27 "Bii nɔʼ kə yʉ́ mbɔ bə nɔ nə ghɔ̀ŋ mbɔ, ‘Kə a mə gháa bəsəŋ fɛ.’ 28 Bɔŋ nɔʼ m̈ɔ shyíi bii mbɔ kaʼ wo lɛ́nə woke nə shʉ bəsəŋ təmə ɔ nɔʼ gháa bəsəŋ ghɔŋ ɔŋ mu fyii-ɔ.

32 Bɔŋ nɔʼ m̈ɔ shyíi bii mbɔ wotəmiyɔŋ ndə ɔ wɔ̀ʼtə lɔŋ ghɔŋ vi-i yaʼkɛŋ bʉʼka nu-bəsəŋ-kə, nɔʼ chìi mbɔ ɔ̈ gháa bəsəŋ. Bɔŋ wo ndə ɔ leʼ lʉ̀ woke ndə ɔ nɔʼ wɔ̀ʼtə lɔŋ, nɔʼ gháa bəsəŋ ghɔ.

19 Bʉʼka nubə ndə i kóʼ hə mu fyii-wo nɔ bɛ bəŋkwɔʼtə bʉəbʉə, məyí wo, məgháa bəsəŋ, bəsəŋ ntɛntɛhə, lʉʼbə, mənú gwù nə mbii leʼnə məbʉ́əhə-yie bəbɛʼbʉə.

11 Ɔ bə̀ŋhə tʉ bɔŋ mbɔ, "Wotəmiyɔŋ ndə ɔ wɔ̀ʼtə lɔŋ ghɔŋ vi-i, lʉ̀ yi-kədɔŋ-yə, nɔʼ chìi bʉ̂ʼʉ tʉ vi-i ndə məgháa bəsəŋ. 12 Bɔŋ kaʼ woke leʼ wɔ̀ʼtə lɔŋ ghɔŋ ləŋ-ɛŋ gɛ̀ lʉ̀ woləŋ kədɔŋ, təmə ɔ nɔʼ gháa bəsəŋ."

18 "Wotəmiyɔŋ ndə ɔ wɔ̀ʼtə lɔŋ ghɔŋ vi-i lʉ̀ yi-kədɔŋ-yə nɔʼ gháa bəsəŋ bɔŋ woləŋ ndə ɔ leʼ lʉ̀ woke ndə ɔ nɔʼ wɔ̀ʼtə lɔŋ ghɔŋ ləŋ-ɛŋ nɔʼ gháa bəsəŋ ghɔ.

4 bíʼtə tʉ Jiso mbɔ, "Chicha, bə nɔ kɛŋ yá woke-ɔ̄, ɔ kə́ gháa bəsəŋ, 5 nduɔ, Mushi nɔ nə kàhə baʼa mu nuʼ mbɔ b̈aʼa túŋtə ntɛ bəke-bɔ̄ŋ nə ŋgoʼhə yítə. A gìe ka chɔ?" 6 Bɔ̂ŋ nɔ kə́ gìe yɔ̄ŋ-yə ndə məmùutə Jiso, kə mbɔ bəkɔ bɔ̂ŋ chʉʼ mɔ̀ʼ nukə kətʉ-ɔ. Jiso bʉ́ʉnə sê, kə́ nyɔ̀ʼ fɔbə sê nə mbyu vaakəghɔ-ɛ. 7 Ndə bɔ̂ŋ kə́ bìʼ bíʼtə tʉ ɔŋ, ɔ lɔ̀ hə sê tə́nə ghɔ̀ŋ mbɔ, "Ẅotəmiyɔŋ ndə ɔ bɛ mu bii təmə nɔʼ nə chìi bʉ̂ʼʉ fɛ, fəŋ túŋ ɔŋ nə ŋgoʼ." 8 Ndʉʉmɛ, ɔ bìʼ bʉ́ʉnə, kə́ nyɔ̀ʼ sê. 9 Bɔŋ ndʉʉ ndə bɔ̂ŋ kə yʉ́ yɔ̄ŋ-yə, bɔ̂ŋ bʉ̀nə bəmɔʼbəmɔʼ, chʉ́ʉhə ndə bʉə ghəŋ. Jiso shi káa tətɛʼ ɔ, ghɔŋbə mbʉ woke ndə ɔ tə́nə bəshʉ ɔ. 10 Jiso lɔ̀ tə́nə gìe tʉ ɔŋ mbɔ, "Naa, bʉə-bīŋ ndə bɔ̂ŋ tʉ́ʼ nukə kətʉ-a le ba? Wo fyú hə mu bɔŋ ndə məchʉ̀ə ŋkwɛ-a bʉəbʉə fe?" 11 Ɔ ghɔ̀ŋ mbɔ, "Mbyu wo fɛ, Tiekətʉ." Jiso bə̀ŋhə mbɔ, "Mbəŋ-ɔŋ ghɔ mə chʉ̀ə ŋkwɛ-a bʉəbʉə fɛ, gɛ̀, lʉ̀ hə nduɔ gɛ̀ nə shʉbə kə a mə leʼnə bìʼ chìi bʉ̂ʼʉ fɛ."]

