10 Milagres de Jesus na Bíblia: Lista com versículos e explicação

Os milagres de Jesus são muito mais do que demonstrações de poder sobrenatural; eles são sinais que confirmam sua divindade e missão. Ao longo dos Evangelhos, vemos Cristo curando enfermos, dominando a natureza e vencendo a morte.

Neste guia, selecionamos 10 milagres de Jesus na Bíblia, organizados com referências e uma breve explicação sobre o impacto espiritual de cada um deles.

Os principais milagres de Jesus nos Evangelhos

1. Transformação da Água em Vinho

Referência: João 2:1-11
Explicação: Ocorreu nas Bodas de Caná. Sendo o seu primeiro milagre público, Jesus demonstrou autoridade sobre a matéria e a natureza, revelando sua glória aos discípulos e abençoando a instituição da família.

गलीलो रे काना रे पईला नऊखा काम

1 तीजे दिने गलील प्रदेशो रे काना नगरो रे केसी रा ब्या था और यीशुए री आम्मा बी तेती थी। 2 यीशु और तिना रे चेले बी तेती ब्याओ खे बुलाई राखे थे। 3 जेबे अँगूरा रा रस कम ऊईगा, तेबे यीशुए री आम्मे तिना खे बोलेया, "तिना गे अँगूरा रा रस नि रया।" 4 यीशुए तेसा खे बोलेया, "ओ जवाणसे! ताखे मांते क्या काम ए? एबु मेरा आपणे आपू खे प्रकट करने रा बखत नि आयी रा।" 5 पर तिना री आम्मे दासा खे बोलेया, "जो कुछ ये तुसा खे बोलोगा, सेई करना।" 6 तेती यहूदिया री शुद्ध करने री रवाजा रे मुताबिक, पात्थरा रे छे बड़े कअड़े राखे रे थे, जिना रे दो-दो और तीन-तीन मण आओ था। 7 यीशुए दासा खे बोलेया, "कअड़ेया रे पाणी परी देओ।" तिने परी-परी करी ते। 8 यीशुए तेस दासो खे बोलेया, "एबे इजी बीचा ते थोड़ा पाणी निकयाल़ी की पाट्टिया (भोज) रे प्रदानो गे लयी जाओ और तिने दासे एड़ा ई कित्तेया।" 9 जेबे पाट्टिया रे प्रदाने से पाणी चाखेया, जो अँगूरा रा रस बणीगा था, पर ये नि जाणो था कि केथा ते आया (पर जिने दासे पाणी निकयाल़ेया था, सेयो जाणो थे) तेबे पाट्टिया रे प्रदाने लाड़े खे बुलाई की तेसखे बोलेया, 10 "हर एक माणूं पईले बढ़िया अँगूरा रा रस देओआ और जेबे लोक पी की थकी जाओए, तेबे आदा देओआ, पर तैं बढ़िया अँगूरा रा रस एबुए तक राखी राखेया।" 11 यीशुए गलील प्रदेशो रे काना नगरो रे आपणा ये पईला चिह्न् दखाई की आपणी महिमा प्रगट कित्ती और तिना रे चेलेया तिना पाँदे विश्वास कित्तेया कि सच्ची येई ई मसीह ए।

João 2:1-11

2. Cura do cego de nascença

Referência: João 9:1-12
Explicação: Jesus usa lodo para curar um homem que nunca havia enxergado. Este milagre prova que Ele é a Luz do Mundo e tem poder para restaurar o que nasceu com defeito.

