A fé vem pelo ouvir

12 Kāhore hoki he rere­kē­tanga o te Hūrai, o te Kariki; ā, ko taua Ariki anō te Ariki o te katoa, ā, e hua ana āna taonga ki te hunga katoa e karanga ana ki a ia. 13 "E ora hoki ngā tāngata katoa e karanga ana ki te ingoa o te Ariki."

14 Nā, me pēhea tā rātou karanga ki a ia, ki te kāhore i whaka­pono ki a ia? Me pēhea hoki tā rātou whaka­pono ki a ia, ki te kāhore i rongo ki a ia? Me pēhea hoki e rongo ai, ki te kāhore he kai­kauwhau? 15 Ā, me pēhea e kauwhau ai, ki te kāhore e tonoa? Ko te mea ia i tuhi­tuhia, "Anō te āta­ahua o ngā wae­wae o te hunga kawe mai i te rongo whaka­hari o ngā mea papai!" 16 Otirā, kāhore rātou katoa i ngohe­ngohe ki ngā rongo whaka­hari. E mea ana hoki a Ihāia, "E te Ariki, ko wai i whaka­pono ki tā mātou whaka­atu?" 17 Inā, nā te rongo te whaka­pono, ā, ko te rongo nā te kupu a te Karaiti.

2 Heoi, tāku e mea ana kia whaka­akona mai e koutou: Nō ngā mahi rānei o te ture i riro mai ai te Wairua i a koutou, nā te mea rānei ka rongo ki te whaka­pono?

13 Me koutou hoki tū­mana­ko ana anō koutou ki a ia, i tō koutou rongo­nga ki te kupu o te pono, ki te rongo­pai o tō koutou ora; ā, i tō koutou whaka­pono­tanga ki a ia, nā, hīri­tia ana koutou e te Wairua Tapu i kōrero­tia mai i mua; 14 hei taumau i ngā taonga mō tātou, kia whaka­ora­ngia rā anō tā te Atua mea i hokona, hei whaka­moe­miti mō tōna korōria!

24 "He pono, he pono tāku e mea atu nei ki a koutou, ko te tangata e rongo ana ki tāku kōrero, e whaka­pono ana hoki ki tōku kai­tono mai, he ora tonu tōna; e kore anō ia e riro ki te whaka­wā, engari, kua whiti i te mate ki te ora.

25 He pono, he pono tāku e mea nei ki a koutou, meāke puta te wā, ā, tēnei anō ināia­nei, e rongo ai ngā tū­pā­paku i te reo o tā te Atua Tama; ā, ko te hunga e rongo ana ka ora.

44 Kāhore he tangata e āhei te haere mai ki ahau, ki te kāhore ia e kūmea mai e te Matua, nāna nei ahau i tono mai. Ā, māku anō ia e whaka­ara ake ā te rā whaka­mutu­nga. 45 Kua oti te tuhi­tuhi i roto i ngā poro­piti, ‘Ā, ka whaka­akona rātou katoa e te Atua.’ Nā, ko te tangata kua rongo ki te Matua, kua ākona hoki, ka haere mai ki ahau. 46 Ehara i te mea kua kite tētahi i te Matua; ko ia anake i puta mai i te Atua, ko ia kua kite i te Matua. 47 He pono, he pono tāku, e mea nei ki a koutou, Ki te whaka­pono tētahi, he ora tonu tōna.

28 Anō rā hoki ko ia, "Engari rā, tino koa te hunga e whaka­rongo ana ki te kupu a te Atua, ā, e mahi ana."

23 Ki te mea he tari­nga o tētahi hei whaka­rongo, kia rongo ia."

15 Ka mea ki a rātou, "Haere koutou ki te ao katoa, kauwhau­tia te rongo­pai ki ngā tāngata katoa.

14 Ā, ka rite i a rātou te poropititanga a Ihāia, e mea nei:

‘Rongo noa koutou, kāhore e mātau;

titiro noa koutou, kāhore e kite.

15 Kua mātotoru hoki te ngākau o tēnei iwi,

kua pūhoi ngā taringa ki te whakarongo,

ko ngā kanohi kua oti te whakamoe e rātou;

kei kite ō rātou kanohi,

kei rongo ngā taringa,

ā, ka mātau te ngākau,

nā, ka tahuri rātou,

ā, ka whakaorangia e ahau.’

16 "Ka koa ia ō koutou kanohi, nō te mea ka kite; ō koutou taringa hoki, nō te mea ka rongo.

Ngā Mea e Poke ana i te Tangata

10 Ā, karangatia ana e ia te mano ki a ia, ka mea ki a rātou, "Kia rongo, kia mātau:

3 me te īnoi anō mō mātou, kia whaka­puare­tia e te Atua he kūwaha kōrero ki a mātou, hei kōrero­tanga i te mea ngaro a te Karaiti i hereherea ai ahau.