10 Milagres de Jesus na Bíblia: Lista com versículos e explicação

Os milagres de Jesus são muito mais do que demonstrações de poder sobrenatural; eles são sinais que confirmam sua divindade e missão. Ao longo dos Evangelhos, vemos Cristo curando enfermos, dominando a natureza e vencendo a morte.

Neste guia, selecionamos 10 milagres de Jesus na Bíblia, organizados com referências e uma breve explicação sobre o impacto espiritual de cada um deles.

Os principais milagres de Jesus nos Evangelhos

1. Transformação da Água em Vinho

Referência: João 2:1-11
Explicação: Ocorreu nas Bodas de Caná. Sendo o seu primeiro milagre público, Jesus demonstrou autoridade sobre a matéria e a natureza, revelando sua glória aos discípulos e abençoando a instituição da família.

ကာနဗြို့ဟှအီတတ်ဗွဲ

1 သောင်းရစ်မြော့-က်နေ့မာ ဂါလိလဲနယ် ကာနဗြို့မာ အီတတ်ဗွဲလောက်လေဟှယ်။ အယ်ပွဲမာ ယေရှုရဲ့ မိလည်း ရှိနေဟှယ်။ 2 အယ်ဘီးဟှာ ယေရှုန တဗဲ့တော်လေဟှိုလည်း အီတတ်ဗွဲဟှို ဖိဟှားလေဟှယ်။ 3 ဝိုင်ကူဟှားခီမာ ယေရှုရဲ့မိဟှ "သူးနို့မာ ဝိုင်ကူဟှားဘီ" ဆိုဘီး ကိုယ်တော့်ဟှို ပြောလေဟှယ်။

4 ယေရှုဟှ "ဝှေ့မီးမ၊ နို့ဟှို ဖြားလောက်ရမယ် ဆိုဘီး ပြောန။ နို့ခီဟှာ ခုထိ ရော့-က်သေးဟှ" ဆိုဘီး ပ္လန်ပြောဟှယ်။

5 အယ်ဘီးန ယေရှုရဲ့ မိဟှ "နန်းနို့ဟှို သူစေခိုင်းဟှူတိုင်း လောက်ဂေ့" ဆိုဘီး စေခံလေဟှို ပြောလိုက်ဟှယ်။

6 ယုဒလူလေမာ ဘာသာဓလေ့တိုင်း ဆေးကြောဇာနဆိုင်ဟှူ စည်းမျဉ်းလေရှိဟှယ်။ အယ်စည်းမျဉ်းလေကြောန့် အယ်နေရာမာ က္လော့-က်ရေအိုး ခြော့-က်လောင်းရှိဘီး ရေအိုးဂီးတလောင်းစီဟှာ ဂါလံနှေ့ဆယ်န သောင်းဆယ်ကြား ဝမ်ဆံ့ဟှယ်။ 7 ယေရှုဟှ "အယ်ရေအိုးလေဟှို ရေဖ္လဲ့ဂေ့" ဆိုဘီး စေခံလေဟှို ပြောလိုက်ဟှယ်။ သူးနို့ဟှာ ပ္လဲ့အောန် ဖ္လဲ့ဂေ့ဟှယ်။ 8 အယ်ဘီးန ကိုယ်တော်ဟှ "ခု အယ်အိုးထဲဟှရေဟှို ခပ်ဘီးဟှာ ပွဲအောက်နားဟှို ယူဟှားဂေ့" ဆိုဘီး သူးနို့ဟှို ပြောလိုက်ဟှယ်။ သူးနို့ဟှာ ရေဟှို ယူဟှားဟှယ်။ 9 ခု အယ်ရေဟှာ ဝိုင်ဖြစ် ပ္လောန်းလဲဟှားဘီး ပွဲအောက်ဟှ ဗြည်းလေဟှယ်။ အယ်ဝိုင်ဟှာ ဖယ်နေရာဟှ ရလာဟှယ် ဆိုဇာဟှို သူသိဟှ။ အယ်ဘေမဲ့ ရေခပ်လာဟှူ စေခံလေဟှာ ကောန်းကောန်းဟှားသိနေဟှယ်။ အယ်ကြောန့် သူဟှာ ဒို့သားဟှို ခေါ်လိုက်ဘီး၊ 10 "လူတိုင်းဟှာ ကောန်းဆောင်း ဝိုင်နဘဲ့ ဦးဆောင်းဧည့်ခံဟှယ်။ ဧည့်သည်လေ ဘောင်ဂီးသော့-က်ဘီးမှ ညံ့ဟှူဝိုင်န ဧည့်ခံဟှယ်။ အယ်ဘေမဲ့ နန်ဟှ ကောန်းဆောင်း ဝိုင်ဟှို ခုထိသီးဟှားလေဟှယ်!" ဆိုဘီး ပြောလေဟှယ်။

11 ယေရှုဟှာ ဦးဆောင်း နိမိတ်လတ်ခဏာဟှို ဂါလိလဲနယ် ကာနဗြို့မာ လောက်ဘီးဟှာ မိမိရဲ့ ဖောင်းသရေတော်ဟှို ဖွမ့်ပြလေဟှယ်။ အယ်ဘီးန တဗဲ့တော်လေဟှာ ကိုယ်တော့်ဟှို ယောင်ကြည်ဂေ့ဟှယ်။

João 2:1-11

2. Cura do cego de nascença

Referência: João 9:1-12
Explicação: Jesus usa lodo para curar um homem que nunca havia enxergado. Este milagre prova que Ele é a Luz do Mundo e tem poder para restaurar o que nasceu com defeito.

ယေရှုဟှာ မွီးဂဒဲဟှ မျစ်စိကန်းနေဟှူ လူတယော့-က်ဟှို ဗြင်စေဟှူကြောန်း

1 ယေရှုဟှာ လမ်းရှော့-က်သွားနေဒူးမာ မွီးဂဒဲဟှ မျစ်စိကန်းနေဟှူ လူတယော့-က်ဟှို တွိတော်မူဟှယ်။ 2 ကိုယ်တော်ရဲ့ တဗဲ့တော်လေဟှ ကိုယ်တော့်ဟှို "ဆရာ၊ အယ်လူဟှာ မွီးဂဒဲဟှ မျစ်စိကန်းနေဇာဟှ ဖယ်လူရဲ့ ပြစ်ကြောန့်နူး။ သူ့ရဲ့ ပြစ်ကြောန့်လော။ သူ့မိဖရဲ့ ပြစ်ကြောန့်လော" ဆိုဘီး မေးဂေ့ဟှယ်။

3 ယေရှုဟှ "သူ့ရဲ့ ပြစ်ကြောန့်လည်း မှုဟှ။ သူ့မိဖရဲ့ ပြစ်ကြောန့်လည်း မှုဟှ။ သူ့မာ ဘုရားသခင်ရဲ့ တဂိုးတော်ဟှာ ထန်ရှားစေဟှို့တွပ်ဖြစ်ဟှယ်။ 4 နို့လေဟှာ ငါ့ဟှို စေလွှတ်ဟှူသူရဲ့ မှုတော်ဟှို နေ့ခီမာ လောက်ဆောန်ရမယ်။ ဖယ်လူလည်း လောက်နိုင်ဘဲဟှူ ညဉ့်ခီ ရော့-က်လာလေ့မယ်။ 5 ငါဟှာ လောကမာ ရှိနေဟှူ ခီမာ ငါဟှာ လောကတွပ် လန်းရောန်ဖြစ်ဟှယ်" ဆိုဘီး ဖြေတော်မူလေဟှယ်။

6 ယေရှုဟှာ အယ်မျိုး မိန့်တော်မူဘီးန မ္လေဂီးထတ်ဟှို ထွီးရယ်န ထွီးဘီးဟှာ အယ်ထွီးရယ်န ဗယ်ဟှို နယ်လိုက်ဟှယ်။ ကိုယ်တော်ဟှာ အယ်လူရဲ့ မျစ်စိလေဟှို ဗယ်နလူးပေးလိုက်ဘီး 7 သူ့ဟှို "ရှိလောင်ရေကန်မာ သွားဘီးဆေးလိုက်" ဆိုဘီး မိန့်တော်မူလေဟှယ်။ ရှိလောင် နာမယ်ဟှာ "စေလွှတ်ဟှယ်" ဆိုဘီး ဓိပါယ်ရဟှယ်။ အယ်ကြောန့် အယ်လူဟှာ သွားဘီး သူ့မျစ်နှာဟှို ဆေးလိုက်ဟှူ ခီမာ မျစ်စိဗြင်ဟှားဘီး ပ္လန်လာလေဟှယ်။

