Adoração

Nnap-nnəm ngga mmà unəm uga nnəm inok Inan

1 Nna nak te, ógənang, mmami ka̱ nchal wó ka̱kul mmak nrwa ìgwak Inan te, re ó yichi izər wó á na wa iya̱m ipapa iga nshi iga iriri va inəna̱n adak ro ya ka̱ ka̱t a. Iya̱m ipápà va Inan i məma̱n ka̱. Iya̱m va nna awop wo aga nnandər.

Nnap-nnəm ngga mmà unəm uga nnəm inok Inan

1 Nna nak te, ógənang, mmami ka̱ nchal wó ka̱kul mmak nrwa ìgwak Inan te, re ó yichi izər wó á na wa iya̱m ipapa iga nshi iga iriri va inəna̱n adak ro ya ka̱ ka̱t a. Iya̱m ipápà va Inan i məma̱n ka̱. Iya̱m va nna awop wo aga nnandər. 2 Kang ó təm apir ntəm va pa̱ səlak ka̱ nnap nnəm ngga apambin va̱ ta̱ lap ka̱t. Re ó ga̱ɓa̱n nnap nnəm wó ká̱ inənan ka̱ atak apir nrəng nnap mpipe. Nna chit te, ó nyi iya̱m va̱ Inan ɗom inəna̱n, ká̱ iya̱m va uza̱ i kəka̱m, ká̱ iya̱m va̱ kukur.

36 Ka̱kul ka̱tətak na iya̱m pa̱ kpaktak fa. Ka̱ atətak na kpa mí ya iya̱m pa̱ kpaktak. Iya̱m pa̱ kpaktak ijini. Ichumchum iga iɓyen a təm ijini mbyet mbyet. Nna a təm.

11 Ma lir pa̱ Inan là pa̱,

<<N son anung kam pa̱ gənggəng ka̱ aɗin Inan uga Iriri pa̱,

<Nza̱ unəm nggo te, i ga nkuchi ká̱ irən ka̱ mpyal mí wop mi.>

<Nza̱ unəm nggo te, uza̱ i bol anung i là ká̱ ishi wò pa̱ mmami na Inan.> >>

9 A nak te, Inan rup ka̱ na, a na atak nsat á na nva ji pa̱ kpaktak. Uza̱ na aɗin achumchum á na ava ji pa̱ kpaktak kpa. 10 Na nza̱ unəm nggo ka̱ ashe apaɓur, ká̱ apambin, ká̱ avəng mbin te, oza̱ á kuchi á vang ká̱ izər âɗin a va̱ ta. 11 Nza̱ unəm nggo i là ká̱ anung wò kpa pa̱ uYesu uKəristi uwa uPonzhi na á na ichumchum Înan uPon.

15 Ka̱ atak aYesu na te, re pa̱ ɗəkər te, i yichi aɗəngchi Înan wa iya̱m inana. Awop va anung yi i ɓa ka̱ ka̱ atak nla pa̱ i nyi aɗiɗin nyi a.

28 Ka̱kul nva̱ ta te, i ɗəngchi Inan ka̱kul uza̱ na iponzhi va a yi i yənggət ji wo ka̱t a. Ka̱kul nva̱ ta te, i wop Inan ká̱ apir awop va uza̱ i məma̱n ka̱ ka̱ ashe nra ká̱ ishi nzəng ká̱ ayər. 29 Ka̱kul Inan yi pa te, uza̱ apər aga nri atak.

19 O là nnap ówan wo ka̱ ashe nnap-nshì pa̱ ɗongɗong ngga nna aɗəngchi Înan, ka̱ ngga ngwop Inan. Re o shi nnap-nshì ûPonzhi Inan ka̱ nchang ìgwak.

16 Re nnap-nlà aKəristi a təm ka̱ ashe igwák wo pa̱ makmak. O ɗyang iya̱m nzəng ka̱ ngwong owan wo ka̱ ashe aghan amakmak ka̱ atak nshi nnap-nshì ngga ngwop Inan, ka̱ ngga nna aɗəngchi á na, ka̱ ngga ashe aruhu nzəng ká̱ nna aɗəngchi Înan va i fa ka̱ ashe igwák wo a.

25 Ká̱ ishimshe ìzwam uBulus ku uSila ka̱ ya ka̱ nnəm aduwa nzəng ka̱ nshi nnap-nshì íNan iya̱m oza̱. Aɓo onəm-kukkuk owan oza̱ nnyi te, ka̱ ya ka̱ nggon achwang ka̱ oza̱.

UBulus na aɗəngchi íNan

3 Aɗəngchi təm aji Inan chit uPon aPonzhi yi uYesu Kəristi. Uza̱ wa uPon uga nrwa ìgwak. Uwa Inan va nyi asak pa̱ kpaktak. 4 Uwa kà̱ nsak yi ka̱ ashe nkpaktak nɗaktak yi. Ka̱kul na i nyi nsak onəm va̱ ka̱ ashe nza̱ apir nɗaktak nggo ká̱ apir asak va í ya ka̱ atak Inan va sak yi a.

3 Unəm va i ya na ya ká̱ iwu kang i fe nnap nləla fe kpa ká̱ achwang yi te, uwa mmayi ka̱ nla nnənap awo na o təm ntəm ngga mma̱n nzəng ka̱ yi kpa. Ntəm yi ngga mma̱n va nzəng ká̱ Inan uPon ká̱ uYiyen uYesu Kəristi.

