10 Milagres de Jesus na Bíblia: Lista com versículos e explicação

Os milagres de Jesus são muito mais do que demonstrações de poder sobrenatural; eles são sinais que confirmam sua divindade e missão. Ao longo dos Evangelhos, vemos Cristo curando enfermos, dominando a natureza e vencendo a morte.

Neste guia, selecionamos 10 milagres de Jesus na Bíblia, organizados com referências e uma breve explicação sobre o impacto espiritual de cada um deles.

Os principais milagres de Jesus nos Evangelhos

1. Transformação da Água em Vinho

Referência: João 2:1-11
Explicação: Ocorreu nas Bodas de Caná. Sendo o seu primeiro milagre público, Jesus demonstrou autoridade sobre a matéria e a natureza, revelando sua glória aos discípulos e abençoando a instituição da família.

ಕಾನಾ ಕವಾನಾ ಗಾಮ್ಮಾ ಹಿವಾ

1 ಬೆ ದಿನ್ನ ಥಯಲ್ಪರ ಗಲಿಲಾಯನಾ ಕಾನಾ ಕವಾನಾ ಗಾಮಮಾ ಯಕ್ಕ ಹಿವಾ ವ್ಹತ್ತೊ. ಯೆಸುನಿ ಯಾ ಬಿ ತ್ಯಾ ವ್ಹತ್ತಿ. 2 ಯೆಸುನೆ ವರಿ ತಿನಾ ಶಿಷ್ಯಾವೊನೆಬಿ ಹಿವಾನೆ ಬಲಾಯಾತಾ. 3 ಹಿವಾಮಾ ದ್ರಾಕ್ಷಿಯೊನು ರಕ್ಹ ಕ್ಹರಲ್ಪರ. ಯೆಸುನಿ ಯಾ ತಿನೆ"ತ್ಯುನೊಕನ ದ್ರಾಕ್ಷಿಯೊನು ರಕ್ಹಜ ನತ್ತಿ "ಕೈನ ಕದಿ.

4 ಯೆಸು"ಬೈ, ತು ಮನೆ ಕಾ ಕವಾಡಿಸ? ಮಾರು ಟೈಮ ಹಜನ ಆಯೊ ನತ್ತಿ" ಕೈನ ಜವಾಬ ದಿದ್ಯೊ.

5 ಯೆಸುನಿ ಯಾ ಸೆವಕೊನೆ"ತೆ ತುಮೊನೆ ಸು ಕವಸ ತೆ ಕರೊ" ಕದಿ.

6 ದಗ್ಡಾಕ್ಹು ಕರಲ ಛೆ ಮ್ಹೊಟಿಯೊ ಡೊಣಿಯೊ ತ್ಯಾ ವ್ಹತ್ತಿಯೊ. ಯಹುದಿಯೊನಿ ಪದ್ದತ ನಿಂಗತ ಶುದ್ಧಾಚಾರಿಯೊನೆ ಎ ದಗ್ಡಾನಿಯೊ ಡೊಣಿಯೊ ಉಪಯೊಗ ಕರ್ತಾತಾ. ಹರಿ ಯಕ್ಕ ಡೊಣಿಯೊಮಾ ಕಮ್ಮಶಿ ಕಮ್ಮ 80 ತು 120 ಲಿಟರ ಪಾನಿ ಧರ್ತುತು. 7 ಯೆಸು ಸೆವಕೊನೆ"ತೆ ಡೊಣಿಯೊಮಾ ಪಾನಿ ಭರೊ" ಕೈನ ಕದ್ಯೊ. ತಿನಾನಿಂಗತಜ಼ ಸೆವಕೊ ತೆ ಡೊಣಿಯೊಮಾ ಪಾನಿ ಕಂಟಾ ಲಕ್ಕಾ ಭರ‍್ಯಾ.

8 ಯೆಸು ಸೆವಕೊನೆ"ತೆ ಡೊಣಿಯೊಮಾನು ದಕ್ಹು ಪಾನಿ ಕಾಡಿನ ತೆ ಗೈನ ಅನ್ನ ಕರಾಲಾವೊನಾ ಮ್ಹೊಟಾನೆ ದಿವೊ" ಕೈನ ಕದ್ಯೊ ತಿನಾನಿಂಗತಜ಼ ತ್ಯುನೆ ತೆ ಲಿನ ಗಯಾ. 9 ಅನ್ನ ಕರಾಲಾವೊಪರ ಮ್ಹೊಟೊ ರ‍್ಹಯಲವಾಲೊ ಪಾನಿ ದ್ರಾಕ್ಷಿಯೊನು ರಕ್ಹ ಬದಲಿ ಥಯಲ ಪಾನಿನು ಸವಾದ ದೆಕ್ಯೊ. ಕಿಜ್ಗಾಂತು ದ್ರಾಕ್ಷಿಯೊನು ಆಯುಸ ಕವಾನು ತಿನೆ ಗ್ವತ್ತ ನ್ಹೊತು. ತೆನೈಸೊ ಪಾನಿ ಕಾಡಲ ತೆ ಸೆವಕೊನೆ ಗ್ವತ್ತ ವ್ಹತ್ತು. ಅನ್ನ ಕರಾಲಾವೊ ಪರ ಮ್ಹೊಟೊ ರ‍್ಹಯಲವಾಲೊ ನೌರಾನೆ ಬಲಾಯೊ, 10 "ಮನಕ್ಹೊ ಚೊಕೊಜ ರ‍್ಹಯಲ ಮನಕ್ಹೊನೆ ದ್ರಾಕ್ಷಿಯೊನು ರಕ್ಹ ವಾಟಸ. ಅತಿಥಿಯೊ ಪಿನ ತೃಪ್ತ ಥಯಲ್ಪರ ಸಾದಾ ರ‍್ಹಯಲ ದ್ರಾಕ್ಷಿಯೊನು ರಕ್ಹ ದಿವಸ. ತೆನೈಸೊ ತು ಚೊಕೊಜ ರ‍್ಹಯಲ ದ್ರಾಕ್ಷಾರಸ ಇವ್ನೊನೆ ಮುಕ್ಯೊಸ" ಕೈನ ಕದ್ಯೊ.

11 ಕಾನಾ ಕವಾನಾ ಗಾಮ್ಮಾ ಯೆಸು ಕರಲ ಪೈಲಾನು ಅದ್ಭುತ ಕಾಮ ವ್ಹೈ. ತೆ ತಿನಿ ಮಹಿಮಾ ತ್ಯಾ ದೆಕಾಡಿನ ದಿದ್ಯೊ. ತಿನಾ ಶಿಷ್ಯಾ ತಿಪರ ಬರೊಕ್ಹೊ ಮ್ಹೆಲ್ಯಾ.

João 2:1-11

2. Cura do cego de nascença

Referência: João 9:1-12
Explicação: Jesus usa lodo para curar um homem que nunca havia enxergado. Este milagre prova que Ele é a Luz do Mundo e tem poder para restaurar o que nasceu com defeito.

ಯೆಸು ಹುಟ್ತಾಮಾತೊಜ ಕುಡ್ಡೊ ರ‍್ಹಯಲ ವಾಲಾನೆ ಅರಾಮ ಕರಲ

1 ಯೆಸು ಚಾಲ್ತೊ ಜಾ಼ತಾ ಟೈಮ್ಮಾ ಯಕ್ಕ ಹುಟ್ಟತೊಜ ಕುಡ್ಡೊ ರ‍್ಹಯಲ ವಾಲಾನೆ ದೆಕ್ಯೊ. 2 ಯೆಸುನಾ ಶಿಷ್ಯಾ ತಿನೆ"ಗುರು ಆ ಮನಕ್ಹ ಕುಡ್ಡೊ ಥೈನ ಹುಟ್ಟಾನೆ ಕಿನು ಪಾಪ ಕಾರಣ ವ್ಹೈ? ತೆ ಕರಲ ಪಾಪ ವ್ಹೈ ಸು ತಿನಾ ಮಾ ಬಾಪ ಕರಲ ಪಾಪ ವ್ಹೈ? ಕೈನ ಪುಚ್ಯಾ.

3 ಯೆಸು ತ್ಯುನೊನೆ"ತಿನು ಪಾಪ ರ‍್ಹೈನೆಕಾ ತಿನಾ ಮಾ ಬಾಪ ಕರಲ ಪಾಪ ರ‍್ಹೈನೆಕಾ ಕಾರಣ ನವೈ. ಕ್ಹುದಾನು ಕಾಮ ತಿಮಾ ದಿಕ್ಹು ಕೈನ ಇಮ್ಮ ಥಯುಸ. 4 ಮನೆ ವಳಾಯಲವಾಲಾನು ಕಾಮ ಅಪೆ ದಿನ್ನ ರ‍್ಹತಾಮಾಜ ಕರು. ರಾತ ಆವಸ. ತೆಳಾಮಾ ಕುನ್ನಜ ಕಾಮ ನೈ ಕರತು. 5 ಮಿ ಆ ದುನಿಯಾಮಾ ರ‍್ಹತಾಮಾ, ಮಿಜ಼ ಆ ದುನಿಯಾನೆ ಉಜಾಲು ಥಯೊಸ" ಕದ್ಯೊ.

