Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Luoro Jehova Nyasaye e chakruok mar ngʼeyo
to joma ofuwo chayo rieko gi ritruok makare.
Luoro Jehova Nyasaye e chakruok mar rieko,
to ngʼeyo Jal Maler miyo ngʼato ngʼeyo tiend wach.
Luoro Jehova Nyasaye puonjo dhano rieko,
to bedo mamuol kelo luor.
Ber bedo gi matin ka iluoro Jehova Nyasaye
moloyo mwandu mangʼeny kod koko.
Luoro Jehova Nyasaye en sin gi richo;
amon gi sunga kod ngʼayi,
timbe maricho kod wuoyo mochido.
Bolruok kod luoro Jehova Nyasaye
kelo mwandu gi luor kod dak amingʼa.
Kik ibed mariek e pachi iwuon
to luor Jehova Nyasaye eka inilo richo.
Tim ma kamano nomi ringri bedo gi ngima
kendo nobed chiemo ne chunyi.
Ber mar wangʼ wuondo ji, to chia bende rumo;
to dhako moluoro Jehova Nyasaye yudo pak.
Gik moko duto koro osewinji,
omiyo koro ma e wach mogik:
Luor Nyasaye kendo rit chikene
nimar ma e tich mane omi dhano.
Luoro Jehova Nyasaye e chakruok mar rieko;
ji duto moluwo buchene nigi winjo maber.
En kende ema owinjore yudo pak manyaka chiengʼ.
Pak ne Jehova Nyasaye!
Ogwedh ngʼama oluoro Jehova Nyasaye,
kendo marito chikene gi mor.
Ji duto moluoro Jehova Nyasaye,
kendo ngimagi oriere gie chunygi.
To wangʼ Jehova Nyasaye neno jogo momiye luor,
orango joma geno margi ni kuom herane ma ok rem,
Nyasaye biro gwedhowa,
kendo piny duto koni gi koni biro luore.
To un muluoro nyinga, tekona nopilre kuomu ka wangʼ chiengʼ makelo ler mi changu gi bwombene. Kendo unuwuog oko ka ulengʼoru gi ilo ka nyiroye moyawnegi dho abila.
To koro sani, yaye Israel, en angʼo ma Jehova Nyasaye ma Nyasachu dwaro makmana miye luor kendo wuotho e yorene kendo hero tiyone gi chunyu duto kod ngimau duto. Bende Jehova Nyasaye dwaro ni mondo urit buchene gi chikene ma amiyou kawuononi mondo okonyu.
En Jehova Nyasaye ma Nyasachu kende ema onego uluw kendo en kende ema owinjore umiye luor. Rituru chikene, luoreuru, tineuru kendo upadru kuome.
Nikech jochologo noluoro Nyasaye, Nyasaye nogwedhogi gi nyithindo.
Koro osiepena mageno, nikech wan gi singruokgi, wapwodhreuru kuom gik moko duto machido ringruok gi chuny mondo wadok jomaler chuth nikech waluoro Nyasaye.
Miuru ji duto gik makorgi monego umigi kaka: Joma onego chul osuru; chuluru osuru; joma juogo chuluru pesa jwok; joma onego uluor, miuru luor, kendo joma onego umi duongʼ, miuru duongʼ.
"E kinde ma ngʼato nigi chandruok kama,
to osiepne onego okeche,
kata obedo ni oseweyo luoro Jehova Nyasaye Maratego.