12 Ora tonu hoki te kupu a te Atua, mana tonu, koi rawa atu i tētahi hoari mata­rua, ngoto tonu, ā, wehea noatia te ngākau me te wairua, ngā pona­pona me te hinu wheua, ā, wawae ana anō i ngā whaka­aro, i ngā hi­hiri­tanga o te ngākau.

1 I te tīma­tanga te Kupu, i te Atua te Kupu, ko te Atua anō te Kupu.

14 I whaka­kiko­kiko­tia te Kupu, ā, noho ana i a mātou, i kite anō mātou i tōna korōria he korōria e rite ana ki tō te Tama kotahi a te Matua, kī tonu i te aroha noa, i te pono.

63 Ko te wairua te whaka­ora ana; kāhore a te kiko­kiko wāhi. Ko ngā kupu e kōrero nei ahau ki a koutou he wairua, he ora.

3 Nā, kua mā tēnei koutou i te kupu i kōrero­tia e ahau ki a koutou.

4 Nā, ka whakahoki ia, ka mea, "Kua oti te tuhituhi, ‘E kore e ora te tangata i te taro kau, engari, i ngā kupu katoa e puta mai ana i te māngai o te Atua.’ "

35 Ko te rangi me te whenua e pahemo, ko āku kupu ia e kore e pahemo.

15 Kia puta tāu tohe mōu kia tū ki te aro­aro o te Atua, he mea e manako­hia ana, he kai­mahi e kore e whaka­mā, e whā­whā tika ana i te kupu o te pono.

2 Kia rite ki ngā tama­riki whānau hou, hia­hia­tia atu te waiū kore tini­hanga o te kupu, ko te mea hoki ia e tupu ai koutou ki te ora tonu;