6 ಯೆಸು ಎ ವಾತ ಕದಲ್ಪರ ಜಿಮಿನ್ಪರ ಥುಕ್ಕಿನ ತಿಕ್ಹು ಚುಕೊಲ ಕರಲಿನ ತೆ ಮನಕ್ಹನಾ ಡೊಳಾವೊನೆ ಲಗಾಡ್ಯೊ. 7 ಯೆಸು ತೆ ಮನಕ್ಹನೆ"ಗೈನ ಸಿಲೊವಾ ತಳಾಮಾ ಧ್ವಲೆ" ಕೈನ ಕದ್ಯೊ. ಸಿಲೊವಾ ಕದ್ಯಾಮ "ವಳಾಯಲವಾಲೊ" ತಿನಾನಿಂಗತ ತೆ ಗೈನ ಧ್ವಲಿದ್ಯೊ. ತೆಳಾಮಾ ತೆ ಆತಾಮಾ ಡೊಳಾ ದಿಕ್ಹ್ಯಾ.

8 ವರಿ ಎ ಮನಕ್ಹ ಪೈಲಾ ಭಿಕ ಮಾಂಗ್ತೊತೊ ದೆಕಲ ದಕ್ಹಾ ಜ಼ನಾ ವರಿ ತಿನಾ ಆಜು಼ ಬಾಜುವಾಲಾ"ದೆಕಿನ! ಹಮೆಶಾಬಿ ಭಿಕ ಮಾಂಗ್ತೊ ಬೈಟಾಲೊ ಎಜ಼ ನ್ಹವೈ ಸು ಕೈನ ಪುಚ್ಯಾ.

9 ದಕ್ಹಾ ಮನಕ್ಹೊ"ಹೊ ತೆಜ಼ ವ್ಹೈ ಕೈನ ಕದ್ಯಾ. ಎ ದಕ್ಹಾ ಜ಼ನಾ"ನ್ಹವೈ ಎ ತೆ ಮನಕ್ಹ ನ್ಹವೈ. ಎ ತಿನಾ ನಿಂಗತಜ಼ ಛೆ ಕದ್ಯಾ. ತಿನಾಹುತಿ ತೆ ಮನಕ್ಹ "ಮಿಜ಼ ತೆ ವ್ಹೈ" ಕೈನ ಕದ್ಯೊ. 10 ಮನಕ್ಹೊ ತುನೆ"ತುನೆ ದಿಕ್ಹಾನು ಕಿಜಾ಼ ಮಳ್ಯು? ಕೈನ ಕದ್ಯಾ. 11 ತೆ ಮನಕ್ಹ ತ್ಯುನೊನೆ "ಯೆಸು ಕವಾಲೊ ದಕ್ಹು ಚುಕೊಲ ಕರಿನ ಮಾರಾ ಡೊಳೆ ಲಗಾಡಿನ ಸಿಲೊವಾ ಇರಮಾ ಧ್ವಲೆ ಕೈನ ಕದ್ಯೊ. ತಿನಾನಿಂಗತಜ಼ ಮಿ ಗೈನ ಧ್ವಲಿದ್ಯೊ. ಹಮ್ನಾ ಮನೆ ದಿಕ್ಹಸ ಕೈನ ಕದ್ಯೊ. 12 ಪರಿಸಾಯರೊ ತೆ ಮನಕ್ಹನೆ, ತೆ ಮನಕ್ಹ ಹಮ್ನಾ ಕಿಜ್ಗಾ ಛೆ? ಕೈನ ಪುಚ್ಯಾ.

ತೆ ಮನಕ್ಹ "ಮನೆ ಗ್ವತ್ತ ನತ್ತಿ "ಕೈನ ಕದ್ಯೊ. ಪಾಚಾ಼ತಾ ಮನಕ್ಹೊ ತೆ ಮನಕ್ಹನೆ ಪರಿಸಾಯರೊ ಕನ ಬಲೈ ಲಾಯಾ. ಪೈಲಾ ಕುಡ್ಡೊ ರ‍್ಹಯಲ ಎಜ಼ ವ್ಹೈ.

João 9:1-12

3. Multiplicação dos pães e peixes

Referência: Mateus 14:13-21
Explicação: Com apenas cinco pães e dois peixes, Jesus alimentou mais de 5 mil homens. Este sinal revela Cristo como o Pão da Vida, aquele que supre todas as nossas necessidades.

ಪಾಂಚ಼ ಹಜಾ಼ರ ಮನಕ್ಹೊನೆ ಅನ್ನ ಖಲಾಯಲ

13 ಯೆಸು ಎ ಕ್ಹಾರು ಐಕಿನ ಹಡಗೊ ಚ಼ಡಿನ ತ್ಯಾಂತೊ ತೆ ಜ಼ಗಾ ಛೊಡಿನ ಕುನ್ನಜ಼ ನೈಸೊ ಜ಼ಗಾ ಗಯೊ. ಎ ಸುದ್ದಿ ಐಕಲ ಕ್ಹಾರಾ ಮನಕ್ಹೊ ತ್ಯುನಾ ತ್ಯುನಾ ಗಾಮತಾ ಚಾ಼ಲ್ತಾ ಯೆಸುನಾ ಪಾಚಾ಼-ಪಾಚಾ಼ ಆಯಾ. 14 ಯೆಸು ಮನಕ್ಹೊತಿ ಪೈಲಾ ಐನ ತೆ ಗುಂಪನೆ ದೆಕಿನ ತ್ಯುನೊನೆ ಮರಗಿನ ತ್ಯುನಾ ರೊಗೊನೆ ಅರಾಮ ಕರ‍್ಯೊ.

15 ಕ್ಹಾಂಜ಼ ಥಾತಾಮಾ ತಿನಾ ಶಿಷ್ಯಾ ತಿಕನ ಐನ ಎ ರಾನ ವ್ಹೈ ಹಮ್ನಾ ಕ್ಹಾಂಜ಼ಬಿ ಥೈಸ ತೆ ಮನಕ್ಹೊನೆ ತ್ಯುನಾ ತ್ಯುನಾ ಗಾಮೊನೆ ಮೊಕಲ ಕಾಕದ್ಯಾಮ ತ್ಯುನೊನೆ ಖಾವಾನೆ ಅನ್ನ ಕರಿಲಿವಾದೆ ಕದ್ಯಾ.

16 ತೆನೈಸೊ ಯೆಸು, ತ್ಯುನೊನೆ ತ್ಯುನೆ ಜಾ಼ವಾನಿ ಜ಼ರುರತ್ತ ನತ್ತಿ. ತುಮೆಜ಼ ತ್ಯುನೊನೆ ಸುಬಿ ಅನ್ನ ಖಾವಾನೆ ದಿವೊ ಕದ್ಯೊ.

17 ತೆಳಾಮಾ ತಿನಾ ಶಿಷ್ಯಾ, "ಅಪೊನೆ ಪಾಂಚ಼ ರೊಕ್ಲ ವರಿ ಬೆ ಮಚ್ಲಿ಼ಯೊ ಛೆ ಕೈನ" ಕತಾಮಾ. 18 ಯೆಸು ತ್ಯುನೊನೆ, "ತೆ ರೊಕ್ಲ ವರಿ ಮಚ್ಲಿ಼ಯೊ ಮಕನ ಲೈನ ದಿವೊ ಕದ್ಯೊ." 19 ತೆಳಾಮಾ ತೆ ಮನಕ್ಹೊನಾ ಗುಂಪನೆ ಚಾ಼ರಾಪರ ಬೈಟೊ ಕೈನ ತೆ ಪಾಂಚ಼ ರೊಕ್ಲಾ ಬೆ ಮಚ್ಲಿಯೊ ಲಿನ ಹಬಾಳನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕೈನ ರೊಕ್ಲಾ ಭಾಗಿನ ಶಿಷ್ಯಾವೊಕನ ದಿದ್ಯೊ. ತ್ಯುನೆ ಮನಕ್ಹೊನೆ ವಾಟ್ಯಾ. 20 ಕ್ಹಾರಾ ಮನಕ್ಹೊ ಪೆಟ ಭರಿನ ಖಾದ್ಯಾ ವರಿ ಉಗ್ರಲ ರೊಕ್ಲಾನಾ ತುಕಡಾ ಮಳ್ತಾಮಾ ಬಾರಾ ಟೊಪ್ಲಿಯೊ ಭರಿಯೊ. 21 ಅನ್ನ ಖಾದಲವಾಲಾ ಮನಕ್ಹೊಮಾ ಹೆಣಮನಕ್ಹೊನೆ ವರಿ ಬಚ್ಚಾ಼ವೊನೆ ಛೊಡಿನ ದಾಣ್ಗಾಜ಼ ಪಾಂಚ಼ ಹಜಾ಼ರ ವ್ಹತಾ.

Mateus 14:13-21

4. Jesus acalma a tempestade

Referência: Marcos 4:35-41
Explicação: Com uma ordem, o vento e o mar se aquietam. O milagre ensina sobre a paz que excede o entendimento e a autoridade do Messias sobre a criação.