18 Nyʉ́ʉ bəsəŋ. Bʉ̂ʼʉbɛʼ təmiyɔŋ ndə woməsʉʉ tʉʼ chìi, nɔ bɛ mbʉə-ɔ njəŋmbi bɔŋ ŋ̃ghaa bəsəŋ nɔ chìi bʉ̂ʼʉ tʉ yii-yə ŋwɔŋ.

16 Bɔŋ mɔ nɔ tʉʼ ghɔ̀ŋ mbɔ b̈ii kə́ chí mbi nə ghʉəʼ-kəLyʉʉhəNyii-kə, kaʼ bii chìi nɔ, bii leʼ kə́ fɔ̀ʼ bə nubə ndə mbʉə-yii tʉʼ kʉ́ʉ fɛ. 17 Bʉʼka nubə ndə mbʉə-a kʉ̀ʉ kaa nubə ndə LyʉʉhəNyiikə kʉ̀ʉ fɛ, bɔŋ nubə ndə LyʉʉhəNyiikə kʉ̀ʉ kaa nubə ndə mbʉə-a kʉ̀ʉ fɛ, bʉʼka bɔ̂ŋ nɔ bàa nə shʉtə-ʉə, mbɔ i chʉʼ chìi a mɛ̀ʼtə ndə məchìi nubə ndə fyii-a tʉʼ kʉ́ʉ mbɔ a kə́ chìi.

19 Ñubə ndə mbʉə-woməsʉʉ tʉʼ kʉ́ʉ, nɔ dʉ̀ʼ ŋwɔŋ-ɛŋ ntaa ndəŋ fia tʉ ɔŋ, bəsəŋ ntɛntɛhə, nu-nyàatəŋwɔŋ-bə leʼnə ŋkwɔʼtə-bəsəŋ, 20 məgháa bənyii, məfʉ́ʉ fê, bàa, bəfyuʼ, túunə bəfyuʼ, tʉʉbʉə, məshʉ́nə mbi, ŋkʉʉŋkʉʉ, məfúu nuɔ bʉəbʉə 21 məbàabʉʉ,* ndʉʼbúumə, mətʉ́ʼ kie-bəsəŋ-tə leʼnə ntɛ-bənu-hə ndə yɔ̄ŋ-yə. Mɔ nɔ tʉʼ shyùu tyunəkə-ii haʼ ndə mɔ nɔʼ kə fəŋ shyùu hə bəshʉ mbɔ bʉə ndə bɔ̂ŋ kie ntɛ məchimbi-ɔ̄, Nyii mə kə́ sɔ́ʼ bɔŋ fɛ.

4 B̈ʉə bənchəŋ kɔ́ kuŋhə ndə lɔŋ, woke ghɔŋ woləŋ nɔ kie ndə mə-kə́-gìe shʉəŋ tʉ ŋwɔŋtə-ʉə bʉʼka Nyii bu chʉ̀ə ŋkwɛ bʉə ndə bɔ̂ŋ tʉʼ gháa bəsəŋ ghɔŋbə bʉə ndə bɔ̂ŋ bɛ njaa lɔŋ kə́ gháa bəsəŋ.

3 Nyii nɔ kʉ̀ʉ mbɔ bii bɛ ŋkʉʉ, bii kɛŋ bìa ŋwɔŋ-yii ndə ntɛ-bəsəŋ-hə inchəŋ. 4 Ɔ nɔ kʉ̀ʉ mbɔ ẅo bii təmiyɔŋ kínə ntɛ ndə ɔ kie ndə mətʉ́ʼ ŋwɔŋ-ɛŋ* bɛ ŋkʉʉ bɔŋleʼ kie kuŋhə chɔ. 5 Ɔ kie ndə məkie ntɔmə fyii-ɔ yɔ́ŋyɔ́ŋ ndə məchí ghɔŋ ibɛʼ-yə wo ndə bʉə ndə bɔ̂ŋ gòʼ təmə bɛ bʉə-Juu fɛ təmə kínə Nyii fɛ.

4 Bii bəŋghaa-bəsəŋ! Bii kínə mbɔ məchìi bətieŋkɔŋ biibə wʉʉnəmbikə, bɛ bàa tʉ biibə Nyii fe? Nɔ, wotəmiyɔŋ ndə ɔ kʉ̀ʉ ndə məchìi bətieŋkɔŋ ghɔŋbə wʉʉnəmbikə nɔ bɛ wobàa Nyii.

21 Mɔ nɔ kɔ́ ŋgwɔʼmbi tʉ ɔŋ ndə məshìe liɛŋ-ɛŋ chɔ, ɔ bɔŋ tɛ́ŋ ndə məshìe liɛŋ-ɛŋ ndə bəsəŋ.

22 " ‘B̈ii nyíɛ! Mɔ bu mɔ̀ʼ ɔ kəbɔ kəyɔʼ, bʉə ndə ghɔŋ bɔŋ tʉʼ gháa bəsəŋ mɔʼɔ, mɔ mɔ̀ʼ bɔŋ mu ŋgʉəʼ shʉ́əshʉ́ə, yaʼkɛŋ mbɔ b̈ɔ̂ŋ shìe liɛŋtə-ʉə ndəŋ fɔʼtə-i.