10 versículos motivacionais: busque inspiração na Palavra de Deus

4 Ka diambu ko ndilenda diata

mu ndimba tombi ki lufua,

buna ndilendi mona mbimbi tsisi ko

bila ngeyo widi yama.

Nkawa aku ayi nti aku,

biawu bi kumbombanga.

37 Vayi mu diambu di mambu moso mama, tueti luta nunga mu diambu di mutu wowo wutuzola.

Ndidi mu ndembama vadi Nzambi

1 Yave niandi kiezila kiama ayi phulusu ama.

Nani ndilenda mona tsisi e ?

Yave niandi suamunu kingolo mu luzingu luama.

Nani ndilenda mona boma e ?

9 Vayi niandi wukhamba ti : "Nlemvo ama wufueni mu diambu diaku bila lulendo luama lueti monika mu lebakana." Diawu mfueti kukiniemisa kakamu lebakana kuama mu diambu di lulendo lu Klisto luba va minu.

Tuzawula thinu mu kambu bonga

1 Sumbu tuzungulu kuidi bambangi bawombo, bika tulozanu bizitu bioso ayi masumu makutuzungidilanga mu zindambu zioso. Vayi bika tuzawula thinu mu kambu vonga mu tsisani yidi yeto ku ntuala. 2 Bika thalu eto yiba kaka kuidi Yesu bila niandi wutona ayi wudukisa minu kieto. Niandi, mu diambu di khini yoyi yiba ku ntualꞌandi, wuvibidila va dikulusi ; kasia mona tsoni ko ayi buabu vuendi va koko ku lubakala lu kundu ki Kipfumu ki Nzambi.

Nzambi widi suamunu kieto

1 Nzambi niandi suamunu kieto

ayi zingolo zieto ;

niandi nsadisi wu zithangu zioso mu ziphasi.