12 Cau mala Ɓakuli ka, ndanǝ yilǝmu, sǝ ndanǝ rǝcandǝa. Cyauwe kútì koya ulang ya nggeabyau mǝnana kúni ɓari ka. Kǝ soaban, kǝ kutia ban gakya mala bangŋe ɓwa andǝ yilǝmi. Kǝ kutio aban kpakǝri mala mú andǝ girɓamu. Kǝ pusǝta mana nda mǝɓoarne andǝ mǝɓane arǝ ɗenyicau andǝ kani mala ɓabum ɓwa.

1 Kaniama Ɓakuli nǝ̀

pusǝ ɓanza ka,

Cau ni nda kam,

sǝ mǝno yì Cau ka

à nda tàrǝia andǝ Ɓakuli;

sǝ yì, yì Cau ka Ɓakuli na.

14 Mǝnia yì Cau ka

yi duk ɓwamǝpǝndǝe,

sǝ yi duk zuku aɓalǝ sǝm.

Sǝm sǝna gulo male,

gulo mala kǝ̀ Muna

mwashat ɓǝ̀rɓǝ̀r, mana pur

nǝban Tárrí Ɓakuli ka,

lùmsǝo nǝ ɓwamuru

andǝ mǝsǝcau.

63 Bangŋo mala Ɓakuli nda pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

3 Cau mǝnana ǝn kania wun ngga gilǝkina wun, wu fànà.

4 Sǝ Yesu nyesǝi wi ama, <<À gilǝ a Malǝmce mala Ɓakuli ama:

<< <Girlina nda nǝmurǝì

tsǝkiyi ɓwa sǝ nǝ̀ dum

nǝ yilǝmu ka ɗàng.

Nda andǝ cau mǝnana

kat kǝ pur a kun Ɓakuli ka.> * >>

35 Agir mǝnana a bumkuli andǝa mǝnana a nzali ka teà nǝ̀ malâ, sǝ cau mem ngga tè pà nǝ̀ mal ɗang.

15 Ɓariki nǝ pa rǝcandǝa arǝ túró kàngkàng, ace mǝnana wu lǝmdǝ rǝò a ɓadǝm Ɓakuli ɓǝ̀ earnǝ we. Duk mǝtúró mǝɓoarne, mǝnana kǝsǝkya pa nǝ̀ pakki wi arǝ túrè raka, mǝtúró mǝnana kǝ mǝngi ɓá cau mǝ’mǝsǝcau nì pepè ka.

2 Wu pa kǝla abangna-muna, rǝ wun ɓǝ̀ kǝ ɓǝla arǝ nu kiura mǝɓoarnsari mala cau mala Ɓakuli, ace mǝnana ɓǝ̀ wu gulo aɓalǝi, ɓǝ̀ kyan nǝ wun a amsǝban,