5 Ɓu yà ká̱ nkúchi óza̱ ka̱t, ka̱t te ɓu wop oza̱, ka̱kul mmami uYawe Inan ɓu, mmami Inan iga ìkpar. Mi pyát mpat opon va yang mi ka̱ apal ovan ka̱ okəká, ka̱ okəká oga ntə́mbərə́ng.

14 Kang o wop inan iro ka̱t, ka̱kul mmami uYawe, uva aɗin mi pa̱ ìkpar, Inan iga ìkpar.

9 Awalang ava̱ uMusa a tar ashe aghal te, ǹdáng ìlulu i vang i sat ka̱ anung aghal, te uYawe i là nnap ká̱ uMusa. 10 Onəm i ya ǹdáng ìlulu sat chit ka̱ anung asa̱l ǹtar aghal te, nkpaktak oza̱ i wong kang nza̱ uzəngtəng oza̱ nggo i kúchi ka̱ anung aghal wò.

2 UYawe uwa nggwanggwang mi nkamkam,

kang uwa nka̱mshi irirì mi.

Inan mi yà ta̱, kang mi shep na,

Inan apo mi, mi rup ka̱ na.

11 Uda wa nji ɓu, áYawe, ka̱ ashe oga inan yà?

Uda wa nji ɓu, ká̱ ichumchum iga iyə́ryər,

uga nəm ayə́r uva yə́l ká̱ ashep,

uva i nnəm iya̱m iga nɗaktak yà?

25 O wop uYawe Inan wo, kang uza̱ i nak nnap nnəna̱n íya̱m nrì wo ká̱ ndəng wo, kang i yar arwa i le ka̱ ashe wo.

42 Ka̱kul nva̱ ta te, Inan ga̱ɓa̱n asəm na óza̱. Uza̱ re oza̱ ka̱ ngwop iya̱m iga apaɓur wa izhán wa nva ma lir ka̱ ashe atakarda onəm oga nka̱m nre ka̱ atak Inan pa̱,

<Ónəm oga aIsa̱rila, mmami na ka̱ o pà iya̱mkang ka̱ ashe anyin o yichi á mi a nəm izun ìsəm pa̱ ineɗəng va̱ ɗò?

43 Ko pa̱ ɗa̱p aghal aMolek va mí ka̱ ka̱ awa te, nna o yar o ra nggang ka̱, o wop awop ka̱ ashishe.

Aghal va ala̱ka̱n izhan aRamfan va o wop a.

Ichə́r va o nəm te, oma o wop.

Ka̱kul nva̱ ta te, mi nak mí wur wo ká̱ ikum mí ga ka̱ i watar mbin aBabel watar.>

18 Kang o ma̱n unəm ro a nak wo o lan imwa Inan ka̱t. Unəm va i yen ká̱ ishi ro iga akwam. Uza̱ i zhat ka̱ nnap ngwop oma̱leka. Uza̱ i ɗyemchi ka̱ nshal alár va̱ pa̱ o ya. Nrəng nnənap apir nja anəm nak na uza̱ ɓul ká̱ nyar mbal ro ngga nyà ká̱ ipir ka̱t. 19 Uza̱ pətar chit le ká̱ izər ishi va uKəristi. Ka̱ atak ishi va ta na kang nkpaktak mɓan izər ka̱ nya iya̱m-nrì i ri. Ká̱ izəzər na kpa oza̱ gwang tong ka̱ atak ichip ka̱ ngwang mɓan izər. Oza̱ ka̱ nrup apir nrup va Inan i nak.

3 Kang o ma̱n ma lam wo ka̱ pa̱ ɗa̱p ka̱t. Ka̱kul ilum va̱ ta iyà ɓa chit ka̱t. Nkpak pa̱ nlak atak va̱ i fa mpyal kan. Unəm uga nggantal nkpaktak nnap-mpakpak i nyám ishi wò ka̱ mban kan. Uza̱ unəm va ma sok na chit ka̱ nzhì a. 4 Uza̱ i kpàng Inan ká̱ iya̱m va pa̱ kpaktak mí wór pa̱ iya̱m ngwop a. Uza̱ i là pa̱ mmawò na ishi pa̱ kpaktak. I nak te, uza̱ i kyen i ɗa̱rka̱n ka̱ apal atak ntəm ka̱ ashe Nzhi Inan nchumchum i là pa̱ mmawò na Inan.

22 <<Mmaɓu na uga uchumchum, aYawe uGa iChumchum. Unəm uro yà wa nji ɓu ka̱t kang Inan iro yà wa nji ɓu ka̱t, wa nva̱ i fe ká̱ oga achwang yi á.

2 Unəm uro yà uyə́ryər wa aYawe ka̱t,

uwa byet unəm uro yà lap ka̱t.

ÌPang iro yà wa Inan yi ka̱t.

8 O ɓa datkulung ká̱ Inan na uza̱ a ɓa dat ká̱ wo kpa. O fa ka̱ ashe iya̱m iɓá̱ngɓa̱ng ônəm oga nnap-mɓá̱ngɓa̱ng. O nal igwák wo a ɓyen ônəm oga ìgwak ìparpar.