A fé vem pelo ouvir

12 Ayihuda asaanne Ayihuda gidenna asaa giddon dummatetsay baawa. Itti S’oossay ubbaa Godaa; I barena s’eesiyaa ubbatoo daro keeka. 13 Ayaw gooppe, S’oossaa Mas’aafay, «Godaa suntsaa s’eesiyaa ooninne attana» yaagee.✝

14 Yaatina, unttunttu Aa ammanibeennawantta gidooppe, wooti Aa s’eesanaw danddayiinoo? K’ay k’aalaa sisibeennawanttu waan ammananaw danddayiinoo? K’aalaa odiyaawe d’ayooppe, unttunttu waan sisanaw danddayiinoo? 15 K’ay k’aalaa odiyaawanttu kiitettennan aggooppe, oosuu wooti odettanaw danddayii? Ayaw gooppe, S’oossaa Mas’aafay, «Nashechchiyaa mishiraachchuwaa odiyaawanttu yuussay wooti lo"ii!» yaagee.✝

16 Shin unttunttu ubbay wonggalaw azazettibeykkino; ayaw gooppe Isiyaasi, «Ta Godaw, nuuni markkatteeddawaa ooni ammaneeddee?» yaageedda.✝ 17 Simmi Asay k’aalaa sisiide ammanee; k’ay itti uray Kiristtoosa k’aalaa, odina sisee.

2 Ane taw ha itti yewuwaa s’alalaa odite: S’oossaa Ayaanaa, higgii giyaawaa naagiide akkeedditee woy ammanuwaan sisiide akkeedditee?

13 Hinttewukka k’ay hewaadan haneedda; tumu kiitaa, hinttenttoo atotetsaa aheedda mishiraachchuwaa k’aalaa, hintte siseedda wode Kiristtoosa ammaneeddita; S’oossay hinttenttoo immana geedda Geeshsha Ayaanaa baggana, hintte Aawaa gidiyaawaa erissiyaa maatafaa hintte bolla wotseedda. 14 S’oossay bare asaw immana geeddawaa nuuni laattana gakkanaw, Geeshsha Ayaanaa waasetetsaa oyk’k’eeddo. Hewe k’ay Aa bonchchoo, galataa gidanawaa.

24 «Taani hinttenttoo tumuwaa oday; ta k’aalaa sisiyaawoonne taana kiitteeddawaan ammaniyaawoo med’inaa de’uu de’ee. Hayk’uwaappe de’oo I pinneeddawaappe attin, pirddettenna.

25 Taani hinttenttoo tumuwaa oday; hayk’k’eedda Asay S’oossaa Na’aa kooshshaa sisiyaa wodii yaanawaa; hewenneekka ha"a. He kooshshaa sisiyaawanttu shemppuwaanna de’ana.

44 Taana kiitteedda ta Aabbu taakko aheedda asaappe attin, taakko yaanaw danddayiyaa Asay baawa; taanikka wurssetsaa gallassi Aa dentsana. 45 Nabatuu ‹S’oossay asaa ubbaa tamaarissana› yaagiide s’aafeeddino; Aawuu giyaawaa sisiyaawenne Aawuwaappe tamaariyaawe ooninne taakko yee.✝ 46 S’oossaa matappe yeeddawaappe attin, S’oossaa be’eedda Asay baawa; Aa s’alalay S’oossaa be’eedda.

47 «Taani hinttenttoo tumuwaa oday; taana ammaniyaa uraw med’inaa de’uu de’ee.

28 Yesuusi k’ay, «Anjjetteeddawanttu S’oossaa k’aalaa sisiide azazettiyaawantta» yaagi zaareedda.

23 Sisanaw haytsay de’iyaa uray de’ooppe siso» yaageedda.

15 I unttuntta hawaadan yaageedda; «Alamiyaa ubbaa biide, asaa ubbaw wonggalaa mishiraachchuwaa k’aalaa odite.

14 «Isiyaasi unttunttubaa hawaadan odowe polettanawaa;

« ‹Hinttenttu sissaa sisana;

shin hinttenttoo gelenna;

hinttenttu s’eelaa s’eelana;

shin be’ikkita.✝

15 Ayaw gooppe, ha asaa wozanay guzumeedda;

barenttu haytsaa tullisseeddino;

barenttu ayifiyaakka c’iilummeeddino.

Hawe baawentto, unttunttu barenttu ayfiyaan be’ana;

barenttu haytsaan sisana;

barenttu wozanaankka akeekaana;

unttunttu taakko, S’oossaakko simmana;

taanikka unttuntta patsana›

yaagee.

16 «Shin hinttenttu ayfii s’eelliyaa dirawunne hinttenttu haytsaykka sisiyaa diraw, hinttenttu anjjetteeddawantta.

Asaa Tunissiyaawantta

10 Yesuusi daro asaa barekko s’eesiide, «Sisitenne akeekite;

3 «Ta asaw, sisite; taakko haa yiite.✝ Shemppuwaanna pas’a de’ana gooppe, taani odiyaawaa sisite. Taani hinttenana med’inaa c’aak’uwaa c’aak’k’etana. Taani anjjana gaade Daawita anjjeedawaadan, hinttenakka anjjana.

9 Goday hawaadan yaageedda; «Ba; ha asaw, ‹Hintte sissaa sisiita; shin hinttenttoo gelenna; s’eeluwaakka s’eelliita; shin be’ikkita› yaagaade oda.✝ 10 Ha asaa wozanaa donc’c’illissa; unttunttu haytsaakka tullissa; unttunttu ayfiyaakka k’ook’issa; hewe d’ayooppe, unttunttu barenttu ayifiyaan be’ana; barenttu haytsaan sisana; barenttu wozanaankka akeekana; yaatiide unttunttu taakko simmananne pas’ana» yaageedda.

3 K’ay hinttenttu woossiyaa wode ubbaan, kaseedeppe asaw k’onc’c’ibeennawaa, Kiristtoosawaa nuuni odana mala, S’oossay nuw injjeyanaadan, nuwukka S’oossaa woossite; ayaw gooppe, ha"i taani k’asho golliyaan de’iyaawe hewaassa.