8 အီဇနီးရှင်းလေန ရင်းရင်ဒူးဟှ တောန်းဇားနေဟှူ သူ့ဟှို ဗြင်ဖူးဟှူလူလေဟှ "အယ်လူဟှာ ထိုင်ဘီးတောန်းဇားနေဟှူလူ မှုဟှလော" ဆိုဘီး မေးဂေ့ဟှယ်။

9 တချို့ဟှ "အယ်လူဘဲ့ ဖြစ်ဟှယ်" ဆိုဘီး ပြောဂေ့ဟှယ်။ အယ်ဘေမဲ့ တချို့ဟှ "အယ်လူ မှုဟှ။ အယ်လူန တူဇာဖြစ်ဟှယ်" ဆိုဘီး ပြောဂေ့ဟှယ်။

အယ်ကြောန့် အယ်လူကိုယ်တိုင်ဟှ "အယ်လူဟှာ ငါဘဲ့ဖြစ်ဟှယ်" ဆိုဘီး ပြောဟှယ်။

10 သူးနို့ဟှ "နန်ဟှ ဖယ်မျိုးဖြစ်ကြောန့် မျစ်စိဗြင်ဟှားနူး" ဆိုဘီး မေးဂေ့ဟှယ်။

11 သူဟှ "ယေရှု ဆိုဘီး ခေါ်ဟှူလူဟှ ဗယ်ဟှို လောက်ဘီး ကျွန်တော်ရဲ့မျစ်စိဟှို ဗယ်နလူးပေးဘီးဟှာ ရှိလောင်ရေကန်ဟှို သွားဘီးဆေးဟှို့ပြောဟှယ်။ အယ်ကြောန့် ကျွန်တော်ဟှာ သွားဘီးငါ့မျစ်နှာဟှို ဆေးလိုက်ဟှူန မျစ်စိဗြင်ဟှားလေဟှယ်" ဆိုဘီး ဖြေလေဟှယ်။

12 သူးနို့ဟှ "အယ်လူဟှာ ဖယ်နားမာနူး" ဆိုဘီး မေးဂေ့ဟှယ်။

သူဟှ "ကျွန်တော်သိဟှ" ဆိုဘီး ဖြေလေဟှယ်။

João 9:1-12

3. Multiplicação dos pães e peixes

Referência: Mateus 14:13-21
Explicação: Com apenas cinco pães e dois peixes, Jesus alimentou mais de 5 mil homens. Este sinal revela Cristo como o Pão da Vida, aquele que supre todas as nossas necessidades.

လူငါးထောန်ဟှို စားဇာကျွေးဟှူကြောန်း

13 အယ်ဒန်းဟှို ယေရှုကြားရဟှူ ခီမာ လူသူကင်းရှင်းဟှူ နေရာဟှို လှေစီးဘီး ကြွဟှားလေဟှယ်။ ဗြို့ဝါလေဟှ လူလေလည်း အယ်ကြောန်းဟှို ကြားရဂေ့ကြောန့် နော့-က်တော်ဟှို ကူးကြောန်းလိုက်ဂေ့လေဟှယ်။ 14 ယေရှုဟှာ လှေဟှနေ ဆင်းလိုက်ဘီး လူအောက်ဂီးဟှို ဗြင်ရခီမာ သူးနို့ဟှို သနားဟှူစိ ရှိတော်မူဘီး ဖျားနာနေဟှူလူလေ ဂူလောင်းဟှို ကျန်းမာစေလေဟှယ်။

15 နေဒန်ဇာ ရော့-က်လာဟှူ ခီမာ တဗဲ့တော်လေဟှာ ကိုယ်တော်နားဟှို လာဘီး "အယ်နေရာဟှာ လူသူကင်းဝီးဟှူ နေရာဖြစ်ဘီး ခီလည်း နော့-က်က္လဟှားဘီ။ လူလေဟှို စေလွှတ်ဘီးဟှာ ဝါလေမာ စားဇာဝယ်ခိုင်းဟှို့တွပ် သွားခွမ့်ပေးပါ" ဆိုဘီး လျှော့-က်ဂေ့လေဟှယ်။

16 ယေရှုဟှ "သူးနို့လေ သွားဇာလိုဟှ။ အယ်သူလေစားဟှို့ စားဇာဟှို နန်းနို့လေ ကိုယ်တိုင် ပေးဂေ့ပါ!" ဆိုဘီး မိန့်တော်မူလေဟှယ်။

17 တဗဲ့တော်လေဟှ "မုငါးလောင်းန ငါးနှေ့ကောန်ဘဲ့ ကျွန်တော်ဟှားလေမာ ရှိပါဟှယ်" ဆိုဘီး ပ္လန်လျှော့-က်လေဟှယ်။

18 ယေရှုဟှ "အယ်မုန ငါးဟှို ယူလာပါ" ဆိုဘီး မိန့်တော်မူလေဟှယ်။ 19 ကိုယ်တော်ဟှ လူလေဟှို ဗြစ်ပ္လန်ထတ်မာ ထိုင်ဟှို့ မိန့်တော်မူဘီးန မုငါးလောင်းန ငါးနှေ့ကောန်ဟှို ယူဘီး ကောန်းဂန်ထတ်ဟှို မျှော်ကေ့ဘီးဟှာ ဘုရားသခင်ဟှို ကျေးဇူးတော် ချီးမွမ်းလေဟှယ်။ အယ်ဘီးမှ မုန ငါးဟှို ဖဲ့ဘီး တဗဲ့တော်လေဟှို ပေးလေဟှယ်။ တဗဲ့တော်လေဟှလည်း လူလေဟှို ပေးလေဟှယ်။ 20 လူလေဂူလောင်းဟှာ စားဘီး ဗိုက်ပ္လဲ့ဟှားဟှယ်။ အယ်ဘီးန တဗဲ့တော်လေဟှာ စားဘီး ကျန်ဇာလေဟှို စုသီးလိုက်ဇာ ဆယ့်နှေ့တောန်းပ္လဲ့ ရဂေ့ဟှယ်။ 21 မီးမန သားဂန်းဟှားလေပါဘဲန စားဂေ့ဟှူ ယော့-က်ကျား ရေတွပ်ဟှာ ��,�� လော့-က် ရှိလေဟှယ်။

Mateus 14:13-21

4. Jesus acalma a tempestade

Referência: Marcos 4:35-41
Explicação: Com uma ordem, o vento e o mar se aquietam. O milagre ensina sobre a paz que excede o entendimento e a autoridade do Messias sobre a criação.

