10 versículos sobre esperar o tempo de Deus

प्रत्येक कुराका निम्ति एउटा निर्धारित समय हुन्छ

1 हरेक कुराका लागि समय छ;

र आकाशमुनि प्रत्येक गतिविधिको निम्ति एउटा समय छ:

14 याहवेहको प्रतीक्षा गर;

बलियो र हृदयमा साहसिलो होऊ;

र याहवेहको प्रतीक्षा गर।

31 तर याहवेहमा आशा राख्नेहरूले

नयाँ सामर्थ्य पाउँछन्।

तिनीहरू चीलझैँ पखेटाले माथि उड्नेछन्;

तिनीहरू दगुर्ने छन्, तर पनि थाक्नेछैनन्;

तिनीहरू हिँड्नेछन्, तर बेहोस हुनेछैनन्।

7 याहवेहको सामु मौन भई बस,

र धैर्यतापूर्वक उहाँको प्रतीक्षा गर;

जब मानिसहरू आफ्ना कुमार्गहरूमा सफल हुन्छन्,

तब तिनीहरूका खराब योजनाहरू सफल हुँदा झर्को नमान।

25 याहवेहमा आशा राख्नेहरू

र उहाँको खोजी गर्नेहरूसँग उहाँ भलो हुनुहुन्छ;

26 याहवेहको उद्धारका निम्ति

चुपचाप प्रतीक्षा गर्नु असल कुरा हो।

3 किनकि यो दर्शन तोकिएको समयको प्रतीक्षामा छ;

यसले अन्त्यको समयको बारेमा बताउँछ,

र यो दर्शन झूटो ठहरिनेछैन।

त्यो पूरा हुन केही ढिलो भए तापनि यसका निम्ति पर्खेर बस्;

त्यो निश्‍चय नै पूरा हुनेछ,

र ढिलो हुनेछैन।

5 म याहवेहलाई पर्खन्छु, मेरा सारा जीवनले उहाँको बाटो हेर्दछ,

अनि उहाँको वचनमा म आशा राख्दछु।

25 तर यदि हामीले जे प्राप्‍त गरेका छैनौँ, त्यस कुराको हामी आशा गर्छौँ भने त, हामी धैर्यतासाथ त्यसको प्रतीक्षा गर्छौँ।

7 तर मचाहिँ याहवेहमा आशा लिएर प्रतीक्षा गर्छु;

म मेरो उद्धारकर्ता परमेश्‍वरलाई पर्खन्छु;

मेरा परमेश्‍वरले मेरो बिन्ती सुन्‍नुहुनेछ।

9 हामी भलाइ गर्न नथाकौँ; किनकि यदि हिम्मत हारेनौँ भने हामीले ठिक समयमा फसल कटनी गर्नेछौँ।