ dawêp. Sinabungkay mangamhakaꞌ alunaꞌ bangkang hinahakyan la, halus mapnun lanêmaꞌ ati. 38 Hi Apu Jesus, dilag ha bukutan, natutuluy yan nakaunan. Buy pinukaw yan libun tagahunul na, "Mistru, lumbug kitamuy na! Ala ha ihip yuy ati?"

39 Kaya napukaw ya buy ambala na ha dawêp, "Tênggên ka!" Buy ambala na ha dagat, "Tumining ka!" Ta tinênggên bayaꞌ dawêp buy tinuminingaꞌ dagat.

40 Ambala na ha tagahunul na, "Angkaya kawu nalilimu? Awta, ala kawun pananampalataya kangku?"

41 Nikalimu hila, buy ninununghung, "Hitalagyu kayay ati? Maski dawêp buy dagat, hinuhumunul ha utuh na."

25 Mayin gihay babayi istuy labinluwan tawunanan dinadaya. 26 Maski nagpapagamut ya ha iba iban duktur, nagꞌiirap ya pun. Naubuhaꞌ laat ari arian na ha pagpapagamut na. Nuwa, ha halipa gumaling ya, lalu pun inlumalay hakit na. 27 Nabalitꞌan nay libun himalan ginawan Apu Jesus. Kaya nakipagdalêhêkhêkan ya ha tawtawu. Naku ya ha bukutan Apu Jesus taêmên madukpanaꞌ baru na. 28 Ta naihip babayi, "Nu madukpan kun diliyaꞌ baru na, gumalingakuy na." 29 Hin nadukpan na ba barun Apu Jesus, biglan tinênggênaꞌ kanan pagdadaya buy natanam nan ginumaling yay na.

30 Agadanaman natanam Apu Jesus ya mayin inlumabas kanay kapangyarian. Kaya namalingay ya buy nagtanung, "Hita nandukpa ha baru ku?"

31 Ambala kanan tawtagahunul na, "Ha kadlan nakipagdalêhêkhêk kayu, angkaya kaw pun magtanung nu hita nandukpan baru yu?"

32 Nuwa inêlêwꞌêlêw nay paligid, nu hita nandukpan baru na. 33 Nuwa hay babayi, ta tanda nay nangyayari kana, nagdani yan nalilimu buy ginagalgal. Nagluhud ya kana, bayu innunghung kanay pêtêg. 34 Pagkayari, ambala kanan Apu Jesus, "Anak, pinagaling kay nan kamung pananampalataya. Muli kay na. Ah kay na magꞌalala ta ala kay nan hakit."

Pinagaling Apu Jesus ya Tawung Sinuklutan Anitu

1 Inlumatêng hilan Apu Jesus buy tawtagahunul na ha lipay dagat ha lutang libun Geraseno. 2 Pagtabuy Apu Jesus ha bangka, hinalubung yan gihay liyaking sinuklutan anitu ibat ha liyangaꞌ lêbêngan. 3 Buy istu yay nan namimirmi ha lêbêngan. Alan makagapuh kana maski pun kadinay gamitin la. 4 Umnuy bisis yay nan kinadinaan ha gamêt buy bitih. Nuwa pinagbubuytu nay kadina buy pinaghihira nay tanikala ha gamêt na. Alay nan makabênbên kana. 5 Allêw ta yabi, dilag ya ha lêbêngan buy kabungꞌuyanan, nagbubungꞌu buy pinaghuhugat nan bawbatuy nawini na. 6 Hin natamulaw hi Apu Jesus liyaki, inlumukhu yan nagdani kana ta nagluhud. 7,8 Ambalan Apu Jesus ha anitu, "Haka anitu, magꞌalih ka ha tawung in!" Malakasaꞌ imbungꞌun liyaki, "Hita pakialam mu kangku, Apu Jesus ya Anak Katagꞌay tagꞌayan Apu Diyus. Mangaku ka kangku, ha lagyun Apu Diyus, ah mu ku pairapan."

9 Tinanung yan Apu Jesus, "Hita lagyu mu?"

Tinumbay ya, "Hakuy kawan ta dêla kami."