ယေရှုဟှာ လေမှောန်တိုင်းဟှို ငြီးစေဟှူကြောန်း

35 အယ်နေ့ နေဒန်ဇာမာ ယေရှုဟှ "အိုင်ရဲ့ ဟှို့ဖတ်ကမ်းဟှို ကူးဂေ့ဇို့" ဆိုဘီး တဗဲ့တော်လေဟှို မိန့်တော်မူလေဟှယ်။ 36 အယ်ကြောန့် သူးနို့ဟှာ လူအောက်ဂီးဟှို ထားရစ်ဘီးဟှာ တဗဲ့တော်လေဟှာ လှေထတ်မာထိုင်နေဟှူ ယေရှုဟှို သူးနို့နတူးဒူ ခေါ်ဟှားဂေ့ဟှယ်။ အယ်နေရာမာ တခြားလှေလေလည်း ကိုယ်တော်နတူးဒူ လိုက်ဟှားဂေ့ဟှယ်။ 37 ရောက်တရစ် ပြင်းထန်ဟှူ လေမှောန်တိုင်းက္လလာဘီး လှိုင်းလေဟှာ လှေဟှို စဘီးဟှာ ရိုက်လေဟှယ်။ အယ်ကြောန့် လှေဟှာ ရေနပ္လဲ့ခါနီးနီး ဖြစ်ဟှားဟှယ်။ 38 ယေရှုဟှ လှေရဲ့ပဲ့မာ ခေါန်းအောင်း အောင်းဘီး အိနေဟှယ်။ တဗဲ့တော်လေဟှ ကိုယ်တော့်ဟှို နှိုးဂေ့ဘီး "ဆရာ၊ ကျွန်တော့်ဟှားလေ သေဟှို့ဖြစ်နေဂေ့ဇာဟှို ကိုယ်တော် ဂရုစိုက်ဘဲနနေဟှို့လော" ဆိုဘီး လျှော့-က်ဂေ့လေဟှယ်။

39 ယေရှုဟှ ထလာဘီးန လေနလှိုင်းဟှို မိန့်မှာဟှူ ခီမာ လေနလှိုင်းလည်း ငြီဟှားဘီး သာယာဟှားလေဟှယ်။ 40 အယ်ဘီးန ယေရှုဟှ တဗဲ့တော်လေဟှို "ဖြားဖြစ်ကြောန့် နန်းနို့လေ ကြော့-က်နေဂေ့နူး။ ခုထတ်ထိ နန်းနို့လေဟှ ယောင်ကြည်ရှင်း မှေ့သေးဟှလော" ဆိုဘီး မေးမြန်းလေဟှယ်။

41 အယ်ဘေမဲ့ သူးနို့လေဟှ ရရာတိုင်း ကြော့-က်နေဂေ့ဘီး "အယ်လူဟှ ဖယ်သူနူး။ လေနလှိုင်းလေတောန်မှ သူ့ဟှို နားထောန်ဂေ့ဟှယ်!" ဆိုဘီး သူးနို့ရှင်းရှင်း စဘီးဟှာ ပြောနေဂေ့ဟှယ်။

Marcos 4:35-41

5. Cura da mulher com fluxo de sangue

Referência: Marcos 5:25-34
Explicação: Uma cura que aconteceu pelo toque da fé. Jesus mostra que está atento ao sofrimento individual e que a fé é o canal para receber o milagre.

25 အယ်နေရာမာ ဆယ့်နှေ့နှစ် လောင်းလောင်း သွီးသွန်ရောဂါဟှို ပြင်းပြင်းထန်ထန် ခံစားနေရဟှူ မီးမတယော့-က်ရှိဟှယ်။ 26 သူဟှာ ဆရာဝန်လေ ဘောင်ဂီးနလည်း ကုသဟှားပီးဘီ။ သူ့ရဲ့ကပ်လေ ဂူလောင်းလည်း ကူဟှားဘေမဲ့ သတ်သာလာဟှို့ နေနေသာသာ ရောဂါဟှ ပိုဘီး ဆိုးလာဟှယ်။ 27 အယ်မီးမဟှာ ယေရှုကြောန်းဟှို ကြားဟှားလေဟှယ်။ အယ်ကြောန့် ဝတ်ဟှို တို့ဟှို့တွပ် ကိုယ်တော်နော့-က်ဟှ လူအောက်ဂီးထဲဟှို ရော့-က်လာဘီး 28 "ငါဟှာ ကိုယ်တော့်ဝတ်ဟှို တို့လိုက်မယ် ဆိုဟှာ ငါ့ဟှာ ကျန်းမာဟှားလေ့မယ်။" ဆိုဘီး သူ့ကိုယ်သူ ပြောနေလေဟှယ်။

29 သူဟှာ ကိုယ်တော်ရဲ့ ဝတ်လောင်ဟှို တို့လေဟှယ်။ တို့လိုက်ဟှူန သူ့ရဲ့ သွီးသွန်နေဇာလေဟှာ ရှစ်ရှင်းဘဲ့ ရပ်ဟှားဘီး၊ သူဟှာ ရောဂါပျော့-က်ဟှားဘီ ဆိုဇာဟှို သူ့ကိုယ်ထဲမာ ခံစားရနေဟှယ်။ 30 ရှစ်ရှင်းဘဲ့ ယေရှုဟှာ သူ့ကိုယ်ဟှ တဂိုးထွပ်ဟှားဇာဟှို သိဟှားကြောန့် လူအောက်ဂီးဖတ်ဟှို လှည့်ဘီးဟှာ "ငါ့ဝတ်ဟှို ဖယ်သူတို့နူး" ဆိုဘီး မေးလေဟှယ်။

31 တဗဲ့တော်လေဟှ "လူလေဟှ ကိုယ်တော့်ဟှို တိုးဝှေ့နေဇာဟှို ဗြင်းဗြင်ဟှိန၊ ‘ငါ့ဟှို ဖယ်သူတို့ဟှယ်နူး’ ဆိုဘီး ခုထိ ကိုယ်တော်ဟှာ မေးနိုင်သေးဟှယ်" ဆိုဘီး ပ္လန်လျှော့-က်လေဟှယ်။ 32 အယ်ဘေမဲ့ ယေရှုဟှာ အယ်ဇာဟှို ဖယ်သူလောက်ဟှယ် ဆိုဇာဟှို ဗြင်ဟှို့တွပ် ပတ်ပတ်လည်ဟှို ကေ့နေလေဟှယ်။ 33 အယ်မီးမဟှ သူ့မာ ဖြားမျိုးဖြစ်ဟှားဇာဟှို သိနားလည်ဟှားဟှယ်။ အယ်ကြောန့် သူဟှာ ကြော့-က်ကြော့-က်လန့်လန့်န ကိုယ်တော့်ခေရင်းမာ ဒူးထော့-က်ဘီးဟှာ မှန်တိုင်းပြောလေဟှယ်။ 34 ယေရှုဟှ "ငါ့သမီး၊ နန့်ရဲ့ ယောင်ကြည်ရှင်းဟှာ နန့်ဟှို ကျန်းမာစေဘီ။ ငြီသတ်ဘီးသွားပါ၊ နန့်ရဲ့ ဝေဒနာဟှနေ လွှတ်မြော့-က်စေ" ဆိုဘီး သူ့ဟှို မိန့်တော်မူလေဟှယ်။

Marcos 5:25-34

6. Libertação do endemoninhado Gadareno

Referência: Marcos 5:1-20
Explicação: Jesus liberta um homem dominado por uma legião de espíritos. É a prova clara de sua autoridade absoluta sobre o reino das trevas.

ယေရှုဟှာ ညစ်ညူးဟှူနတ်လေဟှို နှန်ထုဟှူကြောန်း

1 ယေရှုန တဗဲ့တော်လေဟှာ ဂါလိလဲအိုင်ရဲ့ ဟှို့ဖတ်ကမ်းမာရှိဟှူ ဂါဒရဒေသဟှို ရော့-က်လာဂေ့ဟှယ်။ 2 ယေရှုဟှ လှေထဲဟှ ထွပ်လာဟှူ ခီမာ လူတယော့-က်ဟှာ သန်းခ္လိုင်းထဲဟှနေ ထွပ်လာဘီး ကိုယ်တော့်ဟှို တွိဆောင်လေဟှယ်။ အယ်လူဟှာ ညစ်ညူးဟှူနတ် ဝမ်ပူးနေဘီး 3 သန်းခ္လိုင်းဂူလေ ကြားမာနေဟှယ်။ ဖယ်သူလဲ သူ့ဟှို တောက်နိုင်ဂေ့ဟှ။ သံကြိုးနဟှိုမှ ခယ်ဟှားနိုင်ဂေ့ဟှ။ 4 သူ့ရဲ့ ခေလေနလတ်လေဟှို ခါဘီးခါ ခယ်ဖူးဂေ့ဟှယ်။ အယ်ဘေမဲ့ သူဟှာ ခီတိုင်း သံကြိုးလေဟှို ဆွဲဖြတ်ဘီး ခေရှင်းလေဟှိုလည်း ဆွဲဖ္လဲလေဟှယ်။ သူဟှာ ရရာတိုင်း ခွန်အားကီးဟှူကြောန့် ဖယ်သူလည်း ထီးချောက်နိုင်ဂေ့ဟှ။ 5 နေ့ရောညဉ့်ရော သူဟှာ သန်းခ္လိုင်းဂူကြားလေန တောန်ဂူးထပ်လေမာ ရှော့-က်သွားနေဘီး၊ အော်ဘီးဟှာ သူ့ကိုယ်သူ ထတ်ဟှူက္လော့-က်တောင်းလေန လှီးဖြတ်နေဟှယ်။