ಯೆಸು ತುಫಾನ ಶಾಂತ ಕರಲ

35 ತೆ ದಿನ್ನೆ ಕ್ಹಾಂಜ಼ ಥಾತಾಮಾ ಯೆಸು ತಿನಾ ಶಿಷ್ಯಾವೊನೆ ಸಮುಂದರನಿ ಬಿಜಿ ದಂಡಿಯೆ ಗಯ್ಯೆ ಕದ್ಯೊ. 36 ತ್ಯುನೆ ಮನಕ್ಹೊನು ಗುಂಪ ಛೊಡಿನ ಗಯಾ ಶಿಷ್ಯಾ ಹಡಗಾಮಾ ಗಯಾ ಕಾಕದ್ಯಾಮ ತೆಳಾಮಾಜ಼ ಯೆಸು ತಿಮಾ ಬೈಟ್ಯೊತೊ ವರಿ ತಿನೆ ತ್ಯುನೆ ಬಲೈ ಲಿಂಗಯಾ ಬಿಜಾ಼ ಹಡಗಾಬಿ ತ್ಯಾ ವ್ಹತ್ತಾ. 37 ತ್ಯುನೆ ಜಾ಼ತಾಮಾ ಯಕಾಕಿಜ಼ ತುಫಾನನೊ ಝೊರ ವಾರೊ ಆತಾಮಾ ಧಡಕಿಯೊ ಉಟಿಯೊ ಹಡಾಗಾನೆ ಲಾಗಿನ ತಿಮಾ ಪಾನಿ ಭರಾಡುತು. 38 ಯೆಸು ಹಡಗಾಮಾ ಪಾಚೊ಼ ಮಟ್ಲು ಘಾಲ್ಲಿನ ಧಡ ನಿಂದರ ಕರಾಡೊತೊ. ತ್ಯುನೆ ಯೆಸುನೆ ಗುರು ಉಟ ಅಪೆ ಮರಿಗಿಯೆಸ? ತುನೆ ಚಿಂತಾ ನತ್ತಿ ಸು ಕೈನ ಪುಚ್ಯಾ.

39 ಯೆಸು ಉಟಿನ ತುಫಾನನೆ ಬರಬಡ್ಯೊ ವರಿ ಧಡಕಿಯೊನೆ ಗಪರ‍್ಹೆ ಶಾಂತ ಥಾ ಕೈನ ಕತಾಮಾ ತೆ ತುಫಾನ ಹುಬ್ರೈಪಡ್ಯು ಕ್ಹಾರು ಶಾಂತಥಯು.

40 ತೆಳಾಮಾ ಯೆಸು ತಿನಾ ಶಿಷ್ಯಾವೊನೆ ತುಮೆ ಕಾ ಇಮ್ಮ ಭುಚ್ಕೊ಼ಸಿ? ತುಮೊನೆ ಹಜು಼ನಬಿ ಬರೊಕ್ಹೊ ನತ್ತಿ ಸು ಕದ್ಯೊ?

41 ಶಿಷ್ಯಾ ಘನ್ನಾ ಭುಚ಼ಕಿನ ಆಂ ಮನಕ್ಹ ಕುನ್ನ ವ್ಹೈ? ವಾರೊಬಿ ವರಿ ಸಮುಂದರನಿಯೊ ಧಡಕಿಯೊಬಿ ಇನಿ ವಾತ ಐಕಸ್ತೊ ಕೈನ ತ್ಯುನೆ ಯಕೆಕ್ಲಾಜ಼ ಬೊಲ್ಲಿದ್ಯಾ.

Marcos 4:35-41

5. Cura da mulher com fluxo de sangue

Referência: Marcos 5:25-34
Explicação: Uma cura que aconteceu pelo toque da fé. Jesus mostra que está atento ao sofrimento individual e que a fé é o canal para receber o milagre.

25 ತೆಳಾಮಾ ಬಾರಾ ವರಕ್ಹತಿ ರಗತ ಕುಸುಮು ರೊಗಮಾ ಘನ್ನು ತ್ರಾಸ ಕ್ಹಾತಿ ಯಕ್ಕ ಹೆಣ ಮನಕ್ಹ ತ್ಯಾ ವ್ಹತ್ತಿ. 26 ತೆ ಘನ್ನಿಸಲಾ ಡಾಕ್ಟರೊಕನ ಗೈತಬಿ ಸುಜ಼ ಅರಾಮ ಥಯು ನೈ ಘನ್ನಿ ಕಷ್ಟ ಖೈನ. ಹತ್ಮಾ ರ‍್ಹಯಲ ದೊಕ್ಡಾ ಜ಼ವೈಲಿದಿತಿ. ವರಿ ರೊಗ ಹೆಚ್ಕಿ ಥಾತೊಜ಼ ವ್ಹತ್ತೊ. ವರಿ ಸುಜ಼ ಅರಾಮ ಥಯು ನ್ಹೊತು. 27 ತೆ ಹೆಣ ಮನಕ್ಹ ಯೆಸುನಿ ಸುದ್ದಿ ಐಕಿನ. ತೆ ಗುಂಪಮಾ ತಿನಾ ಪಾಚಿ ಗೈ. ವರಿ ತಿನಾ ವಣ್ಣಾ ಧರಿ. 28 ತೆ ವಿಚಾರ ಸು ಕರಲಿದಿತಿ ಕದ್ಯಾಮ ಮಿ ತಿನಾ ವಣ್ಣಾ ಮುಟ್ಟಿಮ ಬಸ ಅರಾಮ ಥೈ ಜ಼ೌಸ ಕೈನ ತಿನಾಮಾ ಕೈಲಿದಿತಿ. 29 ಗುಂಪನಾ ಪಾಚಾ಼ತಿ ಐನ ತಿನಾ ವಣ್ಣಾ ಮುಟ್ಟಿ. ಮುಟ್ಟಲ ಬರೊಬ್ಬರ ತಿನು ರಗತ ಜಾ಼ವಾನು ಹುಬ್ರೈ ಪಡ್ಯು. ಮನೆ ಕದ್ರಾವಾನೊ ರೊಗ ಗೈನ ಮಿ ಅರಾಮ ಥೈ ಕೈನ ತಿನಾಮಾ ತೆ ತಿಳದಿಲಿದಿ.

30 ತೆಳಾಮಾಜ಼ ಯೆಸು ಮಾರಮಾತಿ ತಾಕತ ಚಾ಼ಲಿಸ ಕೈನ ತಿನಾಮಾಜ಼ ತಿಳದಿಲಿನ ಗುಂಪಮಾ ಪಾಚೊ಼ ಫರಿನ ಮಾರಾ ವಣ್ಣಾ ಕುನ್ನ ಮುಟ್ಯು? ಕೈನ ಪುಚ಼ತಾಮಾ

31 ತಿನಾ ಶಿಷ್ಯಾ ತಿನೆ ಮನಕ್ಹೊ ತುನೆ ಢಕ್ಲಾನು ದೆಕಿನ ಮನೆ ಕುನ್ನ ಮುಟ್ಯು ಕೈನ ಪುಚ್ಚಾಡ್ಯೊಸ? ಕದ್ಯಾ.

32 ಯೆಸು ಸುತ್ತೆ ದೆಕಿನ ಎ ಕಾಮ ಕುನ್ನ ಕರ‍್ಯುಸ ಕೈನ ದೆಕ್ತಾಮಾ ತೆಕ್ಲಾಮಾಜ಼಼ 33 ತೆ ಹೆಣ ಮನಕ್ಹ ತಿನೆ ಥಯಲ ದೆಕಿನ ಭುಚ಼ಕಿನ ಕಾಪತಿ ತಿಕನ ಐನ ಪಗೊಪರ ಅಡ್ಡ ಪಡಿನ ರ‍್ಹಯಲ ವಿಚಾರ ಕ್ಹರಿ ಕದಿ. 34 ಯೆಸು ತಿನೆ ಮಾರಿ ದಿಕ್ರಿ ತಾರೊ ಬರೊಕ್ಹೊ ತುನೆ ಅರಾಮ ಕರ‍್ಯೊಸ ಸಮಾಧಾನೆ ಜಾ಼ ತುನೆ ಕದ್ರಾಯಲ ರೊಗ ಗೈನ ತುನೆ ಅರಾಮ ಥಯುಸ ಕದ್ಯೊ.

Marcos 5:25-34

6. Libertação do endemoninhado Gadareno

Referência: Marcos 5:1-20
Explicação: Jesus liberta um homem dominado por uma legião de espíritos. É a prova clara de sua autoridade absoluta sobre o reino das trevas.

ಯೆಸು ಕೆಟ್ಟ ಆತ್ಮಾ ಧರಲವಾಲಾನೆ ಅರಾಮ ಕರಲ

1 ಪಾಚಾ಼ತಾ ತ್ಯುನೆ ಸಮುಂದರನಿ ಬಿಜಿ ದಂಡಿಯೆ ರ‍್ಹಯಲ ಗೆರೆಸಿನೆರ ಪ್ರಾಂತ್ಯನೆ ಮುಟ್ಯಾ. 2 ಯೆಸು ಹಡಗಾಮಾತೊ ಉತ್ರಿನ ಆಯಲ ಬರೊಬ್ಬರ ಕೆಟ್ಟ ಆತ್ಮಾ ಧರಲ ಯಕ್ಕ ದಾಣಗೊ ಮಜಾ಼ರೊನಿ ಗವಿಮಾತೊ ಯೆಸುನಾ ಕ್ಹಾಮೊ ಆಯೊ. 3 ತೆ ಮಜಾ಼ರೊನಿಯೊ ಗವಿಯೊಮಾ ರ‍್ಹತೊತೊ ತಿನೆ ಭಾಂದಿನ ಘಾಲಾನೆ ಕಿನೆಜ಼಼ ಥಾತುನ್ಹೊತು. ತಿನೆ ಬೆಡಿಯೊಕ್ಹು ಭಾಂದ್ಯಾತಬಿ ಉಪಯೊಗ ಥಾತುನ್ಹೊತು. 4 ಮನಕ್ಹೊ ಘನ್ನಿಸಲಾ ತಿನಾ ಹತೊ ಪಗೊ ಬೆಡಿಯೊಕ್ಹು (ಚೈನೊಕ್ಹು) ಭಾಂದ್ಯಾತಬಿ ವರಿಬಿ ತೆ ತೊಡಿಲಿನ ನಾಕಿಪಾಡತೊತೊ. ತಿನೆ ವರಿ ಕುನ್ನಜ಼ ಬೆಡಿಯೊ ಘಾಲಾನೆ ವರಿ ತಿನೆ ಹತೊಟಿಮಾ ಲಾವಾನೆ ಕುನ್ನಜ಼ ನ್ಹೊತು. 5 ತೆ ದಿನ್ನ ರಾತ ಮಜಾರೊಮಾ ಗವಿಯೊಮಾ ರ‍್ಹತೊತೊ. ಡೊಂಗ್ರೊಮಾ ವದರತೊ ತಿನೊ ಅಂಗ ತೆಜ಼ ದಗ್ಡೆ ಛೆಟಿಲೆತೊತೊ.

