A palavra
A Palavra de Deus é viva, eficaz e mais cortante que espada de dois gumes. Ela é lâmpada, alimento e purificação — tudo o que o cristão precisa para viver e crescer em fé.
Sababu o Gikimoi Awi demo gena o demo foloisi ilalamo sababu ioho ka sidutu ikakali de lo ikokuasa. O demo magena ifoloi ḋadoto de o sumarangi ma doto sinotoka, sababu o demo magena aku isuru sidago o nyawa manga jiwa de manga gurumi ma batika, maro kanaga o sumarangi moi lo aku isuru de isioto ma bati o kobo de lo ma nihaka. O demo magegena aku o bi nyawa moi-moi o bi moi-moi manga sininga ma rabaka isipelenga de yatailako.
O Demo ma duhutu gena o Yesus womadadi de womasitero maro o nyawa moi o duniaka
Ka ma nonomasi,
o bi moi-moi iooho o duniaka gena idadi waasi,
de Una Awi ronga o Demo gena he kanagaka.
O Demo magena kanaga dede o Gikimoi
de o Demo magena ka imatero dede o Gikimoi.
O Demo magena
womadadi de womasitero
maro ka o nyawa moi,
so Una wooho de wogoge
to ngone nanga sidongirabaka.
De Awi kuasa gena
ma sihino ka ma Baba Gikimoino,
sababu ma ngale ma Ngopa womatetengo,
so igogou ma Baba Awi kuasa ilalamo gena
ngomi lo miakeleloka.
De ngomi miwimomote
gena igogou to Una Awi laha womisidumuka
de o dodoto itotiai gena womidotoka.
O nyawa lo yaakuwa o oho ka sidutu ikakali inihike, ka cawali o Gikimoi Awi Gurumi gena o oho magena aku o nyawaka wahike. So Ai demo ngini tinisingangasu iḋomaka gena, inisidumu o Gikimoi Awi Gurumi magena winihike o oho nginika.
Nako to Ngohi Ai demo nginika gena niopiricaya, magena ngini nitebika maro o uma magena, kiaka Una wototoro gena wodebika.
Duma Una wosango wotemo, <<Kanaga o Gikimoi Awi Jaji ma Bukuka isilefoka, <Nako o bi nyawa gena upa ka cawali o ino so ioho, duma ka cawali o Gikimoi Awi demo la yasigise de yaaka.> >>
So o dipa de o tona asa isisa de ḋalutu, duma Ai demo de Ai dodoto asa itagi gila-gila de ma dodogu ihiwa.>>
Nakoso o nyawa la o Gikimoi Awi manara yaaka ḋaloha, de ma ngale o kia bato yaaka gena upa yamaḋe. So komagena lo bilasu ngona de ani sininga igogou o habari ḋaloloha magena nadoto itotiai, la o Gikimoi Awi simaka upa nimaḋe duma ngona o nyawa moi maro o Gikimoi wonidudupa.
Duma ngini magegena bilasu foloi niodupa o Gikimoi Awi demo nisigise, maro o ngopa asa isibubuoku so kanaga foloi yodupa yosusu. Bilasu niaaka komagena la ngini nia piricaya Unaka gena aku idadi foloisi ḋaputuru, sidago ma dodoguka de ngini magena o Gikimoi winisalamati lo ḋaboloka.