A fé vem pelo ouvir

12 Habule mbuli ikulonda kuwabagula hagati ya Wayahudi na want’hu sio Wayahudi, kwavila Mulungu ni Mulungu wa want’hu wose, nae akuwataza want’hu wose wakumulomba. 13 Gesa Mandiko ya Mulungu ivoyakulonga, "Mnt’hu yoyote akulonda kumtanga Mndewa kwa kumulomba, naahonyigwe." 14 Mbali nawamulombeze ila hawakumtogola? Na wadaheze kumtogola ikawa hawanahulika mbuli zake? Nawahulikeze bila ya mnt’hu wa kuwalongela? 15 Nao nawadaheze kulonga mbuli ya Mulungu bila kutumigwa? Gesa Mandiko ya Mulungu ivo yakulonga, "Ni mbuli yakubwedeza nk’hani kwiza kwa want’hu wakuilonga Mbuli Idamane!" 16 Mbali sio want’hu wose hawaihokele Mbuli Idamane. Hata Isaya mulotezi wa Mulungu kalonga, "Mndewa, niyani aitogolile nt’hume yetu?" 17 Ivo, kutogola kukwandusa muukuhulika Mbuli Idamane, na Mbuli iyo Idamane ikwiza kwa kuhulika mbuli ya Kilisito.

2 Hulonda kumanya mbuli imwe kulawa kumwenu. Vino, muhokela Muhe wa Mulungu kwavila mkala mtenda vila yakulonda malagilizo? Egu kwavila mkala muhulika na kuitogola Mbuli Idamane ya Yesu?

24 "Huwalongeleni kweli, mnt’hu yoyote akuhulika mbuli zangu na kumtogola ila anitumile, anaugima wa siku zose na seke alamuligwe, mbali kafosa kale muukudanganika na kuingila muugima wa siku zose bila nk’homelezo.

25 Huwalongela kweli, chipindi chikwiza, na chifika kale, wadanganike nawaihulike sauti ya Mwana wa Mulungu, na wala wakuihulika sauti nawawe na ugima.

44 Habule Mnt’hu akudaha kwiza kumwangu ikawa havutigwe na Tata anitumile, na nie nanimbweleze muugima mnt’hu iyo siku ya nk’homelezo. 45 Mvitabu va walotezi iandikigwa, ‘Want’hu wose nawafunzigwe na Tata.’ Kila mnt’hu akumuhulika na kukombaganya kila akulonga Tata, naeze kumwangu. 46 Ivo, hulonga vino, habule mnt’hu amuonile Tata, mbali ila alawile kwa Mulungu ndo amuonile Tata. 47 Kweli huwalongela, mnt’hu akutogola anao ugima wa siku zose bila nk’homelezo.

23 Mwenye kuhulika naahulike.

15 Kamala akawalongela, "Gendeni mui isi yose mkazilonge Mbuli Zidamane kwa want’hu wose.