6 ತೆ ಯೆಸುನೆ ದುರತೊ ದೆಕಿನ ನ್ಹಾಟತೊ ಐನ ತಿನೆ ಉಂದೊ ಪಡಿನ ಝೊರ ವದ್ರಿನ 7 ಯೆಸು ಕ್ಹಾರಾವೊತಿ ಉಪ್ಪರ ರ‍್ಹಯಲ ಕ್ಹುದಾನಾ ದಿಕ್ರಾ ಮಾರಾ ಕ್ಹಾತೆ ಸು ಕರಶಿ? ಕ್ಹುದಾನಾಹುತಿ ತುಕನ ಮಾಂಗುಸ ಮನೆ ಶಿಕ್ಷಾ ನಕೊ ದ್ಯು 8 (ಕಾಕದ್ಯಾಮ ಎ ಕೆಟ್ಟ ಆತ್ಮಾ ಅನೆ ಛೊಡಿನ ಜಾ಼ ಕೈನ ಯೆಸು ಕದ್ಯೊ).

9 ವರಿ ಯೆಸು ತಿನೆ ತಾರು ನಾಮ ಸುವೈ ಕೈನ ಪುಚ಼ತಾಮಾ

ತೆ ಮನಕ್ಹ ಕದ್ಯೊ ಮಾರು ನಾಮ ಗುಂಪ ವ್ಹೈ ಕಾಕದ್ಯಾಮ ಹಮೆ ಘನ್ನಾ ಕೆಟ್ಟ ಆತ್ಮಾವೊ ಛೆ ಕದ್ಯೊ. 10 ತ್ಯುನೆ ಯೆಸುಕನ ಹಮೊನೆ ಆಂ ಗಾಮಮಾತೊ ಮೊಕ್ಲು ನಕೊ ಕೈನ ಯೆಸುಕನ ಘನ್ನಾ ಮಾಂಗಿಲಿದ್ಯಾ.

11 ತ್ಯಾಜ಼ ಡೊಂಗರಪರ ಯಕ್ಕ ಢುಕ್ಕುರೊನು ಮ್ಹೊಟು ಗುಂಪ ಚ಼ರಾಡುತು. 12 ತೆ ಕೆಟ್ಟ ಆತ್ಮಾವೊ ಯೆಸುನೆ ಐಲಾ ಢುಕ್ಕುರೊಮಾ ಜಾ಼ವಾನೆ ಹಮೊನೆ ವಳಾ ಕೈನ ಮಾಂಗಿಲಿದ್ಯಾ. 13 ಯೆಸು ಥಯು ಜಾ಼ವೊ ಕೈನ ಕದ್ಯೊ. ತೆ ಕೆಟ್ಟ ಆತ್ಮಾವೊ ಮನಕ್ಹನಾ ಅಂಗಮಾತಾ ಭಾರಾ ಐನ ಢುಕ್ಕುರೊಮಾ ಗಯಾ. ತೆ ಢುಕ್ಕುರೊನು ಗುಂಪ ನ್ಹಾಟಿನ ಗೈನ ಡೊಂಗರಪರತಾ ಸಮುಂದರಮಾ ಪಡಿನ ಡುಬಿ ಗಯಾ. ಕಮ್ಮ ಜಾಸ್ತ ಬೆ ಹಜಾ಼ರ ಢುಕ್ಕುರೊ ವ್ಹತ್ತಾ.

14 ತ್ಯುನೊನೆ ಚ಼ರಾವಾಲಾ ನ್ಹಾಟಿನ ಗೈನ ತೆ ಸುದ್ದಿ ಗಾಮಮಾ ವರಿ ಖೆತ್ರೊಮಾ ತಿಳಸಾತಾಮಾ ಮನಕ್ಹೊ ಸು ಥಯುಸ ಕೈನ ದೆಕಾನೆ ಚಾ಼ಲ್ಯಾ. 15 ತ್ಯುನೆ ಯೆಸುಕನ ಆತಾಮಾ. ತೆ ಕೆಟ್ಟ ಆತ್ಮಾವೊ ಛೊಡಿನ ಗಯಲ ದಾಣಗಾನೆ ದೆಕಿನ ಬಾಜು಼ಮಾ ವಣ್ಣಾಘಾಲ್ಲಿನ ಚೊ಼ಕೊ ಥೈನ ಬೈಟಲ ದೆಕಿನ ಭುಚ಼ಕ್ಯಾ 16 ಎ ದೆಕಲವಾಲಾ ಕೆಟ್ಟ ಆತ್ಮಾವೊ ಧರಲವಾಲಾ ಮನಕ್ಹನಾ ಕ್ಹಾತೆ ಥಯಲ ವರಿ ಢುಕ್ಕುರೊನಾ ಕ್ಹಾತೆ ಥಯಲ ಮನಕ್ಹೊನೆ ತಿಳಶ್ಯಾ. 17 ತ್ಯುನೆ ಗಾಮ ಛೊಡಿನ ಜಾ಼ ಕೈನ ಯೆಸುನೆ ಮಾಂಗಿಲಿದ್ಯಾ.

18 ಯೆಸು ಹಡ್ಗೊ ಚ಼ಡತಾಮಾ ತೆ ಕೆಟ್ಟ ಆತ್ಮಾವೊ ಧರಿನ ಛೊಡಲವಾಲೊ ಮಿ ತಾರಾ ಕ್ಹಾತೆ ಔಸ ಕೈನ ತಿಕನ ಮಾಂಗಿಲಿದ್ಯೊ. 19 ತೆ ತಿನೆ ರ‍್ಹವಾನೆ ದಿದ್ಯಾವಾಚಿ ತು ತಾರಾ ಘರೆ ತಾರಾ ಮನಕ್ಹೊಕನ ಜಾ಼ ಗೈನ ಸ್ವಾಮಿ ತುನೆ ಮರಗಿನ ತುನೆ ಕೆವು ಉಪಕಾರ ಕರ‍್ಯೊಸ ತೆ ವದ್ರಿನ ಕೆ. 20 ತೆ ಗೈನ ಯೆಸು ತಿನೆ ಕರಲ ಉಪಕಾರ ದಕ್ಹೆ ಗಾಮೊಮಾ ಕವಾನು ಶುರು ಕರ‍್ಯೊ ಐಕಿನ ಕ್ಹಾರಾ ಜ಼ನಾ ಘಾಬ್ರಾಥಯಾ.

Marcos 5:1-20

7. Ressurreição da filha de Jairo

Referência: Marcos 5:21-43
Explicação: Jesus demonstra que a morte para Ele é como o sono. Ele restaura a vida de uma criança, trazendo esperança para uma família desesperada.

ಯಾಯಿರನಿ ದಿಕ್ರಿ ವರಿ ಹೆಣ ಮನಕ್ಹ ಯೆಸುನಾ ವಣ್ಣಾ ಮುಟ್ಟಲ

21 ಯೆಸು ಫರಿನ ಹಡಗಾಮಾ ಸಮುಂದರನಿ ಬಿಜಿ ದಂಡಿಯೆ ಆತಾಮಾ ಮನಕ್ಹೊನು ಘನ್ನು ಗುಂಪ ತಿನಾ ಸುತ್ತೆ ಆಯಾ. 22 ತೆಳಾಮಾ ಸಬಾಮಂದಿರಪರ ಅದಿಕಾರಿ ರ‍್ಹಯಲವಾಲೊ ಯಕ್ಲೊ ಯಾಯಿರಕವಾಲೊ ಐನ ಯೆಸುನೆ ದೆಕಿನ ತಿನಾ ಪಗೊಪರ ಪಡಿನ. 23 ಮಾರಿ ಮಯಾನಿ ನ್ಹಾನಿ ದಿಕ್ರಿ ಹಮ್ನಾ ತಿನೆ ಅರಾಮ ನತ್ತಿ (ತೆ ಮರಾ ವರಕ್ಹಿ ಥೈಸ) ತು ಐನ ತಿಪರ ಹತ್ತ ಮ್ಹೆಲ ಕೈನ ಮಾಂಗಿಲಿದ್ಯೊ. ತೆ ಅರಾಮ ಥಾವಸ ವರಿ ವಾಚಿ಼ ಜಾ಼ವಸ. 24 ಯೆಸು ತಿನಾ ಕ್ಹಾತೆ ಗಯೊ ವರಿ

