A última palavra vem do Senhor
A última palavra pertence ao Senhor. Os planos do homem estão sujeitos à soberania de Deus. Ele rege toda a história e nenhum de seus propósitos pode ser frustrado.
मनखे ह अपन मन के योजना के बस म रहिथे,
पर मुहूं के सही जबाब यहोवा करा ले आथे।
यहोवा ह जम्मो काम एक उदेस्य के संग करथे—
इहां तक कि दुस्ट ला बिपत्ति के दिन बर रखथे।
परमेसर ह मनखे नो हय, कि ओह लबारी मारय,
ओह मनखे नो हय, कि ओह अपन मन ला बदलय।
का ओह बोलथे अऊ वइसने नइं करय?
का ओह वायदा करथे अऊ ओला पूरा नइं करय?
यहोवा ह मूसा ला जबाब दीस, "का यहोवा के हांथ अतेक छोटे हवय? अब तेंह देखबे कि जऊन बात मेंह तोला कहे हंव, ओह सच होथे कि नइं।"
वइसे ही मोर बचन घलो अय, जऊन ह मोर मुहूं ले निकलथे:
येह मोर करा खाली नइं लहुंटय,
पर जो मोर ईछा हे, ओला पूरा करही
अऊ जऊन काम बर मेंह येला पठोय रहेंव, ओला येह पूरा करही।
"मेंह जम्मो मानव-जाति के परमेसर, यहोवा अंव। का कोनो घलो काम मोर बर बहुंत कठिन अय?
"में जानत हंव कि तेंह जम्मो कुछू कर सकथस;
तोर कोनो योजना म बाधा नइं डाले जा सकय।
यहोवा ला जऊन बात बने लगथे,
ओह ओला अकास अऊ धरती म,
समुंदर अऊ ओकर जम्मो गहरई म करथे।
ओह जम्मो चीज ला सिरजे के पहिली रिहिस अऊ ओमा जम्मो चीज एक संग टिके रहिथें।
अकास अऊ धरती ह टर जाही, पर मोर बचन ह कभू नइं टरय।
ये घटना होवइया हे! येह जरूर होही, परमपरधान यहोवा ह घोसना करत हे। येह ओही दिन अय, जेकर चरचा मेंह करे हंव।
तुमन ये नइं जानत हव कि कल का होही। तुम्हर जिनगी ह का ए? तुमन त भाप के सहीं अव, जऊन ह छिन भर दिखथे, अऊ तब लोप हो जाथे। एकर बदले, तुमन ला ये कहना चाही कि कहूं परभू के ईछा होही, त हमन जीयत रहिबो अऊ ये या ओ बुता ला करबो।