10 Milagres de Jesus na Bíblia: Lista com versículos e explicação

Os milagres de Jesus são muito mais do que demonstrações de poder sobrenatural; eles são sinais que confirmam sua divindade e missão. Ao longo dos Evangelhos, vemos Cristo curando enfermos, dominando a natureza e vencendo a morte.

Neste guia, selecionamos 10 milagres de Jesus na Bíblia, organizados com referências e uma breve explicação sobre o impacto espiritual de cada um deles.

Os principais milagres de Jesus nos Evangelhos

1. Transformação da Água em Vinho

Referência: João 2:1-11
Explicação: Ocorreu nas Bodas de Caná. Sendo o seu primeiro milagre público, Jesus demonstrou autoridade sobre a matéria e a natureza, revelando sua glória aos discípulos e abençoando a instituição da família.

Un’kyɔm a bɔr u Kana

1 Kyekà, ilä kyàtär, kàkäl anà un’kyɔm a bɔr mwɛy u Kana, u Ngalilɛ. Ngwän a Yɛsu kàkäl kwo. 2 Yɛsu sye bàkyer un’bel anà alɔŋki ande kà un’kyɔm awà. 3 Yàmɛnà naa man màkyer awà. Ngwän a Yɛsu kàtɛn a nde naa: « Ba vin latɛy. » 4 Wɛɛ Yɛsu kun’fuur naa: « Un’kaar wà, ngye anà mɛ inina? Taaŋ amɛ ŋàtàkwo anki. » 5 Ngwän waa kàtɛn a asyääl naa: « Làkyer yinà yanswà utɛn nde a bɛ. » 6 Paa màkäl anà an’buuŋ, an’buuŋ an’syaam mà nkɔŋ, amà bàfasyäälà Ayudà ntɔn mupöŋ ndür. U làbuuŋ làmwɛy man’kwo ibilà isii a an’litre an’kwem an’tär aŋitär. 7 Yɛsu kàswɛŋ asyääl naa: « Làyööl an’dà uboo a an’buuŋ mà. » Ba sye waa bàyööl ma tii u mɔɔl. 8 Yɛsu kàtɛn a ba naa: « Apanà, làtɛɛ an’dà anà làsyen ma akà mfum a un’kyɔm. » Ba waa bun’syeen ma. 9 Kàkyee nde, an’dà màkäl man’bulà vin. Nde kàyöb anki naa vin alà lan’fà ken. Wɛɛ asyääl bàtɛɛ an’dà bàkyer ayöb. Apan sye nde kàbel ŋabɔr, 10 waa kàtɛn a nde naa: « Baar banswà bàfàtapà vin aŋàbwaŋ. Ungö, isàkal naa baar ban’yɔr, waa bapà vin làkɔ̈ɔ̈n ntsà. Wɛɛ ngye, ngye vin a ntsà akyer asàlɔɔn tii apanà! »

11 Ayi nsɛmà a idiim a Yɛsu yàlyaaŋ u Kana a Ngalilɛ. Nde kàmɛɛy làkoo ande, alɔŋki ande waa bun’si làkwikilà.

João 2:1-11

2. Cura do cego de nascença

Referência: João 9:1-12
Explicação: Jesus usa lodo para curar um homem que nunca havia enxergado. Este milagre prova que Ele é a Luz do Mundo e tem poder para restaurar o que nasceu com defeito.

