Adoração

24 Owuso wo Omaku, kweyi owotiri shini ana geyagye danu ipu ko Omaku kpo okwokwoshi.>>

23 Ishi ke yawa ba, kweyi owa wa ni awo geyagye ko okwokwoshi ba geyagye da Ada ipu ko Omaku kpo okwokwoshi, ikweyi koni awedo kawo geyagye ni Ada ya yimu ni. 24 Owuso wo Omaku, kweyi owotiri shini ana geyagye danu ipu ko Omaku kpo okwokwoshi.>>

21 Oyesu ka danu mo, <<Onya kyogwu kpa ami, ishi yawa ba ni ala ba geyagye da Ada ikweyi kefu mani kwo Ojerusele kelo. 22 Ala Osamariya ba geyagye doza ni ala gye lo ni, aha ke ba geyagye doza ni aha gye ni, koni inongmase bwebe ka Ase ko Oyahuda la. 23 Ishi ke yawa ba, kweyi owa wa ni awo geyagye ko okwokwoshi ba geyagye da Ada ipu ko Omaku kpo okwokwoshi, ikweyi koni awedo kawo geyagye ni Ada ya yimu ni.

38 Ebeni ongo oni kamo, <<Adole, nkyogwu,>> Kweyi ogeyagye danu.

10 Oyesu nyagbo mo, <<Ibiri, gashun!>> Ela ko Owuso ki kamo, <<Oya geyagye da Adole Owuso wo; Anu kin pini oya gbeshe danu la.>>

8 Oyesu kadanu mo, <<Ayitota ipu kokpa ko Owuso mo: <Geyagye da Adole Owuso wo, anu fufunu pini oya yoko danu la.>*

Oyagye ko Yoko do Owuso

1 Ni, olemani oni, ayene, nyya bala eshi kiyinyinyi ko Owuso ine ko olayi, ala ziyikala do Owuso, na weshi ni kwiyi, ni wosere, ni ya sho Owuso otu ni. Omani pi wo geyagye kokwokwoshi la.

Oyagye ko Yoko do Owuso

1 Ni, olemani oni, ayene, nyya bala eshi kiyinyinyi ko Owuso ine ko olayi, ala ziyikala do Owuso, na weshi ni kwiyi, ni wosere, ni ya sho Owuso otu ni. Omani pi wo geyagye kokwokwoshi la. 2 Ala ka gbosowe koza yoya kese mani lo, otu kala ke na pyabo bwebe ko kyotu kala pya wopepe. Ebeni ala ba gege ko gyoza ni otu ko Owuso we ni, imu kotu nu ni wo neneshi ni ki gyogya ni.

36 Ikweyi koni kpiri aya bwebe nu, kweyi kpiri mani wa bwebe nu danu. Igyashi wa ko Owuso ko gbogbo-gbogbo! Nalemani.

11 Ikweyi ko ni okpa ko Owuso kamo,

<<Adole kamo, byoni nyyiyi kwokwoshi ni;

kpiri kokinafu ba kwagye obutu hin;

kpiri kigbenu ba kamo nwwo Owuso.>>

11 Adole kpo Owuso ka! Awo gye

ko nyi igyashi, abokpa, kpo oshu.

Koni awo pini ya awoza kpiri la,

kweyi bwebe kimu wo pini ababa ki gbo olayi la.>>

7 Oka kpo oko nyakwu kamo, <<Geyagye do Owuso kweyi sho okwunu iye! Ikweyi koni ishi gye wa ko kepwo ikweyi kase kpiri. Geyagye do ase ni yiso, kpo okpagye, kpi ishu, kpo okpa ni!>>

4 Adole anoho ya yoshi wo lo?

Anoho ya gege ya tanu ko ki igyashi wo?

Ikweyi koni awo fufo pini wa ase neshi la.

