A palavra
A Palavra de Deus é viva, eficaz e mais cortante que espada de dois gumes. Ela é lâmpada, alimento e purificação — tudo o que o cristão precisa para viver e crescer em fé.
Idimaa nnelekai a God le e mouli ge mogobuna, ge koia e gaa i tulumanu dauwa baahi lua, e tuu gi lodo loo gi di gowaa dela e heetugi ai di mouli mo di hagataalunga, gi di gowaa dela e duudagi ai nia dudaginga mo nia uga, ge e hagi aga di hiihai o di manawa tangada.
Au e dadaahi au haganoho i lodo dogu manawa
bolo gi dee hai dagu mee hala adu gi di goe.
Di haga modongoohia o au agoago le e hidi mai ai di maalama,
ge e hai digau ala de kabemee gi kabemee.
"Nnelekai" la gu i golo i taamada. "Nnelekai" la gu i baahi o God, gei "Nnelekai" la go God.
"Nnelekai" la guu hai tangada, guu noho i tadau baahi, gidaadou gu gidee ono madamada e honu i tumaalia mo di tonu, di madamada ne kae go Mee, go Tama hua e dahi, mai baahi dono Damana.
Di Hagataalunga o God dela e dugu mai di mouli, gei nia mogobuna dangada le e balumee. Agu helekai le e gaamai di Hagataalunga haga mouli a God.
Goodou gu haga madammaa go agu agoago adu gi goodou.
Jesus ga helekai, "Ma guu lawa di hihi i lodo di Beebaa Dabu boloo:
‘Tangada la hagalee mouli hua mai di palaawaa,
gei e mouli i nia helekai huogodoo
ala e lloomoi i baahi o God.’"
Di langi mo henuailala ga hagalee, gei agu helekai e deemee di hagalee.
Heia au hegau gi humalia i mua o God, gii hai be tangada ngalua, e ngalua hagalee langaadia, dela e agoago nia daangada nia helekai donu a God.
Heia goodou gii hai be nia dama lligi ala e hiihai hua e inu nia weuu donu o di hagataalunga, gi tomo aga goodou gi mouli.