Yɛsu kan’kɔɔr ikwàmii fà mböör ande

1 U mbwo, Yɛsu kàmɛn baal mwɛy wàŋàkwàmii fà mböör ande. 2 Alɔŋki ande bun’fuul naa: « Rabi, nà kàkyer man’be ntɔn nde bun’bör wàŋàkwàmii, nkye nde lɛɛ aböör ande? » 3 Yɛsu kàfuur naa: « Kà nde anki, itàkal aböör ande, wɛɛ ntɔn isal a Nzam imɛnà amu nde. 4 Ibà bi pà u mwäänà, bi ikyer isal a mbuur kan’töm. Làpib làmubwà, taaŋ mpa usal mbuur. 5 Umpal in’wà mɛ pà u mɛɛn, mɛ in’wà pɛɛlà a mɛɛn. » 6 Ungö mutɛn indiir abi, nde kàtsül an’te u mɛɛn, kàkyer twar, waa kàkiir la u mii a ikwamii, 7 waa kàtɛn a nde naa: « Kyen, kaywɛb kà itɛy a Silɔwɛ. » Ikɔb aki ikaswaŋà naa « Ntööm ». Ikwàmii kàkyen kwo, kàywɛy ntabwey, waa kàyimanà mpal kàyàfurà nde. 8 Baar a tsütsü anà nde anà baar bàfun’manà kusà wàmulɔlɔm, bàfuulà naa: « Nkye wà kà mbuur akwà kàkälà wà aŋàbwaay anà kàfalɔ̈lɔ̈mà anki? » 9 Amwɛy bàtɛɛnà naa: « Awà nde. » Bumwɛy naa: « Awà kà nde anki, mbuur asin kàmufwän. » Wɛɛ ikwàmii kàkyey naa: « Ndandaa, wà mɛ. » 10 Abun, ba bun’fuulà naa: « Mii angye myan’dubà aben? » 11 Nde kàfuur naa: « Mbuur awà bàfàbel Yɛsu kàkyer twar, kan’kiir la u mii, waa kàtɛn a mɛ naa: "Kyen Silɔwɛ, kaywɛb". Apan sye in’kyen mɛ, in’ywɛb mɛ, waa in’bulà muman! » 12 Ba bun’fuul naa: « Nde wàken, mbuur wa? » Nde kàfuur naa: « Mɛ in’yöb anki. »

João 9:1-12

3. Multiplicação dos pães e peixes

Referência: Mateus 14:13-21
Explicação: Com apenas cinco pães e dois peixes, Jesus alimentou mais de 5 mil homens. Este sinal revela Cristo como o Pão da Vida, aquele que supre todas as nossas necessidades.

Yɛsu kan’dii baar isii a nsaab tyeen

13 Mpal kàwem Yɛsu làsaŋ alà, nde kàlwomà kà ikal akin, kàbilà u bwaar, waa kàkyen ikal a mpey. In’sɛŋ a an’bul myàyöb mya, fà an’bul aba, ba bun’läb kà in’kɔl. 14 Mpal kàtoo Yɛsu u bwaar, nde kàmɛn iköŋ a baar, laa kamɛɛn nde ngyɛb a kölàköl, waa kàkɔɔr an’too aba. 15 Mpal làbü sisye, alɔŋki bàsin tsütsü apà nde, waa bàtɛn a nde naa: « Ikal ki kyà ipɔl, taaŋ sye lan’kyà itaan. Apay baar bàkyen ba ŋakwo bàkàsom isa adyà kan’bul. » 16 Yɛsu kafuur naa: « Ba mfun akyà yatɛy, lapɛ isa adyà bɛ ŋakwo! » 17 Wɛɛ ba bàtɛn a nde naa: « Apà bi ibye anà mampà an’tyeen anà nsö yweel mpɛl. » 18 Nde kàtɛn naa: « Lan’twääl abyà kà. » 19 Apan, ungö muswaŋ iköŋ a baar mubwaay udu a in’lɛŋ, nde kàwɛl mampà aman man’tyeen anà nsö yàyweel, kàler u du, waa kàsaak bya. Ungö, nde kàtsütsül mampà, waa kàpɛ ma akà alɔŋki, ba waa bàkàkäb ma akà iköŋ a baar. 20 Baar banswà waa bàdi, waa bàyüür. Ba bàsyen in’lwaŋ kwem aŋiyweel myàŋàyɔl a itiir byàsäl. 21 Baar bàdi bàkäl isii a abaal nsaab tyeen, ukɔɔn ataŋ akaar anà baan.

Mateus 14:13-21

4. Jesus acalma a tempestade

Referência: Marcos 4:35-41
Explicação: Com uma ordem, o vento e o mar se aquietam. O milagre ensina sobre a paz que excede o entendimento e a autoridade do Messias sobre a criação.

