A palavra
A Palavra de Deus é viva, eficaz e mais cortante que espada de dois gumes. Ela é lâmpada, alimento e purificação — tudo o que o cristão precisa para viver e crescer em fé.
किल्हैकि परमेशरो बैण आसा ज़िऊंदअ, शगती आल़अ अर दुही बाखा तिछी तलबारा का बी तिछअ। सह करा आत्मां, प्राण, गांठ-गांठ अर हर ज़ोल़ ज़ुदै करी छ़िन्ह-बिन्ह। सह हेरा मन्नें गल्ला अर म्हारी सोठ परखी।
मंऐं आसा तेरअ बधान आपणैं दिलै डाहअ द,
ताकि हुंह ताखा किछ़ पाप करदअ निं शुझिए।
तेरै बैणे समझ़ दैआ मेरै मन्नां लै प्रैश्शअ,
तेता करै एछा ऐडै मणछा बी अक्ल।
सोभी का आजी आसा बैण,
सह बैण त परमेशरा संघै,
सह बैण ई त परमेशर,
तेऊ बैणै लई मणछे देही अर झींण अर सत्ता दी भर्हुई करै किअ हाम्हां जैंदरी बसेरअ, हाम्हैं भाल़अ तेऊओ इहअ प्रतप्प, ज़िहअ बाबे तेऊ शोहरूए प्रतप्प हआ ज़ुंण आपणैं बाबो कल्हअ शोहरू हआ।
"आत्मां आसा ज़िन्दगी दैणैं आल़ी, देही करै निं कोई फाईदअ, ज़ुंण गल्ला मंऐं तम्हां का बोली तिंयां आसा आत्मां बी अर ज़िन्दगी बी।
"ज़ुंण बैण मंऐं तम्हां का खोज़ै, तेता करै आसा तम्हैं शुचै।
ईशू दैनअ तेऊ लै ज़बाब, "पबित्र शास्त्रा दी आसा लिखअ द इहअ,
‘मणछ निं सिधअ रोटी करै ज़िऊंदअ,
पर परमेशरे बोली दी हरेक गल्ला मनी सका सह ज़िऊंदअ रही।’"
सरग अर पृथूई टल़णीं पर मंऐं ज़ुंण गल्ला बोली, निभणी ज़रूर एही ई।
खास्सी मैन्थ कर ताकि तूह आप्पू परमेशरा सेटा पेश करी सके अर परमेशर ताह करै खुश होए। तूह कर बधिया मिस्त्री ज़िहअ काम ज़हा शर्मिंदअ नां हणअ पल़े अर ज़ुंण शुचै बैणा ठीक ज़ाणा खोज़ी।
ज़िहअ एभै पैईदा हुअ द शोहरू आपणीं माओ क्लुध च़ाहा, तेही लागा हाम्हां च़ाहा डाहणीं कि परमेशर हाम्हां का सत्त खोज़े, ताकि तम्हैं तेता शिखल़ी करै परमेशरा दी विश्वास करना लै ज़ुआन शोहरू ज़िहै होए। खिरी हणअ इहअ कि परमेशरा बच़ाऊंणै तम्हैं एऊ संसारे बूरी गल्ला का पठी।