A palavra
A Palavra de Deus é viva, eficaz e mais cortante que espada de dois gumes. Ela é lâmpada, alimento e purificação — tudo o que o cristão precisa para viver e crescer em fé.
Ya thin rok Got e ba fos ma bay gelngin nma maruwel. Ya kab m’uth ngabangi saydon ni ruw raba’ ma bm’uth. Ya ma yan nge yan i taw nga fithik’ i lanin’dad ko n’en ni gadad be leamnag, nge fithik’ e ul ul nge yil, ma ma pufthinnag e n’en ni yima yim’ ni bochan nge tin ni yima leamnag.
Gu be chubgiliy e motochiyel rom u lan gumircha’eg,
ya nge dab gu denen nib togopluw ngom.
Ra i tamilangan’uy ko machib rom ma ra pi’ e tamilang
nge gonop ngak e pi’in ndawor ni sukul nagrad.
Dawori sunumeg Got e fayleng ma bay fare Thin; ma re Thin nem e immoy rok Got, ma fare Thin e ir Got.
Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.
En nma pi’ e yafos e aram fare Kan ni Thothup; ma bin kakrom i gimed e dariy ban’en ni bfel’ ni yib rok. Fapi thin ni kug weliy ngomed e yib rok fare Kan Nthothup ma re thin nem e ma pi’ e yafos.
Ma gimed e kan mu’ i tamilangnag owchemed, ni aram e kam be’echgad ni bochan fapi thin ni kug weliy ngomed.
Me fulweg Jesus ni ga’ar, "Fare babyor nib thothup e be ga’ar, ‘Girdi’ e gathi go’o flowa era ikay me par nib fos, ya urngin bug e thin ni yib u langan Got e ra taye girdi’ nib fos ni dabi yim’.’ "
Tharmiy nge fayleng e bay chuw, ma thin rog e ri dabi math bi’id.
Mu athamgiliy u rogon nrayag rom nge par e maruwel rom nrib fel’ u mit Got, ni bod rogon be’ ni girdi’en e maruwel nder tamra’ ko maruwel rok, ni ir be’ nma machibnag e thin rok Got nrogon.
Mpired ni gimed bod e bitir ni kafin nni gargeleg, ni gubin ngiyal’ ma be yib lamen e milik ngomed, ni milik nib machalbog ni fan nga lanin’med, ya ra um unumed mi gimed ilal ngam thapgad ngak Got.