Yɛsu kan’kwaam ikül

35 Ilä nsil kya, làsisye, Yɛsu kàtɛn a alɔŋki ande naa: « Tsweenà bi isabà. » 36 Ba bàsàwɛy un’sɛŋ a baar, waa bun’syen uboo a bwaar kàkäl nde, an’bwaar asin màkäl tsütsü apà nde. 37 Ikül laa kyàyi kya. Ibɔ a an’dà byàbilà uboo a bwaar, waa byàyöölà la. 38 Wɛɛ akà nde, nde kàkäl aŋàbɔ̈ɔ̈n kà ita a bwaar, un’tswe udu a ibɔm. Alɔŋki ande bun’wiy, waa bàsi in’kwɛŋ: « Un’lɔɔŋ, nkye ngye ube amanà anki naa bi ikü? » 39 Yɛsu waa kàsubà, kàŋän ikül, waa kàtɛn a ɛwà naa: « Kal akul! Bäm mun! » Ikül laa kyàkwamà kya, duu a kölàköl waa làbilà. 40 Apan nde kàtɛn a ba naa: « Ntɔn nkye làbà bɛ mutɛɛr? Nkye bɛ ŋàtàsà anki làkwikilà? » 41 Matɛɛr mawɛl ma, ba waa bàtɛɛnà ba a ba naa: « Abà nde wà nà, waa itàkal ikül anà ɛwà byàmukun’weemà? »

Marcos 4:35-41

5. Cura da mulher com fluxo de sangue

Referência: Marcos 5:25-34
Explicação: Uma cura que aconteceu pelo toque da fé. Jesus mostra que está atento ao sofrimento individual e que a fé é o canal para receber o milagre.

25 Kyekà kàkäl anà un’kaar mwɛy kàyitoo an’kil mbul kwem aŋiyweel. 26 Nde kàmɛn mpay mbɔɔn muyikyà akà ingaŋ mbɔɔn, kàmay indiir ande byanswà, ukɔɔn aman ubwaŋ. Wɛɛ ukyal ande bàkyer afàsöönà mbɔɔn. 27 Umpal kàwem un’kaar awà ndaa bàtɛɛnà baar ntɔn Yɛsu, nde kàkül ungö, uboo a un’sɛŋ a baar, waa kàbä ipfɛy ande. 28 Ntɔn nde kàtɛɛnà nde ŋàkwo naa: « Isàkal naa mɛ in’tàba akà ipfɛy ande mpɛl, mɛ in’kyɛr awà mɔ̈ɔ̈. » 29 Taaŋ nsil alan sye an’kil ande waa màtsü mutoo, nde kàyöb u ndür ande naa nde kan’kɔɔrà unsà ukyal ande. 30 Apan sye, Yɛsu waa kàyöb naa ngwal mwɛy yan’too u ndür ande, nde kàbulà uboboo a un’sɛŋ a baar, waa kàfuulà naa: « Nà kan’ba ipfɛy amɛ? » 31 Alɔŋki ande bàtɛɛnà a nde naa: « Ngye akimanà naa un’sɛŋ a baar wàmukabàbääbà, wɛɛ ngye afuulà naa: "Nà kàman’ba?" » 32 Wɛɛ nde kàleerà umbil ande ntɔn muyöb naa un’kaar nà kan’kyer abà. 33 Apan, abà kàyöb un’kaar awun ndaa yun’yeel, unsà bɔɔmà anà matɛɛr, nde kàyàbwà kà in’kɔl a Yɛsu, waa kàtɛn a nde ndandaa yanswà. 34 Yɛsu kàtɛn a nde naa: « Mangwa, làkwikilà angye làmatswà mɔ̈ɔ̈. Kyen a duu, wɛy naa ngye akɔɔrà unsà ukyal angye. »

Marcos 5:25-34

6. Libertação do endemoninhado Gadareno

Referência: Marcos 5:1-20
Explicação: Jesus liberta um homem dominado por uma legião de espíritos. É a prova clara de sua autoridade absoluta sobre o reino das trevas.

