A fé vem pelo ouvir

12 Kelemane Yehudi aru Yunani majote eku alag nai. Kelemane Probhu to sob laga Probhu ase, aru kun pora Taike mate, taikhan sobke Tai laga dhun di ase. 13 Kelemane kun pora Probhu laga naam mati ase taikhan sob poritran pabo. 14 Kintu taikhan pora biswas nakora ekjon laga naam kineka matibo? Aru kitia bhi nahuna ekjon ke taikhan kineka biswas koribo? Aru kunba pora prochar nakorile taikhan kineka hunibo? 15 Aru taikhan ke napathaile, taikhan kineka prochar koribo? - Likha thaka nisena, "Bhal khobor prochar kora khan laga theng kiman bhi sundur ase*!"

16 Kintu taikhan sob pora susamachar laga kotha mana nai. Kelemane Isaiah koi ase, "Probhu, amikhan prochar kora huni kene kun biswas korise?" 17 Etu karone huna pora he biswas ahe, aru Khrista laga kotha prochar kora pora hunibo pai.

2 Moi etu kotha apuni khan pora janibole mon ase: Apuni khan Atma laga asirbad niyom pora paise na biswas pora huni kene paise*?

13 Apuni khan bhi Khrista ke biswas korise, aru jitia apnikhan laga poritran laga susamachar hunise, aru biswas korise, titia apuni ke Pobitro Atma laga kosom pora mohor lagai dise, 14 aru amikhan nimite pabole thaka to Pobitro Atma pora ji hoilebi rakhi diye, jitia tak amikhan etu pura pai naloi, Tai mohima karone.

24 Moi tumikhan ke hosa kobo jun Moike huni kene Moike pathai diya ke sonman koribo, anondo jibon tai laga hoise, aru saja laga kotha nai, kintu mrityu ke paar kori kene jibon te jai jaise.

25 Moi tumikhan ke hosa kobo, mora manu Isor laga Putro laga awaj hunibo, aru jun huni lobo eitu khan jinda hobole somoi ahi ase, aru etiya ahise.

44 Moike pathai diya Moi laga Baba he loi ani nadile, kun bhi Moi logote ahibo na paribo, aru Moi hekh dinte taike uthai dibo. 45 Bhabobadi khan pora likha eneka ase, ‘Aru taikhan sobke Isor pora sikhai lobo.’ Kun pora Baba laga kotha hunise aru sikhi loise taikhan he Moi logote ahibo*. 46 Kun bhi Baba ke dikha nai, khali Tai Jun Isor pora ahise- Tai he Baba ke dikhise. 47 Moi tumikhan ke hosa kobo, jun Moike biswas koribo, tai anonto jibon pabo.

28 Kintu Tai koise, "Hoilebi, asishit hobo jun manu Isor kotha huni kene mani thake."

23 Jodi kunba huni bole kaan ase, taike hunibo dibi!"

15 Aru Jisu taikhan ke koise, "Tumikhan prithibi sob te jai kene sob sristi khan ke etu susamachar jonai dibi.

14 Taikhan nimite to Isaiah laga bhabobani to purah hoise, juntu eneka koi ase,

‘Tumikhan hosa pora bhi hunibo, kintu janibole na paribo;

Tumikhan hosa pora bhi dikhibo, kintu bujhi bole na paribo*.

15 Kilekoile etu manu khan laga mon to khali hoise,

Aru taikhan huni bole tan kori loise,

Aru taikhan laga suku bondh kori loise,

Eneka korile taikhan suku pora nasabo nimite,

Nohoile taikhan kaan pora nahunibo nimite,

Nohoile taikhan laga mon pora nabujibo nimite,

Kilekoile eneka kori kene taikhan aru bhi mon naghurabo nimite,

Aru Moi taikhan ke bhal kori nadibo nimite.’

16 Kintu asis te ase tumikhan laga suku, kele koile taikhan dikhi ase; aru tumikhan laga kaan, kele koile taikhan huni ase.

Ki Pora Manu Ekjon Letera Kore

10 Etu pichete Jisu pora joma hoi kene thaka manu khan ke mati kene koise, "Huni bhi aru bujhi bhi-

3 Mili kene amikhan nimite bhi prathana koribi, Tai laga kotha kobole nimite Isor pora dorja khuli dibole, Khrista laga hosa kotha khan kobole nimite. Etu nimite, moike bhi bandi kene ase*.