O adultério
O adultério é pecado grave que destrói alianças, famílias e vidas. A Bíblia condena firmemente a infidelidade conjugal e chama à pureza, fidelidade e santidade no casamento.
A lei de Deus
Não adulterarás. Quem comete adultério destrói a própria alma. A Palavra de Deus é clara e direta sobre este pecado.
ଆମ୍ୱେନ୍ ଏଡାରିଡଙ୍ନେ ।
ବନ୍ଡ ଜୋଣ୍ତଡ଼ାମରନ୍ ଆଜାଡ଼ିନ୍ ଏର୍ବୁଡ୍ଡି; ଆନିନ୍ଡମ୍ ଆ ପରାନ୍ନାନ୍ ଅନବ୍ସେଡନ୍ ଆସନ୍ ଆନିନ୍ ତିଆତେ ଲୁମ୍ତେ ।
ବନ୍ଡ ଜୋଣ୍ତଡ଼ାମରନ୍ ଆଜାଡ଼ିନ୍ ଏର୍ବୁଡ୍ଡି; ଆନିନ୍ଡମ୍ ଆ ପରାନ୍ନାନ୍ ଅନବ୍ସେଡନ୍ ଆସନ୍ ଆନିନ୍ ତିଆତେ ଲୁମ୍ତେ । ଆନିନ୍ ତନୁଡନ୍ ଡ ଗନବ୍ରଜନ୍ ଞାଙ୍ତେ; ଆରି ଆ ଡୋସାନ୍ ଗନିୟ୍ଡାନ୍ ଅଡ୍ଡେଏ । ଇନିଆସନ୍ଗାମେଣ୍ତେନ୍ ଆଇବୟ୍ଲୋଙନ୍ ଆବର୍ନେ ସଙ୍ଗତାମରନ୍ ଜବ୍ର ବରାବ୍ତେ; ଆଡ୍ରୁଲ୍ତିଡ୍ତନ୍ ଆଡିଡ୍ ଆନିନ୍ ଇନ୍ନିଙ୍ ଅକେମାଏ । ଆନିନ୍ ଇନ୍ନିଙ୍ ଆ ତନାଣ୍ତେ ଅଃନଡ଼େଏ; ଆରି ଆମନ୍ ଗୋଗୋୟ୍ ତଙ୍କାନ୍ ତିୟେନ୍ ଜାକିଁୟ୍ଡେନ୍ ଆନିନ୍ ଅଃମ୍ମାନ୍ନେଏ ।
ଅନ୍ନିଙ୍ ଆମନ୍ରା ଅସମଁୟ୍ ଆ ମାୟଙ୍ଲୋଙନ୍ ତଗୋନ୍ ଡକ୍କୋଏଣ୍ଡେନ୍, ଏତ୍ତେଲ୍ଡେନ୍ ଇନି ଆସିନ୍ରିନ୍ ଅଜୋମ୍ତୋଡେ ପଙ୍ ? ଅଡ଼େ ଆନ୍ନିଙ୍ ଆରଡ଼େତୋଡ୍ଲୋଙନ୍ ତଙିୟ୍ଲନ୍ଣ୍ଡେନ୍, ଇନି ଆତାଲ୍ଜଙନ୍ ଅଃବାଲ୍ସଏ ପଙ୍ ? ଅଙ୍ଗା ଆମନ୍ରା ତୟ୍ଲିସିଙ୍ମରନ୍ ଆଡୁକ୍ରି ଆମଙ୍ବା ଇୟ୍ତେ, ଆନିନ୍ ତି ଅନ୍ତମ୍; ଆନା ଆନିନ୍ଆଡଙ୍ ସୁଙେତେ, ଆନିନ୍ ଡନଣ୍ଡାୟନ୍ ଞାଙ୍ତେ ।
Jesus ensina
Quem olhar para uma mulher com intenção impura já adulterou no coração. Jesus elevou o padrão da pureza.