जन्मो रे अन्दे खे देखणे रा दान

1 यीशु और तिना रे चेलेया तीसिए जांदे ऊए एक एड़ा माणूं देखेया, जो जन्मो तेई अन्दा था। 2 तेबे तिना रे चेलेया तिना ते पूछेया, "ओ गुरू! किने पाप कित्तेया था, इने माणूंए, जो अन्दा जम्मेया या एसरे माए-बाओ?" 3 यीशुए ज्वाब दित्तेया, "ना तो इने पाप करी राखेया और ना एसरे माए-बाओ कि ये अन्दा जम्मेया, पर ये तेबे ऊआ, ताकि परमेशरो रे सामर्था रे काम एस पाँदे प्रगट ओ। 4 जिने आऊँ पेजी राखेया, आसा खे जरूरी ये कि आसे तेसरे काम दिनो-दिने ई नपटयाणा जरूरी ए, कऊँकि से रात आऊणे वाल़ी ए, जिदे कोई काम नि करी सकदा। 5 जदुओ तक आऊँ दुनिया रे ए, तदुओ तक, दुनिया री जोति ए।" 6 ये बोली की तिने जमीना पाँदे थूकेया और तेस थूको साथे माट्टी सीन्नी कित्ती और से माट्टी तेस अन्दे रिया आखी रे मल़ी की 7 तेसखे बोलेया, "जा, और शीलोहो रे कुण्डो रे आपणी आखी तोई लो" (जेतेरा मतलब पेजे राए) तेबे तिने जायी की आखी तोईया और देखदा ऊआ आया। 8 तेबे तेस माणूंए रे पड़ोसिये और जिने से पईले पीख मांगदा ऊआ देखेया था, एकी दूजे ते बोलणे लगे, "क्या ये सेई निए, जो बैठेया रा पीख माँगो था?" 9 कईए बोलेया, "ये सेईए," ओरी बोलेया, "ना, ये तो तेसरा हमशक्ल ए।" तिने बोलेया, "आऊँ सेईए।" 10 तेबे सेयो तेसते पूछणे लगे, "तेरिया आखी किंयाँ ठीक ऊईगिया?" 11 तेबे तिने बोलेया, "यीशु नाओं रे एक माणूंए माट्टी सेड़ी और मेरी आखी रे मल़ी और माखे बोलेया, ‘जा और शीलोहो रे कुन्डो रे आपणी आखी तोई लो।’ तेबे आऊँ कुण्डो रे गया और आखी तोई की देखणे लगी गा।" 12 तिने तेसते पूछेया, "से माणूं केयी ए?" तिने बोलेया, "आऊँ नि जाणदा।"

João 9:1-12

3. Multiplicação dos pães e peixes

Referência: Mateus 14:13-21
Explicação: Com apenas cinco pães e dois peixes, Jesus alimentou mais de 5 mil homens. Este sinal revela Cristo como o Pão da Vida, aquele que supre todas as nossas necessidades.

पाँज ह्जार माणूंआ खे खुलाणा

13 जेबे यीशुए ये सब सुणेया, तेबे सेयो किस्तिया रे बैठी की सुनसाण जगा रे लग जे चली गे और जेबे लोके ये सुणेया तेबे सेयो नगरो-नगरो रिये हांडी की तिना पीछे आईगे। 14 यीशुए निकल़ी की एक बड़ी पीड़ देखी और तिना पाँदे तिना खे तरस आया और तिने तिना रे बमार ठीक कित्ते।

15 जेबे साँज ऊई, तेबे तिना रे चेले तिना गे आए और बोलणे लगे, "एती तो सुनसाण जगा ए और देर लगी री ऊणे, तुसे लोका खे बिदा करो, ताकि सेयो जाई की बस्तिया रे आपू खे रोटी खरीदी सको।"

16 यीशुए तिना खे बोलेया, "तिना रा जाणा जरूरी निए, तुसेई इना खे खाणे खे देयो।" 17 तिने बोलेया, "एती तो आसा गे पाँज रोटिया और दो मछलिया छाडी की कुछ निए।" 18 यीशुए बोलेया, "तिना खे मांगे ली आओ।" 19 तेबे तिने लोका खे काओ पाँदे बैठणे खे बोलेया, तेबे तिने सेयो पाँज रोटिया और दो मछलिया लईया और स्वर्गो खे देखेया और धन्यवाद कित्तेया और रोटिया तोड़ी-तोड़ी की चेलेया खे दित्तिया और चेलेया लोका खे। 20 जेबे सब खाई की रजी गे, तेबे चेलेया जो टुकड़े थे बचे रे तिना रिया बारा टोकरिया परिया और चकिया। 21 खाणे वाल़े जवाणसा और बच्चेया खे छाडी की तकरीबन पाँज ह्जार मर्द थे।

Mateus 14:13-21

4. Jesus acalma a tempestade

Referência: Marcos 4:35-41
Explicação: Com uma ordem, o vento e o mar se aquietam. O milagre ensina sobre a paz que excede o entendimento e a autoridade do Messias sobre a criação.

