Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Kumdumba Mndewa Imulungu acho chanduso cha kutanga vinhu,
lakini wabozi obezeli ubala na kuzumwa.
Kumdumba Mndewa Imulungu awo mwanduso wa ubala,
na kumtanga ija yang’alile ako kuwa na nzewele.
Kumdumba Mndewa Imulungu ago mafundizo ga ubala,
ung’hali ukulu haunakwiza tanhu olongola uhole.
Vinoga kuwa na vinhu kidogo kuno komdumba Mndewa Imulungu,
kubanza kuwa na vinhu vingi kuno kodununzika.
Kumdumba Mndewa Imulungu kuigala na kwihila gehile,
nokihila kibuli na kuitapa,
na ukazi wihile, na ulonzi wihile.
Wahamdumba Mndewa Imulungu na kuwa muhole,
kopata nhunza na kutogoligwa na ugima.
Sikuuiyone gweye mwenyego kwa mbala,
mdumbe Mndewa Imulungu na uinege na gehile.
Ayo yokuwa dawa mulukuli lwako,
na mavuta mmizege yako.
Usamhu samhu odaha kuwa uvizi na unovu odaha kubita,
lakini mtwanzi yomdumba Mndewa Imulungu kotogoligwa.
Kumdumba Mndewa Imulungu acho chandusilo cha ubala,
wose ogagoga malagizo gake ogweleligwa nzewele.
Nhogolwa zake zosigala milele.
ZABULI YA 112
Mtogoleni Mndewa Imulungu!
Kamweda imunhu yomdumba Mndewa Imulungu,
imunhu yodeng’helela ng’hani kugoga malagizo gake.
ZABULI YA 128
Wamweda iwanhu wose omdumba Mndewa Imulungu,
waja okala kwa kukweleleza malagizo gake.
Lakini, Mndewa Imulungu kowalola iwanhu omdumba,
iwanhu obeta unogelo wake hawishaga,
Imulungu yatutende tumwede,
na wanhu wose wa mwiisi wamdumbe heyo.
Kumdumba Mndewa Imulungu
"Avo mweye wanhu wa Izilaeli Mndewa Imulungu, Imulungu wenu kolonda choni kumwenu, ila mumdumbe Mndewa Imulungu, Imulungu wenu, muzikweleleze nzila zake zose, mumnogele na mumsang’hanile Mndewa Imulungu, Imulungu wenu, kwa mizoyo yenu yose na kwa loho zenu zose, na mugoge malagizo na mafundizo ga Mndewa Imulungu goniwagwaa lelo, mbuli ya ganogile genu wenyego.
Mkwelelezeni Mndewa Imulungu, Imulungu wenu, na mumdumbe na mugoge malagizo gake na mumtegeleze na mumsang’hanile na mumgoge heyo.
Kwavija awo iwang’hunga wakala omdumba Imulungu, Imulungu kawatenda walele wana.
Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng’huli zetu hebu mizoyo yetu, tung’ale ng’hani na tumtegeleze Imulungu.
Mulihe kila munhu fungu jake, liha kodi kwa munhu yobokela kodi, liha ushulu kwa munhu yobokela ushulu, munhu wa kumdumba mdumbe, munhu wa kumtegeleza mtegeleze.