"ଆମ୍ୱେଞ୍ଜି ‘ଏଡାରିଡଙ୍ନେ,’ ଗାମ୍ଲେ ଏଅମ୍ଡଙେନ୍ । ବନ୍ଡ ଞେନ୍ ଆମ୍ୱେଞ୍ଜିଆଡଙ୍ ବର୍ତବେନ୍, ଅଙ୍ଗା ମନ୍ରା ପରାନ୍ସାତ୍ତିନ୍ ଇୟମ୍ଡାଲେ ଅନ୍ନିଙ୍ ଆଇବୟ୍ଆଡଙ୍ ଗିୟ୍ମଡ୍ତେ, ଆନିନ୍ ତି ଆଇମରନ୍ ବୟନ୍ ଆ ମନ୍ନଲୋଙନ୍ ଡାରିଲନେ ।
ବନ୍ଡ ଞେନ୍ ଆମ୍ୱେଞ୍ଜିଆଡଙ୍ ବର୍ତବେନ୍, ଅଙ୍ଗା ମନ୍ରା ଆ ଡୁକ୍ରିନ୍ ଅଃଡ୍ଡାରିଲନ୍ ଜନଙ୍ଡେନ୍ ଆନ୍ନା ଡୋସା ଆସନ୍ ଆନିନ୍ଆଡଙ୍ ଅମ୍ଡୁଙ୍ତେ, ତି ଆ ମନ୍ରା ଆ ଡୁକ୍ରିନ୍ଆଡଙ୍ ଅବ୍ଡାରିନେତେ, ଆରି ଆନା ଆଡୁଙ୍ନେବଜନ୍ ବିବାତନେ, ଆନିନ୍ ଡାରିତନେ ।"
ଇନିଆସନ୍ଗାମେଣ୍ଡେନ୍ ଉଗରନ୍ ସିଲଡ୍ ପରାନ୍ସାତ୍ତିନ୍ ଆନିଃୟମ୍, ସମ୍ୱବ୍ମରନ୍, ଡାରିନେନ୍, ଜୋଣ୍ଡଡ଼ାନେନ୍, ରାଉନେନ୍, କଣ୍ଡାୟ୍ସାକିନ୍ ଆରି ନିଣ୍ଡୟ୍ବରନ୍ ଡୁଙ୍ତନାୟ୍ ।
ସିଲତ୍ତେ ଜିସୁନ୍ ଆନିଞ୍ଜିଆଡଙ୍ ଗାମେନ୍, "ଅଙ୍ଗା ମନ୍ରା ଆ ଡୁକ୍ରିନ୍ଆଡଙ୍ ଅମ୍ଡୁଙ୍ଡାଲେ ଆନ୍ନାବୟ୍ ବିବାତନେ, ଆନିନ୍ ଆ ଡୁକ୍ରିନ୍ ଆ ବିରୁଦଲୋଙ୍ ଡାରିତନେ, ଆରି, ଅନ୍ନିଙ୍ ଆଇବୟ୍ ଆ ଅୟ୍ତବନ୍ଆଡଙ୍ ଅମ୍ରେଙ୍ଡାଲେ ଆନ୍ନାମର୍ ବୟନ୍ ବିବାତନେ, ଏତ୍ତେଲ୍ଡେନ୍ ଆନିନ୍ ଡାରିତନେ ।"
"ଅଙ୍ଗା ମନ୍ରା ଆ ଡୁକ୍ରିନ୍ ଅମ୍ଡୁଙ୍ଡାଲେ ଆନ୍ନାବୟ୍ ସରିନ୍ ବିବାତନେ, ଆନିନ୍ ଡାରିତନେ; ଆରି, ଆନା ଆଡୁଙ୍ନେବଜନ୍ ସରିନ୍ ବିବାତନେ, ଆନିନ୍ ଡାରିତନେ ।"