तूफानो खे शान्त करना

35 तेसी दिने जेबे साँज ऊई, तेबे यीशुए चेलेया खे बोलेया, "आओ, आसे समुद्रो ते पार चलूँए।" 36 तेबे चेले पीड़ा खे छाडी की तेते किस्तिया रे गए, जेते किस्तिया रे यीशु पईले तेई बैठे रे थे और सेयो यीशुए खे लई की पार चली गे और तिना साथे ओर बी किस्तिया थिया। 37 तेबे बऊत बड़ा पारी तूफान आया और लईरा एड़िया आईया कि किस्ती पाणिए साथे परने वाल़ी थी। 38 यीशु पीछे गद्दिया पाँदे सऊणे लगी रे थे, तेबे चेलेया यीशुए खे जगाई की बोलेया, "ओ गुरू! क्या तुसा खे फिकर निए कि आसे डूबणे वाल़े ए?" 39 तेबे यीशु उठी की तूफानो खे बके और पाणिए खे बोलेया, "शान्त रओ और रूकी जा!" और तूफान रूकी गा, तेबे बड़ी शांति ऊईगी। 40 तेबे यीशुए चेलेया खे बोलेया, "तुसे कऊँ डरोए? क्या तुसा खे एबुए तक विश्वास निए?" 41 तेबे चेले बऊत डरी गे और आपू बीचे बोलणे लगे, "ये कूणे, जो न केवल दुष्टात्मा बल्कि तूफान और पाणी बी एसरी आज्ञा खे मानोए?"

Marcos 4:35-41

5. Cura da mulher com fluxo de sangue

Referência: Marcos 5:25-34
Explicação: Uma cura que aconteceu pelo toque da fé. Jesus mostra que está atento ao sofrimento individual e que a fé é o canal para receber o milagre.

25 तेबे एक जवाणस जो तेसा पीड़ा रे थी, जेसा खे बारा साला ते खून बइणे री बमारी थी 26 और से आपू खे ठीक ऊणे री तँईं कई बैदा गे गई और आपणा सब कुछ खर्च करी ता, पर से ओर बी बमार ऊईगी और कुछ फाईदा नि ऊआ। 27 यीशुए रे बारे रे सुणी की से पीड़ा ते पीछे ते आई और तिना रे टाल्ले छूँएं। 28 कऊँकि से बोलो थी, "जे आऊँ तिना रे टाल्ले ई छुँईं लऊँगी, तो ठीक ऊई जाणी।" 29 और तेबुई तेसा रा खून बइणा बंद ऊईगा और तेसे आपणे शरीरो ते जाणी ला कि मेरी बमारी ठीक ऊईगी। 30 यीशुए तेबुई आपू रे जाणी ला, "मांते सामर्थ निकल़ी री।" तेबे तिने पीड़ा रे पीछे मुड़ी की पूछेया, "मेरे टाल्ले किने छुँए?" 31 तिना रे चेलेया तिना खे बोलेया, "तुसा खे पता तो आए कि इतणी पीड़ तुसा पाँदे पड़ी री और तुसे बोलोए, ‘आऊँ किने छूँयां?’ " 32 तेबे यीशु ये देखणे री तँईं, "आऊँ किने छूँयां" सेयो चऊँ कनारे देखणे लगे। 33 तेबे से जवाणस ये जाणी गी कि मां साथे केड़ी पलाई ऊई री, से डरदी और थरथरांदी ऊई आई और यीशुए रे पैरा पाँदे पड़ी गी और तेसे सारा आल सच्च-सच्च तिना खे सुणाया। 34 यीशुए तेसा खे बोलेया, "बेटिये, तेरे विश्वासे तूँ ठीक कित्ती। बेफिकर ऊई की जा और आपणी एसा बमारिया ते बची री रओ।"

Marcos 5:25-34

6. Libertação do endemoninhado Gadareno

Referência: Marcos 5:1-20
Explicação: Jesus liberta um homem dominado por uma legião de espíritos. É a prova clara de sua autoridade absoluta sobre o reino das trevas.