10 Nagmamakaingaluy anitu kan Apu Jesus, "Andi yu kami paalihin ha lutan ti."

11 Ha alwan kadayuan, mayin nanangana mamhakaꞌ kawan babuy, ha dalisdis bud. 12 Nagmakaingalu hila, "Nu puwidi paulayan yu kami yanan magpahuk ha libun babuyaꞌ tu." 13 Kaya pinaulayan hilan Apu Jesus. Nagꞌalih hila ha liyaki ta nagpahuk ha libun babuy. Nipanlumukhuy luwan libuy babuy palunghun ha bud, patabuy ha dagat buy nangalêmêh.

14 Hay mangalagan babuyaꞌ naman, nipanlumukhu buy imbalitay nangyari angga ha banwa. Kaya naku istuy tawtawu taêmên matandanaꞌ nangyari. 15 Pangalatêng la kan Apu Jesus, naakit lay liyaking ibat sinuklutan anitu ya pakaitnu. Nakabaru yay na buy matinuy nay ihip. Buy nalimuy tawtawu ha kapangyarian Apu Jesus ya nakapagpaalih anitu. 16 Hay nangyari ha tawung sinuklutan anitu buy ha bawbabuy, ingkuwintun nakaakit ha tawtawung kapilatêng. 17 Kaya pinakinunghungan la hi Apu Jesus, "Magꞌalih kawuy na kayti kanyan."

18 Hin maghakayana hi Apu Jesus ha bangka, nakinunghung kanay liyaking ginumaling, "Makiawyun hakuy na kayu."

19 Nuwa alwan nalabay hi Apu Jesus. Nakun, ambala na ha liyaki, "Muli ka tana kayu, ta ibalita mu kanlay laataꞌ ginawa kamun Panginuun buy nu pakapakun kan kinaingalwan."

20 Kaya nagꞌalihaꞌ liyaki, impamalita na ha sampung banwa nu bawgêniꞌ Decapolis, hay laataꞌ ginawa kanan Apu Jesus. Nalgangaꞌ laataꞌ nakalêngên nangyari.

Hay Anak Jairo buy hay Babaying Dinadaya

21 Hin nagbalik hi Apu Jesus ha lipay dagat, pinibubuntunan yan kadlan tawu ha pingit dagat. 22 Hi Jairong namumunu ha biyag pamititipunan Hawjudio, naku mêt istu. Pagkaakit na kan Apu Jesus, nagluhud ya ha bitihan ati. 23 Nagmakaingalu ya kana, "Apu Jesus, naghihingaluy anak kun dalagitaꞌ. Nu maari hana, maku kawu kanyan ta ipatung yuy gamêt yu kana takayꞌêmên gumaling ya buy mabyay ya." 24 Hin nakilaku ya kana, hinunul yan kadlan tawu buy dinalêhêkhêkan ya.

25 Mayin gihay babayi istuy labinluwan tawunanan dinadaya. 26 Maski nagpapagamut ya ha iba iban duktur, nagꞌiirap ya pun. Naubuhaꞌ laat ari arian na ha pagpapagamut na. Nuwa, ha halipa gumaling ya, lalu pun inlumalay hakit na. 27 Nabalitꞌan nay libun himalan ginawan Apu Jesus. Kaya nakipagdalêhêkhêkan ya ha tawtawu. Naku ya ha bukutan Apu Jesus taêmên madukpanaꞌ baru na. 28 Ta naihip babayi, "Nu madukpan kun diliyaꞌ baru na, gumalingakuy na." 29 Hin nadukpan na ba barun Apu Jesus, biglan tinênggênaꞌ kanan pagdadaya buy natanam nan ginumaling yay na.

30 Agadanaman natanam Apu Jesus ya mayin inlumabas kanay kapangyarian. Kaya namalingay ya buy nagtanung, "Hita nandukpa ha baru ku?"

31 Ambala kanan tawtagahunul na, "Ha kadlan nakipagdalêhêkhêk kayu, angkaya kaw pun magtanung nu hita nandukpan baru yu?"

32 Nuwa inêlêwꞌêlêw nay paligid, nu hita nandukpan baru na. 33 Nuwa hay babayi, ta tanda nay nangyayari kana, nagdani yan nalilimu buy ginagalgal. Nagluhud ya kana, bayu innunghung kanay pêtêg. 34 Pagkayari, ambala kanan Apu Jesus, "Anak, pinagaling kay nan kamung pananampalataya. Muli kay na. Ah kay na magꞌalala ta ala kay nan hakit."