ಘನ್ನಾ ಮನಕ್ಹೊ ತಿನೆ ಢಕಲ್ತಾ ತಿನಾ ಪಾಚಾ಼ ಗಯಾ. 25 ತೆಳಾಮಾ ಬಾರಾ ವರಕ್ಹತಿ ರಗತ ಕುಸುಮು ರೊಗಮಾ ಘನ್ನು ತ್ರಾಸ ಕ್ಹಾತಿ ಯಕ್ಕ ಹೆಣ ಮನಕ್ಹ ತ್ಯಾ ವ್ಹತ್ತಿ. 26 ತೆ ಘನ್ನಿಸಲಾ ಡಾಕ್ಟರೊಕನ ಗೈತಬಿ ಸುಜ಼ ಅರಾಮ ಥಯು ನೈ ಘನ್ನಿ ಕಷ್ಟ ಖೈನ. ಹತ್ಮಾ ರ‍್ಹಯಲ ದೊಕ್ಡಾ ಜ಼ವೈಲಿದಿತಿ. ವರಿ ರೊಗ ಹೆಚ್ಕಿ ಥಾತೊಜ಼ ವ್ಹತ್ತೊ. ವರಿ ಸುಜ಼ ಅರಾಮ ಥಯು ನ್ಹೊತು. 27 ತೆ ಹೆಣ ಮನಕ್ಹ ಯೆಸುನಿ ಸುದ್ದಿ ಐಕಿನ. ತೆ ಗುಂಪಮಾ ತಿನಾ ಪಾಚಿ ಗೈ. ವರಿ ತಿನಾ ವಣ್ಣಾ ಧರಿ. 28 ತೆ ವಿಚಾರ ಸು ಕರಲಿದಿತಿ ಕದ್ಯಾಮ ಮಿ ತಿನಾ ವಣ್ಣಾ ಮುಟ್ಟಿಮ ಬಸ ಅರಾಮ ಥೈ ಜ಼ೌಸ ಕೈನ ತಿನಾಮಾ ಕೈಲಿದಿತಿ. 29 ಗುಂಪನಾ ಪಾಚಾ಼ತಿ ಐನ ತಿನಾ ವಣ್ಣಾ ಮುಟ್ಟಿ. ಮುಟ್ಟಲ ಬರೊಬ್ಬರ ತಿನು ರಗತ ಜಾ಼ವಾನು ಹುಬ್ರೈ ಪಡ್ಯು. ಮನೆ ಕದ್ರಾವಾನೊ ರೊಗ ಗೈನ ಮಿ ಅರಾಮ ಥೈ ಕೈನ ತಿನಾಮಾ ತೆ ತಿಳದಿಲಿದಿ.

35 ಯೆಸು ಹಜು಼ನ ಬೊಲ್ತಾಮಾಜ಼ ಅದಿಕಾರಿ ಥಯಲ ಯಾಯಿರನಾ ಘರತೊ ಯಕ್ಲೊ ಐನ ತಾರಿ ದಿಕ್ರಿ ಮರಿ ಗೈಸ. ಹಮ್ನಾ ಕಾ ಗುರುನೆ ತರಾಸ ಕರಾಡೊಸ ಕದ್ಯೊ.

36 ತ್ಯುನೆ ಕದಲ ವಾತೊ ಯೆಸು ಧ್ಯಾನ ದಿದ್ಯಾ ವಾಚಿ಼ ತಿನೆ ಸು ಕದ್ಯೊ ಕದ್ಯಾಮ. ಭುಚ಼ಕು ನಕೊ ಬರೊಕ್ಹೊ ರ‍್ಹವಾದೆ ಕದ್ಯೊ.

37 ವರಿ ಯೆಸು ಪೆತ್ರಾ ಯಾಕೊಬನೆ ಯಾಕೊಬನೊ ನ್ಹಾನೊ ಭೈ ಯೊಹಾನ ಇವ್ನೊನೆ ಛೊಡಿನ ಕಿನೆಜ಼಼ ತಿಕನ ಆವಾನೆ ದಿದ್ಯೊ ನೈ 38 ತ್ಯುನೆ ಯಾಯಿರನಾ ಘರೆ ಆತಾಮಾ ದಕ್ಹಾಜ಼಼ನಾ ಘನ್ನಾ ಗದ್ದಲ ಕರತಾ ರವಾಡಾತಾ ಯೆಸು ತೆ ದೆಕ್ಯೊ. 39 ಯೆಸು ಮ್ಹೈ ಗೈನ ತುಮೆ ಗದ್ದಲ ಕರಾನು ಕಾ? ರವಾನು ಕಾ? ಛೊಕ್ರಿ ಮರಿನತ್ತಿ 40 ನಿಂದರ ಕರಾಡಿಸ ಕತಾಮಾ ತ್ಯುನೆ ಯೆಸುನೆ ದೆಕಿನ ಕದ್ರೈನ ಅಕ್ಹ್ಯಾ.

ವರಿ ಯೆಸು ಕ್ಹಾರಾಜ಼ನಾವೊನೆ ಭಾರೊ ಮೊಕ್ಲಿನ ತೆ ಛೊಕ್ರಿನಾ ಮಾ ಬಾಪನೆ ತಿವ್ನಾ ಕ್ಹಾತೆ ತನ್ನ ಶಿಷ್ಯಾವೊನೆಲಿನ ಛೊಕ್ರಿ ರ‍್ಹಯಲ ಜ಼ಗಾ ಬಲೈ ನಿಂಗೈನ, 41 ತಿನೊ ಹತ್ತ ಧರಿನ ತಲಿಥಾ ಕೊಮ ಕದ್ಯೊ. ತಿಮ್ಮ ಕದ್ಯಾಮ ನ್ಹಾನಿ ಛೊಕ್ರಿ ಮಿ ಕವಾಡೊಸ ತು ಉಟ. 42 ತೆಳಾಮಾಜ಼ ತೆ ಛೊಕ್ರಿ ಉಟಿನ ಚಾ಼ಲಾಡಿ. (ತೆ ಬಾರಾ ವರಕ್ಹನಿ ವ್ಹತ್ತಿ) ತ್ಯುನೆ ಘನ್ನಾ ಘಾಬ್ರಾಥಯಾ. 43 ತೆಳಾಮಾಜ಼ ಯೆಸು ತ್ಯುನೊನೆ ಆಂ ಕಿನೆಜ಼಼ ಗ್ವತ್ತ ಥೌನೈ ಕೈನ ತಾಕಿತ ಕವಾಡೊಸ ಕದ್ಯೊ. ತೆ ಛೊಕ್ರಿನೆ ಖಾವಾನೆ ದಿವೊ ಕದ್ಯೊ.

Marcos 5:21-43

8. Jesus anda sobre as águas

Referência: Mateus 14:22-33
Explicação: Ao caminhar sobre o Mar da Galileia, Jesus mostra que não está sujeito às leis da física. O episódio também serve para tratar a fé e a dúvida no coração de Pedro.

ಸಮುದ್ರಪರ ಯೆಸು ಚಾ಼ಲಲ

22 ಎ ಥಯಲ್ಪರ ತೆ ತಿನಾ ಶಿಷ್ಯಾವೊನೆ ಮಿ ಆಂ ಮನಕ್ಹೊನಾ ಗುಂಪನೆ ಮೊಕ್ಲೆಲಕ್ಕಾ ತುಮೆ ಹಡ್ಗೊ ಚ಼ಡಿನ ಮುತ್ತಿ ಪೈಲಾ ತುಮೆ ಬಿಜಿ ದಂಡಿಯೆ ಜಾ಼ವೊ ಕೈನ ಜ಼ಬರದಸ್ತಿಯೆ ಮೊಕಲ್ಯೊ. 23 ಮನಕ್ಹೊನಾ ಗುಂಪನೆ ಮೊಕ್ಲಿನ ಯಕ್ಲೊಜ಼಼ ಪ್ರಾಥನಾ ಕರಾನಾಹುತಿ ಡೊಂಗರಪರ ಗಯೊ. ವರಿ ಕ್ಹಾಂಜ಼ ಥಯಲಹುತಿ ತ್ಯಾ ಯಕ್ಲೊಜ಼಼ ವ್ಹತೊ. 24 ತೆ ಟೈಮಮಾ ಶಿಷ್ಯಾ ಗಯಲ ಹಡಗೊ ಸಮುದ್ರನಾ ವಚ್ಮಾ಼ ವ್ಹತೊ ಹಡ್ಗಾನಾ ವಿರುದ್ದ ವಾರೊ ಛುಟಲಹುತಿ ಸಮುದ್ರನಿಯೊ ಧಡ್ಕಿಯೊ ಲಾಗಾಕ್ಹು ಹಡ್ಗೊ ಪಾನಿಮಾ ಡುಬಾಡೊತೊ.

25 ತೆ ಟೈಮಮಾ ರಾತ್ನಾ ಚಾರ ವಾಸ್ತಾ ಯೆಸು ಸಮುದ್ರಪರ ಚಾ಼ಲ್ತೊ ತ್ಯುನೊಕನ ಆವಾಡೊತೊ. 26 ತೆ ಸಮುದ್ರಪರ ಚಾ಼ಲ್ತೊ ಆವಾನು ತಿನಾ ಶಿಷ್ಯಾ ದೆಕಿನ ಭುತ್ಡು ವ್ಹೈ ಕೈನ ಘನ್ನಾ ಭುಚ್ಕಿನ ಅಡ್ಯಾ. 27 ತೆಕ್ಲಾಮಾಜ಼಼ ಯೆಸು ತ್ಯುನೊನೆ ದೆಕಿನ ಭುಚ್ಕೊ಼ ನಕೊ ಮಿ ವ್ಹೈ ಕೈನ ಕದ್ಯೊ. 28 ತೆಳಾಮಾ ಪೆತ್ರಾ, "ಪ್ರಭು ಕ್ಹರಿಮಾಜ಼ ತು ರ‍್ಹಯೊಮ, ಮನೆ ಪಾನಿಪರ ಚಾ಼ಲಿನ ಆವಾನೆ ಅಪ್ಪಣೆ ದೆ" ಕದ್ಯೊ.