Yɛsu kan’kɔɔr aŋadweelà an’be

1 Ungö apan ba bàkɔlà u sim lumwɛy là ɛwà, u nsi a Bàngɛlàsà. 2 Pa kàtoo Yɛsu u bwaar, baal mwɛy wàŋàyɔl a an’dweelà an’be kàyàtoo kà an’dii, waa kàyàbwey anà nde. 3 Nde kàfabwaayà kà an’dii. Akà mbuur mwɛy kàfàkwo anki mukun’bäm itàkal dwaaŋ. 4 Ntɔn mbalà mbɔɔn ba bàfun’bäämà iswɛɛy anà dwaaŋ, wɛɛ nde kàtsüülà mya. Akà mbuur mwɛy kàkwe anki mukun’kyäämà. 5 Taaŋ lanswà, mpib anà mwäänà, nde kàkäl muyità nsay uboo a an’dii anà u myɔŋ, wàmuyikuub in’kwɛŋ anà muyikàkaam ndür a in’kul. 6 Umpal kàmɛn nde Yɛsu ukwɛl, nde kàkyen ntiin, waa kàbü an’köm kusà a nde, 7 waa kàkuub in’kwɛŋ anà mutɛn naa: « Ininà akà mɛ anà ngye, Yɛsu, Mwan a Nzam a Dudu? Mɛ amabɔɔn kà ikɔb a Nzam, twon aman’pà mpay! » 8 Ntɔn Yɛsu kàtɛɛnà a nde naa: « Dweelà a làbe, too unsà mbuur wà! » 9 Nde kun’fuul naa: « Ikɔb angye nà? » Nde kun’fuur naa: « Ikɔb a mɛ "Un’kàbɔ", ntɔn bi ibà mbɔɔn. » 10 Nde waa kun’bɔ̈ɔ̈nà mbɔɔn, ntɔn nde ukɔɔn akaböŋ u nsi ayin.

11 Kyekà, mper akà mɔŋ, làkäl anà làböl a kölàköl là ngul làkäl muyidyà. 12 An’dweelà an’be màbɔ̈ɔ̈n Yɛsu naa: « Itöm uboo a ngul ntɔn bi ibilà amu ya! » 13 Yɛsu kapɛ mbwo. Apan laa màtoo ma, màbilà ma uboo a ngul, làböl, fà iköl a mɔŋ, làkàbwà kà ɛwà. Ya yàkäl isii a nsaab yweel, waa làminà. 14 Aseey a ngul batiin ba, ba bàkàpay làsaŋ uboo a bul anà kà itsuŋ a ndwà. Apan baar waa bàyi muman ndaa yàlyaaŋ. 15 Mpal bàyàtol ba tsütsü apà Yɛsu anà bàmɛn ba aŋadweelà an’be akyàbwaay, akyàbwaar anà akyàkal a duu, nde mbuur kàkäl anà Un’kàbɔ, ba bàmɛn bɔɔmà. 16 Baar bàmɛn ya yanswà yàlyaŋ, ba bakyäänà ndaa yàbweel mbuur aŋadweelà an’be anà ngul. 17 Apan ba bàsɛmà mukun’bɔɔn naa nde ulwomà kà itiir a nsi aba. 18 Umpal kàkäl Yɛsu mubilà u bwaar, mbuur awà kàkäl anà an’dweelà an’be kun’lɔ̈ɔ̈m naa 19 Yɛsu kun’pɛ anki mbwo, wɛɛ nde kàtɛn a nde naa: « Furà ndwà a ngye, ntsü akà atoŋ angye, waa akakyään ndaa yanswà kàmakyer Mwol unsà ngyɛb ande. » 20 Apan, baal awà kàkyen nde, nde kàsɛmà mukyään indiir a kölàköl byanswà kàkyer Yɛsu akà nde u Dɛkapɔl. Baar banswà bakyer abemà.

Marcos 5:1-20

7. Ressurreição da filha de Jairo

Referência: Marcos 5:21-43
Explicação: Jesus demonstra que a morte para Ele é como o sono. Ele restaura a vida de uma criança, trazendo esperança para uma família desesperada.

Mwan a Zayirɔs wà un’kaar anà un’kaar kàbä ipfɛy a Yɛsu

21 Mpal kàfurà Yɛsu sim lumwɛy u bwaar, un’sɛŋ a baar mbɔɔn kàyàkɔ̈ŋ apà nde. Nde kàkäl kà un’kɔɔl a ɛwà. 22 Apan umwɛy uboo a amfum a ndwà a nköŋ a Ayudà, ikɔb ande Zayirɔs, umpal kàmɛn nde Yɛsu, nde kàbü kà in’kɔl ande, 23 waa kun’bɔ̈ɔ̈n mbɔɔn, mutɛn naa: « Mwan un’kye amɛ wà un’kaar wà tsütsü mukwà, yun’si an’kɔɔ ntɔn nde ukɔɔrà, uwü mɔ̈ɔ̈! » 24 Yɛsu kàkyen mbwo mwɛy anà nde. Un’sɛŋ a baar mbɔɔn kàyun’labà, waa kàyun’bàbääbà.