दुष्टात्मा ते किरे रे माणूंए खे ठीक करना

1 तेबे यीशु और तिना रे चेले गलीली समुद्रो ते पार गिरासेनियो रे प्रदेशो रे पऊँची गे। 2 जेबे यीशु किस्तिया ते उतरे, तेबे तेबुई एक माणूं, जेसरे दुष्टात्मा थी, कब्रा ते निकल़ी की तिना खे मिलेया। 3 से कब्रिस्तानो रे रओ था और बऊत ई हुड़दंग मचाणे वाल़ा था। तेसखे कोई बी एबुए तक साँगल़ो रे बानी की नि राखी सको था। 4 कऊँकि से कई बार बेड़िये की और साँगल़ो साथे बानेया, पर तिने साँगल़ तोड़ी ते और बेड़िया रे टुकड़े-टुकड़े करी ते, तेसखे कोई बी वशो रे नि करी सको था। 5 से रात-दिन कब्रिस्तानो रे और पाह्ड़ो रे चींगदा रओ था और आपू खे पात्थरो साथे काईल करदा रओ था।

6 से यीशुए खे देखी की दूरो तेई दौड़ी गा और तिने तिना गे माथा टेकेया। 7 तेबे तिने ऊच्ची आवाजा रे चींगी की बोलेया, "ओ यीशु परमप्रदान परमेशरो रे पुत्र! माखे तांते क्या काम? आऊँ ताखे परमेशरो री कसम देऊँआ कि माखे दुःखी न कर।" 8 कऊँकि तिने तेसखे बोलेया था, "ओ दुष्टात्मा, एस माणूंए ते निकल़ी जा।" 9 यीशुए तेसते पूछेया, "तेरा नाओं क्या ए?" दुष्टात्मे बोलेया, "सेना कऊँकि आसे बऊत सारे ए।" 10 तेबे तिने तिना ते बऊत बिनती कित्ती, "आसा खे एसा जगा ते बारे नि पेज।"

11 तेती पाह्ड़ो पाँदे सूंअरो रा एक चूण्ड चरने लगी रा था। 12 तेबे दुष्टात्मा यीशुए ते बिनती कित्ती, "आसा खे इना सूंअरा बीचे पेजी दे, ताकि आसे इना रे पीतरे चली जाऊँ।" 13 तेबे यीशुए तिना खे आज्ञा दित्ती, और दुष्टात्मा निकल़ी और सूंअरा रे चूण्डा रे समाई गी। जो दो ह्जारा रा था। तेबे से काअड़ी पाँदो ते छवाल़ खाई की समुद्रो रे पड़ी गा और डूबी की मरी गा।

14 तेबे तिना खे चराणे वाल़ेया दौड़ी की गांव और शईरो रे खबर दित्ती और जो ऊआ था लोक तेस देखणे आए। 15 यीशुए गे आई की सेयो, जेसरे दुष्टात्मा थी, मतलब-जेसरे सेना समाई री थी, से बिल्कुल ओशा रे और टाल्ले पईनी की बैठे रा देखेया, और डरी गे। 16 एस आदसे खे देखणे वाल़ेया, तेसरा, जेसरे दुष्टात्मा थी और सूंअरा रा पूरा आल तिना खे सुणाया। 17 तेबे सेयो यीशुए ते बिनती करने लगे, "म्हारे बन्ने ते चली जाओ।"

18 जेबे यीशु किस्तिया रे चढ़ने लगे और जेसरे दुष्टात्मा थी, तिने बोलेया, "माखे बी आपू साथे आऊणे दे। 19 पर यीशुए तेसखे ना करी ती और तेसखे बोलेया कि आपणे कअरो खे वापस चली जा और लोका खे बता कि तां पाँदे प्रभुए केड़ी दया कित्ती और तेरी तँईं कितणे बड़े काम कित्ते।" 20 तेबे से दिकापुलिस प्रदेशो खे गया और इना गल्ला रा प्रचार करने लगेया, "यीशुए मेरिया तँईं कितणे बड़े काम कित्ते।" ये सुणी की सब लोक हैरान ऊईगे।

Marcos 5:1-20

7. Ressurreição da filha de Jairo

Referência: Marcos 5:21-43
Explicação: Jesus demonstra que a morte para Ele é como o sono. Ele restaura a vida de uma criança, trazendo esperança para uma família desesperada.

