A palavra
A Palavra de Deus é viva, eficaz e mais cortante que espada de dois gumes. Ela é lâmpada, alimento e purificação — tudo o que o cristão precisa para viver e crescer em fé.
ဘုရားသခင်ရဲ့ စကားတော်ဟှာ သတ်ရှင်ရှင်း၊ တဂိုးနပြုပြင်ရှင်း၊ သန်လျက်လေထတ် ထတ်ရှင်းမှုန ပ္လဲ့ဇောင်ဟှူကြောန့် သတ်န စိဝိညာဉ်ဟှိုဖြစ်ဖြစ်၊ ရိုးဆစ်န ခြင်ဆီဟှိုဖြစ်ဖြစ် ပိုင်းခြားဘီး ထောက်ချင်းခွမ်းတတ်ဟှယ်။ စိနှလောင်း ကြံစည်လေဟှိုလည်း ထိုးထွမ်းဘီး သိဗြင်နိုင်ဟှယ်။
စစဒူးဟှ စကားတော်ဟှာ ရှိဘီးသားဖြစ်ဟှယ်။ အယ်စကားတော်ဟှာ ဘုရားသခင်နတူးဒူ ရှိနေဟှယ်။ အယ်စကားတော်ဟှာလည်း ဘုရားသခင်ဖြစ်ဟှယ်။
စကားတော်ဟှာ လူသားဖြစ်လာဘီး ကျေးဇူးတော်န သမ္မာတရားန ပ္လဲ့ဇောင်ဘီးဟှာ နို့လေထဲမာ စံမြန်းနေဟှယ်။ နို့လေဟှာ ကိုယ်တော်ရဲ့ ဖောင်းသရေတော်ဟှို ဗြင်ရဘီ။ အယ်ဖောင်းသရေတော်ဟှာ ဖရဲ့ တယော့-က်ဒဲရှိဟှူ သားဖြစ် လတ်ခံရရှိဟှယ်။
ဘုရားသခင်ရဲ့ ဝိညာဉ်ဟှ သတ်ဟှို ပေးဟှယ်။ လူ့ရဲ့ တဂိုးဟှာ လောင်းဝ သောင်းဇားဟှို့ ရဟှ။ နန်းနို့ဟှို ငါပြောဟှူ စကားလေဟှာ သတ်ပေးဟှူ ဘုရားသခင်ရဲ့ ဝိညာဉ်တော်န ဆိုင်ဟှယ်။
ငါဟောပြောဟှူ တရားစကားအားဖြင့် ခု နန်းနို့ဟှာ သန့်ရှင်းဟှားဘီ။
အယ်ဘေမဲ့ ယေရှုဟှ "‘လူဟှာ စားဇာတခုဒဲန သတ်ရှင်ရဟှို့ မှုဟှ။ ဘုရားသခင်ရဲ့ စကားတော်အားဖြင့်ဘဲ့ သတ်ရှင်ရမယ်’ ဆိုဇာ ကျမ်းစာဟှ ပြောဟှားဟှယ်" ဆိုဘီး မိန့်တော်မူဟှယ်။
ကောန်းဂန်န မ္လေဂီးဟှာ ကွယ်ပျော့-က်ဟှားလေ့မယ်။ အယ်ဘေမဲ့ ငါ့စကားဟှာ လောင်းဝ ကွယ်ပျော့-က်ဟှားလေ့မယ် မှုဟှ။"
နန်ဟှာ ဘုရားသခင် ရှေ့တော်မာ ယောင်ကြည် စိခ္လရဟှူသူ၊ နှစ်သက်ဖွယ်ကောန်းဟှူသူ တယော့-က်နေနဖြစ်ဖြစ်၊ သမ္မာတရားဟှို ပိုင်းခြားတတ်ဟှူ သူတယော့-က်နေနဖြစ်ဖြစ် ယှစ်ကြော့-က်မှုမှေ့ဘဲဟှူ လောက်သမား တယော့-က်မျိုး ကိုယ့်ကိုယ်ကိုယ် ဆစ်သနိုင်ဟှို့တွပ် ကြိုးစားအားထုပါ။
သန့်ရှင်းဟှူ၊ ဝိညာဉ်ရေးရာနဆိုင်ဟှူ မှန်ဟှူ နို့စစ်အားဖြင့် ကယ်တန်ရှင်းနှိုက် ကီးထွားလာဟှို့တွပ် မွီးခါဇ သားဂန်းဟှားမျိုး အယ် တရားနို့ရယ်ဟှို မြဲဒမ်း လိုရှင်တောန်းတဂေ့ပါ။