29 ಯೆಸು, ತೆಳಾಮಾ ಪೆತ್ರಾ "ಆ" ಕದ್ಯೊ. ತೆಳಾಮಾ ತೆ ಹಡ್ಗಾಮಾತೊ ಉತ್ರಿನ ಪಾನಿಪರ ಚಾ಼ಲ್ಯೊ. 30 ತೆಳಾಮಾ ಪೆತ್ರಾ ವಾರಾನೆ ದೆಕಿನ ಭುಚ್ಕಿ಼ನ ಪಾನಿಮಾ ಡುಬಾಡೊತೊ, ಕರ್ತಾ ಮನೆ ವಚಾ಼ಡ ಕೈನ ವದರ‍್ಯೊ.

31 ಯೆಸು ತಿನೆ ಹತ್ತ ಧರಿನ ಎ ಅಲ್ಪ ವಿಶ್ವಾಸಿ ಕಾ ಸಂಶೊ ಕರ‍್ಯೊ" ಕದ್ಯೊ. 32 ಪೆತ್ರಾ ವರಿ ಯೆಸು ಹಡ್ಗೊ ಚ಼ಡಲ್ಪರ ಸಮುದ್ರಪರ ರ‍್ಹಯಲ ವಾರೊ ಶಾಂತ ಥಯೊ. 33 ತೆಳಾಮಾ ಹಡ್ಗಾಮಾ ರ‍್ಹಯಲ ಶಿಷ್ಯಾ "ತು ಕ್ಹರಿಮಾಜ಼ ಕ್ಹುದಾನೊ ದಿಕ್ರೊ" ವ್ಹೈ ಕೈನ ಆರಾಧನಾ ಕರ‍್ಯಾ.

Mateus 14:22-33

9. Cura do paralítico

Referência: Marcos 2:1-12
Explicação: Jesus cura o corpo, mas primeiro perdoa os pecados. Este milagre estabelece que sua missão principal é a reconciliação espiritual do homem com Deus.

ಯೆಸು ಲಕ್ವೊ ಮಾರಲವಾಲಾನೆ ಅರಾಮ ಕರಲ

1 ದಕ್ಹಾ ದಿನ್ನೊ ಥಯಲ್ಪರ ಯೆಸು ಕಪೆನೌರ್ಮಿ ಗಾಮೆ ಫರಿನ ಆಯೊ. ತೆ ಘರಮಾ (ಘರ ಕದ್ಯಾಮ ತೆ ರ‍್ಹಯಲ ಗಾಮ) ಆಯೊಸ ಕೈನ ಮನಕ್ಹೊನೆ ಸುದ್ದಿ ಗೊತ್ತ ಥೈ. 2 ಮನಕ್ಹೊ ಮಳಿನ ಆಯಲಕ್ಹು ಘರನಾ ಬಾಕಲನಾ ಭಾರಿಬಿ ಜ಼ಗಾನ್ಹೊತಿ ಯೆಸು ತ್ಯುನೊನೆ ಉಪದೆಶ ಕರಾಡೊತೊ. 3 ತೆಕ್ಲಾಮಾಜ಼಼ ಯಕ್ಕ ಲಕ್ವೊ ಮಾರಲವಾಲಾನೆ ಚ಼್ಯಾರ ಜ಼ನಾ ಉಚೈಲಿನ ತ್ಯಾ ಲಾಯಾ. 4 ಮನಕ್ಹೊ ಗುಂಪ ಥೈನ ಹುಬ್ರಯಲಕ್ಹು ತ್ಯುನೆ ತಿಕನ ನಜಿಕ ಆವಾನೆ ಥಾಯೆ ನೈಸೊಕ್ಹು ತೆ ರ‍್ಹಯಲ ಘರನಾ ಉಪ್ಪರಲಿ ಛತ್ತ ಕಾಡಿನ ಜ಼ಗಾ ಕರಿನ ಲಕ್ವೊ ಮಾರಲ ರೊಗಿ ಕ್ಹುರಯಲ ವಚ್ಚಾ಼ನಾನಾ ಕ್ಹಾತೆ ಉತಾರ‍್ಯಾ. 5 ಯೆಸು ತಿವ್ನೊ ಬರೊಕ್ಹೊ ದೆಕಿನ ತೆ ಲಕ್ವೊ ಮಾರಲವಾಲಾನೆ ದಿಕ್ರಾ ತಾರು ಪಾಪ ಮಾಫ ಥಯುಸ ಕದ್ಯೊ.

6 ತೆಳಾಮಾ ಶಾಸ್ತ್ರಿಯೊಮಾನಾ ದಕ್ಹಾ ಜ಼಼ನಾ ತ್ಯಾಜ಼ ಬೈಟ್ಯಾತಾ 7 ಆಂ ಇಮ್ಮ ಕಾ ಬೊಲಾಡೊಸ? ಎ ಕ್ಹುದಾನಾ ವಿರುದ್ದ ವ್ಹೈ. ಕ್ಹುದಾನೆ ಯಕ್ಲಾನೆಜ಼ ಛೊಡಿನ ಬಿಜು಼ ಕುನ್ನ ಪಾಪ ಮಾಫ ಕರಸ? ಕೈನ ತ್ಯುನಾ-ತ್ಯುನಾ ಮನಸಮಾ ಕೈಲಿದ್ಯಾ.

8 ತ್ಯುನೆ ಇಮ್ಮ ಕೈಲಿವಾನು ತೆಳಾಮಾಜ಼ ಯೆಸು ತಿಳದಿಲಿದ್ಯೊ. ಯೆಸು ತ್ಯುನೊನೆ-ತುಮೆ ತುಮಾರಾ ಮನಸಮಾ ಇಮ್ಮ ಕಾ ತಿಳದಿಲಿವಾಡಾಸ? ಕಯು ಆಸಾನ (ಚೊ಼ಕು) ವ್ಹೈ. 9 ತಾರು ಪಾಪ ಮಾಫ ಥೈ ಗಯುಸ ಕವಾನು ಸು? ಉಟಿನ ತಾರಾ ವಚ್ಚಾ಼ನಾಲಿನ ಚಾ಼ಲ ಕವಾನು ವ್ಹೈ? 10 ವರಿಬಿ ಪಾಪ ಮಾಫ ಕರಾನೆ ಮನಕ್ಹನಾ ದಿಕ್ರಾನೆ ಭ್ಹುಲೊಕಮಾ (ದುನಿಯಾಮಾ) ಅದಿಕಾರ ಛೆ ಕವಾನು ತಿಳದಿಲಿವೊ ಕದ್ಯೊ. ಲಕ್ವೊ ಮಾರಲವಾಲಾನೆ ದೆಕಿನ, 11 ಉಟಿನ ತಾರು ವಚ್ಚಾ಼ನು ಉಚೈನ ಘರೆ ಜಾ಼ ಕೈನ ತುನೆ ಕೌಸ ಕದ್ಯೊ. 12 ತೆ ಉಟಲ ಬರೊಬ್ಬರ ತೆ ವಚ್ಚಾ಼ನು ಲಿನ ಕ್ಹಾರಾವೊನಾ ಕ್ಹಾಮಾತೊ ಗೈ ಪಡ್ಯೊ. ತಿನಾಹುತಿ ಕ್ಹಾರಾಜ಼ನಾ ಘಾಬ್ರಾಥೈನ - ಹಜು಼ನಲಕ್ಕಾ ಹಮೆ ಹೌ ಕೆಳಾಮಾಜ಼ ದೆಕ್ಯಾನತ್ತಿ ಕತಾ ಕ್ಹುದಾನೆ ನೆಣಸ್ತಾ ಗಯಾ.

Marcos 2:1-12

10. Ressurreição de Lázaro

Referência: João 11:1-44
Explicação: O milagre mais impactante antes da crucificação. Ao ressuscitar alguém morto há quatro dias, Jesus declara: "Eu sou a ressurreição e a vida".

ಲಾಜ಼ರನು ಮರಣ

1 ಲಾಜರ ಕವಾಲೊ ಯಕ್ಲೊ ಅರಾಮ ನೈಸೊ ವ್ಹತ್ತೊ. ತೆ ಬೆಥಾನ್ಯ ಕವಾನಾ ಗಾಮಮಾ ವ್ಹತ್ತೊ. ಮರಿಯಳ ವರಿ ತಿನಿ ಭೆನ ರ‍್ಹಯಲ ಮಾರ್ಥಳ ಎಜ಼ ಗಾಮ್ಮಾ ವ್ಹತ್ತಾ. 2 ಪ್ರಭುನೆ (ಯೆಸುನೆ) ಬಾಸನು ತೆಲ ಲಗಾಡಿನ ತಿನಾ ಪಗೊನೆ ತಿನಾ ಮಾತಾನಾ ಬಾಲೊಕ್ಹು ನುಚಚಲವಾಲಿ ಎ ಮರಿಯಳ ವ್ಹೈ. ಅರಾಮ ನೈ ರ‍್ಹಯಲ ಲಾಜರ ಮರಿಯಳನೊ ಭೈ ವ್ಹತ್ತೊ. 3 ತಿನಾಹುತಿ ಭಂಬಿ ಭೆನೊ ಯೆಸುನೆ"ಪ್ರಭು, ತಾರೊ ಮಯಾನೊ ದೊಸ್ತ ಥಯಲ ಲಾಜರ ಅರಾಮ ನೈಸೊ ಪಾಡ್ಯೊಸ" ಕವಾನು ಸಂದೆಶ ಮೊಕ್ಲಿಯೊ.