35 Nde kàkäl aŋàtàmay anki muyääm, umpal bàyi baar bàfü ndwà a mfum a ndwà a nköŋ a Ayudà, waa bàtɛn naa: « Mwan angye wà un’kaar kan’kwà. Ntɔn nkye mufàtwääl Un’lɔɔŋ nkwom? » 36 Wɛɛ Yɛsu kàsàlab anki ndaa ayi, waa kàtɛn a mfum a ndwà a nköŋ a Ayudà naa: « Twon an’man bɔɔmà, sà làkwikilà mpɛl. » 37 Abun, nde kàpɛ anki mbwo akà mbuur mukun’swà, nà Petɔlà, Zyak, anà un’tɔŋ ande Ywan mpɛl. 38 Ba ban’kɔlà u ndwà a mfum a ndwà a nköŋ a Ayudà. Yɛsu kan’man baar ban’kal udu udu, bàmulel, bàmusà in’kwɛŋ mbɔɔn. 39 Nde kan’bilà, waa kan’tɛn a ba naa: « Ntɔn nkye minii ami anà ilel abi? Mwan kà wàŋàkwà anki, nde wàŋàbɔ̈ɔ̈n. » 40 Ba bàkyer un’sɛɛ. Wɛɛ nde kàtwey baar banswà, waa kàwɛl nà taarande anà ngwän a mwan anà baar bàyun’swà. Apan nde kan’bilà u suk kàkäl mwan. 41 Nde kan’tà kɔɔ a mwan mpi, waa kan’tɛn a nde naa: « Mwan un’kaar, mɛ amaswaŋ, wiyà! » 42 Apan sye, mwan un’kaar waa kàmbarà, waa kàsemà mukyà, - nde kàkäl ayà mbul kwem aŋiyweel. Apan, ba bàkäl unsà ubem mbɔɔn. 43 Yɛsu kaswɛŋ a ngwal naa akà mbuur mwɛy ukɔɔn ayöb, waa kàtɛn naa ba bun’pɛ isaa adyà.

Marcos 5:21-43

8. Jesus anda sobre as águas

Referência: Mateus 14:22-33
Explicação: Ao caminhar sobre o Mar da Galileia, Jesus mostra que não está sujeito às leis da física. O episódio também serve para tratar a fé e a dúvida no coração de Pedro.

Yɛsu wàmuyikyà udu a an’dà

22 Apan sye, Yɛsu kàswɛŋ alɔŋki mubilà u bwaar ntɔn ba bàfwel u sim, mpal usàpay nde in’sɛŋ. 23 Ungö kàpay nde iköŋ a baar, nde kàbeenà udu a mɔŋ ntɔn mukàyamà u mpey. Nde kàkäl kwo aŋàyen tii u sisye. 24 Bwaar làkäl lan’tol kwɛl a mɛɛn, ibɔ a an’dà byàkäl muyisiinà la ntɔn un’pöb kàyee lisà. 25 Tsütsü a taaŋtyà, Yɛsu kàkyen udu a an’dà mper akà ba. 26 Umpal bun’mɛn ba wàmuyikyà udu a an’dà, alɔŋki bàkyer atɛɛr, waa bàtɛɛnà naa: « Wà un’sɔŋà! » Unsà bɔɔmà lanswà, ba bàsi in’kwɛŋ. 27 Wɛɛ apan, Yɛsu kàtɛn a ba naa: « Làsi un’kanà. Wà mɛ, twon lan’man bɔɔmà! » 28 Petɔlà kàtɛn a nde naa: « Mwol, kya isàkal ndandaa naa wà ngye, nswɛŋ mɛ in’yi akà ngye udu a an’dà. » 29 Yɛsu kun’fuur naa: « Yà! »

