Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Silamo’o re mojongo Ma JOU, gena-ge wo-waro ma mulaingi.
Mada’a ngowa’a haga, ananga gena-ge 'aḏi sipa-pake ua 'akala soro’unu re do-doto’o.
Silamo’o re mojongo Ma JOU, gena-ge 'akala soro’unu ma mulaingi,
re nana’o Unanga ga’a 'Ofi-'Ofi ma pari cua, gena-ge wo-waro lai ngido.
Silamo’o re mojongo Ma JOU, gena-ge ḏuanga i’a 'i doto’o ngana di’a dadi 'akala soro’unu,
re ngowa’a ga’a maholo tamanga 'akala re sinyingara, ḏuanga i’a ngowa’a ya’u silamo’o.
Lebe rousu, harata pa’i ceka’a ua ḇato, mada’a 'aḏi silamo’o re mojongo Ma JOU,
reo harata repe mada’a 'akala re sinyingara 'i ogoro ua.
Silamo’o re mojongo Ma JOU, gena-ge ma ngale emono ga’a ma jira;
ngoi to emono momole, ngowa’a ga’a mahie diri,
manga de’oso re ḏegoro ma jira,
re madanga romanga reo demo ma sa-sakala.
Ngogele di’a ngowa’a maholo re ngowa’a ga’a 'aḏi silamo’o re mojongo Ma JOU
gena-ge harata, sayanga ma jingi’i re 'ahu lai kiḏanga.
Awa no magoro ino 'ani wo-waro kau’u; Mojongo Ma JOU re no maki-kiḏanga toma kajahatana Gena-ge 'i dadi sou’u di’a site’e 'ani lese re sisanangi 'ani 'akala re sinyingara.
Rupa ga’a 'i rousu gena-ge sakala re jamani gena-ge 'i parasaja,
mada’a were’a ga’a silamo’o re mojongo Ma JOU, ḏuanga i’a mo sanga sitoro.
'A Musa 'o kanau moju toma ngowa’a Israel ma betongo so’o ne: <<Dadi nange-ne, hei ngowa’a Israel, Ma JOU Ma Jou’ongu Madutu ga’a ngini ni silamo’o re siḏubuso, Unanga gena-ge 'O parenta ngini ni madiga’a so’o ne: Silamo’o re mojongo Ma JOU Ma Jou’ongu Madutu ga’a ngini ni silamo’o re siḏubuso, re ninga 'ahu ma ngo’omo 'i mete’e 'Ai parenta mo-moini. Dadalara re siḏagi Unanga 'ai mau reninga 'akala re sinyingara mo-moini, reninga fikirana mo-moini. Unanga gena-ge Ma JOU, Ma Jou’ongu Madutu ga’a ngini ni silamo’o re siḏubuso, re ni siḏagi Ma JOU 'Ai huku-hukumu re parenta-parenta ga’a wangere nange-ne ngoi ta singadolo ra ngini di’a ninga la masiretene.
Ngini balasu ni mete’e Ma JOU Ma Jou’ongu Madutu ga’a ngini ni silamo’o re siḏubuso. Unanga gena-ge, ngini balasu Nu silamo’o re mojongo re siḏagi 'Ai parenta re mete’e 'Ai demo-demo. Re ngini balasu ni mete’e Unanga 'ai mau re macako’o namo-namoto tau-taunu Unanga gena-ge.
Ioronongoḏu ngo-ngaku rimoi ga’a ngoi tini dadalara, ngene rewo sanga Ma Jou’ongu Madutu 'ai jaji mo-moini. Sababu gena-ge, ngene balasu wa si’ofi nanga diri toma 'ori i’a faja-faja mo-moini ga’a sifaja nanga lese re nyawa. Ngene balasu wo mete’e Ma Jou’ongu Madutu renanga 'akala re sinyingara mode-mode’e re wo mojongo madiga’a 'oru ḇato ga’a Unanga 'o nyanyaḏi ua.
Dadi balasu ni pula’a ra guna ḇato 'oru ga’a ni mabanyatoro ra ananga: Na’o ni mabanyatoro balastengi 'oru ḇato; ḏua ni fangu ninga balastengi mo-moini. Na’o gena-ge 'i patasa di’a ta’aloko ra ananga; ḏua ni ta’aloko ra ananga. Na’o gena-ge 'i patasa di’a silamo’o ananga; ḏua ni silamo’o ra ananga.