A fé vem pelo ouvir

12 Pǝn suwa, samsamǝn kǝt suwa chik ngguɗyah. Samsamǝn kǝt suwa pǝthlǝr Yahudawecha tǝ fee nawakchi kǝ Yahudawecha wa. Chǝnɗi artiya methlan nech kǝ chǝn chikawuni, mǝthlan paɗ thlǝ fǝrchi mbǝsˈichihar nat kǝ ɗar fee thlǝ ˈyech ndi. 13 Kǝthlǝm mbuˈchi ndikti Farta ndat wa, "Nat thla echa hur thlǝm Chinda Yesu, nan hǝraˈta."

14 Nechandǝ mbǝr ˈyandǝ wa kǝni kǝ hǝraˈandechi, kǝ ɗar thla fǝrwak tǝndǝ kit kǝ anchi? Nechanɗi mbǝr fǝr kit wa kǝni kǝ ndar thla tamwaktǝndǝ sǝk kusheˈ taˈan? Nechandǝ mɓǝr sǝktawa kǝni maa ngga tǝ ɓasan fee tandǝs wa? 15 Nechandǝ mɓǝr ɓasa wa kǝni, mangga tǝ thlǝn fee tanda wa? Kǝɗ thla yarandǝfeha hur laulawati Farta ndat wa, "Ɓa tǝ fǝ wiˈ ɓaas kwastǝ ndikti Farta, ndiˈchansi." 16 Ngga nat Israiˈlawecha wa thlich kwasti ndiktǝ ɗǝya wa, kǝɗ ǝnɗi mbuˈtǝ Ishaya ndat wa, "Chinda, wun fǝrchi kit kǝ ndar ɓaasɗi, ˈyaˈan ya?" 17 Thle ya penchan tǝ ndat wa, Nǝfa nan fǝr kit tǝmɗi sik ndikti Farta. Ndikti Farta tǝ ɗi, thlǝsik tǝ fee ndaˈan nǝch kǝ ndikti kǝristi.

2 Ən artǝ ndak nati chihowunda. Mbǝschowun shemeti Farta tǝmɗi chit tarchǝɗi mbuˈtǝ kusiˈ wa, ndu paɗ tǝmɗi fǝr kit kǝ ndiktǝɗi sǝktǝ wun wa?

13 Tǝmɗi Kǝristi, kun paɗ sǝktǝwun kit tǝ ndikta, kwastǝ ndikta thla mbinchan yi hǝraˈtǝyowun. Kǝ fǝr kowun kit kǝ Kǝristi, ɗǝfowun kǝ fee wanɗǝsǝnda yi Shemeta Thla Chiɗ Chiɗ thla ɗǝf tǝ fee miyan, kǝ pǝn wa kun yaˈan. 14 Shemeta Tha Chiɗ Chiɗ ndaˈan wathlamǝnchǝ ha ndat wa Farta nan fǝramǝn sǝm kǝrsǝ mǝrtǝɗi ɗǝftǝn miyan, thla nech choktǝ kǝ yimǝn fartǝɗi naa Farta hǝraˈandǝ fee nech kǝ yaˈan. Ənɗiya paɗ kǝthlǝm manandǝ kapakǝtˈyan.

24 "Kittaˈan, nati mbuˈowunda, nat thla thlǝ sǝkchǝ ndiktinchi, paɗ mǝthlan fǝr kit, kǝ thla thlǝnchi nenchi, shishingndiyansi kǝ kwekǝɗan. Nggǝ fee chakan mee wa, tapi hǝreˈi ǝ mǝrta, kǝ shishingnda.

25 Kittaˈan nati mbuˈowunda, fartaˈan ɓata, tapi ǝ sheˈi, thla naa mǝmatecha sǝk ɓǝrati Waˈi Farta, fee sǝkcha kǝ nan ndǝ ha.

44 Nggǝ nefsi nech mbahǝn ɓat kǝmnɗinchi wa. Maangga Papa thla thlǝnchi nenchi kaɓchi anchi wa, nggǝt paɗ ni thlaˈanda fartǝɗi naa heshi tǝɓata. 45 Kǝɗ ǝnɗi yarandǝ fee ha, hur Laulawechiɗi yara fǝ mbanchi Farta, ‘Farta nat nech chaˈandat har.’ Nat chikawun sǝkcha, paɗ kǝ chaˈa mǝɗi Papa, nan ɓat kǝmnɗinchi. 46 Yowunsi tamchǝ naa Chinda wa, maangga thla ɓech mǝɗi Farta wa, mǝthlan ndak tamchǝ naa Chinda. 47 Kittaˈan nggǝt mbuˈowunda, chika wun fǝrchi kit, shishingndiyan si kǝ kwekǝchi.

23 Nat thla naa thlǝma sǝktiyansi, kǝ sǝkka."

15 Ndangkan tanda wa, "Ɗama kǝ hur heshi nat, kǝ ɓasawun kwastǝ ndiktǝɗiya pong nafchǝ nat.

14 Ə mǝɗyanda mbuˈtǝ Ishaya thlǝ shenuˈtǝ tǝ yahti Farta ndiiɗ ha kǝ ɓǝra tǝnanda. Ndakan wa,

"Nowun naa sǝktǝ tǝ thlǝmechˈyowun,

paɗ nee wathlowun chǝ ha wa.

Nowun naa ndǝpat ha tǝ wenitǝyowun,

paɗ nowun sǝn ǝnɗi nech huran wa.

15 Kǝthlǝm wanɗǝkaɗati nafchiɗa shin kaɗi,

thlǝ chanchan tandǝf ˈyangˈyang kǝ sǝkndǝ tǝ thlǝmechˈyanda.

Paɗ nggǝlandǝ wenitǝyanda

kǝthlǝm mǝ nandǝ tǝ wenitǝyanda wa,

paɗ mǝ sǝkndǝ tǝ thlǝmechˈyanda wa.

Kǝthlǝm kǝ sǝnndǝ sakchaˈan ǝ wanɗikadechˈyanda wa,

nech ɗǝf tandǝ kǝ malandǝ ɓǝɓifechˈyanda. Kǝ nggǝrandǝˈin kaɗ kǝmɗinchi, nggǝt paɗ kǝ kǝnani tandǝ kaɗi.

16 Mbǝs ǝnhar kǝmɗi wenitiyowun, kǝthlǝm thlǝ nechandǝ mǝta. Thlǝmechˈyowun paɗ kǝɗu kǝthlǝm thlǝ sǝkchanda.

Ichiɗi thlǝ tǝkmanchǝ nef kaɗ pangngǝn Farta

10 "Ndang kǝ Yesu nggomnan wa mbǝham nduk kǝ thlǝmanna. Ndangkan tanda wa, "Kam thlǝmat ha kǝ wathlowunchǝ ǝnɗi nati mbuˈtǝ ya.