याईरो री मरी री मुन्नी और एक बमार जवाणस

21 जेबे यीशु किस्तिया रे वारले कनारे आए और समुद्रो रे कनारे पऊँची गे तेबे एक बड़ी पारी पीड़ तिना गे कट्ठी ऊईगी। 22 तेबे याईर नाओं रे प्रार्थना रे कअरो रे सरदारा बीचा ते एक तेती आया और यीशुए खे देखी की तिना रे पैरो पाँदे पड़ी गा। 23 तेबे तिने बिनती कित्ती और बोलेया, "मेरी छोटी बेटी मरने वाल़ी ए, तुसे मेरे कअरे आई की तेसा पाँदे आथ राखो, ताकि से ठीक ऊई जाओ और जिऊँदी रओ।" 24 तेबे यीशु तेस साथे चली गे, और एक बड़ी पारी पीड़ बी तिना साथे आईगी, एथो तक की लोक तिना पाँदे रूड़ी जाओ थे।

35 यीशु ये बोलणे ई लगी रे थे कि प्रार्थना रे कअरो रे सरदारो रे कअरो ते कुछ लोक आए और बोलेया, "तेरी मुन्नी मरी गी। एबे गुरूओ खे कष्ट कऊँ लगी रा देणे?" 36 जो गल्ल सेयो करने लगी रे थे, से यीशुए अणसुणी करी की प्रार्थना रे कअरो रे सरदारो खे बोलेया, "डर नि; बस विश्वास राख।" 37 तेबे यीशुए पतरस, याकूब और तेसरा पाई यूहन्ने खे छाडी की कोई बी आपू साथे आऊणे नि दित्तेया। 38 तेबे प्रार्थना रे कअरो रे सरदारो रे कअरे पऊँची की तिने लोक रोंदे ऊए और राड़िया देंदे ऊए देखे। 39 तेबे यीशुए पीतरे जाई की तिना खे बोलेया, "तुसे रोणे और राड़िया कऊँ लगी रे देणे? तेरी मुन्नी मरी नि रई, पर सऊणे लगी री।" 40 सेयो ये गल्ल सुणी की यीशुए रा मजाक लगे ऊड़ाणे, पर तिने सब जणे बारे निकयाल़ी की मुन्निया रे माए-बाओ और आपणे तीनो चेलेया साथे पीतरे गया, जेती मुन्नी थी पड़ी री। 41 तेबे तिने मुन्निया रा आथ पकड़ी की तेसा खे बोलेया, "तलीता कूमी!" मतलब "ओ मुन्निए आऊँ ताखे बोलूँआ कि उठ।" 42 तेबे मुन्नी उठी और फटाफट चलणे-फिरने लगी। से बारा साला री थी। ये देखी की सारे लोक बऊत हैरान रई गे। 43 तेबे तिने तिना खे सावधान करी की बोलेया, "ये गल्ल केसी गे नि बोलणी और एसा मुन्निया खे कुछ खाणे खे देओ।"

Marcos 5:21-43

8. Jesus anda sobre as águas

Referência: Mateus 14:22-33
Explicação: Ao caminhar sobre o Mar da Galileia, Jesus mostra que não está sujeito às leis da física. O episódio também serve para tratar a fé e a dúvida no coração de Pedro.

यीशुए रा पाणिए पाँदे चलणा

22 तेबे यीशुए तेबुई आपणे चेले किस्तिया रे चढ़ाणे खे मजबूर कित्ते कि जदुओ तक आऊँ लोका खे बिदा करूँआ, तुसे तिजी ते पईले पार चली जाओ। 23 तेबे यीशु लोका खे बिदा करी की प्रार्थना करने खे लग पाह्ड़ो पाँदे चली गे और साँजा तक तेती कल्ले थे। 24 तेस बखते किस्ती तटो ते काफी आगे चली गी दी थी ओर अवा तेज ऊणे रिया बजा ते से समुद्रो रे लईरा साथे छूनके खाणे लगी, कऊँकि सामणी अवा थी। 25 तेबे यीशु राथियो रे चौथे पइरो रे समुद्रो रे चली की तिना गे आए। 26 चेले तिना खे समुद्रो रे चलदे ऊए देखी की कबराइगे और बोलणे लगे, "ए तो पूत ए," और सेयो डरी गे और चींगणे लगे। 27 यीशुए तेबुई तिना साथे गल्ला कित्तिया और बोलेया, "ईम्मत राखो, आऊँ ए, डरो नि।" 28 पतरसे तिना खे बोलेया, "ओ प्रभु! जे तुसे ईए, तो माखे आपू गे चली की आऊणे री आज्ञा देयो।" 29 यीशुए बोलेया, "आईजा।" तेबे पतरस किस्तिया ते पाणिए बीचे उतरेया और यीशुए गे जाणे खे पाणिए बीचे चलणे लगेया।