"ଏ ଞନଙ୍ତିୟ୍ମର୍, କେନ୍ ଆଇବୟ୍ ଆଡ୍ରାରିଲନ୍ ଆଡିଡ୍ ଞନମନ୍ ଡେଲୋ । ଏନ୍ନେଗନ୍ ଆ ମନ୍ରାଜିଆଡଙ୍ ତିଡର୍ଡାଲେ ରନବ୍ବୁନ୍ ଆସନ୍ ମୋସାନ୍ ଇନ୍ଲେଞ୍ଜିଆଡଙ୍ ବନାଁୟ୍ବର୍ଲୋଙନ୍ ବାଁୟ୍ଲଲେନ୍; ତିଆସନ୍ ଆମନ୍ ଇନି ଗାମ୍ତେ ?" ଏଙ୍ଗାଲ୍ଡେନ୍ ଆନିଞ୍ଜି ଜିସୁନ୍ଆଡଙ୍ ଅନବ୍ଡୋସାନ୍ ଆସନ୍ ତଙରନ୍ ଞାଙ୍ଲେ ରପ୍ତିଏଜି, ତିଆସନ୍ ଆନିଞ୍ଜି ଜିସୁନ୍ଆଡଙ୍ ମାଲ୍ଲେ କେନ୍ ଆ ବର୍ନେ ବରେଞ୍ଜି । ବନ୍ଡ ଜିସୁନ୍ ଜାୟ୍ତାନ୍ ବରୁମ୍ଡାଲେ ଆ ଅଣ୍ଡେର୍ସିନ୍ ବାତ୍ତେ ଲବଲୋଙନ୍ ଇଡିଡ୍ଲଲନ୍ ।
ବନ୍ଡ ଆନିଞ୍ଜି ନମିନ୍ ନମିନ୍ ଆନିନ୍ଆଡଙ୍ ଆବର୍ରେଞ୍ଜି, ଜିସୁନ୍ ତେକ୍କେବବ୍ଲନ୍ ଆନିଞ୍ଜିଆଡଙ୍ ବରେଞ୍ଜି, "ଆମ୍ୱେଞ୍ଜିଲୋଙ୍ ଆନା ଏର୍ଡୋସା, ଆନିନ୍ ଆମ୍ମୁଙ୍ ଆନିନ୍ଆଡଙ୍ ତିଡରେତୋ ।" ଆରି ଆନିନ୍ ଜାୟ୍ତାନ୍ ବରୁମ୍ଡାଲେ ଲବଲୋଙନ୍ ଇଡିଡ୍ଲଲନ୍ । ତିଆତେ ଅମ୍ଡଙ୍ଡାଲେ ଆନିଞ୍ଜି ସୋଡ଼ାମରଞ୍ଜି ସିଲଡ୍ ଉଲନ୍ ଅବୟ୍ନେ ଅବୟ୍ନେ ଡୁଙ୍ଲନ୍ ଜିରେଞ୍ଜି, ଆରି ଜିସୁନ୍ ଡ ମଡ୍ଡିନ୍ ଆତନଙନ୍ ଆଇବୟ୍ ତୁମ୍ ତେତ୍ତେ ଡକୋଏଞ୍ଜି । ଆରି, ଜିସୁନ୍ ତେକ୍କେବବ୍ଲନ୍ ଆଗ୍ରିଜେନ୍ ଆନ୍ନିଙ୍ ତଡ୍, ତିଆସନ୍ ଆନିନ୍ ତି ଆଇମରନ୍ଆଡଙ୍ ବରେନ୍, "ଏ ଆଇମର୍, ଆନିଞ୍ଜି ଅଡ଼େଙ୍ଗା ? ଆମନ୍ଆଡଙ୍ ଅନବ୍ଡୋସାନ୍ ଆସନ୍ ଆନ୍ନିଙ୍ ତଡ୍ ପଙ୍ ?"