4 ಯೆಸು ಎ ಐಕಿನ"ಎ ರೊಗ ಕ್ಹುದಾನಿ ವರಿ ಕ್ಹುದಾನಾ ದಿಕ್ರಾನೆ ಮಹಿಮಾನಾ ಹುತಿ ಐಸ ತೆನೈಸೊ ಮರಾನಾ ಹುತಿ ನ್ಹವೈ" ಕೈನ ಕದ್ಯೊ

5 ಯೆಸು ಮಾರ್ಥಳ, ತಿನಿ ಭೆನನೆ ವರಿ ಲಾಜರನೆ ಮಯಾ ಕರ್ತೊತೊ. 6 ಲಾಜರ ಅರಾಮ ನೈಸೊ ಛೆ ಕವಾನಿ ವಾತ ತೆ ಐಕಲ್ಪರಬಿ ತೆ ರ‍್ಹಯಲ ಜ಼ಗಾಜ ಹಜು಼ನ ಬೆ ದಿನ್ನ ಲಕ್ಕಾ ರ‍್ಹಯೊ. 7 ಪಾಚ಼ಲ್ತೊ ತೆ ತಿನಾ ಶಿಷ್ಯಾವೊನೆ"ಅಪೆ ಯುದೆಯನೆ ಫರಿನ ಗಯ್ಯೆ" ಕೈನ ಕದ್ಯೊ.

8 ಶಿಷ್ಯಾ ತಿನೆ"ಗುರು, ದಕ್ಹಾ ಪೈಲಾಜ ಯೆಹುದಿಯೊ ತುನೆ ದಗ್ಡಾವೊಕ್ಹು ಕಲಾಸ ಕರಾನೆ ದೆಕ್ಯಾ. ಹಮ್ನಾ ತು ವರಿ ತ್ಯಾ ಜೌ ಕೈನ ಕವಾಡ್ಯೊಸ ತೊ? ಕೈನ ಉತ್ತರ ದಿದ್ಯಾ.

9 ಯೆಸು ತ್ಯುನೊನೆ "ದಿನ್ಮಾ ಬಾರಾ ಘಂಟಾ ರ‍್ಹವಸ ವ್ಹೈ ಸು ನೈ? ದಿನ್ನಮಾ ಚಾಲಾಲೊ ಪಡತೊ ನೈ. ಕಾಕದ್ಯಾಮ ಎ ದುನಿಯಾನಿ ಉಜಾಲಾಕ್ಹು ತೆ ದೆಕಸ. 10 ತೆನೈಸೊ ರಾತಮಾ ಚಾಲಾಲೊ ಟೆಕ್ಹ ಲಾಗಿನ ಪಡಸ. ಕಾಕದ್ಯಾಮ ದೆಕಿನ ಚಾಲಾನೆ ತಿನೆ ಕಯುಜ಼ ಉಜಾಲು ನೈ ರ‍್ಹತು" ಕೈನ ಉತ್ತರ ದಿದ್ಯೊ. 11 ಯೆಸು ಎ ಸಂಗತಿ ಕದಲ ಪರ"ಅಪ್ನೊ ದೊಸ್ತ ಥಯಲ ಲಾಜರ ಹಮ್ನಾ ಕ್ಹುರಯೊಸ. ತಿನೆ ಉಟಾಡಾನೆ ಮಿ ತ್ಯಾ ಚಾಲ್ಯೊಸ" ಕೈನ ಕದ್ಯೊ.

12 ಶಿಷ್ಯಾ ತಿನೆ"ಪ್ರಭು, ತೆ ನಿಂದರ ಕರತೊ ರ‍್ಹಯಲ ಅರಾಮ ಥಾವಸ" ಕೈನ ಉತ್ತರ ದಿದ್ಯಾ.

13 ಲಾಜರ ಮರಿ ಗಯೊಸ ಕವಾನಾ ಮತ್ಲಬಮಾ ಯೆಸು ಕದ್ಯೊ. ತೆನೈಸೊ ಲಾಜರ ಕ್ಹರಿಮಾಜ಼ ಕ್ಹುರಯೊಸ ಕವಾನಾ ಮತ್ಲಬಮಾ ಯೆಸು ಕದ್ಯೊಸ ಕೈನ ಶಿಷ್ಯಾ ತಿಳ್ದಿಲಿದ್ಯಾ. 14 ತಿನಾಹುತಿ ಯೆಸು ತ್ಯುನೊನೆ ಕರೆಟ್ಟ"ಲಾಜರ ಮರಿ ಗಯೊಸ ಕೈನ ಕದ್ಯೊ. 15 ತೆನೈಸೊ ತುಮಾರಾ ಹುತಿ ಮಿ ತ್ಯಾ ನೈ ರ‍್ಹಯಲ ಹುತಿ ಖುಶಿ ಥೌಸ. ಕಾಕದ್ಯಾಮ, ತೆಳಾಮಾ ತುಮೆ ಮಪರ ಬರೊಕ್ಹೊ ಕರೊಶಿ. ಆವೊ, ತಿಕನ ಗಯ್ಯೆ" ಕೈನ ಕದ್ಯೊ.

16 ತೆಳಾಮಾ ಔಳಿ ಜೌಳಿ ಕವಾಲೊ ತೊಮ, ಆವೊ "ಅಪೆಬಿ ಗುರುನಾ ಕ್ಹಾತೆ ತ್ಯಾ ಗೈಯೆ ವರಿ ತಿನಾ ಕ್ಹಾತೆ ಮರಿಯೆ" ಕೈನ ಕದ್ಯೊ.

ಯೆಸುಜ ಪುನರುತ್ಥಾನ ವರಿ ಜ಼ಲಮ

17 ಯೆಸು ಬೆಥಾನಿಯೆ ಆಯೊ. ಹಮ್ನಾ ತುಬಿ ಲಾಜರ ಮರಿನ ಮಜಾರಮಾ ರ‍್ಹೈನ ಚಾರ ದಿನ್ನ ಥಯಾ ಕೈನ ಗ್ವತ್ತ ಥಯು. 18 ಬೆಥಾನ್ಯ ಯೆರುಸಲೆಮತಿ ಕಮ್ಸೆ ಕಮ್ಮ ಬೆ ಮೈಲ ದುರ ವ್ಹತ್ತು. 19 ಘನ್ನಾ ಯಹುದ್ಯೊ ಮಾರ್ಥಾ ವರಿ ಮರಿಯಳಕನ ಆಯಾತಾ. ತ್ಯುನೊನೆ ತ್ಯುನೊ ಭೈ ಥಯಲ ಲಾಜರನಾ ಮರಣನಾ ಹುತಿ ಸಮಾದಾನ ಕರಾನೆ ತ್ಯುನೆ ಆಯಾತಾ.

20 ಯೆಸು ಆವಾಡ್ಯೊಸ ಕೈನ ಐಕಿನ ಮಾರ್ಥಳ ತಿನೆ ಮಳಾನೆ ಭಾರಿ ಗೈ. ತೆನೈಸೊ ಮರಿಯಳ ಘರ್ಮಾಜ ವ್ಹತ್ತಿ. 21 ಮಾರ್ಥಳ ಯೆಸುನೆ"ಪ್ರಭು, ತು ನ್ಹ್ಯಾ ರ‍್ಹವತ್ತೊ, ಮಾರೊ ಭೈ ಮರ್ತೊ ನ್ಹೊತೊ. 22 ತೆನೈಸೊ ಹಮ್ನಾಬಿ ತು ಸುಬಿ ಕ್ಹುದಾನೆ ಪುಚ್ಚೊ ತುಬಿ ತೆ ತುನೆ ದಿವಸ ಕವಾನು ಮನೆ ಗ್ವತ್ತ ಛೆ" ಕೈನ ಕದಿ.

23 ಯೆಸು ತಿನೆ"ತಾರೊ ಭೈ ವರಿ ಜಿವ್ತೊ ಥೈನ ಉಟಿನ ಆವಸ" ಕೈನ ಕದ್ಯೊ. 24 ಮಾರ್ಥಳ ತಿನೆ"ಪುನರುತ್ಥಾನ ಥಾವಾನಾ ಲಾಸ್ಟನಾ ದಿನ್ನೆ ತೆ ವರಿ ಉಟಿನ ಆವಸ ಕೈನ ಮನೆ ಗ್ವತ್ತ ಛೆ" ಕೈನ ಉತ್ತರ ದಿದಿ. 25 ಯೆಸು ತಿನೆ"ಮಿಜ಼ ಪುನರುತ್ಥಾನ ವ್ಹೈ ವರಿ ಮಿಜ಼ ಜ಼ಲಮ ವ್ಹೈ. ಮಪರ ಬರೊಕ್ಹೊ ಕರಾಲೊ ತೆ ಮರಲಪರಬಿ ವರಿ ಜಿವ್ತೊ ಥಾವಸ. 26 ವರಿ ಜಿವ್ತೊ ರ‍್ಹೈನ ಮಪರ ಬರೊಕ್ಹೊ ಕರಾಲೊ ಕೆಳಾಮಾಬಿ ಮರ್ತೊಜ ನೈ. ತು ಎ ಬರೊಕ್ಹೊ ಕರಶಿ ಸು? ಕದ್ಯೊ. 27 ತೆಳಾಮಾ ಮಾರ್ಥಳ"ಹೊ ಪ್ರಭು, ತು ಕ್ರಿಸ್ತ ವ್ಹೈ ಕೈನ ಮಿ ಬರೊಕ್ಹೊ ಕರುಸ, ಕ್ಹುದಾನೊ ದಿಕ್ರೊ ಥಯಲ ಎ ದುನಿಯಾನೆ ಆವಾಲೊ ತುಜ಼಼ ವ್ಹೈ" ಕೈನ ಉತ್ತರ ದಿದಿ.