Awokpagye kpiri bawa hagye obutu wo

kweyi ba geyagye dawo,

ikweyi koni ananoho mo oko neshi wo ni oya ni.>>

8 Ami, Oyohana, npwo ki mawoza mani kpiri. Ishini npwo ki muwa kweyi ni, ngbo okpagye ikpo ko oyoleho ni shami awoza mani, kweyi nyyimu ko geyagye danu. 9 Oke kadami, <<Kaya lo! Nwwo oyole bya awo kpa ayene wo awobane kpa awase ni ba geyagye dela ni yipu kokpa mani la. Geyagye do Owuso!>>

9 Oza ni ya ni Owuso ngga anu sha ananaho kweyi odanu iye ni shiye kpiri ni

10 Ni olema oni, ipu ki iye ko Oyesu,

oza kpiri ni biso, kpo oni yo okpagye ni, kpo ni ba alekwu ni ba geyagye do Oyesu,

11 igbenu kpiri ba kamo Oyesu Okristi wa Adole,

ebe ki igyashi ko Owuso Ada.

15 Ni olemani oni, ahan peshi kiye shosha do Owuso bwebe ko Oyesu. Iye ni aba shanu ni na weshi ni aba ze kpo okwunu ko kamo owa Adole ni.

28 Mani oni, ahan shotunehe ikweyi koni aba nyo obula ni ya ja lo ni. Ahan shotunehe kweyi geyagye do Owuso owe ni ya shotu ni, ipu ko mo gyiyi kweyi yoshi nu; 29 ikweyi koni Owuso kaha wola ni ya yoza ni la.

19 Ala kela diyikala kpa awigye ko Odawuda, kpa awigye ashini, kpa awigye ko omaku; ala wigye kpa awigye ko Odawuda da Adole, ba shaniye ipu kotu kala.

16 Ala yela ko Okristi na yagye ipu ka ala neneshi ishini ala ba fu ki ba diyikala ela kpo oziyi kpiri ni. Ala wigye ko Odawuda, kpi igye tota, kpi igye sere ko Owuso, kweyi ala wigye kpanu shotunehe do Owuso ipu ko otu kala.

25 Abo kotutehe kotu, Obulus kpo Osila ba tinarigwu kweyi ba wigye sho Owuso, kweyi ashini kase ni bo oruduru ni ba pwuwa.

Obulus Shotunehe do Owuso

3 Ahan shotunehe do Owuso Ada ka Adole kaha Oyesu Okristi, Ada kiyinyiynyi, Owuso ni ya kase otu agye ni! 4 Anu tahabo ipu ko owe kaha kpiri, shini ahan ta ashini kase ni bipu ko owe moma wonyonya ni abo, byoni Owuso tahabo ni.

3 Mamani oza ni ama ki pwo ni pini aka dala la, shini ala gipu kema ka ni agbo kpa Ada kpo Oyi nu Oyesu Okristi.

42 Owuso ke pyitikpi tuwa kweyi oshuwa bita do geyagye dinyiwo ki iso. Omani wa gyogye kpo oza ni okpa kawobane kani mo,

<Ase ki Izrayila! Ami pini

ala shoko ki peshi ko obize dami

kishayi awene ododa la lo.

43 Adaba keka ko Omoleki pini ala nga la,

kweyi oyi ko Orefan, eka kinyiwo kala;

aweka ni ala ya ko geyagye dawa ni.

Mani oni nyya kpala gokpagye ni lenu kpo Obabila ni ga meshe.>

18 Ala ka yawino yikweyi bagye kokame kpo geyagye da ayoleho na walobi ko pyabola lo. Edo kasuse mani ya yotu nu kpiri doza ni oma ni, kweyi otulabi nu yo ya zikweyi iso. 19 Oyebe lenu kpo Okristi ni wikweyi kikpiye ni, ni bwebe nu ikpiye kpiri gbayi bwebe kigo kikpiye kpanyakpa, kweyi ya gye byoni Owuso ya yimu ni.

3 Ashishe na ka gyala egya ebyibye lo. Ikweyi koni eno ni ya wa lo gbishini eno ko onu wa. Ebeni ase bibi ya bose ese kweyi ya gola. 4 Ase bibi oni ya tela kela ko Owuso kpo oza ni ase ma mo oshoshi ni. Oya kiyinu kweyi ya manu wose kojoji. Oya ga yagye ole ko Owuso kweyi ya ziyi nu manu wo Owuso.

8 Ala sha bo Owuso, anu ki ya sha bala. Yabo kala na, ala awine ko ozalabi! Ala yotu kala na awino yo oza iyi!