A última palavra vem do Senhor
A última palavra pertence ao Senhor. Os planos do homem estão sujeitos à soberania de Deus. Ele rege toda a história e nenhum de seus propósitos pode ser frustrado.
Adamadiin feene natama a bɔɲɛni nɛn,
koni Alatala nan feene ragidima.
Bunna Alatala kɛwanle birin na,
hali muxu ɲaxina,
a daxi gbalo lɔxɔn nan yɛɛ ra.
Muxu mi Ala ra, a wulen fala,
Adamadi mi a ra, a nimisa.
A naxan falaxi, a mi na ligɛ ba?
A na falan naxan ti,
a mi na rakamalɛ ba?
Alatala yi a yabi, a naxa, "N sɛnbɛn go, na mi a liyɛ? I fama a todeni n naxan falaxi xa a ligɛ."
N ma falan fan na kii nin
naxan minima n dɛ.
A yigenla mi xɛtɛ n ma,
fɔ a n waxɔn feen liga,
a n ma fe ragidixin nakamali,
n na a rasigaxi naxan na.
"Alatala nan n tan na, niiramane birin ma Ala. Kabanako fena nde na yi ba, naxan xɔdɔxɔ n tan yii?
"N na a kolon a i nɔɛ feen birin na,
i nɔɛ i waxɔn feene birin nakamalɛ.
Kore xɔnna nun bɔxɔ xɔnna ma,
fɔxɔ igene nun yire tilinxine birin yi,
naxan na rafan Alatala ma,
a na nan ligama.
A yi na benun seen birin xa da. Sena ngaan masuxi a tan nan xɔn.
Kore xɔnna nun bɔxɔ xɔnna danguma nɛn, koni n ma falane mi danguma habadan!"
" ‘Marigina Alatalaa falan ni ito ra: Na feene fama nɛn, e yi rakamali. N falan tixi na lɔxɔn nan ma fe yi.
Anu, ɛ mi a kolon naxan ligama ɛ dunuɲa yi gidini tila! Amasɔtɔ ɛ luxi nɛn alo kundaan naxan godoma, a waxatidi ti, na xanbi ra a tunun. A lanma nɛn ɛ xa ito nan fala, ɛ naxa, "Xa Marigin tin, nxu luma nxu nii ra nɛn, nxu feni ito liga hanma na."