6 သူဟှာ ယေရှုဟှို ဝီးဟှနေ ဗြင်ဟှူ ခီမာ ပ္လေးလာဘီးဟှာ ကိုယ်တော်ရဲ့ ခေတော်ရင်းမာ ပ္လားပ္လားပျပ်ဝပ်ဘီး 7 "ဗြစ်ဆောင်းဖြစ်ဟှူ ဘုရားသခင်ရဲ့ သားတော်ယေရှု! ကိုယ်တော်ဟှာ ကျွန်တော့်န ဖြားဆိုင်ကြောန့်နူး။ ကျွန်တော့်ဟှို ညှဉ်းဆဲပါန ဘုရားသခင်ဟှို အားကိုးဘီးဟှာ ကိုယ်တော့်ဟှို ကျွန်တော်တောန်းဗန်ဟှယ်!" ဆိုဘီး သံက္လယ်ဂီးန လျှော့-က်လေဟှယ်။ 8 သူအယ်မျိုးပြောဇာဟှာ ယေရှုဟှ "ညစ်ညူးဟှူနတ်၊ အယ်လူထဲဟှနေ ထွပ်ဟှား!" ဆိုဘီး ပြောဟှားဟှူကြောန့် ဖြစ်ဟှယ်။

9 ယေရှုဟှ "နန်းနို့နာမယ် ဖြားမျိုးခေါ်နူး" ဆိုဘီး မေးလိုက်ဟှယ်။

အယ်လူဟှ "ကျွန်တော့်လေဟှ ဘောင်ဂီးဖြစ်ဟှူကြောန့် ‘လေဂေါင်၊’ ‘လူအောက်ဂီး’ ဆိုဘီး ခေါ်ဂေ့ဟှယ်!" ဆိုဘီး ယေရှုဟှို ပ္လန်ပြောလိုက်ဟှယ်။ 10 ညစ်ညူးဟှူနတ် ပူးနေဟှူသူဟှာ နတ်ဆိုးလေဟှို အယ်နယ်ဟှနေဘီးဟှာ နှန်ထုဘဲနေဟှို့တွပ် ယေရှုဟှို တောန်းဗန်လေဟှယ်။

11 အယ်ခီမာ တောန်ဂူးထတ်မာ ဝပ်အောက်ဂီးဟှာ စာစားနေဂေ့ဟှယ်။ 12 နတ်ဆိုးလေဟှလည်း "ကျွန်တော့်လေဟှို အယ်ဝပ်လေထဲဟှို စေလွှတ်ပေးပါ။ သူးနို့ထဲဟှို ဝမ်ခွမ့်ပေးပါ" ဆိုဘီး ယေရှုဟှို တောန်းဗန်ဂေ့ဟှယ်။ 13 ယေရှုဟှ ခွမ့်ပေးလိုက်ဟှူကြောန့် ညစ်ညူးဟှူ နတ်လေဟှ ထွပ်ဟှားဘီး ဝပ်လေထဲဟှို ဝမ်ဂေ့လေဟှယ်။ ��,�� လော့-က်ရှိဟှူ ဝပ်အောက်ဂီးဟှာ အိုင်ကမ်းနားဟှို ပ္လေးဆင်းဟှားဘီး ရေမ္လောက်ဘီးဟှာ သေဟှားလေဟှယ်။

14 ဝပ်ထီးမားလေဟှ ထွပ်ပ္လေးဟှားဘီး ဗြို့န တောဝါလေနှံ့ အယ်ဒန်းဟှို လိုက်ပြောဂေ့ဟှယ်။ လူလေဟှာ ဖြားဇာလေ ဖြစ်ဟှားဟှယ် ဆိုဇာဟှို ကေ့ဟှို့ ထွပ်လာဂေ့ဟှယ်။ 15 သူးနို့လေဟှ ယေရှုနားဟှို ရော့-က်လာဟှူ ခီမာ သူးနို့လေဟှာ လေဂေါင်နတ်ဆိုးလေ ပူးခံရဟှူလူဟှို တွိဟှားလေဟှယ်။ အယ်လူဟှာ ဝတ်ဟှို ဝတ်ဟှားဘီး ပေါင်မှန်စိန အယ်နေရာမာ ထိုင်နေဟှူကြောန့် သူးနို့လေ ဂူလောင်းဟှာ ကြော့-က်နေဂေ့ဟှယ်။ 16 အယ်ဇာဟှို ဗြင်ဟှားဘီးဟှူ လူလေဟှ နတ်ဆိုးပူးနေဟှူ လူမာ ဖြားမျိုးဖြစ်ဟှားဇာန ဝပ်လေရဲ့ ကြောန်းဟှို အယ်လူလေဟှို ပြောပြဂေ့ဟှယ်။

17 အယ်ကြောန့် သူးနို့ဟှာ သူးနို့ရဲ့ နယ်ဟှနေ ထွပ်ဟှားဟှို့တွပ် ယေရှုဟှို တောန်းဗန်ဂေ့ဟှယ်။

18 ယေရှုဟှာ လှေထတ်ဟှို တတ်နေဒူးမာ နတ်ဆိုးပူးဖူးဟှူ လူဟှ "ကျွန်တော့်ဟှို ကိုယ်တော်နတူးဒူ သွားခွမ့်ပေးပါ!" ဆိုဘီး ကိုယ်တော့်ဟှို တောန်းဗန်လေဟှယ်။

19 အယ်ဘေမဲ့ ယေရှုဟှ သူ့ဟှို လိုက်ခွမ့်ပေးဟှ။ အယ်မျိုးလိုက်ခွမ့်ပေးမယ့်စား ကိုယ်တော်ဟှ "နန့်ရဲ့ မိသားစုနားဟှို ပ္လန်သွားဘီး ဘုရားသခင်ဟှာ နန့်တွပ် ဖယ်မျှလော့-က် လောက်ဆောန်ပေးဟှားဇာန နန့်ဟှို ဖယ်မျှသနားတော်မူကြောန်းဟှို သူးနို့လေဟှို ပြောပြပါ" ဆိုဘီး သူ့ဟှို မိန့်တော်မူလေဟှယ်။

20 အယ်ကြောန့် အယ်လူဟှ ထွပ်ဟှားဘီး ယေရှုဟှ သူ့တွပ် ဖြားဇာလေ လောက်ပေးဟှားဟှယ် ဆိုဇာဟှို ဒေကာပေါလိနယ်မာ စဘီးဟောပြောလေဟှယ်။ အယ်ကြောန်းဟှို ကြားရဟှူလူလေ ဂူလောင်းဟှာ အံ့ဩဂေ့ဟှယ်။

Marcos 5:1-20

7. Ressurreição da filha de Jairo

Referência: Marcos 5:21-43
Explicação: Jesus demonstra que a morte para Ele é como o sono. Ele restaura a vida de uma criança, trazendo esperança para uma família desesperada.

