Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Kuzitisa Yave kele mbandukulu ya luzabu. Ni bizoba ke zolaka ve ndwenga mpe ndongosolo.
Kuzitisa Yave kele mbandukulu ya ndwenga. Mayela ni luzabu ya balongo.
Kuzitisa Yave ke pesaka ndwenga, na kuzwa nkembo, ya lunga ti muntu kukuluka ntete.
Kuvwanda na mvwilu ya fyoti mpe kuzitisa Yave me lutila muntu yina ke na bimvwama ya nene mpe me kondwa kizunu.
Kuzitisa Yave kele ni kuyina yimbi,
mu ke yinaka banzonzolo ya yimbi, na lunangu,
na ndyatulu ya yimbi mpe na mambu ya luvunu.
Difuta ya muntu ya kukuluka mpe ke zitisaka Yave, ya kele kimvwama, nkembo mpe luzingu.
Kubanza ve ti nge kele muntu ya ndwenga, kasi zitisa Yave, mpe manga na kusala yimbi. Yawu ke sala ti nzutu ya nge nyonso kuvwanda na mavimpi ya mbote, yawu ke pesa ngolo na mikwa ya nge.
Nkadulu ya mbote ke vunaka, kitoko kele mpamba, kasi kento yina ke zitisaka Yave ni yandi ba ke pesa masiika.
Yayi ni nsukunu ya mambu nyonso yina me wakana:
Zitisa Nzambi, tumama na bantumunu ya yandi.
Mambu nyonso yina me tadila konso muntu.
Kuzitisa Yave kele mbandukulu ya ndwenga,
bayina ke na mayela ni bawu ke tumamaka na yawu,
nzitusu ya Yave ke zingila bantangu nyonso.
Aleluya!
Kyese na muntu yina ke zitisaka Yave,
Yandi ke talaka kilengi na kusadila bantumunu ya Yave.
Mukunga ya kuyuluka.
Kyese na konso muntu yina ke zitisaka Yave,
yandi ke landaka banzila ya Nzambi!
Kasi Yave ke sikikaka meso ya yandi na bayina ke zitisaka yandi,
na bayina ke tulaka ntima na bumbote ya yandi,
Ntoto me pesa madya ya yawu,
Nzambi, Nzambi ya beto me sakumuna beto.
Ntangu yayi, Isayeli, yinki Yave Nzambi ya beno ke na kuvingila na sika ya beno? Yave zola ti beno kuzitisa Yave Nzambi ya beno. Beno kulanda banzila ya yandi nyonso. Beno kuzola mpe kusadila Yave Nzambi ya beno, na ntima nyonso mpe na mwela nyonso. Yave zola ti beno kusadila bantumunu ya yandi mpe bansalulu ya misiku ya yandi, mutindu mu ke na kupesa beno yawu bubu yayi. Ni na mutindu yina beno ke vwanda mbote.
beno fwana kuwa ve mambu ya mumbikudi yina to ya muntu yina ya bandosi. Ni Yave Nzambi ya beno ke na kumeka beno samu na kuzaba kana beno zola Yave Nzambi ya beno na ntima nyonso mpe na mwela nyonso.
Mutindu bibutisi yina vwandaka na boma ya Nzambi, Nzambi pesaka bawu bana mingi.
Bampangi ya luzolo, mutindu beto kele na bansilulu yina, beto vedisa banzutu ya beto na kukatula mvindu nyonso yina ke bebisaka nzutu to mwela. Beto fwana kusala ngolo samu na kuvwanda bantu ya longo na kulakisa ti beto ke zitisaka Nzambi.
Beno futa na konso muntu kima yina beno fwana kufuta yandi. Beno futa mpaku ya luyalu mpe ya mambu ya nkaka na muntu yina beno fwana kufuta yawu. Beno tala boma ya muntu yina beno fwana kutala boma, mpe beno zitisa muntu yina beno fwana kuzitisa.
Muntu yina ke na mpasi fwana kuzwa lusalusu ya ndiku ya yandi,
ata ti yandi ke na kuzitisa dyaka ve Nzambi-Mpungu.