Petɔlà waa kàtoo u bwaar, waa kàkyen udu a an’dà mper kàkäl Yɛsu. 30 Wɛɛ umpal kàmɛn nde un’pöb a ngwal, bɔɔmà làkyer un’kaar. Nde kàsɛmà muminà uboo a an’dà, waa kàsi in’kwɛŋ naa: « Mwol, an’tsü mɔ̈ɔ̈! » 31 Apan, Yɛsu kàsilà kɔɔ, kun’tɛ mpi, waa kàtɛn a nde naa: « Mbuur a làkwikilà a ikikye! Ntɔn nkye asi ngye nkyɛɛr? » 32 Umpal bàbilà ba u bwaar, un’pöb waa kànye. 33 Abun, baar bàkäl uboo a bwaar bàbü an’köm kusà a Yɛsu, waa bàtɛn a nde naa: « Ndandaa, ngye awà Mwan a Nzam! »

Mateus 14:22-33

9. Cura do paralítico

Referência: Marcos 2:1-12
Explicação: Jesus cura o corpo, mas primeiro perdoa os pecados. Este milagre estabelece que sua missão principal é a reconciliação espiritual do homem com Deus.

Yɛsu kan’kɔɔr mbuur aŋàkwɛkà

1 Ungö a ilä, Yɛsu kàfurà Kapernawum. Làsaŋ làpää naa nde kàkäl u ndwà. 2 Baar mbɔɔn bàyàköŋ paa. Akà ikal kyàkäl anki, itàkal tsütsü a munàmbwo a ndwà. Ikal kyàfàkal anki, itàkal u nsà. Nde kakyäänà Ndaa. 3 Apan, baar bun’twääl mbuur aŋàkwɛkà. 4 Wɛɛ ba bàkwe anki mukun’twaal kà ikal kàkäl nde ntɔn baar bàkäl mbɔɔn, ba bàmɛn nsyä udu a ikal kàkäl nde, waa bàpfuul mun ntɔn mutyeey ipɔy kàkäl mbuur aŋàkwɛkà. 5 Mpal kàmɛn Yɛsu làkwikilà aba, nde kàtɛn a mbuur aŋàkwɛkà naa: « Mwan amɛ, mɛ amadwääl nkul a man’be angye. » 6 Alɔɔŋ a in’kɔɔn amwɛy bàkäl aŋàbwaay paa, bàmuyweerà u mpem aba naa: 7 « Ntɔn nkye mbuur wà kan’tɛn nde abwɛy? Nde wàmubɛy Nzam. Nà kan’kwo mudwa nkul a man’be isàkal naa kà Nzam mpɛl anki? » 8 Abà kàyöb nde unsà dweelà ande ndaa bayweerà ba uboo a ba ŋakwo, Yɛsu kàtɛn a ba naa: « Ntɔn nkye làbà bɛ anà an’kyän atub amà u mpem abɛ? 9 Undiir nà akɔ̈ɔ̈n mpay mutɛn akà mbuur aŋàkwɛkà: "Bàmadwääl nkul a man’be angye", lɛɛ mutɛn naa: "Mbarà, sɛn ipɔy angye, kyen"? 10 Abun, ntɔn bɛ làyöb naa Mwan a mbuur wɛ anà ikɔ̈b mudwääl baar nkul a man’be u mɛɛn pà. » Apan, nde kàtɛn a mbuur aŋàkwɛkà naa: 11 « Mɛ amaswaŋ, mbarà, sɛn ipɔy angye, kyen ndwà angye! » 12 Baal awà waa kàmbarà, apan sye nde kàsɛn ipɔy ande, waa kàtoo u mii a baar banswà. Apan ba banswà bàmɛn ndaa yubem, waa bàsyäŋà Nzam, bàtɛɛnà naa: « Bi ŋàtàman anki abà akà ikikye! »

Marcos 2:1-12

10. Ressurreição de Lázaro

Referência: João 11:1-44
Explicação: O milagre mais impactante antes da crucificação. Ao ressuscitar alguém morto há quatro dias, Jesus declara: "Eu sou a ressurreição e a vida".