ယာဣရုရဲ့ သမီးန ယေရှုရဲ့ ဝတ်လောင်ဟှို တို့ဟှူမီးမကြောန်း

21 ယေရှုဟှ အိုင်ရဲ့ ဟှို့ဖတ်ကမ်းဟှို လှေန ပ္လန်ကူးဟှားလေဟှယ်။ အိုင်ဘေးနားမာ လူအောက်ဂီးဟှာ ကိုယ်တော်ပတ်လည်မာ စုလာဂေ့ဟှယ်။ 22 ယာဣရု နာမယ်ရှိဟှူ ဝါလယ်ဇရပ်မှူး တယော့-က်ဟှ ရော့-က်လာဘီးဟှာ ယေရှုဟှို ဗြင်ဟှူ ခီမာ သူဟှာ ကိုယ်တော့်ခေရင်းမာ ဒူးထော့-က်ဘီး၊ 23 "ကျွန်တော့်သမီးငယ်ဟှ သေခါနီး ဖြစ်နေဟှယ်။ ကြွလာဘီးဟှာ သူ့ထတ်မာ ကိုယ်တော်ရဲ့ လတ်ဟှို တန်တော်မှုပါ၊ အယ်ဆိုဟှာ သူဟှာ ကျန်းမာဘီး သတ်ရှင်လေ့မယ်!" ဆိုဘီး နူးညွတ် တောန်းဗန်လေဟှယ်။

24 အယ်ဆိုန ယေရှုဟှ သူ့နတူးဒူ လိုက်ဟှားဟှယ်။ လူလေဘောင်ဂီးဟှ ယေရှုနတူးဒူ လိုက်လာဟှူကြောန့် သူးနို့ဟှာ ဘေးပတ်ပတ်လည်ဟှနေ ကိုယ်တော့်ဟှို တိုးဝှေ့နေဂေ့ဟှယ်။

35 အယ်မျိုးပြောနေဒူးမာ ဝါလယ်ဇရပ်မှူးရဲ့ အီဟှ တမန်တချို့ဟှာ ရော့-က်လာဘီး "ကိုယ်တော်ရဲ့ သမီးဟှာ သေဟှားဘီ။ ဖြားဖြစ်ကြောန့် ဆရာဟှို နှော့-က်ယှစ်နေသေးနူး" ဆိုဘီး သူးနို့ဟှ ပြောလေဟှယ်။

36 ယေရှုဟှ သူးနို့ဖြားဇာဘဲ့ပြောပြော ဂရုစိုက်ဟှ။ အယ်ဘေမဲ့ "ကြော့-က်န။ ယောင်ကြည်ပါ" ဆိုဘီး ဝါလယ်ဇရပ်မှူးဟှို ပြောလိုက်ဟှယ်။ 37 အယ်ဘီးန ပေတရု၊ ယာကုပ်န သူ့ညီ ယောဟန်ဟှိုဘဲ့ ခေါ်ဘီးဟှာ တခြားဖယ်သူ့ဟှို့လည်း လိုက်ခိုင်းဟှ။ 38 သူးနို့ဟှာ ဝါလယ်ဇရပ်မှူးရဲ့ အီဟှို ရော့-က်ဟှူ ခီမာ ယေရှုဟှာ အောက်အောက်သဲသဲ ဖြစ်နေဇာလေဟှို ဗြင်ဟှားဘီး သူးနို့လေ ဂူလောင်းဟှာ သံက္လယ်ဟှီး အော်ဘီး ငိုနေဇာလေဟှို ကြားရလေဟှယ်။ 39 ကိုယ်တော်ဟှာ အီထဲဟှို ဝမ်ဟှားဘီး "ဖြားဖြစ်ကြောန့် နန်းနို့လေဟှ အယ်မျိုး အောက်အောက်သဲသဲ လောက်နေဂေ့နူး။ ဖြားဖြစ်ကြောန့်နန်းနို့လေဟှာ ငိုနေရဟှယ်နူး။ အယ်မီးမဂန်းဟှား သေနေဇာ မှုဟှ။ သူမဟှာ အိမွိနေဇာဖြစ်ဟှယ်!" ဆိုဘီး သူးနို့ဟှို မိန့်တော်မူလေဟှယ်။

40 အယ်လူလေဟှ ကိုယ်တော့်ဟှို ရယ်ဇားဂေ့ဟှယ်။ အယ်ကြောန့် ကိုယ်တော်ဟှာ သူးနို့လေ ဂူလောင်းဟှို ပ္လန်ဟှို ထွပ်ခိုင်းဘီးဟှာ မီးမဂန်းဟှားရဲ့ မိဖလေန ကိုယ်တော်နတူးဒူ ပါလာဟှူ တဗဲ့တော် သောင်းပါးဟှို ခေါ်ဘီး မီးမဂန်းဟှား ထားဟှားဟှူ နေရာဟှို သွားလေဟှယ်။ 41 ကိုယ်တော်ဟှာ သူ့ရဲ့လတ်ဟှို ကိုင်ဘီးဟှာ "တလိသ ကုမိ" ဆိုဘီး သူ့ဟှို ပြောလေဟှယ် "မီးမငယ်၊ နန့်ဟှို ငါပြောမယ်၊ ထလိုက်!" ဆိုဘီး ဓိပါယ်ရဟှယ်။

42 ရှစ်ရှင်းဘဲ့ သူဟှ ထဘီးဟှာ စဘီး ပတ်ပတ်လည် လမ်းရှော့-က်လေဟှယ်။ (သူဟှ သတ် ဆယ့်နှေ့နှစ်ရှိဟှယ်။) အယ်မျိုး ဖြစ်ပျစ်ဟှားဟှူ ခီမာ သူးနို့လေ ဂူလောင်းဟှာ ရရာတိုင်း အံ့ဩဟှားဂေ့ဟှယ်။ 43 အယ်ဘေမဲ့ ယေရှုဟှာ ဖယ်သူ့ဟှိုလည်း ပြောဘဲဟှို့တွပ် သူးနို့ဟှို တင်းတင်းကျပ်ကျပ်ဟှား မိန့်ပေးလိုက်ဟှယ်။ အယ်ဘီးဟှာ "သူ့ဟှို စားဟှို့တွပ် တခုခုပေးလိုက်ပါ" ဆိုဘီး မိန့်တော်မူလေဟှယ်။

Marcos 5:21-43

8. Jesus anda sobre as águas

Referência: Mateus 14:22-33
Explicação: Ao caminhar sobre o Mar da Galileia, Jesus mostra que não está sujeito às leis da física. O episódio também serve para tratar a fé e a dúvida no coração de Pedro.

ရေထတ်မာ လမ်းရှော့-က်ဟှူကြောန်း

22 အယ်ဘီးန ယေရှုဟှာ လူလေဟှို ပ္လန်လွှတ်လိုက်ခီမာ တဗဲ့တော်လေဟှိုလည်း လှေထတ်ဟှို တတ်စေဘီး ဟှိုဖတ်ကမ်းဟှို ရင်ဦးဆောင်း ကူးစေလေဟှယ်။ 23 ယေရှုဟှာ လူလေ ပ္လန်ဟှားဂေ့ဘီးန ဆုတောန်းဟှို့တွပ် တောန်ထတ်ဟှို ယော့-က်ဒဲ တတ်ဟှားတော်မူဟှယ်။ နေဒန်ဇာ ရော့-က်လာဟှူ ခီမာ အယ်နေရာမာ ယေရှုတပါးဒဲ ရှိတော်မူဘီး 24 တဗဲ့တော်လေရဲ့ လှေဟှလည်း ကမ်းန ရရာတိုင်း ကွာဟှားဘီး လေဆန်ဘီး လာနေကြောန့် လှိုင်းလေရဲ့ ရိုက်ခတ်ဇာဟှို ခံရလေဟှယ်။

25 မိုးသာထပိုင်းမာ ယေရှုဟှာ ရေထတ်မာ လမ်းရှော့-က်ဘီး တဗဲ့တော်လေနားဟှို ကြွလာတော်မူလေဟှယ်။ 26 တဗဲ့တော်လေဟှာ ရေထတ်မာ လမ်းရှော့-က်နေဟှူ ကိုယ်တော့်ဟှို ဗြင်ဟှူ ခီမာ ရရာတိုင်း ကြော့-က်လန့်ဟှားဂေ့ဘီး "ဖုကသေ!" ဆိုဘီး အော်ဂေ့လေဟှယ်။

27 ယေရှုဟှ "စိုးရိမ်ဂေ့န! ငါဘဲ့ဖြစ်ဟှယ်။ ကြော့-က်ဂေ့န!" ဆိုဘီး သူးနို့ဟှို ရှစ်ရှင်းဘဲ့ မိန့်တော်မူလေဟှယ်။

28 ပေတရုဟှ "သခင်၊ ကိုယ်တော်မှန်ဟှယ် ဆိုဟှာ ကျွန်တော်လည်း ရေထတ်မာ လမ်းရှော့-က်ဘီး ကိုယ်တော်နားဟှို လာဟှို့ မိန့်တော်မူပါ" ဆိုဘီး လျှော့-က်လေဟှယ်။