35 Kaban kanunghung pun Apu Jesus ya babayi, nalatêngaꞌ tawtawung ibat ha biyag Jairo. Ambala la kan Jairo, "Ah yuy na abalaênaꞌ Mistru ta natiyanay anak yu!"

36 Nuwa hin nalêngên Apu Jesus ya innunghung la, ambala na kan Jairo, "Ah ka malimu, manampalataya kan dili."

37 Ah na pinaulayan manghunul kanay kanayun ha biyag Jairo, nu alwan hilan Pedro, mipatêlaꞌ Santiago buy Juan. 38 Paglatêng la istu ha biyag Jairo, naakit Apu Jesus ya libun tawung nagkakaingay, mayin nananangih buy nanyêyêngêyêng. 39 Pagpahuk na ha biyag, innunghung na ha libun tawu, "Kaya kawu nagkakaingay buy nananangih? Alwan natiyaꞌ anak, natutuluy dili."

40 Pinagkakayliyan yan tawtawu. Hin pinalabas na hilan laat, inꞌawyun na diliyaꞌ bapa buy indun anak buy tatluy tagahunul na bayu hila nagpahuk ha pagꞌundagan anak.

41 Dinukpan nay gamêt anak, ambala na, "Talitha kum." Hay labay tutulun habatu, "Anak, mibangun ka."

42 Agad, nibangunaꞌ anak buy nallyakuꞌ. Kaya labis nalgangaꞌ tawtawu ha nangyari. (Hay habatuy anak, labinluway tawun.) 43 Nuwa mahigpit inꞌutuh kanlan Apu Jesus ya, "Andi yu sabin maski ha hitalagyumanaꞌ nangyari." Pagkayari, ambalan Apu Jesus kanla, "Pakanên yuy nay anak."

Pinagaling Apu Jesus ya Gihay Lumpu

1,2 Pagkalibah umnuy allêw, nagbalik hi Apu Jesus ha Capernaum. Imbalitan tawtawu, "Nakalatênganaꞌ hi Apu Jesus ha tinutuluyan na!" Kaya ban dêlan tawuy nititipun ha tinutuluyan na. Napnuy biyag angga ha mahawang. Kaban nangangaral hi Apu Jesus nunghung Apu Diyus, 3 mayin umnuy tawung naku baistu. Hay apat kanla, pigigitanaꞌ lumpu takayꞌêmên idani hana kan Apu Jesus. 4 Nuwa ha kadlan tawu, ah hila makadani kan Apu Jesus, kaya naghampa hila palaku ha uhbung. Buy inlubka lay uhbung ta inꞌuguh lay lumpu ha tapat Apu Jesus. 5 Hin naakit Apu Jesus ya kanlan pananampalataya kana, ambala na ha lumpu, "Anak, pinatawadanay kamung kawkasalanan."

6 Mayin tagapanudun kautuhan, nangakaitnu baistu. Nalêngê lay habatu buy ambala la ha kanlan ihip, 7 "Angkaya ya nannunghung habatu? Alwa yay naman hi Apu Diyus! Pinangungunahan nay Apu Diyus! Alan makakapagpatawad kasalanan nu alwan hi Apu Diyus dili!"

8 Agadaꞌ naman natandan Apu Jesus ya kanlan iniihip. Kaya ambala na, "Angkaya kawu nagꞌiihip habatu? 9 Iniihip yu, mas madali nu sabin ku ha lumpu, ‘Pinatawadanay kawkasalanan mu’ kisa ha sabin kun, ‘Mêdêng ka, buwatên muy amak mu buy maliyaku ka.’ Ta ah yu nanakitaꞌ pagpapatawad. 10 Nuwa hapaêg, pagalingin kuy tawung ati takay patunayan ku kayu, hakuy nangibat ha langitaꞌ Inꞌanak Tawuy mayin kapangyarian kayti ha lutang magpatawad kasalanan." Buy ambala na ha lumpu, 11 "Mêdêng ka, buwatên muy kamung amak ta muli kay na." 12 Nêdêng bayaꞌ lumpu. Binwat agadaꞌ kanan amak. Buy naghalwang ya kaban nakabalayaꞌ laat. Talagan nagtakay laat buy pinuri lay Apu Diyus. Ambala la, "Hapaêg kamin dilin nakaakit dapay ati."