Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Ko e manavahē kia Sihova ko e kamataʻanga ia ʻoe ʻilo:
ka ʻoku fehiʻa ʻae vale ki he poto mo e akonaki.
Ko e manavahē kia Sihova ko e kamataʻanga ia ʻoe poto:
pea ko e ʻilo ʻoe māʻoniʻoni ko e fakakaukau poto ia.
Ko e manavahē kia Sihova, ko e akonaki ia ʻoe poto;
pea ʻoku muʻomuʻa ʻae angavaivai ʻi he hakeakiʻi.
ʻOku lelei lahi hake ʻae meʻa siʻi mo e manavahē kia Sihova,
ʻi he koloa lahi ʻoku maʻu mo e kovi.
Ko e manavahē kia Sihova, ko e fehiʻa ia ki he kovi:
ko e fielahi, mo e fakapuhopuhā, mo e angakovi mo e ngutu kovi, ʻoku ou fehiʻa ki ai.
Ko e totongi ʻoe angavaivai mo e manavahē kia Sihova ko e koloa,
mo e ongoongolelei, mo e moʻui.
ʻOua naʻa ke pehē ʻi ho mata ʻoʻou, ʻoku ke poto:
ka ke manavahē kia Sihova, pea tafoki mei he kovi.
ʻE hoko ia ko e moʻui ki ho pito,
mo e uho ki ho ngaahi hui.
Ko e meʻa kākā ʻae matamatalelei, pea ko e vaʻinga ʻae hoihoifua:
ka ko e fefine ʻoku manavahē kia Sihova ʻe fakaongoongoleleiʻi ia.
Ke tau fanongo ki he fakaʻosi ʻoe ngaahi meʻa ni kotoa pē: Ke ke manavahē ki he ʻOtua, pea ke fai ki heʻene ngaahi fekau: he ʻoku kātoa ʻi he meʻa ni ʻae ngāue totonu ʻae tangata.
Ko e manavahē kia Sihova ko e kamataʻanga ia ʻoe poto:
ʻoku poto ʻakinautolu kotoa pē ʻoku fai ki heʻene fekau:
ʻoku tolonga ʻo taʻengata ʻae fakamālō kiate ia.
Mou fakamālō kia Sihova.
ʻOku monūʻia ʻae tangata ʻoku ne manavahē kia Sihova,
mo ne fiefia lahi ʻi heʻene ngaahi fekau.
ʻOku monūʻia ʻakinautolu kotoa pē ʻoku manavahē kia Sihova;
ʻaia ʻoku ʻaʻeva ʻi hono ngaahi hala.
Vakai, ko e fofonga ʻo Sihova ʻoku ʻiate kinautolu ʻoku manavahē kiate ia,
ʻio, kiate kinautolu ʻoku manavahē lelei ki heʻene ʻaloʻofa;
ʻE tāpuaki ʻakitautolu ʻe he ʻOtua;
pea ʻe manavahē kiate ia ʻae ngataʻanga kotoa pē ʻo māmani.
Ka ʻe hopo hake ʻae laʻā ʻoe angatonu mo e fakamoʻui ʻi hono kapakau, kiate kimoutolu ʻoku manavahē ki hoku huafa; pea te mou ʻalu atu, pea tupu ʻo hangē ko e fanga ʻuhikiʻi pulu ʻi he fale fafanga.
"Pea ko eni, ʻE ʻIsileli, ko e hā ia ʻoku fekau ai ʻe Sihova ko ho ʻOtua kiate koe, ka ke manavahē kia Sihova ko ho ʻOtua, ke ʻalu ʻi hono ngaahi hala kotoa pē, pea ke ʻofa kiate ia, pea ke tauhi ʻa Sihova ko ho ʻOtua ʻaki ho loto kotoa pea mo ho laumālie kotoa. Ke tauhi ʻae ngaahi fekau ʻa Sihova, mo ʻene ngaahi tuʻutuʻuni, ʻaia ʻoku ou fekau kiate koe he ʻaho ni ke ke lelei ai?
Ke mou muimui ʻia Sihova ko homou ʻOtua, pea manavahē kiate ia, pea tauhi ʻene ngaahi fekau, pea fai talangofua ki hono leʻo, pea ke mou tauhi ia, pea pikitai kiate ia.
Pea ko e meʻa ʻi he manavahē ʻae kau māʻuli ki he ʻOtua, ko ia naʻa ne fakatupu ai hona fale.
Ko ia, ʻe kāinga ʻofeina, ʻi heʻetau maʻu ʻae ngaahi talaʻofa ni, ke tau fakamaʻa ʻakitautolu mei he ʻuli kotoa pē ʻoe kakano mo e laumālie, ʻo fakahaohaoa ʻae māʻoniʻoni ʻi he manavahē ki he ʻOtua.
Ko ia ke ʻatu ki he kakai kotoa pē ʻaia ʻoku totonu: ʻae tukuhau kiate ia ʻoku totonu ki ai ʻae tukuhau; ko e totongi kiate ia ʻoku ʻaʻana totonu ʻae totongi; ko e manavahē kiate ia ʻoku ʻaʻana totonu ʻae manavahē; mo e fakaʻapaʻapa kiate ia ʻoku ʻaʻana totonu ʻae fakaʻapaʻapa.
"ʻOka mamahi ha taha ʻoku ngali ke ʻofa kiate ia ʻa hono kāinga;
ka ʻoku ne liʻaki ʻe ia ʻae manavahē ki he Māfimafi.