A fé vem pelo ouvir

12 Elyaange anehng anehng limm, afi jolo Jus, afi jolo Grik. Ntul nonehm wo li Ntul no ane kpee, no kpo ka ane afang enye, ba lꞌgboong-e go ege a mbing.* 13 Ana nwer Esowo bungu no re, "Nne awohng awohng no lꞌgboongo Esowo go mbing nyi Ntul, á bahke bele eltahre."

Anebe Israel, a ane baka baka

14 Anv, ane bahke limi renan kehm gboongo Esowo, eji bo kala taame tv-e? Bo bahke limi renan kehm taame tv-e, eji bo kala wꞌwuk bada ne? 15 Anv, ane bahke limi renan kehm bungu alum Esowo, eji bo ki tum bo?* Ana nwer Esowo bungu no re, "Elbake ni ane ba kpo tiingi nnoobo etib kpꞌbake, emnob sehng."

16 Ane kpee sang ma taame tv nnoobo etib bio. Tibre Aisaya bungu re, "Ntul, nne awo no ma taame tv etib ebahre bi e tiingi no?"

17 Eltaame kpo lohng go elwuku ni ane kpꞌwuku nnoobo etib. Nnoobo etib bio kpo lohng go alum nya Kraist.*

2 Ejum ajehng ji ji n kpꞌsebe re wahn tong-m. Anv, ḿ bele Etingi Etohko tib eji ń jo bum atahma, afi eji ń wuku alum Esowo, fere taame?*

13 Eji ń li ajehng a ne, ano wo wahnge Esowo ma-n kak elliingi ene ngare nyi ń wuku alum nya etingitingi, nya li nnoobo etib bi eltahre enahne, fere taame tv Kraist. Elliingi nio ni li Etingi Etohko ji á nyame no, 14 ji á ko, bom-r esi, tib go ejum ji e bahke lehke elkv, tete ngare rehng nyi á bahk-r fake yake,* wahr ji li ane ebe ba á ma-r gunu re wahr jo tehk ellub ene.

24 kpꞌ"Etingitingi, n bungu tong-n re, Nne awohng awohng no lꞌwuk alum enyame, fere taame tv nne no tum-m no, á kpi elkpin ni li go njinanjini. Bo we nehm kpe lam. Yebsehng elkv sa rehng go elkpin.

25 Etingitingi, n kpꞌbungu tong-n re, Ngare kpꞌbake, ngare nyꞌnehm nyi ma rehng a, nyi akvne bahke wuku alum nya Mmon Esowo.* Bao ba lꞌwuk, bo bahke jolo go elkpin.

44 Nnene limm, no bahke ma ba go egame, tohko jol re Nsoo no tum-m no wo leeb-e. M bahk-e nyahme go elkv esꞌkohro efung. 45 Tibre abanyehnamahr Esowo nyono re, ‘Esowo bahke bo tib, bo ane kpee.’ Nne awohng awohng no ma wuk, fere kpili goji Nsoo, á bahke bake go egame.*

46 "Jia lohngem re, nne awohng awohng ebnyehn Nsoo, sehngem nne no lohng goji Esowo Nsoo ba, ye wo ma nyehn Nsoo. 47 Etingitingi, n kpꞌbungu tong-n re, Nne no lꞌtaame, á kpi elkpin ni li go njinanjini.

28 Jisos kehm faange re, "Elfuulu ga li ka ane ba wuku alum Esowo, fere jo lim."*

23 Wuungen atung! Nne no kpi atung, nong, á wuk!"

15 Á kehm bungu tong bo re, "Songen go njini kpee, wahn song bung alum Esowo tong nne awohng awohng.*

14 Bo ba li ane ba nnyehnamahr Aisaya bungu no bada bo re,

" ‘Ḿ bahke wuungu na wuungu wuungu atung,

ń nehm tiki kahn.

Ḿ bahke seenge na seenge seenge,

ń nehm tiki nyehn.

15 Tibre asi ane bao ebfere tahne.

Bobsahde atung ebo.

Bobbulu amahr ebo.

Ki li ano, kehn, bo kpꞌnyehne, fere wuk,

fere kꞌkahn go bo a ntim, fere sennge,

feere go egame, eji n lꞌlim bo, bo nob.’*

16 Elfuulu li ka amahr enyahne, eji kpꞌnyehne. Elfuulu li ka atung enyahne, eji kpꞌwuku.

Nsol nyi kpo lim eltim nne, kꞌjol saang

10 Jisos kehm lungu ellong ane tv elne, kehm tongo bo re, "Wuungen atung, wahn kahn!

3 Jo tob kaken ero fvfo ka-r, eji Esowo lꞌlennge mbang ka-r, e jo bung akpokosi alum nya Kraist tong ane. Tibre alum nyao nya wahnge n wob go agbekobo.