Nkweel a Lazar

1 Kàkäl anà ŋukyal mwɛy ikɔb ande Lazar, un’si Bɛtanya, bul a Màlatà anà mpääŋ ande Màlye. 2 - Wawà Màlye akwà kàtsüül Mwol may a usɔŋ anà kun’kɔɔm in’kɔl a ntswe ande. Baal ande Lazar kàkäl anà ukyal. - 3 Abun, ampääŋ abà bàbɔ̈ɔ̈l bàtöm mbuur mwɛy mukàkyään Yɛsu naa: « Mwol, mbuur akwà afàkwen ngye we anà ukyal. » 4 Umpal kàwem Yɛsu làsaŋ alà, nde kàtɛn naa: « Abà kà ukyal akun’syen kà ukwà anki, wɛɛ ba bà ntɔn mupà làkoo akà Nzam: u mbwo a ba, Mwan a Nzam ayàwal làkoo. »

5 Kyekà, Yɛsu kàfakwenà Màlatà, anà mpääŋ ande, anà Lazar. 6 Umpal kàwem nde naa Lazar we anà ukyal, nde kàfàkyer ilä byeel kà ikal kàkäl nde. 7 Ungö apan nde kàtɛn a alɔŋki naa: « Tsweenà ifurà Yuday. » 8 Alɔŋki bun’fuur naa: « Un’lɔɔŋ, itaan a mbɔɔn tɛy, amfum a Ayudà bàleŋà mukatà in’kul, waa ngye akwen mufàfurà kwo? » 9 Yɛsu kàfuur naa: « Nkye an’taaŋ kwem aŋiyweel matɛy u mwäänà? Isàkal naa mbuur wàmuyikyà u mwäänà, nde uböl anki kyà, ntɔn lye anà pɛɛlà. 10 Wɛɛ isàkal naa mbuur wàmuyikyà u làpib, nde atɛbà kyà, ntɔn pɛɛlà latɛy. » 11 Ungö kàtɛn nde ndaa ayi, nde kàkwɛy naa: « Un’sam abi Lazar kàn’bɔ̈ɔ̈n, wɛɛ mɛ in’kyer akyà mukun’wiiy. » 12 Apan, alɔŋki bàtɛn a nde naa: « Mwol, isàkal naa nde wàŋàbɔ̈ɔ̈n, nde akyer ayàwà mɔ̈ɔ̈. » 13 Kutɛn aŋàbwaŋ, Yɛsu kàsam ukwà a Lazar, wɛɛ ba bàsii naa twaal a twaal. 14 Apan, Yɛsu kàtɛn a ba ubwaŋàbwaŋ naa: « Lazar kan’kwà. 15 Mɛ in’wà unsà un’sak ntɔn bɛ in’kɔ̈ɔ̈n akal mɛ kwo, ntɔn bɛ lan’si làkwikilà. Wɛɛ tsweenà akà nde. » 16 Apan, Tuma awà bàfàbel naa Didimɔ, kàtɛn a alɔŋki bumwɛy naa: « Tsweenà, kya ikäl naa ukwà, bi sye ikàkwà mbwo mwɛy anà nde! »

Yɛsu wà ngwiiy anà mɔ̈ɔ̈

17 Mpal kàyàkɔlà Yɛsu, nde kàwem naa Lazar kàkyàkyer ilä inà kà an’dii. 18 Kyekà, Bɛtanya làkäl tsütsü a Yɛlusàlɛm, kà isii a an’kilɔmɛtre an’tär. 19 Ayudà bàyi mbɔɔn muyàlɛɛl Màlye anà Màlatà ntɔn nkweel a baal aba Lazar. 20 Umpal kàwem Màlatà naa Yɛsu wàmuyà, nde kàkàbwey anà nde, wɛɛ Màlye kàsàsal u ndwà wàŋàbwaay. 21 Màlatà kàtɛn a Yɛsu naa: « Mwol, ilàkal naa ngye akäl apà, baal amɛ kàlàkwà anki! 22 Wɛɛ mɛ, mɛ in’kyàyöb, itàkal apanà, naa undiir wanswà ayàlɔm ngye akà Nzam, Nzam akyer ayapà. » 23 Yɛsu kàtɛn a nde naa: « Baal angye akyer ayàwiyà. » 24 Màlatà kàfuur naa: « Mɛ in’kyàyöb naa nde asàkyer awiyà mbwo mwɛy a akü, kà ilä a ntsüü. » 25 Yɛsu kàtɛn a nde naa: « Mɛ, mɛ in’wà ngwiiyà anà mɔ̈ɔ̈. Mbuur wanswà an’sà làkwikilà amu mɛ asàkal anà mɔ̈ɔ̈, itàkal naa nde kan’kwà. 26 Mbuur wanswà awe anà mɔ̈ɔ̈ anà an’sà làkwikilà amu mɛ, nde usàkwà anki akà ikikye. Nkye ngye an’sà làkwikilà? » - 27 Nde kàfuur naa: « Inye, Mwol, mɛ an’sà làkwikilà naa ngye awà Klistɔ, Mwan a Nzam awasàyà pà u mɛɛn. »