30 पर से पाणिए खे देखी की जो समुद्रो रे अवा साथे लईरा उठणे लगी री थिया देखी की डरीगा और जेबे डूबणे लगेया, तेबे चींगी की बोलणे लगेया, "ओ प्रभु, माखे बचा।" 31 यीशुए फटाफट आपणा आथ आगे कित्तेया और से बचाईता और तेसखे बोलेया, "ओ कम विश्वास करने वाल़े, तैं शक कऊँ कित्तेया?" 32 जेबे सेयो किस्तिया रे चढ़ीगे, तेबे अवा रूकी गी। 33 ये देखी की जो किस्तिया रे थे तिने तिना गे माथा टेकी की बोलेया, "सच्ची तुसे परमेशरो रे पुत्र ए।"

Mateus 14:22-33

9. Cura do paralítico

Referência: Marcos 2:1-12
Explicação: Jesus cura o corpo, mas primeiro perdoa os pecados. Este milagre estabelece que sua missão principal é a reconciliação espiritual do homem com Deus.

अदरंगो रे रोगिए खे ठीक करना

1 कुछ दिना ते बाद यीशु फेर कफरनहूमो नगरो खे आए और सुणने बीचे आया कि सेयो कअरे ए। 2 तेबे इतणे लोक कट्ठे ऊईगे कि द्वारो पाँदे बी खड़ने खे जगा नि रई और यीशु तिना खे वचन सुनाणे लगी रे थे। 3 तेबे लोक एक अदरंगो रे रोगिए खे चार माणूंआ ते चकाई की तिना गे ली आए। 4 पर जेबे सेयो पीड़ा रिया बजअ ते यीशुए गे नि पऊँची सके, तेबे तिने से छत जेते निठे यीशु थे, खोली ता और जेबे सेयो तेस पटी चुके, तेबे से मांजा जेते पाँदे अदरंगो रा रोगी पड़ी रा था, यीशुए रे सामणे त्वारेया। 5 यीशुए तिना रा विश्वास देखी की तेस अदरंगो रे रोगिए खे बोलेया, "ओ पाऊआ, तेरे पाप माफ ऊईगे।"

6 तेबे कुछ शास्त्री जो तेती बैठी रे थे, आपणे-आपणे मनो रे सोचणे लगे, 7 "ये माणूं कऊँ एड़ा बोलोआ? ये तो परमेशरो री निन्दा करने लगी रा। परमेशरो खे छाडी की ओर कुण पाप माफ करी सकोआ?" 8 यीशुए तेबुई आपणी आत्मा रे जाणी ला कि सेयो आपणे मनो रे एड़ा लगी रे सोचणे तेबे तिने तिना खे बोलेया, "तुसे आपणे-आपणे मनो रे एड़ा बिचार कऊँ करने लगी रे? 9 ये बोलणा बऊत आसान ए कि तेरे पाप माफ ऊईगे पर ये बोलणा बऊत कठण ए कि आपणा मांजा चकी की चल फिर। 10 इजी री खातर तुसे जाणी लओ कि मां माणूं रे पुत्रो खे तरतिया पाँदे पाप माफ करने रा बी अक्क ए।" यीशुए तेस अदरंगो रे रोगिए खे बोलेया, 11 "आऊँ ताखे बोलूँआ कि उठ! आपणा मांजा चकी की आपणे कअरो खे चली जा" 12 से उठेया और तेबु आपणा मांजा चकी की सबी रे सामणे ते निकल़ी की चली गा। तेबे सब हैरान ऊईगे और परमेशरो री तारीफ करी की बोलणे लगे, "आसे एड़ा कदी पनि देखेया।"

Marcos 2:1-12

10. Ressurreição de Lázaro

Referência: João 11:1-44
Explicação: O milagre mais impactante antes da crucificação. Ao ressuscitar alguém morto há quatro dias, Jesus declara: "Eu sou a ressurreição e a vida".