29 ယေရှုဟှ "လာပါ!" ဆိုဘီး မိန့်တော်မူလေဟှယ်။ အယ်ကြောန့် ပေတရုဟှာ လှေထတ်ဟှဆင်းဘီး ရေထပ်မာ လမ်းရှော့-က်ဟှားဘီး ယေရှုနားဟှို သွားလေဟှယ်။ 30 အယ်ဘေမဲ့ ကြမ်းထန်းဟှူလေဟှို ဗြင်ဟှူ ခီမာ ကြော့-က်လန့်ဟှားဘီး ရေထဲဟှို နစ်မ္လုစပြုဟှားဟှယ်။ "သခင်၊ ကျွန်တော်ဟှို ကယ်တော်မူပါ!" ဆိုဘီး အော်ဟစ်လေဟှယ်။

31 ယေရှုဟှ ရှစ်ရှင်းဘဲ လတ်တော်ဟှို ဆန့်ဘီးဟှာ ပေတရုဟှို ဆွဲကိုင်ဘီး "ယောင်ကြည်ရှင်း အားနဲဟှူလူ! ဖြားဖြစ်ကြောန့် ယောင်မှားဟှူ စိဖြစ်ရနူး" ဆိုဘီး မိန့်တော်မူလေဟှယ်။

32 သူးနို့နှေ့ယော့-က်ဟှာ လှေထတ်ဟှို ရော့-က်ဟှားဘီးန လေဟှာ ငြီဟှားလေဟှယ်။ 33 လှေထဲမာ ရှိဟှူ တဗဲ့တော်လေဟှလည်း ယေရှုဟှို ရှိခိုးလေဟှယ်။ "ကိုယ်တော်ဟှာ တကယ်ဘဲ့ ဘုရားသခင်ရဲ့ သားတော်ဖြစ်ဟှယ်!" ဆိုဘီး လျှော့-က်ဂေ့လေဟှယ်။

Mateus 14:22-33

9. Cura do paralítico

Referência: Marcos 2:1-12
Explicação: Jesus cura o corpo, mas primeiro perdoa os pecados. Este milagre estabelece que sua missão principal é a reconciliação espiritual do homem com Deus.

ယေရှုဟှာ လေဖြတ်ဟှူလူဟှို ကျန်းမာစေဟှူကြောန်း

1 ရစ်နဲနဲကြာဘီးန ယေရှုဟှာ ကပေရနောင်ဗြို့ဟှို ပ္လန်ဝမ်ဟှားဘီး၊ ကိုယ်တော်ဟှာ အီမာရှိနေဟှယ် ဆိုဘီး ဒန်းဟှို လူလေကြားဂေ့ဟှယ်။ 2 လူလေဘောင်ဂီးဟှာ ရော့-က်လာဂေ့ဟှူကြောန့် ခွဗော့-က်ဝပ္လန်မာလည်း နေရာလွတ် မှေ့ဟှမ်း။ ယေရှုဟှာ သူးနို့ဟှို တရားစကားဟှို ဟောပြောနေလေဟှယ်။ 3 အယ်ခီမာ လူလေးယော့-က်ဟှ ရော့-က်လာဘီး လေဖြတ်နေဟှူ လူတယော့-က်ဟှို ယေရှုနားဟှို သယ်လာဂေ့ဟှယ်။ 4 အယ်ဘေမဲ့လည်း လူအောက်ဂီးကြောန့် သူးနို့ဟှာ အယ်လူဟှို ကိုယ်တော်နားဟှို သယ်ဟှို့တတ်နိုင်ဟှမ်း။ အယ်ကြောန့် သူးနို့ဟှာ ယေရှုရှိဟှူ နေရာထတ်ဟှ ခေါန်မိုးဟှို ပေါ့-က်ဖော့-က်လိုက်ဟှယ်။ သူးနို့ဟှာ လေဖြတ်နေဟှူလူဟှို ထမ်းစင်န လျှောခ္လဂေ့ဟှယ်။ 5 ယေရှုဟှာ သူးနို့လေရဲ့ ယောင်ကြည်ရှင်းဟှို ဗြင်ဟှားဟှူ ခီမာ လေဖြတ်နေဟှူလူဟှို "ငါ့သား၊ နန့်ရဲ့ ပြစ်လေဟှာ ခွမ့်လွတ်ဇာခံရဘီ" ဆိုဘီး မိန့်တော်မူလေဟှယ်။

6 အယ်နေရာမာ ထိုင်နေဟှူ ကျမ်းတတ်ဆရာ တချို့ဟှ သူးနို့ရဲ့ စိထဲမာ စဉ်းစားနေဇာဟှ

7 "အယ်လူဟှာ ဖြားဖြစ်ကြောန့် အယ်မျိုးပြောနူး! သူဟှာ ပြစ်မှားနေဇာ ဖြစ်ဟှယ်! ဘုရားသခင် တပါးဒဲဘဲ့ ပြစ်လေဟှို လွတ်ပိုင်နိုင်ဟှယ်!"

8 သူးနို့ရဲ့ စိထဲမာ အယ်မျိုး စဉ်းစားနေဇာဟှို ယေရှုဟှာ ရှစ်ရှင်း သိဟှူကြောန့် "နန်းနို့လေဟှ ဖြားဖြစ်ကြောန့် အယ်ဇာလေဟှို စဉ်းစားနေဂေ့နူး။ 9 လေဖြတ်နေဟှူ လူဟှို ‘နန့်ရဲ့ ပြစ်ဟှို လွတ်ဟှားဘီ’ အယ်မျိုးမှုဘဲ့နေဟှာ ‘နန်ထလိုက်၊ နန့်ထမ်းစင်ဟှို ထမ်းဘီးသွားလိုက်’ ဆိုဘီး ဖယ်စကားဟှ ပိုဘီး ပြောဟှို့လွယ်နူး။ 10 အယ်ကြောန့် လူ့ရဲ့သားဟှာ မ္လေဂီးထတ်မာ ပြစ်လေလွှတ်ဟှို့ ခွမ့်အာဏာရှိဟှယ် ဆိုဇာ နန်းနို့လေဟှို ငါသတ်သေထူပြမယ်။" အယ်ကြောန့် ကိုယ်တော်ဟှ လတ်ခေသေနေဟှူ လူဟှို 11 "နန့်ဟှို ငါပြောမယ်။ ထဒန်။ နန့်ရဲ့ ထမ်းစင်ဟှို ကော့-က်ဘီးဟှာ အီဟှို ပ္လန်ဟှားလိုက်!" ဆိုဘီး ပြောလေဟှယ်။

12 လူလေ ဂူလောင်းဟှာ စောန့်ကေ့နေဒူးမာ အယ်လူဟှာ ထဘီး၊ သူ့ရဲ့ ထမ်းစင်ဟှို ယူဘီးဟှာ ထွပ်ဟှားလေဟှယ်။ သူးနို့လေ ဂူလောင်းဟှာ ရရာတိုင်း အံ့ဩဟှားဘီးဟှာ ဘုရားသခင်ဟှို ချီးမွမ်းဂေ့ဘီး "နို့လေဟှာ အယ်မျိုးဇာဟှို လောင်းဝဗြင်ဖူးဟှ!" ဆိုဘီး ပြောဂေ့ဟှယ်။

Marcos 2:1-12

10. Ressurreição de Lázaro

Referência: João 11:1-44
Explicação: O milagre mais impactante antes da crucificação. Ao ressuscitar alguém morto há quatro dias, Jesus declara: "Eu sou a ressurreição e a vida".

