10 versículos para enviar para a pessoa amada

4 Man we i stap lavem man, tingting blong hem i longfala, mo hem i gat sore long man. Man olsem, hem i no save jalus, mo i no save mekem tingting blong hem i go antap, mo i no save flas. 5 Hem i no save jikim man, mo i no save tingbaot hem nomo. Hem i no save kros kwik, mo i no save stap kros longtaem. 6 Sipos hem i luk we wan narafala man i mekem i no stret, be hem i no save glad from, hem i save glad long ol trutok nomo. 7 Hem i no save letem wan samting i daonem tingting blong hem, oltaem hem i stap bilif strong long God, mo i stap putum tingting blong hem i strong long hem. Maet bigfala trabol i save kasem hem, be tingting blong hem i no save foldaon.

6 Plis,

yu no tingbaot ol narafala woman,

yu holem mi nomo mi stap long tingting blong yu.

Bambae yu no tekem narafala woman

i kam stap wanples wetem yu,

yu letem mi nomo

mi kam stap wetem yu.

Fasin ya we yumitufala i laeklaekem yumitufala,

hem i gat paoa,

man i no save blokem,

olsem we ded i gat paoa,

man i no save blokem.

Fasin ya we yumitufala i stap wantem yumitufala tumas,

hem i strong tumas blong blokem,

olsem we Hom* blong ol Dedman

i strong tumas,

man i no save ronwe long hem.

Fasin ya i stap kamaot

olsem faea we i laet bigwan,

mo i stap bon strong tumas

olsem faea we i red we i red.

7 Hem i olsem wan bigfala faea

we wota i no save kilim,

we i no gat wan wota we i ron bigwan

we i naf blong draonem.

Be fasin ya, man i no save pem.

Sipos wan man i traem blong pem,

nating we hem i rere blong givim

olgeta gudgudfala samting we hem i gat,

be ol woman bambae oli stap laf nogud nomo long hem."

25 ✝Mo yufala ol man we i mared, yufala i mas lavem ol woman blong yufala, olsem we Kraes i lavem jos ya. Taswe hem i letem laef blong hem, blong sevem jos ya,

God i stamba blong fasin blong lavem man

7 Ol fren. Yumi mas lavlavem yumi, from we fasin ya blong lavem man, hem i kamaot long God. Olgeta we oli stap lavem narafala man, oli pikinini blong God, mo oli save God.

14 Mo wetem ol fasin ya, yufala i mas lavem ol man, from we fasin ya blong lavem man, hem i save joenemgud olgeta samting, blong oli kam wan.

17 Fren blong yu, oltaem hem i stap soemaot we hem i lavem yu, mo ol brata blong yumi oli stap, blong yumi save givgivhan long yumi long taem blong trabol.

10 Yufala i mas lavlavem yufala olsem we yufala i wan brata nomo from we yufala i joen long Kraes, mo oltaem yufala i mas rere blong ona long yufala.

8 ✝Antap long ol narafala samting, yufala i mas lavlavem yufala. Yufala i no mas kam slak long samting ya, from we man we i stap lavem narafala man, oltaem hem i save fogivim hem from ol sin blong hem.

9 Mi mi stap prea we oltaem bambae yufala i save kam we yufala i stap lavlavem yufala moa. Mo mi prea we long fasin ya, oltaem bambae yufala i save kam waes moa, mo yufala i save luksave

12 ✝Loa blong mi i olsem, se yufala i mas lavlavem yufala, olsem we mi mi lavem yufala.