लाजरो री मौत

1 मरियम और तेसा री बईण मार्था रे गांव बैतनिय्याहो रे लाजर नाओं रा एक माणूं बमार था। 2 ये सेई मरियम थी, जेसे यीशुए रे पैरा पाँदे इत्र मल़ी की आपणे बाल़ो साथे टूसे थे। एसा रा ई पाई लाजर बमार था। 3 तेबे तेसा री बईणे तिना खे संदेशा पेजेया, "ओ प्रभु! देख, जेस साथे तुसे प्यार राखोए, से बमार ऊई रा।" 4 ये सुणी की यीशुए बोलेया, "ये बमारी मरने जोगी निए, बल्कि परमेशरो री महिमा खे ए, ताकि तेसरी बजअ ते परमेशरो रे पुत्रो री महिमा ओ।"

5 यीशु मार्था और तेसा री बईण और तिना रे पाई लाजरो खे प्यार करो थे। 6 तो जेबे तिने सुणेया कि से बमार ए, तेबे जेती सेयो थे, तेती दो दिन ओर रूकी गे। 7 तेबे दो दिनो ते बाद तिने आपणे चेलेया खे बोलेया, "आओ, आसे फेर यहूदिया प्रदेशो खे चलूँए।" 8 चेलेया तिना खे बोलेया, "ओ गुरू! एबु तो यहूदी अगुवे तुसा पाँदे पत्थराव करना चाओ थे और क्या तुसे फेर बी तेथी जाणा चाओए।" 9 यीशुए बोलेया, "क्या दिनो रे बारा कंटे नि ऊँदे? जे कोई दिने चलो तो कोई ठोकर नि खांदा कऊँकि से एसा दुनिया रा प्रयासा देखोआ। 10 पर जे कोई राथियो खे चलोआ, तो से ठोकर खाओआ, कऊँकि तेसरे प्रयासा निए।" 11 तिने यो गल्ला बोलिया और इजी ते बाद तिना खे बोलणे लगे, "आसा रा दोस्त लाजर सयी गा रा, पर आऊँ तेसखे जगाणे चली रा।"

12 तेबे चेलेया तिना खे बोलेया, "ओ प्रभु! जे से सयी रा तो से बची जाणा।" 13 यीशुए तो तेसरी मौता रे बारे रे बोलेया था, पर सेयो समजे कि तिने तेसरी नींजा ते सऊणे रे बारे रे बोलेया। 14 तेबे यीशुए तिना खे साफ बोली ता, "लाजर मरी गा रा 15 और आँऊ तुसा री बजअ ते खुश ए कि आऊँ तेती नि था, ताकि तुसे विश्वास करो, पर एबे आओ आसे तेसगे चलूँए।" 16 तेबे थोमे, जेसखे दिदुमुस बोलो थे, तिने आपणे साथले चेलेया खे बोलेया, "आओ, आसे बी तेस साथे मरने खे चलूँए।"

यीशु दुबारा जिऊँदा ऊणा और जिन्दगी

17 तेबे यीशुए खे बैतनिय्याह गांव रे आयी की पता चलेया कि लाजरो खे कब्रा रे राखे रे चार दिन ऊईगे रे। 18 बैतनिय्याह, यरूशलेमो ते नेड़े कोई तीन किलोमीटर था। 19 बऊत सारे यहूदी मरियम और मार्था रे गे तिना रे पाईए रे बुलावे खे आयी रे थे। 20 जेबे मार्थे यीशुए रे आऊणे रा समाचार सुणेया, तेबे से तिना खे मिलणे गयी, पर मरियम कअरे ई बैठी री रई। 21 मार्थे यीशुए खे बोलेया, "ओ प्रभु! जे तुसे एती ऊँदे, तो मेरा पाई कदी नि मरदा 22 और एबे बी आऊँ जाणूंई कि जो कुछ तुसा परमेशरो ते मांगणा, से तुसा खे मिलणा।" 23 यीशुए तेसा खे बोलेया, "तेरा पाई जिऊँदा ऊई जाणा।" 24 मार्थे तिना खे बोलेया, "आऊँ जाणूंई कि आखरी दिना रे दुबारा जिऊँदा ऊणा रे बखते से फेर जी उठणा।" 25 यीशुए तेसा खे बोलेया, "दुबारा जिऊँदा ऊणा और जीवन आऊँ ईए, जे कोई मां पाँदे विश्वास करोआ, से जे मरी बी जाओ, तेबे बी जिऊणा। 26 और जो कोई जिओआ और मां पाँदे विश्वास करोआ, से अनन्तकालो तक नि मरना। क्या तूँ एसा गल्ला पाँदे विश्वास करेई?" 27 तेसे तिना खे बोलेया, "आ, ओ प्रभु, आऊँ विश्वास करी चूकी री कि परमेशरो रा पुत्र मसीह, जो दुनिया रे आऊणे वाल़ा था, सेयो तुसेई ये।"