ಯೆಸು ರವಾನು

28 ಮಾರ್ಥಳ ಇಮ್ಮ ಕದಲ ಪರ, ತಿನಿ ಭೆನ ಥಯಲ ಮರಿಯಳ ಕನ ಫರಿನ ಗೈ. ತೆ ತಿನಾ ಕ್ಹಾತೆ ಬೊಲಿನ"ಗುರು ತುನೆ ಬಲಾವಾಡೊಸ" ಕೈನ ಕದಿ. 29 ಎ ಐಕಲ ಬರೊಬ್ಬರ ಮರಿಯಳ ಉಟಿನ ಯೆಸು ಮಳಾನೆ ಗೈ. 30 ಯೆಸು ಹಜನ ಗಾಮನಾ ಮ್ಹೈ ಆಯೊ ನ್ಹೊತೊ. ಮಾರ್ಥಳ ತಿನೆ ಮಳಲ ಜ಼ಗಾಪರ ತೆ ವ್ಹತ್ತೊ. 31 ಯಹುದ್ಯೊ ಮರಿಯಳನಾ ಕ್ಹಾತೆ ಘರಮಾ ವ್ಹತ್ತಾ. ತ್ಯುನೆ ತಿನೆ ಸಮಾದಾನ ಕರಾಡಾತಾ. ಮರಿಯಳ ಉಟಿನ ಜಲ್ದಿ ಜಾ಼ವಾನು ತ್ಯುನೆ ದೆಕ್ಯಾ. ತೆ ರವಾನಾ ಹುತಿ ಮಜಾರ ಕನ ಚಾ಼ಲಿಸ ಕೈನ ತ್ಯುನೆ ತಿಳ್ದಿಲಿನ ತಿನಾ ಪಾಚಾ಼ ಗಯಾ. 32 ಯೆಸು ರ‍್ಹಯಲ ಜ಼ಗಾಯೆ ಮರಿಯಳ ಗೈ. ತೆ ಯೆಸುನೆ ದೆಕಲ ಬರೊಬ್ಬರ ತಿನಾ ಪಗೊನೆ ಅಡ್ಡ ಪಡಿನ"ಪ್ರಭು, ತು ನ್ಹ್ಯಾ ರ‍್ಹವತ್ತೊ, ಮಾರೊ ಭೈ ಮರತೊ ನ್ಹೊತೊ" ಕೈನ ಕದಿ. 33 ಮರಿಯಳ ವರಿ ತಿನಾ ಕ್ಹಾತೆ ಆಯಲ ಯೆಹುದಿಯೊನು ರವಾನು ಯೆಸು ದೆಕಲ ಪರ, ತಿನಾ ಮನಸೆ ಲಾಗಿನ ಘನ್ನೊ ದುಖ ಥಯೊ. 34 ಯೆಸು ತ್ಯುನೊನೆ"ತಿನೆ ಕಿಜಾ಼ ಮ್ಹೆಲ್ಯಾಸ? ಕೈನ ಪುಚ್ಚೊ. ತಿನೆ ತ್ಯುನೆ"ಪ್ರಭು, ಐನ ದೆಕ" ಕದ್ಯಾ. 35 ಯೆಸು ರ‍್ವಯೊ. 36 ತೆಳಾಮಾ ಯಹುದ್ಯೊ"ದೆಕೊ! ಎ ಲಾಜರನೆ ಕೆಕ್ಲೊ ಮಯಾ ಕರಸ" ಕದ್ಯಾ. 37 ತೆನೈಸೊ ದಕ್ಹಾ ಯಹುದ್ಯೊ"ಯೆಸು ಕುಡ್ಡಾವೊನಾ ಡೊಳಾ ಅರಾಮ ಕರ‍್ಯೊತೊ ನೈ; ಲಾಜರನೆಬಿ ಸಹಾಯ ಕರಿನ ತಿನೆ ಮರಣಕ್ಹು ಚುಕೌಸು ನೈ? ಕೈನ ಕದ್ಯಾ.

ಲಾಜರ ಮರಿನ ಜಿವ್ತೊ ಥಯಲ

38 ಯೆಸು ತಿನಾ ಮನಸ್ಮಾ ವರಿ ಘನ್ನೊ ದುಖ ಥೈನ, ಲಾಜರ ರ‍್ಹಯಲ ಮಜಾರಕನ ಆಯೊ. ತೆ ಮಜಾರ ಯಕ್ಕ ಗವಿ ವ್ಹತ್ತಿ. ತಿನಾ ಮ್ಹೊಡಾನೆ ಮ್ಹೊಟೊ ದಗ್ಡೊ ಝಾಕ್ಯಾತಾ. 39 "ತೆ ದಗ್ಡೊ ಕಾಡಿ ಪಾಡೊ "ಕೈನ ಯೆಸು ಕದ್ಯೊ. ತೆಳಾಮಾ ಲಾಜರನಿ ಮ್ಹೊಟಿ ಭೆನ ಮಾರ್ಥಳ"ಲಾಜರ ಮರಿನ ಚಾರ ಥೈ ಗೈಯಾಸ. ತಿನಾಹುತಿ ತ್ಯಾ ಕೆಟ್ಟ ಬಾಸ ಛೆ" ಕೈನ ಕದಿ. 40 ತೆ ವಾತೆ ಯೆಸು, ಮಾರ್ಥಳನೆ ಮಿ ತುನೆ ಕದಲ ಶೆ ಕರ್ಲೆಶಿಸು? ತು ಬರೊಕ್ಹೊ ಕರಿಮ ಕ್ಹುದಾನಿ ಮಿ,ಹಿಮಾ ದೆಕಸಿ ಕೈನ ಮಿ ತುನೆ ಕದ್ಯೊತೊ "ಕೈನ ಕದ್ಯೊ. 41 ತಿನಾ ಹುತಿ ಸಮಾದಿನಿ ಝಾಕಲ ದಗ್ಡೊ ಕಾಡ್ಯಾ. ತೆಳಾಮಾ ಯೆಸು ಡೊಳಾ ಉಚೈನ ಸ್ವರ್ಗನೆ ದೆಕಿನ ಬಾ ಮಾರಿ ಪ್ರಾಥನಾ ಐಕಲ ಹುತಿ ಮಿ ತುನೆ ಕೊಂಡಾಡುಸ. 42 ತು ಹಮೆಶಾಬಿ ಮಿ ಕವಾನು ಐಕಸಿ ಕವಾನು ಮನೆ ಗ್ವತ್ತ ಛೆ. ವರಿಬಿ ಮಾರಾ ಸುತ್ತೆ ಮುತ್ತೆ ಮನಕ್ಹೊನಾ ಹುತಿ ಮಿ ಎ ಕ್ಹಾರು ಕವಾಡ್ಯೊಸ. ತು ಮನೆ ಮೊಕ್ಲಲಲ ಹುತಿ ತ್ಯುನೆ ಬರೊಕ್ಹೊ ಕರುಜ ಕೈನ ಮಿ ಆಸ ಕರುಸ. ಕೈನ ಕದ್ಯೊ. 43 ಎ ಕ್ಹಾರು ಕದಲ್ಪರ ಯೆಸು ಜೊ಼ರ ಆವಾಜಕ್ಹು"ಲಾಜರ, ಭಾರೊ ಆ" ಕೈನ ಬಲಾಯೊ. 44 ಮರಿ ಗಯಲ ತೆ ಮನಕ್ಹ ಭಾರೊ ಆಯೊ. ತಿನಾ ಹತೊ ಪಗೊ ಫಡ್ಕಾಕ್ಹು ಭಾಂದಲ ವ್ಹತ್ತಾ. ತಿನು ಮ್ಹೊಡು ಫಡಕಾಕ್ಹು ಸುತ್ತಲ ವ್ಹತ್ತು. ತೆಳಾಮಾ ಯೆಸು ತ್ಯುನೊನೆ"ತಿನೆ ಖೊಲೊ ವರಿ ಜಾ಼ವಾನೆ ದಿವೊ.

João 11:1-44

Conclusão

Os milagres de Jesus revelam sua autoridade sobre a natureza, as enfermidades, o mundo espiritual e até a morte. Eles não são apenas demonstrações de poder, mas sinais que apontam para sua identidade e missão.

Ao estudar esses milagres, é possível compreender melhor o papel de Jesus e a mensagem central do Evangelho.

Se este conteúdo ajudou você a entender os milagres de Jesus na Bíblia, compartilhe este artigo para que mais pessoas também conheçam esses ensinamentos.