ଆନିନ୍ ଜାଲଙେନ୍, "ଆନ୍ନିଙ୍ ତଡ୍, ପ୍ରବୁ ।"
ସିଲତ୍ତେ ଜିସୁନ୍ ଗାମେନ୍, "ଞେନ୍ ନିୟ୍ ଆମନ୍ଆଡଙ୍ ଅଃନ୍ନବ୍ଡୋସାଅମ୍, ଜିରା ଲଙେ ସିଲଡ୍ ଆରି ଇର୍ସେନ୍ ଲୁମ୍ଡଙ୍ ।"
Armadilhas e consequências
Os lábios da mulher estranha destilam mel, mas o seu fim é amargo. Fuja da imoralidade — o adultério escraviza.
ଇନିଆସନ୍ଗାମେଣ୍ତେନ୍ ଜୋଣ୍ତଡ଼ିବଜନ୍ ଆ ଉସାଲ୍ତମ୍ ସିଲଡ୍ ଆ ବର୍ନେନ୍ ଆଡଙ୍ଡାନ୍ ଅନ୍ତମ୍ ଜତଡ୍ତେ, ଆ ତଅଡ୍ଗଡ୍ ଆବର୍ନେ ମିଞଲନ୍ ସିଲଡ୍ ଜବ୍ର ଲତ୍ତି । ବନ୍ଡ ଆନିନ୍ ଆତନିକ୍କି ଆଡିଡ୍ ରେସାଙନ୍ ଅନ୍ତମ୍ ଅସାଙ୍, ଆରି ବାର୍ମଡ଼ିୟ୍ତାଲନ୍ ଆକଡ଼ିବ୍ ଅନ୍ତମ୍ ଅସୁବ୍ । ଆତାଲ୍ଜଙନ୍ ରନବୁବାନ୍ ପଡ୍ଲନ୍ ଜିର୍ତେ; ଆରି ଆ ତାଲ୍ଜଙନ୍ ପାତାଡ଼ଲୋଙନ୍ ପତ୍ତନେ । ତିଆସନ୍ ଆନିନ୍ ଅନମେଙ୍ ତଙରନ୍ ଅଃଞାଙେ; ବନ୍ଡ ଆ ତଙରନ୍ ଅଡ଼୍କୋନ୍ ଅପୁଡ୍ଡମ୍, ଆରି ଆନିନ୍ ତିଆତେ ଅଃଜ୍ଜନାଏ ।
ଇନିଆସନ୍ଗାମେଣ୍ତେନ୍ ଜୋଣ୍ତଡ଼ିବଜନ୍ ଆ ଉସାଲ୍ତମ୍ ସିଲଡ୍ ଆ ବର୍ନେନ୍ ଆଡଙ୍ଡାନ୍ ଅନ୍ତମ୍ ଜତଡ୍ତେ, ଆ ତଅଡ୍ଗଡ୍ ଆବର୍ନେ ମିଞଲନ୍ ସିଲଡ୍ ଜବ୍ର ଲତ୍ତି । ବନ୍ଡ ଆନିନ୍ ଆତନିକ୍କି ଆଡିଡ୍ ରେସାଙନ୍ ଅନ୍ତମ୍ ଅସାଙ୍, ଆରି ବାର୍ମଡ଼ିୟ୍ତାଲନ୍ ଆକଡ଼ିବ୍ ଅନ୍ତମ୍ ଅସୁବ୍ । ଆତାଲ୍ଜଙନ୍ ରନବୁବାନ୍ ପଡ୍ଲନ୍ ଜିର୍ତେ; ଆରି ଆ ତାଲ୍ଜଙନ୍ ପାତାଡ଼ଲୋଙନ୍ ପତ୍ତନେ । ତିଆସନ୍ ଆନିନ୍ ଅନମେଙ୍ ତଙରନ୍ ଅଃଞାଙେ; ବନ୍ଡ ଆ ତଙରନ୍ ଅଡ଼୍କୋନ୍ ଅପୁଡ୍ଡମ୍, ଆରି ଆନିନ୍ ତିଆତେ ଅଃଜ୍ଜନାଏ । ତିଆସନ୍ ଏ ଅ ଅଅନ୍ଞେଞ୍ଜି, ବର୍ନେଞେନ୍ ଅମ୍ଡଙ୍ବା ଆରି ତଅଡ୍ଲୋଙ୍ଞେନ୍ ଆବର୍ନେ ସିଲଡ୍ ଆନ୍ନାଗଡ୍ ଜିର୍ଡଙ୍ । ତି ଆଇବୟ୍ ସିଲଡ୍ ତଙର୍ନମ୍ ସଙାୟ୍ ଡକ୍କୋଆ ଆରି ଆସିଙନ୍ ଆଡୁଆରାବା ଇୟ୍ଡଙେ । ଓଡେନ୍ନଙ୍ ଆମନ୍ ବୋର୍ସାନମ୍ ଅଡ଼୍କୋନ୍ ଆନ୍ନାମରଞ୍ଜିଆଡଙ୍ ତିୟ୍ତେ,ଆରି ବର୍ସେଙ୍ନମ୍ କାନ୍କାରମ୍ ଅଃଗାମେଞ୍ଜି ଆମନ୍ରାଜିଆଡଙ୍ ତିୟ୍ତେ ।
ତି ଆଇବୟ୍ ସିଲଡ୍ ତଙର୍ନମ୍ ସଙାୟ୍ ଡକ୍କୋଆ ଆରି ଆସିଙନ୍ ଆଡୁଆରାବା ଇୟ୍ଡଙେ । ଓଡେନ୍ନଙ୍ ଆମନ୍ ବୋର୍ସାନମ୍ ଅଡ଼୍କୋନ୍ ଆନ୍ନାମରଞ୍ଜିଆଡଙ୍ ତିୟ୍ତେ,ଆରି ବର୍ସେଙ୍ନମ୍ କାନ୍କାରମ୍ ଅଃଗାମେଞ୍ଜି ଆମନ୍ରାଜିଆଡଙ୍ ତିୟ୍ତେ । ଓଡେନ୍ନଙ୍ ଏର୍ନମ୍ମଡ୍ ମରଞ୍ଜି ଅନର୍ଜେନମ୍ ବାତ୍ତେ ବରିୟ୍ତଜି ଆରି କାବ୍ବାଡ଼ାନମ୍ ଆ ଜଅ ବଡେସାବାୟ୍ ଆସିଙ୍ଲୋଙ୍ ତନର୍ତୁମନ୍ ଡେତେ । ଆରି ବନୁଡାଇଙ୍ନମ୍ ଆଡିଡ୍ ଜେଲୁନମ୍ ଡ ଡଅଙ୍ନମ୍ ବୋର୍ସାତଡ୍ ଡେତମ୍, ଆମନ୍ ତିଆଡିଡ୍ ୟେୟେଡାତନ୍ ! ଆରି ବର୍ତନେ, "ଞେନ୍ ଞନଙ୍ଞଙ୍ବରନ୍ ଏଙ୍ଗାଲେ ଏଡ଼ୁର୍ମଡ୍ଲାୟ୍ ? ଆରି ମନଞେନ୍ ସାଞେଙ୍ବରନ୍ଆଡଙ୍ ଏଙ୍ଗାଲେ ଆଲ୍ଲେଏନ୍ ? ଞେନ୍ ଞନଙ୍ତିୟ୍ମର୍ଞେଞ୍ଜି ଆବର୍ନେ ଅଃନମ୍ଡଙ୍ଲାୟ୍ ଆରି ଅଙ୍ଗା ଆ ମନ୍ରାଜି ଞେନ୍ଆଡଙ୍ ଞଙ୍ଞଙ୍ଲିଁୟ୍ଞ୍ଜି, ଆବର୍ନେଞ୍ଜି ଅଲୁଡ୍ଞେନ୍ ଅଃଡ୍ଡାଲୁଡ୍ଲୋ, ଞେନ୍ ରନୁକ୍କୁନ୍ ଡ ମଣ୍ତଡ଼ିଲୋଙନ୍ ସିଲଡ୍ ଅଡ଼୍କୋନ୍ ଆଗନବ୍ରୟ୍ ଡ ପନବ୍ରଡ୍ଲୋଙନ୍ ଗଲୋଲିଁୟ୍ ।"
ଆନିନ୍ ଡନୁଙ୍ୟମ୍ ଅଲବନ୍ ଡ ମନଙ୍ ଜାଡ଼ିଆମେଡନ୍ ଅନ୍ତମ୍, ଆ ମାୟଙନ୍ ଆଏଡ଼ର୍ ଆମନ୍ଆଡଙ୍ ଅବ୍ସର୍ଡାଅମ୍ତୋ; ଆରି ଆ ଡନୁଙ୍ୟମ୍ଲୋଙନ୍ ଆମନ୍ ଆଏଡ଼ର୍ ମଗାଡ୍ଲନ୍ ଡକୋନା । ଏ ଅଅନ୍ଞେନ୍, ଆନ୍ନାବଜନ୍ ଆମଙ୍ବା ଆମନ୍ ଇନିବା ମଗାଡ୍ତମ୍ ? ଆରି ଆନ୍ନାବଜନ୍ ଆବୁଲୁ ଇନିଆସନ୍ କୋଣ୍ତୋଅମ୍ ?
ଆରି ଆନା ଆତଙର୍ ରନବ୍ବୁବାନ୍ ଜିର୍ତେ, ଆନା ଆମଙ୍ବା ଜନିରନ୍ଡେଏଣ୍ଡେନ୍ ଆନ୍ନିଙ୍ ଅଃୟର୍ନାଜି । ଆରି ଅନମେଙନ୍ ଆତଙର୍ଗଡ୍ ଅଃଞାନେ । କେନ୍ଅନ୍ତମ୍ ଅବୟ୍ନେ ଆଡୁକ୍ରି ଆମଙ୍ବା ଆଜନିର୍ ସିଲଡ୍ ଆମନ୍ଆଡଙ୍ ଡନୋବନ୍ ଡେତେ ।
ଡାରିବଜନ୍ ଆତଅଡ୍ ଜରୁ ଲୋଓଙ୍, ସଦାପ୍ରବୁନ୍ ଆ ଏଡ଼ୁର୍ମଡ୍ତେନ୍ ଆମନ୍ରା ତିତେତ୍ତେ ଗଲୋତେ ।
ଜୋଣ୍ତଡ଼ାନେନ୍ ସିଲଡ୍ ସବ୍ଙାୟ୍ଲନ୍ ଡକୋନାବା, ମନ୍ରାନ୍ ଇନିଜନଙ୍ ଆ ଇର୍ସେ ଲୁମେନ୍ ଡେନ୍, ତିଆତେ ଡଅଙନ୍ ପରାନ୍ସାତ୍ତିନ୍ ଅଃଡ୍ଡେଏ; ବନ୍ଡ ଆନା ଜୋଣ୍ଡଡ଼ାନ୍ ଡ ଜୁଣ୍ଡଡ଼ି କାବ୍ବାଡ଼ାନ୍ ଲୁମ୍ତେ, ଆନିନ୍ ଆ ଡଅଙନ୍ ବିରୁଦଲୋଙ୍ ଇର୍ସେନ୍ ଲୁମ୍ତେ ।
