24 परमेस्वर आत्मा है, और जरूरी है की बाकी आराधना करन बारे आत्मा और सच्चाई से सभाघर करैं।"

23 लेकिन बौ समय आए रौ है, और अभईयो है, जोमैं सच्चे भक्त दऊवा की आराधना आत्मा और सच्चाई से करंगे, काहैकि दऊवा अपने ताहीं ऐसिये सभाघर करन बारे कै ढूँड़थै। 24 परमेस्वर आत्मा है, और जरूरी है की बाकी आराधना करन बारे आत्मा और सच्चाई से सभाघर करैं।"

21 ईसु बासे कही, "हे बईय्यर, मेरी बात को बिस्वास कर कि बौ समय आनबारो है कि तुम ना तौ जौ पहाड़ मैं दऊवा की आराधना करैगे, और ना यरूसलेम मैं। 22 तुम सामरी जोकै ना जानथौ, बाको आराधना करथौ; और हम जोकै जानथैं, बाको आराधना करथैं; काहैकि उद्धार यहूदि मैं से है। 23 लेकिन बौ समय आए रौ है, और अभईयो है, जोमैं सच्चे भक्त दऊवा की आराधना आत्मा और सच्चाई से करंगे, काहैकि दऊवा अपने ताहीं ऐसिये सभाघर करन बारे कै ढूँड़थै।

38 बौ कही, "हे प्रभु, मैं बिस्वास करथौं।" और बौ ईसु कै घुपटियाय कै आराधना करी।

10 ✝तौ ईसु जबाब दई, "सैतान चले जा! सास्त्र कहथै, ‘प्रभु अपने परमेस्वर की आराधना कर और सिरफ बहे की सेवा कर!’"

8 ईसु जबाब दई, "सास्त्र कहथै, ‘कि तू प्रभु अपने परमेस्वर की आराधना कर और सिरफ बहे की सेवा कर!’"

1 तभईये, भईय्यौ और बहेनियौ, मैं तुमसे परमेस्वर की दया याद करबाय कै नहोरे करथौं कि अपने सरीर कै जिंदो, और पवित्र, और परमेस्वर कै मन से लगन बारो बलिदान करकै चढ़ाबौ। जहे तुमरी आत्मिक सेवा है।

1 तभईये, भईय्यौ और बहेनियौ, मैं तुमसे परमेस्वर की दया याद करबाय कै नहोरे करथौं कि अपने सरीर कै जिंदो, और पवित्र, और परमेस्वर कै मन से लगन बारो बलिदान करकै चढ़ाबौ। जहे तुमरी आत्मिक सेवा है। 2 जौ युग के जैसे मत बनौ; लेकिन तुमरे मन के नये हुई जान से तुमरो चालचलनौ बदलत जाबै, जोसे तुम परमेस्वर कै अच्छी, और बाकै भान बारी, और परख की सिद्ध इच्छा अनुभव से मालुम करत रहबौ।

36 ✝काहैकि बहे के घाँईं से, और बहे से, और बहे के ताहीं सब कछु है। सच मैं बाकी महिमा हमेसा-हमेसा होत रहबै! आमीन।

11 काहैकि सास्त्र मैं लिखो है,

प्रभु कहथै, "जैसे मैं हमेसा से जिंदो परमेस्वर हौं, सबै मेरे अग्गु घूँटे टेक देंगे,

और सबन की जीब परमेस्वर को अंगीकार* करैगी कि महीं परमेस्वर हौं।"

11 "हे हमरे प्रभु, और परमेस्वर, तहीं महिमा,

और आदर, और सामर्थ्य के योग्य है;

काहैकि तहीं सब चीज सृजाओ

और तेरिये इच्छा से, बे अस्तित्व मैं रहैं और सृजे गै।"

7 और बौ बड़ी ऊँची अबाज मैं कही, "परमेस्वर को आदर करौ और बाकी महानता की महिमा करौ! काहैकि बौ समय आए गौ है कि बौ सब लोगन को न्याय करै। जो स्वर्ग, पृथ्वी, समुंदर और पानी के सोता बनाई है बाकी आराधना करौ!"

4 "हे प्रभु, कौन तोसे ना डरागो?

और तेरे नाओं की महिमा ना करैगो?

काहैकि सिरफ तू ही पवित्र है।

और सब जाति आयकै

तेरी आराधना करंगे,

काहैकि तेरे न्याय के काम सब देखरै हैं।"

काहैकि तू ही एक पवित्र है जो सब देस तेरो धन्यवाद करंगे।

8 मैं बहे यूहन्ना हौं, जो जे सब बात सुनत और देखत रहौं। और जब मैं सुनो और देखो, तौ जो स्वर्गदूत मोकै जे बातैं दिखात रहै, मैं बाके पाँव मैं आराधना करन के ताहीं गिर पड़ो, और मैं बाकी उपासना करन बारो रहौं। 9 लेकिन बौ मोसे कही, "ऐसो मत कर! काहैकि मैं तेरो और तेरे भईय्यन भविस्यवक्तन और जौ किताब की बातन कै मानन बारेन को संगी दास हौं, परमेस्वर की ही आराधना कर!"

