Aceitar Jesus
Aceitar Jesus é a decisão mais importante da vida. Quem o recebe como Senhor e Salvador recebe vida eterna, perdão completo e a presença permanente do Espírito Santo.
Ma 'o nyawa 'iodumu gee widawongo de wingaku 'unaka,
wakidiai 'ona yodadi ma Jo’oungu ma Dutu 'awi ngowa-ngowaka.
Sababu ma Jo’oungu ma Dutu wadora ma sala 'o nyawa 'o duniaka ne’ena, sigado wokula 'awi Ngowaka womatengo-tengoka, la nago’ona yongaku de yomasiga-gao 'unaka, ge’ena koyobinasawa ma yamake 'o 'ahu kaisi’ado-'adonika.
De 'o Yesus wosango, <<Ngoi ne’ena 'o ngekomo ma ngale 'o nyawa winako 'itiai ma Jo’oungu ma Dutu, de yamake 'o 'ahu 'ika-kakali. Komoiwa moi 'idadi yaika ma Jo’oungu ma Dutuka, nako ko de de ngoiwa.
Sababu nako ngini niongaku de 'ania 'urude 'isupu 'ato, << 'O Yesus ge’ena ma Jou>>, de 'ania singina ma dodaka niongakuokau 'ato ma Jo’oungu ma Dutu wisiwangokali 'o Yesus, ge’ena ngini 'asa ma Jo’oungu ma Dutu winisilaha.
Sababu 'o nyawa gee 'o sowono yodiai ge’ena ma duanguku 'o songene. Ma 'o 'ahu 'ika-kakali ma ngekomo ma Yesus Kristus to ngone nanga Jou, ge’ena la 'o co-catu ma Jo’oungu ma Dutuno gee kawokula.
Ma 'orasi ge’ena, 'o nyawa gee yongaku de yomasigasoko ma Jouka,
'asa yakisilaha!>
De 'o Petrus wosango wongose 'ato, <<Salingou nimaogoro 'o sowono niodiai, de niolio ma Jo’oungu ma Dutuka. De ngini moi-moi ni’osiki de ma Yesus Kristus wi ronga ma ngale winingaku, la nia so-sowono ma Jo’oungu ma Dutu kowongano-nganonuawau. De ngini 'asa niamake 'o Ngomasa 'Itebi-tebini.
Ka 'o Yesus duga 'idadi 'o nyawa wosilaha. Sababu 'o nyawa 'iregu koi’iwa yamake 'o kuasa ma Jo’oungu ma Dutuno ma ngale 'inasilaha.>>
'O Paulus de 'o Silas kayosangokau, <<Salingou nongaku ma Jou Yesusika de ngona 'asa nisilaha! Koge’enali mita 'ani woa ma dodaku.>>
Ma nako ngone ma gou-goungu pomangaku nanga so-sowono ma Jo’oungu ma Dutuka, ge’ena 'una 'asa kowosi-singinawau nanga so-sowono de wonasitebini nanga di-diai 'ito-torouoka sababu 'una wadiai 'okia naga gee 'iti-tiai de 'awi jaji ngoneno mita salingou wadiai.
Niosi-singina, ngoi toma’okode 'o ngorana ma bionoka de totote-toteke. Nago’ona la yo’isene 'ai 'ilingi de 'o ngorana 'idebelenga, ngoi 'asa towosanga mimakamake de de 'ona, de ngoi 'asa mimasido’odomo de de 'ona.