A fé vem pelo ouvir
A fé vem pelo ouvir, e o ouvir pela Palavra de Cristo. Quando a Palavra é proclamada, a fé nasce nos corações. Ouvir a Deus é o primeiro passo para crer e seguir.
A fé vem pelo ouvir
A fé vem pelo ouvir, e o ouvir pela Palavra de Cristo. Quem ouve a Palavra crê e obtém a salvação eterna.
Nimar onge pogruok e kind jo-Yahudi gi joma ok jo-Yahudi; Ruoth Yesu en Ruoth machalre ni ji duto, kendo en gi mwandu mogundho mopogo ni ji duto maluongo nyinge, nimar, "Ngʼato ka ngʼato maluongo nying Jehova Nyasaye noresi."
To ere kaka digiluong ngʼat mapok giyie kuome? Koso digiyie nadi kuom Ngʼat mapok giwinjo kuome? To giniwinj kuome nadi kaonge ngʼama oyalonigi? To ere kaka digiyal wach kuome ka ok oorgi? Mana kaka ondiki niya, "Mano kaka en gima ber neno tiend joote makelo wach maber!"
To jo-Israel duto ok oserwako Injilini. Nimar Isaya nowacho niya, "Ruoth, en ngʼa moseyie wach mwalando?" Kuom mano, yie aa kuom wach miwinjo, kendo wach miwinjono en wach Kristo.
Adwaro ni unyisa wach achielni kende: Bende ne uyudo Roho Maler kuom rito Chik koso nikech nuyie wach mane uwinjo?
To un bende nokwanu kaka joma oyie kane uwinjo wach mar adier ma en Injili mar warruok. Kane useyie kuome noketonu kido mar Roho Maler mane osingi, Rohono en singo manyiso ni wanayud girkeni nyaka chopi kinde mar warruok mar jo-Nyasaye, mondo duongʼne oyud pak.
"Awachonu adier ni ngʼato angʼata mawinjo wachna, kendo moyie kuom Jal mane oora, nigi ngima mochwere, kendo ok bi ngʼadne buch tho; to osengʼado oa e tho modonjo e ngima.
Awachonu adier ni ndalo biro, kendo koro osechopo, ma joma otho biro winjo dwond Wuod Nyasaye, kendo joma owinjo dwolno biro doko mangima.
Onge ngʼama nyalo biro ira ka ok Wuora mane oora ema okele, kendo anachiere chiengʼ giko piny. Ondiki e kitepe Jonabi ni, ‘Jehova Nyasaye nopuonj ji duto.’ Emomiyo ngʼat mosewinjo wach Wuoro, kod mosemako puonj mare, biro ira. Onge ngʼama oseneno Wuoro makmana Jal ma noa ka Nyasaye; En kende ema oseneno Wuoro. Awachonu adier ni ngʼama oyie kuoma nigi ngima mochwere.
Ouvir e obedecer
Felizes os que ouvem a Palavra de Deus e a praticam. Quem tem ouvidos ouça o que o Espírito diz.
Nodwoko niya, "Jogo mogwedhi gin mana joma winjo wach Nyasaye kendo rito."
Ka ngʼato nigi it mar winjo wach to mondo owinji."
Nowachonegi niya, "Dhiuru e piny duto mondo uyal Injili ne chwech duto.
Kuomgi ema wach mokor mar Isaya chopo kare kowacho niya,
" ‘Ubiro siko kuwinjo weche miwacho to wach ok nodonjnu ngangʼ;
Ubiro siko kungʼicho to ok unune gimoro.
Nikech chuny jogi osedinore;
gisedino itgi,
kendo gisemiyo wengegi.
Nono to dipo ka wengegi oneno,
kendo itgi owinjo wach;
mi chunygi ofwenyo tiend weche,
kendo gidwog ira mi achang-gi.’
Un to ogwedh wengeu nikech gineno, itu bende nikech giwinjo wach.
Yesu noluongo oganda ire kendo mowachonegi niya, "Chikuru itu mondo uwinj tiend wach.
Chik iti kendo ibi ira,
winj gima awacho mondo chunyi obed gi kwe.
Abiro loso singruok mosiko kod
herana mar adier mane asingone Daudi.
Eka nowacho niya, "Dhiyo kendo iwachne jogi kama:
" ‘Ubiro siko kuwinjo weche miwacho
to wach ok nodonjnu ngangʼ;
ubiro siko kungʼicho,
to ok unune gimoro.’
Ket chuny jogi obed modhil,
kendo mi itgi dinre ma ok winj wach,
bende wengegi obed ma ok nen.
Nono to dipo ka wengegi oneno,
kendo itgi owinjo wach,
kendo mi chunygi ofwenyo tiend weche,
mi gilokre ma chang-gi."
Wan bende lemnwauru mondo Nyasaye oyawnwa dhoot mar yalo Injili, kendo lando wach modhiero ji ngʼeyo mar Kristo momiyo koro otweya gi nyororo.