9 जौ बजह से परमेस्वर बाकै सबसे ऊँची जघा मैं

से ऊपर उठाई और बाकै बौ नाओं सौंप दई जो सब नाओं से बड़ो है।

10 और इसलै, जो स्वर्ग मैं और पृथ्वी मैं और जो पृथ्वी के तरे हैं;

बे सब ईसु के नाओं मैं घूँटो टेकैं,

11 और परमेस्वर दऊवा की महिमा के ताहीं

और सब खुलेआम ऐलान करंगे कि ईसु मसीह ही प्रभु है।

15 तौ आबौ हम हमेसा ईसु के महिमा के बलिदान के जरिया परमेस्वर के नाओं की महिमा करैं, और अपने होटन से अंगीकार करत भै परमेस्वर की महिमा करैं।

28 जौ बजह से हमकै ऐसो राज्य मिलो है जो हलन बारो नाय है, आपन सब आभारी है। आबौ आपन बौ परमेस्वर की आराधना बड़ी सृद्धा और बिस्वास के संग करैं, जोसे बौ खुस होथै। 29 काहैकि हमरो परमेस्वर भसम करन बारी आगी है।

19 ✝पवित्र और आत्मिक गीत कै एक दुसरे के संग गाबौ; अपने मन मैं स्तुति के संग प्रभु के गीतन और स्तुति कै गाबौ।

16 मसीह के बचन कै अपने दिल मैं अधिकाई से बसन देबौ; और सिद्ध ग्यान से एक दुसरे कै सिखाबौ, बताबौ, अपने-अपने मन मैं कृतगता और धन्यवाद के संग परमेस्वर के ताहीं गीत, स्तुतिगान और आत्मिक गीत गाबौ।

25 करीबन आधी रात कै पौलुस और सीलास प्रार्थना करत भै परमेस्वर के भजन संहिता गात रहैं और दुसरे कैदी उनकी बातैं सुनत रहैं।

3 धन्य हो हमरे प्रभु ईसु मसीह के परमेस्वर, जो कि दया को परम दऊवा है और सांति को परमेस्वर है। 4 बौ हमरी सबै मुसीबतन मैं सांति देथै, ताकी हम औरन कै जो मुसीबत होमैं राहत दे सकैं, बहे दिलासा जो हम खुद परमेस्वर से पाथैं।

3 हम जो देखे और सुनें हैं, बौ हम तुम्हऊँ कै बताथैं, ताकी तुम हमरे संग बौ संगती मैं सामिल होबौ, जो हमरे दऊवा के संग है और बाके लौड़ा ईसु मसीह के संग है।

42 तौ परमेस्वर उनसे दूर हुई गौ, और स्वर्ग के तारामंडल कै पूजत रहामैं, जैसो कि भविस्यवक्ता की किताब मैं लिखो है:

‘इस्राएल के लोगौ! जौ मेरे ताहीं ना रहै

कि तुम रेगिस्तान मैं चालीस साल तक जानवरन को

मारे और बलि करत रहे।

43 जौ बौ दुईता मोलेक को तम्बु रहै जोकै तुम ढ़ोए रहौ,

और रिफान की छवी, तुमरो तारा दुईता;

बे मूर्ति रहैं जिनकै तुम पूजा करन के ताहीं बनाए रहौ।

और तभईये मैं तुमकै बेबीलोन से भी दूर भजाए दुंगो।’"

18 अपने आपकै कोई ऐसे आदमी के जरिये दोसी ना ठहरान देमैं, जो खास दर्सन के बजह से बड़ो होन को दाबा करथै और जो झूठी विनम्रता और स्वर्गदूतन की उपासना करन मैं जोर देथै। अकारड़ ही, ऐसे लोग अपनी मानवीय सोच से फूले ना समाए रै हैं। 19 मूड़ जो मसीह है बाकै पकड़े नाय रहथैं जोसे सारो सरीर जोड़ो और पट्ठो से पालन-पोसँड़ पाएकै एक संग गठकै, परमेस्वर के घाँईं से बढ़तै जाथै।

3 कोई कै कैसे भी करकै धोका मत दियो। जबले अधर्म को त्याग नाय होथै और बदमास आदमी अराजकता फैलाथै, तौले दिन नाय आगो, जोको भाग नरक मैं है, तब तक बिनास होन को बौ दिन नाय आगो। 4 ✝बौ हर तथाकथित दुईतन या पूजा की चीज को बिरोध करैगो और खुदकै सबन से ऊपर रखैगो। हिंयाँ ले कि बौ परमेस्वर के मंदिर मैं जाएकै बैठ जागो और अपने आपकै परमेस्वर होन को दाबा करैगो।

11 बे जौ पंक्ति कै दोहरात भई प्रभु की स्तुति गाईं: "प्रभु भला है, और इस्राएल के प्रति बाको प्रेम अनंत है।"

सब जनी अपनी पूरी ताकत से जय-जयजयकार करत भई प्रभु परमेस्वर की स्तुति करन लागे, काहैकि मंदिर की बुनियाद को काम सुरू हुई चुको रहै।*

37 "और अब, मैं, नबूकदनेस्सर, स्वर्ग के राजा की स्तुति, सम्मान और महिमा करथैं। बौ कुछ भी करथै बौ सही और न्याय है, और कोई कै भी अपमान कर सकथै जो गर्व से काम करथै।"*

5 फिर येसुआ, कदमीएल, बानी, हसब्नयाह, सेरेब्याह, होदिय्याह, सबन्याह, और पतहाह नाओं लेवी कहीं,

"ठाड़ जाबौ, अपने प्रभु परमेस्वर

कै अनादिकाल से अनन्तकाल तक धन्य कहियो।

तेरो महीमायुक्त नाओं धन्य कहो जाबै,

जो सब आसीस और स्तुति से अलग है।"

8 परमेस्वर के झोने आबौ, तौ बौ भी तुमरे झोने आगो: हे पापियौ, अपने हात सुद्ध करौ; और हे दुई चित्तेयौ अपने दिल कै पवित्र करौ।