Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Ang tawo nga gustong magmaalamon angayng magtahod sa Ginoo.
Ang tawong buang-buang gipakawalay-bili ang kaalam
ug dili gustong matul-id ang iyang pamatasan.
Kon gusto ka magmaalamon, tahora ang Ginoo.
Kon ilhon mo ang Balaan nga Dios,
makaangkon kag maayong panabot.
Ang pagtahod sa Ginoo magtudlo sa tawo nga magmaalamon,
ug ang pagpaubos makahatag kaniyag dungog.
Mas maayo pa ang kabos nga adunay pagtahod sa Ginoo
kaysa adunahan nga puno sa kagubot ang kinabuhi.
Ang nagtahod sa Ginoo nasilag sa daotan.
Gikasilagan ko ang pagpanghambog,
ang pagkamapahitas-on,
ang daotang batasan,
ug ang pagpamakak.
Ang pagtahod sa Ginoo ug ang pagpaubos makahatag kanimo
ug bahandi, dungog, ug taas nga kinabuhi.
Ayaw paghuna-huna nga maalamon ka na gayod.
Tahora hinuon ang Ginoo ug ayaw paghimog daotan.
Kay makapabaskog kini
sa imong lawas.
Ang pagkamadanihon malimbongon,
ug ang katahom lumalabay lang;
apan ang babaye nga nagtahod sa Ginoo angay nga dayegon.
Isip panapos niining tanan mong nadungog,
mao kini ang akong ikasulti:
Tahora ang Dios ug tumana ang iyang mga sugo,
kay mao kini ang katungdanan sa matag tawo.
Ang pagtahod sa Ginoo mao ang sinugdanan sa pag-angkon ug kaalam.
Ang tanang nagtuman sa iyang mga sugo adunay hustong panabot.
Dalaygon siya sa walay kataposan!
Dayega ang Ginoo!
Bulahan ang tawo nga nagtahod sa Ginoo
ug malipayon kaayo nga nagtuman sa iyang mga sugo.
Bulahan kamong tanan nga nagtahod sa Ginoo,
ug nagkinabuhi subay sa iyang mga pamaagi.
Nagbantay ang Ginoo sa mga nagtahod kaniya,
ug sa mga nagsalig sa iyang gugma.
Hinaut nga mohatag ug abot ang yuta.
Hinaut nga panalanginan kita sa atong Dios.
Ug hinaut nga ang tanang mga tawo
sa tibuok kalibotan motahod kaniya.
Apan kamong nagtahod kanako, masinati ninyo ang pagluwas ko kaninyo. Mahisama kini sa pagsubang sa adlaw nga ang iyang sidlak naghatag ug kaayohan. Ug maglukso-lukso kamo sa kalipay sama sa nati nga mga baka nga gipagawas sa toril.
"Ug karon, katawhan sa Israel, ang gipangayo lang kaninyo sa Ginoo nga inyong Dios mao nga motahod kamo kaniya, magkinabuhi subay sa iyang pamaagi, mahigugma kaniya, mag-alagad kaniya sa tibuok ninyong kasing-kasing ug kalag, ug magtuman sa iyang mga sugo ug mga tulomanon nga gihatag ko kaninyo karong adlawa alang sa inyong kaayohan.
Ang Ginoo lang nga inyong Dios ang angay ninyong sundon ug tahoron. Tumana ang iyang mga sugo ug sunda ninyo siya; alagari ninyo siya ug pabilin kamo kaniya.
Ug tungod kay mitahod sa Dios ang mga mananabang, gihatagan sila sa Dios ug ilang kaugalingong pamilya.
Mga hinigugma, tungod niini nga mga saad sa Dios kanato, biyaan na nato ang tanang nakapahugaw sa atong tibuok nga kinabuhi, ug tinguhaon nato nga mahimong hinlo ang atong kinabuhi nga adunay pagtahod sa Dios.
Busa bayri ninyo ang tanang matang sa buhis. Ug tahora ninyo ug pasidunggi ang mga anaa sa panggamhanan.
"Isip mga higala, unta makigduyog kamo kanako
sa akong pag-antos bisan sa inyong tan-aw gisalikway ko
ang Makagagahom nga Dios.