ଞେନ୍ ବର୍ତବେନ୍, ମଡ଼ିର୍ ପୁରାଡ଼ାନ୍ ବାତ୍ତେ ଞଣ୍ଡ୍ରମ୍ନାବା, ଏତ୍ତେଲ୍ଡେନ୍ ଆମ୍ୱେଞ୍ଜି ଡଅଙ୍ଡାଗୋ ଆ ସନାୟ୍ସାୟ୍ଜି ଏଃଲ୍ଲୁମେ । ଡଅଙ୍ଡାଗୋ ଆ ସନାୟ୍ସାୟ୍ ମଡ଼ିର୍ ପୁରାଡ଼ାନ୍ ସଙ୍ଗତ୍ତାତେ, ମଡ଼ିର୍ ପୁରାଡ଼ାନ୍ ଆ ସନାୟ୍ସାୟ୍ ଡଅଙ୍ଡାଗୋ ଆ ସନାୟ୍ସାୟ୍ ସଙ୍ଗତ୍ତାତେ; କେନ୍ ବାଗୁଞ୍ଜି ତର୍ଡମ୍ ବନେରା, ତିଆସନ୍ ଆମ୍ୱେଞ୍ଜି ଇନିଜି ଲୁମ୍ଲୁମନ୍ ଆସନ୍ ଲଡୟ୍ତବେନ୍, ତିଆତେଜି ଅଡ଼୍କୋନ୍ ଲୁମ୍ଲେ ଏଃର୍ରପ୍ତିଏ ।
ଡଅଙ୍ଡାଗୋ ଆ କାବ୍ବାଡ଼ାଜି ଆମ୍ୱେଞ୍ଜି ଜନାଜି; ଡାରିନେନ୍, ଏର୍ମଡ଼ିର୍, ମନଙ୍ତଡନ୍ ଆଲନୁମ୍, ସନୁମ୍ପୁରନ୍, ସମ୍ବବ୍ମରନ୍, ତନେଜନ୍, ବନେରାନ୍, ଅଲ୍ବାଡ୍ଡେନ୍, କେନ୍ସନେନ୍, ବନ୍ଡ୍ରାବନ୍, ତିନ୍ସୟ୍ ସୁକ୍କାନ୍, ପନାଲ୍ଲାଙନ୍, ପନାଲ୍ଲାଙ୍ବରନ୍, ଇସ୍କତ୍ତାନ୍, ଗାସାଲନ୍, ଲେଙ୍ନେନ୍, କେନ୍ ଏର୍ଜାଡ଼ିକାନ୍ ଆ କାବ୍ବାଡ଼ାଜି ଏଲୁମ୍ଡଙ୍, ଞେନ୍ ଆମ୍ମୁଙ୍ମା ଆମ୍ୱେଞ୍ଜିଆଡଙ୍ ବର୍ରବେନ୍, ଆନାଜି କେନ୍ ଆ କାବ୍ବାଡ଼ାଜି ଲୁମ୍ତଜି, ଆନିଞ୍ଜି ଇସ୍ୱରନ୍ ଆ ରାଜ୍ୟଲୋଙ୍ ଡରକୋନେନ୍ ଅଃଞାଙେଜି ।
ବିବାନେନ୍ ଅଡ଼୍କୋ ମନ୍ରାନ୍ ଆଗନିୟ୍ଗିୟ୍ଲୋଙ୍ ମଡ଼ିର୍ ଆରି ମନାନ୍ନେଗୋ ଡେଏତୋ, ଆରି ଅୟ୍ତବନ୍ ଡ ଡୁକ୍ରିନ୍ ତର୍ଡମ୍ ଡର୍ନେଲୋଙନ୍ ଡକୋନେତଜି । ଇନିଆସନ୍ଗାମେଣ୍ଡେନ୍ ଜୋଣ୍ଡଡ଼ିବଜନ୍ ଡ ଜୋଣ୍ତଡ଼ାମରନ୍ଆଡଙ୍ ଇସ୍ୱରନ୍ ଅବ୍ପନ୍ସୁଆତିତେ ।