यीशु रोया

28 ये बोली की से चली गी और आपणी बईण मरियमा खे चोरिए जे बुलाई की बोलेया, "गुरू एथी ई ये और ताखे बुलाणे लगी रा।" 29 ये सुणदे ई से फटाफट उठी की तिना गे आयी। 30 यीशु एबुए तक गांव रे नि पऊँची रे थे, बल्कि तेथी थे, जेती मार्था तिना खे मिली थी। 31 तेबे जो यहूदी तेसा साथे कअरे थे और तेसा खे शान्ति देणे लगी रे थे। ये देखी की कि मरियम फटाफट उठी की बारे चली गी री, सेयो समजे कि से कब्रा पाँदे रोणे जाई री, तेसा पीछे चली गे। 32 जेबे मरियम तेती पऊँची, जेती यीशु थे, तो तिना खे देखी की तिना रे पैरा पाँदे पड़ी की और बोलणे लगी, "ओ प्रभु! जे तुसे एती उँदे, तो मेरा पाई कदी नि मरदा।" 33 जेबे यीशुए तेसा खे और तिना यहूदिया खे, जो तेसा साथे आए थे, रोंदे ऊए देखेया, तो आत्मा रे बऊत उदास और बेचैन ऊईगा 34 और तिने बोलेया, "तुसे तेसरा शरीर केयी दबाई राखेया?" तिने तिना खे बोलेया, "ओ प्रभु! चली की देखी लो।" 35 यीशुए री आखी रे पाणी आईगा। 36 तेबे यहूदिये बोलेया, "देखो, ये तेसखे कितणा प्यार करो था।" 37 पर तिना बीचा ते बऊत जणेया बोलेया, "क्या ये, जिने अन्दे री आखी ठीक कित्तिया, ये पनि करी सकेया कि तेसखे मरने ते बचाई देओ?"

लाजरो खे जिऊँदा करना

38 यीशु मनो रे उदास ऊई की कब्रा पाँदे आए, से एक गुफा थी और एक पात्थर तेते पाँदे राखी राखेया था। 39 यीशुए बोलेया, "पात्थरो खे टाओ।" तेस मरे री बईण मार्था तिना खे बोलणे लगी, "ओ प्रभु! तेसते तो एबे बास आओए, कऊँकि तेसखे मरे रे चार दिन ऊईगे रे।" 40 यीशुए तेसा खे बोलेया, "क्या मैं ताखे नि बोली राखेया था कि जे तूँ विश्वास करेगी, तो परमेशरो री महिमा खे देखेगी।" 41 तेबे तिने से पात्थर टाया, तेबे यीशुए आखी चकी की बोलेया, "ओ पिता आऊँ तेरा धन्यवाद करूँआ कि तैं मेरी प्रार्थना सुणी ली री 42 और आऊँ जाणूं था कि तूँ मेरी सदा सुणेया, पर जो पीड़ नेड़े-तेड़े खड़ी री, तिना री बजअ ते मैं बोलेया, ताकि सेयो विश्वास करो कि तैं आऊँ पेजी राखेया।" 43 ये बोली की तिने जोरे की बोलेया, "ओ लाजर, कब्रा ते बारे निकल़ी की आईजा।" 44 जो मरी गा था, से कफनो ते आथ पैर बानेया रा निकल़ी गा और तेसरा मूँ टाल्ले की लपेटे रा था, यीशुए बोलेया, "एसखे खोली की जाणे देओ।"

João 11:1-44

Conclusão

Os milagres de Jesus revelam sua autoridade sobre a natureza, as enfermidades, o mundo espiritual e até a morte. Eles não são apenas demonstrações de poder, mas sinais que apontam para sua identidade e missão.

Ao estudar esses milagres, é possível compreender melhor o papel de Jesus e a mensagem central do Evangelho.

Se este conteúdo ajudou você a entender os milagres de Jesus na Bíblia, compartilhe este artigo para que mais pessoas também conheçam esses ensinamentos.