A fé vem pelo ouvir

12 Pabha kwakwapi kupembula kuti, a Bhayaudi eu Bhagiliki, pabha a Yeshu ni Bhakulungwa bha bhowe, bhashikola ntuka ku bhowe bhakwaajuganga. 13 Pabha jojowe shaajuje kujangutilwa na Bhakulungwa, shaatapulwe.

14 Bhai shibhaajuganje bhuli bhene bhakakwaakulupalilanga? Numbe shibhaakulupalilanje bhuli bhubhangaapilikananga? Na kabhili shibhapilikananje bhuli gwangali nkulunguya? 15 Numbe bhalunguyanje bhuli gwangali pelekwa? Malinga shigalugula Majandiko ga Ukonjelo kuti, "Nnole shiikuti konja kwiya kwabhonji bhaalunguyanga Ngani ja Mmbone." 16 Ikabheje nngabha bhowe bhakundilenje. Pabha nkali a Ishaya bhakuti, "Mmwe Mmakulungwa, gani akundile ngani jetu?" 17 Bhai ngulupai shiumilo shakwe ni kupilikana, kwa ngani ja lilobhe lya a Kilishitu.

2 Ngunapinga mmalanjilanje shindu shimo. Bhuli, Mbumu jwa a Nnungu mwashinkumposhelanga kwa kagulila Shalia ja a Musha? Eu kwa ngulupai ya nkupilikana Ngani ja Mmbone?

13 Na mmanganyanji mmandunji bha ilambo ina, mwapilikenenje ntenga gwa kweli gwa Ngani ja Mmbone, malobhe ga mmbone ga ntapulo gwenunji, gumwaakulupalilenje a Kilishitu na bhalabho a Nnungu nkupinga languya kuti mmanganyanji ni bhabho, gubhampelenje Mbumu jwa a Ukonjelo jwa miadi. 14 Jwene Mbumujo ni ngamulo ya poshela gowe gubhalajile a Nnungu kubhandu bhabho, nkupinga kwagombolanga bhowe bhalinginji bhabho. Tuguiniye ukonjelo gwabho!

24 "Kweli ngunakummalanjilanga, apilikana lilobhe lyangu na kwakulupalila bhandumile bhala, akwete gumi gwa pitipiti. Ngu akaukumulwa, ikabhe atapwilwe kushiwo na apegwilwe gumi.

25 Kweli ngunakunnugulilanga, mobha ganakwiya, numbe gaishe, bhawilenje shibhapilikananje lilobhe lyangu, na shibhapilikananjebho, shibhalamanje.

44 Jwakwa mundu shang’ishile nne, akashemwe na Atati bhandumile, nne shininyuye jwene mundujo lyubha lya mpelo. 45 Ashinkulondola bha a Nnungu bhajandikenje Mmajandiko ga Ukonjelo kuti, ‘Bhandu bhowe shibhajiganywanje na a Nnungu.’ Mundu jojowe akwaapilikana Atati nikwiijiganya ga bhenebho, ananyiila nne. 46 Penepo nngabha kuti apali mundu abhabhweni Atati, ikabhe jwene akoposhele kwa a Nnungu, jwenejo ni abhabhweni Atati. 47 Kweli, ngunakunnugulilanga, akulupalila anapata gumi gwa pitipiti.

28 Ikabheje a Yeshu gubhashite, "Mbaya kaje bhene bhakulipilikananga lilobhe lya a Nnungu nikunda."

23 Akwete makutujo apilikane!"

15 Bhai, gubhaalugulilenje, "Njendangananje nshilambolyo nkalunguyanje Ngani ja Mmbone kubhandu bhowe.

14 Gatimilile gubhabhelekete ankulondola bha a Nnungu a Ishaya ga kuti, Bhakulungwa bhaashite,

‘Kupilikana shimpilikananje, ikabheje nkaelewanga.

Nkupinga lolanga, ikabheje nkashibhonanga shindu

15 Pabha mitima ja bhene bhandunjibha jishitopa

Bhashiibhanga makutu gabhonji,

Bhashikupilanga meyo gabhonji.

Gwangali nneyo, bhakalolilenje na meyo gabhonji,

Bhakapilikenenje na makutu gabhonji,

Bhakaelewenje mmitima jabhonji,

Bhakandendebhushilenje, bhashite Bhakulungwa,

ngaalamiyenje.’

16 "Ikabheje mbaya mmanganyanji, pabha meyo genunji ganalola na makutu genunji ganapilikana.

Indu Ikuntenda Mundu Anyate

10 A Yeshu gubhaashemilenje bhandu bhagumbelenje bhala, gubhaalugulilenje, "Mpilikananje, na mmumanyanje!

3 Ntujujilanje na uwe, nkupinga a Nnungu bhatupe malanga ga lunguya lilobhe lyabho, tushumye indu ya nng’iyo ya a Kilishitu, numbe kwa ligongo lya yeneyo, nne njitabhwa.