ଇନିଆସନ୍ଗାମେଣ୍ଡେନ୍ ଆମ୍ୱେଞ୍ଜି ଡାରିନେନ୍ ସିଲଡ୍ ସବ୍ଙାୟ୍ଡାଲନ୍, ମଡ଼ିର୍ ଏମ୍ମେଲନ୍ ଡକୋନାବା ଗାମ୍ଲେ ଇସ୍ୱରନ୍ ଲଡୟ୍ତେ । ଆମ୍ୱେଞ୍ଜି ଅଡ଼୍କୋନ୍ବେନ୍ ରମ୍ମଙ୍ ରମ୍ମଙ୍ ଡୁକ୍ରିବେନ୍ ବୟନ୍ ମଡ଼ିରନ୍ ଡ ମନାନ୍ନେଡାଗୋ ଡକୋନେନ୍ ଆସନ୍ ଞଙ୍ନାବା । ଆରି, ଇସ୍ୱରନ୍ଆଡଙ୍ ଅଃଜ୍ଜନାଏଞ୍ଜି ପୁର୍ତିନ୍ ଆନ୍ନାମରଞ୍ଜି ଅନ୍ତମ୍ ଆମ୍ୱେଞ୍ଜି ଗିୟ୍ମଡ୍ବଜନ୍ ଡେଡଙ୍ବେନ୍ ତଡ୍ ।
ଏ ଜୋଣ୍ତଡ଼ିବୟ୍ଜି, ପୁର୍ତିନ୍ ବୟନ୍ ସାଙ୍ଗଲନ୍ବୋ ଡେନ୍, ଇସ୍ୱରନ୍ ବୟନ୍ ବନେରା ଡେଡେଲଙ୍ତନ୍, କେନ୍ଆତେ ଆମ୍ୱେଞ୍ଜି ଅଃଜ୍ଜନାବେନ୍ ପଙ୍ ? ତିଆସନ୍, ଆନା ପୁର୍ତିନ୍ ବୟନ୍ ସାଙ୍ଗନେନ୍ ଆସନ୍ ଲଡୟ୍ତେ, ଆନିନ୍ ଇସ୍ୱରନ୍ ଆ ବନେରାମର୍ ଗାମ୍ଲେ ଜନାଏତୋ ।
ଇର୍ସେନ୍ ସିଲଡ୍ ଆବ୍ୟର୍ବୁଡ୍ଡିନେନ୍ ଆସନ୍ ଞେନ୍ ଆନିନ୍ଆଡଙ୍ ରୟଙନ୍ ତିୟ୍ତାୟ୍ ଜନଙ୍ଡେନ୍, ଆନିନ୍ ଜୋଣ୍ଡଡ଼ାଲୁମନ୍ ସିଲଡ୍ ଆବ୍ୟର୍ବୁଡ୍ଡିନେନ୍ ଆସନ୍ ଅଃଲ୍ଲଡଜେ । ଗିୟ୍ବା, ଞେନ୍ ଜିଜେବେଲନ୍ ଡ ଆନିନ୍ ବୟନ୍ ଆଡ୍ରାରିଲଞ୍ଜି ଆ ମନ୍ରାଜିଆଡଙ୍ ଅବ୍ରୋଗତାଜି, ଆରି ଆନାଜି ଆନିନ୍ ବୟନ୍ ଡାରିଲଞ୍ଜି, ଆନିଞ୍ଜି ତି ପରାନ୍ସାତ୍ତିନ୍ ଆ କାବ୍ବାଡ଼ା ଆସନ୍ ଅଃନ୍ନାବ୍ୟର୍ବୁଡ୍ଡିଲଞ୍ଜି ଡେନ୍, ଞେନ୍ ଆନିଞ୍ଜି ପରାନ୍ଡଣ୍ଡନ୍ ଅମ୍ମେତାଜି ।