A palavra
A Palavra de Deus é viva, eficaz e mais cortante que espada de dois gumes. Ela é lâmpada, alimento e purificação — tudo o que o cristão precisa para viver e crescer em fé.
Sababu Ma Jou’ongu Madutu 'ai demo enanga 'i 'ahu-'ahu re lebe mangono reo samaranga ma doto romoḏiḏi. Samaranga gena-ge 'i lapasa toma donga-donga re nyi-nyiala ma bati. Gena-ge ma tero sa’olo Ma Jou’ongu Madutu 'ai demo ga’a osama singadolo toma nyawa re roh ma bati. Unanga 'ai demo gena-ge enanga ya waro manusia manga fikirana re 'akala re sinyingara.
'Ua re 'au wali wakutu dungia 'i dadi nyangu, 'Idini rema enanga ḏua. 'Idini gena-ge 'i mamete’e ra Ma Jou’ongu Madutu, re 'Idini gena-ge ḏi’i Ma Jou’ongu Madutu.
'Idini gena-ge ri dadi manusia, re Unanga 'o tegoro tananga sigolona re wa oḏi’i ḏua 'Ai kabasarana. Kabasarana gena-ge ma 'asala ra Ma Jou’ongu Madutu sababu Unanga 'Ai Ngowa’a Nau’u pa’i matengo. Sababu Unanga, ngene wa basono tala Ma Jou’ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou’ongu Madutu ra ngene.
Ga’a si’a’a manusia 'aḏi 'ahu, gena-ge Ma Jou’ongu Madutu 'ai Roh. Manusia manga de-de’e, ma faeda 'i cua di’a sigasa 'ahu kasingado-ngadolo i’a. Demo-demo gena-ge ga’a Ngoi ta sikanau ra ngini, demo-demo nena-ne ra Ma Jou’ongu Madutu 'ai Roh ino ga’a sigasa 'ahu kasingado-ngadolo i’a.
Ngini reni 'ofi sababu ngini reni dawongo 'Ari do-doto’o.
Yesus 'a sangoro, "Toma Boku 'Ofi-'Ofi 'i silefo so’o ne: ‘Manusia wo 'ahu pa’i wo oromo roti ḇato ua, mada’a wo 'ahu ḏi’i, sababu wo mete’e Ma Jou’ongu Madutu 'ai demo-demo mo-moini, ga’a Unanga ro kanau.’ "
Diwanga re dungia ḏuanga i’a 'i iranga, mada’a Ngoi 'ari demo-demo 'i iranga ua kasingado-ngadolo i’a."
Ngana balasu no makutale mode-mode’e, la no dadi guru ga’a no doto’o la-la do-doto’o banari ra Ma Jou’ongu Madutu ino. Na’o 'a’a so’o gena, ḏuanga i’a ngana no mara’a ua re 'ani do-doto’o 'i sisanangi Ma Jou’ongu Madutu 'ai 'akala re sinyingara.
Mada’a ngini balasu ma tero sa’olo ngowa kiau aro sibuoro tala ga’a nyanyaḏi ḇowisi susu tau-taunu ra ma ngina. So’o gena ḏi’i, ngini balasu nyafusu masala di’a 'isene tau-taunu Ma Jou’ongu Madutu 'ai demo ga’a banari. Na’o ngini ni 'a’a so’o gena, ngini ninga ngo-ngaku ganapu te’e, singadolo enanga gena-ge 'i dadi ti-tiai.