လာဇရုသေဟှူကြောန်း

1 ဗေသနိဝါမာနေဟှူ လာဇရုဟှာ နေကောန်းဘဲဖြစ်နေဟှယ်။ ဗေသနိဝါမာ ညီအေးမလေဖြစ်ဂေ့ဟှူ မာရိန မာသဟှာ နေထိုင်ဂေ့ဟှယ်။ 2 အယ်မာရိဟှာ သခင်ဘုရားရဲ့ ခေတော်ထတ်ဟှို ဆီမွှီးလောန်းခ္လဘီး ခေတော်ဟှို ဆားဗန်န သုပေးဟှူသူဖြစ်ဟှယ်။ နေကောန်းဘဲဖြစ်နေဟှူ လာဇရုဟှာ သူ့ရဲ့မောင်ဖြစ်ဟှယ်။ 3 ညီအေးမနှေ့ယော့-က်ဟှာ ယေရှုနားဟှို "သခင်၊ ကိုယ်တော်ရှစ်ဟှူလူဟှာ နေကောန်းဘဲ ဖြစ်နေဟှယ်" ဆိုဘီး ဒန်းစကားပို့လိုက်ဂေ့ဟှယ်။

4 အယ်ဒန်းဟှို ယေရှု ကြားလိုက်ခီမာ "အယ်နာဟှာ လာဇရုဟှို သေဟှို့မှုဘဲ ဘုရားသခင်ရဲ့ ဖောင်းသရေတော်ဟှို ထန်ရှားစေဘီး ဘုရားသခင်ရဲ့ သားတော်ဟှာလည်း ဖောင်းသရေတော် ထန်ရှားလေ့မယ်" ဆိုဘီး မိန့်တော်မူလေဟှယ်။

5 ယေရှုဟှာ မာသဟှိုရော၊ သူ့မရဲ့ ညီမဟှိုရော၊ လာဇရုဟှိုရော ရှစ်တော်မူဟှယ်။ 6 ကိုယ်တော်ဟှာ လာဇရုရဲ့ဒန်းဟှို ကြားဘေမဲ့လည်း အယ်နေရာမာ နှေ့ရစ်နေနေသေးဟှယ်။ 7 အယ်ဘီးန ကိုယ်တော်ဟှာ တဗဲ့တော်လေဟှို "ယုဒနယ်ဟှို ပ္လန်ဂေ့ဇို့" ဆိုဘီး မိန့်တော်မူလေဟှယ်။

8 တဗဲ့တော်လေဟှ "ဆရာ၊ ယုဒလူလေဟှာ ဆရာ့ဟှို စဒူးဟှဘဲ့သေး က္လော့-က်ခဲနပစ်ဟှို့ လောက်နေဂေ့ဟှယ်။ အယ်နေရာဟှိုဘဲ့ ပ္လန်ဘီးကြွတော်မူအူးလော" ဆိုဘီး မေးလျှော့-က်ဂေ့ဟှယ်။

9 ယေရှုဟှ "တနေ့မာ ဆယ့်နှေ့နာရီ ရှိဟှယ် မှုဟှလော။ အယ်ကြောန့် နေ့ခီမာ သွားလာဟှူ လူလေဟှာ ခလောက်တိုက်မိဂေ့ဟှ။ ဖြားဖြစ်ကြောန့်နူးဆိုဟှာ သူးနို့ဟှ လောကရဲ့ လန်းရောန်ဟှို ဗြင်ရဟှယ်။ 10 အယ်ဘေမဲ့ ညဉ့်မိုက်ဇာမာ သွားလာဟှူ လူလေဟှာ ခလောက်တိုက်မိဂေ့ဟှယ်။ ဖြားဖြစ်ကြောန့်နူးဆိုဟှာ သူးနို့မာ လန်းရောန်မှေ့ဟှ" ဆိုဘီး ဖြေတော်မူလေဟှယ်။ 11 ယေရှုဟှာ အယ်မျိုး မိန့်တော်မူဘီးန "နို့လေရဲ့ မိဆွေ လာဇရုဟှာ အိမွိဟှားဘီ။ သူ့ဟှို နှိုးဟှို့ ငါသွားမယ်" ဆိုဘီး မိန့်တော်မူလေဟှယ်။

12 တဗဲ့တော်လေဟှ "သခင်၊ သူဟှာ အိမွိနေဟှယ် ဆိုဟှာ ကျန်းမာလာလေ့မယ်" ဆိုဘီး ဖြေဂေ့ဟှယ်။

13 ယေရှုဟှာ လာဇရုသေဟှားကြောန်းဟှို မိန့်တော်မူနေ ဘေမဲ့လည်း အိမွိနေဇာဟှိုဘဲ့ မိန့်တော်မူနေဟှယ် ဆိုဘီး သူးနို့ထန်နေဂေ့ဟှယ်။ 14 အယ်ကြောန့် ယေရှုဟှာ သူးနို့ဟှို "လာဇရု သေဟှားဘီ။ 15 အယ်ဘေမဲ့ နန်းနို့လေ ယောင်ကြည်လာဟှို့တွပ်ကြောန့် အယ်နေရာမာ ငါမှေ့ဘဲဇာဟှာ နန်းနို့တွပ် ငါဝန်းသာဟှယ်။ သူ့နားဟှို သွားဂေ့ဇို့" ဆိုဘီး ပွမ့်ပွမ့်လန်းလန်းဟှား မိန့်တော်မူလေဟှယ်။

16 မြွှာဘ္လူး ဆိုဘီး ခေါ်ဟှူ သောမဟှာ သူ့ရဲ့ဖော်လေဟှို "နို့လေအားလောင်း ဆရာနတူးဒူ သေခံဟှို့ လိုက်ဟှားဂေ့ဇို့!" ဆိုဘီး ပြောလေဟှယ်။

သတ်ရှင်ဟှူန ရှင်ပ္လန်ထမြော့-က်ဟှူ ယေရှုကြောန်း

17 ယေရှု ရော့-က်လာတော်မူခီမာ လာဇရုဟှို သန်းခ္လိုင်းဂူမာ သင်္ဂြိုဟ်ဟှားဇာ လေးရစ်ရှိနေဘီ ဆိုဇာဟှို တွိဟှားတော်မူဟှယ်။ 18 ဗေသနိဝါဟှာ ယေရုရှလင်ဗြို့ဟှနေ နှေ့မိုင်လော့-က်ဘဲ့ ဝီးဟှယ်။ 19 ယုဒလူဘောင်ဂီးဟှာ မာသန မာရိရဲ့မောင် သေဟှားဟှူကြောန့် သူးနို့ဟှို နှစ်သိမ့်ဟှို့ လာဂေ့ဟှယ်။

20 မာသဟှာ ယေရှုကြွလာဟှယ် ဆိုဇာဟှို ကြားဟှူ ခီမာ ကိုယ်တော့်ဟှို ကြိုဆိုဟှို့ ထွပ်ဟှားလေဟှယ်။ မာရိဟှာ အီမာဘဲ့ နေရစ်ဟှယ်။ 21 မာသဟှာ ယေရှုဟှို "သခင်၊ ကိုယ်တော်ဟှာ အယ်နေရာမာရှိနေမယ် ဆိုဟှာ ကျွန်မမောင် သေဟှို့ မှုဟှ! 22 အယ်ဘေမဲ့ ခု ကိုယ်တော်ဟှာ ဘုရားသခင်နားမာ တောန်းတော်မူသမျှဟှို ဘုရားသခင် ပေးတော်မူမယ် ဆိုဇာဟှို ကျွန်မသိဟှယ်" ဆိုဘီး လျှော့-က်လေဟှယ်။

23 ယေရှုဟှ "နန့်မောင်ဟှာ သတ်ပ္လန်ရှင်လေ့မယ်" ဆိုဘီး သူ့ဟှို မိန့်တော်မူလိုက်ဟှယ်။

24 မာသဟှ "သူဟှာ နော့-က်ဆောင်းဟှူ နေ့မာ ရှင်ပ္လန်ထမြော့-က်လေ့မယ် ဆိုဇာဟှို ကျွန်မသိပါဟှယ်" ဆိုဘီး ပ္လန်လျှော့-က်ဟှယ်။

25 ယေရှုဟှာ သူ့ဟှို "ငါဟှာ ရှင်ပ္လန်ထမြော့-က်ရှင်း ဖြစ်ဟှယ်။ သတ်လည်း ဖြစ်ဟှယ်။ ငါ့ဟှို ယောင်ကြည်ဟှူ လူလေဟှာ သေဟှားဘေမဲ့လည်း ပ္လန်ရှင်လေ့မယ်။ 26 ငါ့ဟှို ယောင်ကြည်ဘီး သတ်ရှင်နေဟှူ လူလေဟှာ ကာလစဉ်ဆစ် သေရလေ့ဟှို့ မှုဟှ။ အယ်မူဇာဟှို နန်ယောင်ကြည်ဘဲ့လော" ဆိုဘီး မေးတော်မူလေဟှယ်။

