Aceitar Jesus
Aceitar Jesus é a decisão mais importante da vida. Quem o recebe como Senhor e Salvador recebe vida eterna, perdão completo e a presença permanente do Espírito Santo.
Ba yoba tau ye ira moglkwa pre kan ersre, pre mediglkwa i, ye God gagiglma moraiglmedi ere edugwa.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Yegl dugo, Jisas ye di te, yegl dugwa, Na konbauna moglsre, te ka kaima i, na mabuno moglsre, yoba kor moraiglkwa i, na mabuno moglsre, erika. Yoba ta ede pi na Nina moglmara enabuka i, konbauna pere ta mina ta pikrabuka. Na swara mina enabuka.
Ana yoba ta ere mogl, Jisas ye Yagl Kade moglmiwe didre, nomane mina Jisas ye goglko, God ye ere i kor edumedi pre, pre medran, God yoba i ere inabuka.
Nono tadaglme ere kodumga pre topomo geglkwa keme inamga paugwa. Topo yegl inamga paugwa ba ta ikunga. I siragl pre God ere mogl, nono Yaglno Kade Jisas Krais kogon erumara i mina, aimadi kamin kor moramga i, yoko kaima noro kodugwa.
Ana yoba ta ere mogl, na Yagl Kade moglka i, ye na ere inabedi agle ta dinan, na ye ere inaluwe
di, God yegl di togo, yagl Joel ikra boglmiwe di, Pita yegl dugwa.
Yegl digo, Pita di ikne ede te, Ene swara swarade God ene tadaglmeno gugl ede norabedi nomano yake teo. Jisas kaima God Kere Yugwa Yagl moglmedi nomano tedre, nigl biglbi, God ye Murubuglomo yoko kaima tenabiwe dugwa.
Ana yagl Jisas i, ye swara nono ere inabuka kuno kaima erukwa. God ye Jisas swara nono ere inabedi dedugwa pre uglo koglo koglo dumo aglo mere yogwa i, nono ere inabuka yoba pere ta moglkrikwa. Jisas swara kaima moglmiwe di, Pita yegl dugwa.
Kane yugu sugl moglkwa yagl i yegl di, kira pogl pruko, Pol ya Sailas ye di te, yegl dibrika, Ene Yagl Kade Jisas pre medigln, God ene ere inabiwe di, yegl dibrika. No dubuglka i, ene ya ene yobanma mudu ta moraiglkwa i, mudu pre medraiglkwa pre dubuluwe dibrika.
Ba nono tadaglmeno God di pogl tomun, God ye ere noragle dumere yegl ere, tadaglmeno koko ede norsre, mabuno kide siragl mere erumga i, kide kodo norabuka. I siragl pre God ege ege ka dumara adigl moglsre, mabuno du keme ere norukwa.
Ene prio! Na yugu dua mina adigl mogl, dua sidre, ene agle di moglka mere yegl paugwa. Yoba ta na agle diga i prisre, yugu dua yauro edenan, na ede yugugl unaglka. Wibo, na yoba i bogl ame di mogl, kaya mokna akie nenabuglka.