A fé vem pelo ouvir

12 Bahi Vayahudi na vanu vakávele Vayahudi nanga pavalekanidile, kwa kuva, Nang’olo wa vanu vammalele nni yumo bahi, nanang’e ànavabaliki namene vammalele vannyûwa. 13 Bahi nni malinga chilahaula Malemba Lanaswe kuva, "Kila munu ambennyûwa Nang’olo, achiapohwe."

14 Dachi, vàmbennyuwa dachi ayula uvakankulupila? Na vàmbenkulupila dachi ayula uvakanambimpilikana habali dyake? Na vàmbepilikana dachi habali dyake ikàva nanga vanu vayanjâja? 15 Na vàmbeyanjaja dachi ikàva nanga pavatumwa? Malemba Lanaswe làhaula kuva, "Nni chinu cha kuhangalaja namene kuida kwa vanu vayanjâja Malove Lambone." 16 Henga vammalele nanga pavanalapwecheledile àlalá Malove Lambone. Njo mana nabii Isaya áhawile kuva, "Nang’olo, nnani akulupidîle habali ituyanjajije?" 17 Bahi ing’ulupa chitandikilo chake nni kupilikana ujumbe, na ipilikani ya ujumbe anewo ìida kupitila kuyanjajwa kwa habali dyanga Kilisto.

2 Nangu ngùlembela ngumale chinu chimo kuhaloka kwenu mwenu. Dachi, mwenu múmpwecheledile Umumu Wanaswe kwa kuikamula Sheliya yanga Musa au kwa kupilikana Malove Lambone na kulakulupila?

13 Uchocho na mwenu mmanu mukávele Mmayahudi, pamunapilikene ujumbe uhiu wa Malove Lambone lantendênge mwenu mupohwe, mwenu múnilundanywa na Kilisto kwa kupitila kunkulupila nang’e. Nnungu nanang’e nkumwing’anga mwenu Umumu Wanaswe wanamwahidite. Na kupwawa kwa Umumu Wanaswe kwenu mwenu kumaiha kuva mwenu nni mmanu vake mwalehu. 14 Na Nnungu ànituungulila mapala tuvanu vake. Na Umumu Wanaswe njo chivikilo chimaîha kuva, Nnungu achiatukombole mwalehu hwetu tuvanu vake na kutwing’a mapala anelo. Àmbetenda anelo kwajili ya kutumbyangwa kwa ukulu wake.

24 Nangu nìnnyaulilanga uhiu kuva, ayula apilikâna lilove lyangu na kunkulupila ayula angutumîle, ànipata umi ukee na ntululilo. Nang’e akambehukumiwa asabu, kwa kuva, ìmbekuva ànihama mukuhwa, nkwenda muumi.

25 Nangu nìnnyaulilanga uhiu kuva, pàmbekuva na uhiku, na uhiku anewo ùnikamola, vanu vahwîle uvambelipilikana lidi lya Mwana wa Nnungu, na vanu vambelipilikâna, vàmbekuva vumi.

44 Nanga munu àhulula kwida kwang’une akanachemwe na Atatangu angutumîle, na nangu nguchininfufule munu aneyo liduva lya ntululilo wa chilambo. 45 Mmalemba la manabii ìlembwije kuva, ‘Vanu vammalele vàmbehundwa na Nnungu.’ Kila munu ampilikâna Atatangu na kulihunda kuhaloka kwanga nang’e, aneyo àida kwang’une. 46 Aino ikee na mana kuva ànipwawa munu awahîte kumwona Atata, ikànave chihi nangu nguhalêke kwa Nnungu, nangu njo nimmwêne Atata. 47 Nangu nìnnyaulilanga uhiu kuva, munu woheyo akulupîla àpata umi ukee na ntululilo.

28 Henga Yesu nkuyang’ula kuchidoni, "Wasa vanu avala vapilikâna lilove lyanga Nnungu na kulikamuliha."

23 Avêle na makutu la kupilikana, apilikane!"

15 Nkuvahaulila kuchidoni, "Hweneng’ana mmilambo vyammalele mukàvayanjajije vanu vammalele Malove Lambone.

14 Kwa vanang’o, kuva uchocho nni kutimisa malove lanatangwele nabii Isaya kuva,

‘Kupilikana mùmbepilikana, henga mukambekwelewa.

Na kulola mùmbelola, henga mukambekameka.

15 Kwa kuva, mitima ya ava vanu ìninonopa,

na makutu lavo lànaidopa kupilikana,

na meho lavo vànionija.

Kuikavele ikàva uchocho, vakanilola kwa meho lavo,

na vakanipilikana kwa makutu lavo,

na vakanikameka kwa mitima yavo,

na vakaningulaukila,

nanani nikanivalamya.’

16 Henga wasa mwenu, kwa kuva meho lenu lanaloleha saana, na makutu lenu lanapilikaniha saana.

10 Bahi Yesu nkulichema alila likuwa lya vanu nkuvahaulila kuchidoni, "Pilikaniha saana, mumale!

3 Na mutuyuwile na hwetu uchinga Nnungu atwing’e wasa wa kuhubili Lilove lyake liyâmba makudungilo lake lanapihike kumwamba Kilisto. Na nangu vino ǹnifungwa kwajili ya kulatendanya anelo.