27 သူဟှ "ယောင်ကြည်ပါဟှယ်။ သခင်! ကိုယ်တော်ဟှာ လောကဟှို ကြွလာတော်မူဟှူ ဘုရားသခင်ရဲ့ သားတော်၊ မေရှိယ ဖြစ်ဟှယ် ဆိုဇာဟှို ကျွန်မ ယောင်ကြည်ပါဟှယ်" ဆိုဘီး ပ္လန်လျှော့-က်လေဟှယ်။

ယေရှု ငိုတော်မူကြောန်း

28 မာသဟှာ အယ်မျိုး လျှော့-က်လိုက်ဘီးန အီဟှို ပ္လန်ဟှားဘီး ညီမမာရိဟှို တိတိဟှားခေါ်လိုက်ဟှယ်။ "ဆရာကြွလာတော်မူဘီ နန့်ဟှို မေးနေဟှယ်" ဆိုဘီး ပြောလိုက်ဟှယ်။ 29 မာရိဟှာ အယ်မျိုးကြားလိုက်ခီမာ ဗြန်းဗြန်ဟှား ထွပ်ဟှားဘီးဟှာ ကိုယ်တော်နားဟှို သွားလေဟှယ်။ 30 အယ်ခီမာ ယေရှုဟှာ ဝါထဲဟှို ရော့-က်သေးဘဲ မာသ လာတွိဟှူနေရာမာဘဲ့ ရှိနေသေးဟှယ်။ 31 မာရိဟှို နှစ်သိမ့်ပေးဟှို့ အီမာရှိနေဟှူ ယုဒလူလေဟှာ ဗြန်းဗြန်ဟှားထွပ်ဟှားဟှူ မာရိဟှို ဗြင်လိုက်ဟှယ်။ သူးနို့ဟှ ငိုဟှို့တွပ် သန်းခ္လိုင်းဂူဟှို ထွပ်ဟှားဟှယ် ဆိုဘီး ထန်နေဂေ့ဟှယ်။

32 မာရိဟှာ ယေရှုရှိနေဟှူ နေရာဟှို ရော့-က်ဟှားဘီး ကိုယ်တော့်ဟှို တွိဟှူန ခေတော်ရင်းမာ ဒူးထော့-က်လေဟှယ်။ "သခင်၊ ကိုယ်တော်ဟှာ အယ်နေရာမာ ရှိနေမယ် ဆိုဟှာ ကျွန်မမောင် သေဟှို့ မှုဟှ!" ဆိုဘီး လျှော့-က်လေဟှယ်။

33 ယေရှုဟှာ မာရိငိုနေဇာဟှိုရော၊ သူ့နတူးဒူလိုက်လာဟှူ ယုဒလူလေ ငိုနေဇာဟှိုရော ဗြင်ဟှူ ခီမာ ကိုယ်တော်ဟှာ ရရာတိုင်း စိကောန်းဘဲ ဖြစ်ဟှားဟှယ်။ 34 ကိုယ်တော်ဟှ "သူ့ဟှို ဖယ်မာ သင်္ဂြိုဟ်ဟှားဂေ့နူး" ဆိုဘီး သူးနို့ဟှို မေးတော်မူလေဟှယ်။

သူးနို့ဟှ "သခင်၊ ကြွဘီးကေ့တော်မူပါ" ဆိုဘီး ပ္လန်ဖြေတော်မူဂေ့ဟှယ်။

35 ယေရှုဟှာ ငိုတော်မူလေဟှယ်။ 36 အယ်ကြောန့် ယုဒလူလေဟှ "ကေ့ပါအူး၊ လာဇရုဟှို ရရာတိုင်း ရှစ်ဇမား!" ဆိုဘီး ပြောနေဂေ့ဟှယ်။

37 အယ်ဘေမဲ့ သူးနို့ထဲဟှ တချို့ဟှ "မျစ်စိကန်းနေဟှူ လူဟှို မျစ်စိပ္လန်ဗြင်အောန် လောက်ပေးဟှယ် မှုဟှလော။ လာဇရုဟှိုလည်း သေဘဲအောန် လောက်ပေးနိုင်ဟှလော" ဆိုဘီး ပြောဂေ့ဟှယ်။

လာဇရုဟှို သတ်ပ္လန်ရှင် စေတော်မူကြောန်း

38 နော့-က်ထပ်တခါ ဝန်းနဲလာဘီး ယေရှုဟှာ သန်းခ္လိုင်းဂူဟှို ကြွဟှားလေဟှယ်။ အယ်သန်းခ္လိုင်းဂူဝဟှို က္လော့-က်န ပိဟှားဟှယ်။ 39 ယေရှုဟှ "က္လော့-က်ဟှို ဖယ်ထုလိုက်!" ဆိုဘီး မိန့်တော်မူလေဟှယ်။

သေဟှားလူရဲ့မယ်ဖြစ်ဟှူ မာသဟှ "သခင်၊ ခုဆိုဟှာ နံနေလေ့မယ်။ သူ့ဟှို သင်္ဂြိုဟ်ဟှားဇာ လေးရစ်ရှိဟှားဘီ!" ဆိုဘီး ပ္လန်ဖြေလေဟှယ်။

40 ယေရှုဟှာ "နန်ယောင်ကြည်မယ် ဆိုဟှာ ဘုရားသခင်ရဲ့ ဖောင်းသရေတော်ဟှို ဗြင်ရလေ့မယ် ဆိုဇာ နန့်ဟှို ငါပြောဟှားပီးဘီ မှုဟှလော" ဆိုဘီး သူ့ဟှို မိန့်တော်မူလေဟှယ်။ 41 သူးနို့ဟှာ က္လော့-က်ဟှို ဖယ်ထုလိုက်ဟှယ်။ ယေရှုဟှာ မော့ကေ့ဘီး "ဖ၊ ကျွန်တော့်ရဲ့ စကားဟှို နားထောန်ဟှူကြောန့် ကျေးဇူးတန်ဟှယ်။ 42 ဖဟှာ ကျွန်တော့်ရဲ့ စကားဟှို မြဲဒမ်း နားထောန်ဟှယ် ဆိုဇာ နို့သိဟှယ်။ အယ်ဘေမဲ့ ကျွန်တော် အယ်မျိုးပြောဇာဟှ ဖဟှာ ကျွန်တော့်ဟှို စေလွတ်တော်မူဟှယ် ဆိုဇာဟှို အယ်နေရာမာ ရှိနေဟှူ လူလေဟှို သူးနို့ရဲ့ ကျိုးဟှို ကေ့ဘီး ယောင်ကြည်လာစေဟှို့ဘဲ့ ဖြစ်ဟှယ်" ဆိုဘီး ပြောလေဟှယ်။ 43 ကိုယ်တော်ဟှာ အယ်မျိုးပြောဘီးန သံကြမ်းကြမ်းန "လာဇရု၊ ထွပ်လာဟှား!" ဆိုဘီး ခေါ်ထုလိုက်ဟှယ်။ 44 သေဟှားဟှူလူဟှာ လတ်ခေလေမာ ဝတ်ကြိုးန ခယ်ဟှားဘီး မျစ်နှာမာလည်း ဝတ်န ပတ်ဟှားဘီး ထွပ်လာဟှယ်။ ယေရှုဟှ "သူ့ဟှို ကြိုးဖြေပေးဂေ့" ဆိုဘီး သူးနို့ဟှို မိန့်တော်မူလေဟှယ်။

João 11:1-44

Conclusão

Os milagres de Jesus revelam sua autoridade sobre a natureza, as enfermidades, o mundo espiritual e até a morte. Eles não são apenas demonstrações de poder, mas sinais que apontam para sua identidade e missão.

Ao estudar esses milagres, é possível compreender melhor o papel de Jesus e a mensagem central do Evangelho.

Se este conteúdo ajudou você a entender os milagres de Jesus na Bíblia, compartilhe este artigo para que mais pessoas também conheçam esses ensinamentos.