Yɛsu anà ampääŋ a Lazar

28 Apan, Màlatà kàkàbel mpääŋ ande Màlye, waa kun’kyään unsinsi naa: « Un’lɔɔŋ kan’yà, nde sye wàmukabeelà. » 29 Pa kàwem Màlye abà, laa kàmbarà nde, kàkyen u ntiin akà Yɛsu. 30 Kyekà, Yɛsu kàkäl anki aŋàtàbilà uboo a bul, wɛɛ nde kàtàfàkal kà ikal kàkun’taan Màlatà. 31 Ayudà bàkäl anà Màlye u ndwà ntɔn mukun’lɛɛl, mpal bun’mɛn ba kan’barà anà kan’too u ntiin, laa bun’läb ba. Ntɔn ba bàsii naa nde wàmukyà an’dii mukàlel. 32 Umpal kàkɔlà Màlye kà ikal kàkäl Yɛsu, pa kun’mɛn nde, nde kàbü kà in’kɔl ande, waa kàtɛn a nde naa: « Mwol, ilàkal naa ngye akäl apà, baal amɛ kàlàkwà anki. » 33 Utaaŋ kàmɛn Yɛsu Màlatà anà Ayudà bàkäl anà nde bàmulel, mpem ande yàkyer atɛɛr, lingyoomà làkyer un’wal. 34 Nde waa kafuul naa: « Wa bɛ lun’tɔ̈ɔ̈l ken? » Ba bun’fuur naa: « Mwol, yamɛn. » 35 Yɛsu waa kàlel. 36 Abun, Ayudà bàtɛɛnà naa: « Làler naa nde kàfun’kwenà aben! » 37 Wɛɛ amwɛy uboo a ba bàtɛn naa: « Nde mbuur kàkɔɔr ikwàmii, nkye nde kàlàkyer anki sye naa Lazar ukɔ̈ɔ̈n akwà? »

Lazar kan’furà u mɔ̈ɔ̈

38 Apan, Yɛsu kàfàtɛɛr u mpem ande, waa kàkyen an’dii, ma màkäl mɔɔ aŋàdübà a nkɔŋ. 39 Apan, Yɛsu kàtɛn naa: « Làlwom nkɔŋ yi. » Màlatà, mpääŋ a un’kü, kàtɛn a nde naa: « Mwol, apanà nde ayàkal aŋàfuurà nsɔŋ, ntɔn ŋàbà ilä inà awà nde apà. » 40 Wɛɛ Yɛsu kun’fuur naa: « Nkye mɛ in’tɛn anki a ngye naa isàkal naa ngye awe anà làkwikilà, ngye ayàman làkoo a Nzam? » 41 Abun, ba waa bàlwom nkɔŋ. Apan, Yɛsu kàler u du, waa kàtɛn naa: « Taa, mɛ amafuur an’tɔɔn ntɔn aman’wem ngye. 42 Ndandaa, mɛ in’kyàyöb naa ngye afàkyer an’wem taaŋ lanswà. Wɛɛ an’tɛn mɛ abà, ntɔn baar bàman’diŋà bà bàyöb naa ngye kan’töm. » 43 Ungö mutɛn abà, nde kàbel u ndaa a ngwal naa: « Lazar, yatoo! » 44 Un’kü sye waa kàyàtoo, in’kɔl anà an’kɔɔ myàŋàlàlal a ikaam a ipfɛy anà ntabwey yàŋàfwe a ipfɛy. Yɛsu kàtɛn a baar naa: « Lun’tsuuŋ, lun’wɛy ukyen. »

João 11:1-44

Conclusão

Os milagres de Jesus revelam sua autoridade sobre a natureza, as enfermidades, o mundo espiritual e até a morte. Eles não são apenas demonstrações de poder, mas sinais que apontam para sua identidade e missão.

Ao estudar esses milagres, é possível compreender melhor o papel de Jesus e a mensagem central do Evangelho.

Se este conteúdo ajudou você a entender os milagres de Jesus na Bíblia, compartilhe este artigo para que mais pessoas também conheçam esses ensinamentos.