O adultério
O adultério é pecado grave que destrói alianças, famílias e vidas. A Bíblia condena firmemente a infidelidade conjugal e chama à pureza, fidelidade e santidade no casamento.
A lei de Deus
Não adulterarás. Quem comete adultério destrói a própria alma. A Palavra de Deus é clara e direta sobre este pecado.
Te, yagl abu, ene yagl abu ta bogl kunogl nekrio!
Jesus ensina
Quem olhar para uma mulher com intenção impura já adulterou no coração. Jesus elevou o padrão da pureza.
Jisas yoba yagl abu ta bogl kunogl neigwa pre dugwa
Ana Jisas ka yegl didre, ka ta ama yegl dugwa, God okna yoba di te, Ene yagl abu ta bogl kunogl nekrio! dugwa i, ene prikwa. Ka i ene pre kodigwa ba erme na ene ka kor ta di tebo, praiglkwa. Yagl ta abu kunogl nekrabuka ba ye ere mogl, abu ta kandre, nomane suo inan, ye nomanemo wagle abu i kunogl ne kodumiwe dugwa.
Ba na ene di teiga i, yagl ta ye ebie sedinan, ye ebie i, yagl ta bogl kunogl nenabredi erukwa. Te, abu sedugwa i, yagl pere ta inan, ye abu i kunogl nogwa. Mem swara i keme pre yagl ta ye ebie sedinan, kuno erabuka i, ye ebie yagl ta bogl mabuno kide eribr, ye sedinabuka i, kuno erabiwe di, Jisas yegl dugwa.
Yegl pre yoba nomane kide prikwa ya yoba si geglkwa ya kumugl abai mo yagl abu ta bogl kunogl neigwa ya taragl kunogl neigwa ya ka kibi didre, ka kide kane kane digwa mabuno i, ye deno muduno mina padre, ede meda wigwa.
Kira pogl priko, ye yegl di togwa, Yagl ta ye ebie sedidre, abu kor ta yunan, ye abu i kunogl nogwa. Te, abu ta wie kide kodo, ede yagl kor ta enan, ye yagl i kunogl nomiwe dugwa.
Jisas yagl abu si bugl dinaiglkwa pre dugwa
Yagl ta ye ebie sedidre, abu kor ta yunan, ye abu i kunogl nogwa. Te, yagl ta ye ebie sedinan, yagl pere ta ere mogl, ye abu sedugwa i inan, ye ama abu i kunogl nomiwe dugwa.
Jisas yegl di teigwa, Tisa yo, Abu i, yagl ta bogl kunogl nebriko, yoba tau kandre, di peglkwa. Nono lono mina Moses nono di noro, Yoba mabuno yegl ta erabuka i, kobuglo si, si golo dugwa. Ba ene siragl we di pitne? digwa. Ye yegl digwa i, Jisas ka tau aglau ere dinan, kot ere tenamnedi prisre, kira yegl peglkwa. Ye yegl erikwa ba Jisas bodugl moglsre, ogo mogo mina makan kugane yomara ka tau boglsre, ka ta dikrukwa.
Ana Jisas ka ta dikruko, God lomo beke teigwa yoba ya Farisi yoba i, kira pogl meglkwa. Kira pogl meglko, Jisas adiglsre, ye yegl di togwa, Yoba ta tadaglme swara ta erekrukwa ta morabuka i, ye komono kana kobuglo ta idre, abu i kobuglo sinabiwe dugwa. Ye yegl didre, aglke kor bodugl mogl, makan kugane mina ka tau bogl moglkwa. Yegl eruko, yoba ta abu auro yuigwa i, ye ka dugwa i prisre, swara swarade dumo i kide kodidre, ede eigwa. Yoba tau bugla yugu mere ne, ede okna eigwa i, komono kana ede eigo, tau gakamugl meglkwa i, okuo ede eigo, Jisas ya abu i keme yoba gumuglnomugl yoko miurka.
Yoko miurko, Jisas adiglsre, abu i yegl di prukwa, Ye ede aglo eime? Yoba ta ene kot ere tenaiglkwa i, ta moglkrimo? dugwa. Dugo, abu i di ikne ede, Yagl Kade yo, ta moglkrimiwe dugwa. Yegl dugo, Jisas yegl di togwa, Na ama ene kot ere tekraglka. Ene pidre, tadaglme okuo ere moglkro dugwa.
Armadilhas e consequências
Os lábios da mulher estranha destilam mel, mas o seu fim é amargo. Fuja da imoralidade — o adultério escraviza.
Ana ene yagl abu ta bogl kunogl neigwa mabuno i, kide kodo, teke ede eglke pio! I siragl pre yoba tadaglme tau kane kane erikwa ba ogono nagino ere kide erekrikwa. Ba yoba ye yagl abu pere bogl kunogl neigwa i, ye yene ogono nagino ere kide erikwa.
Nono Mudu Murubuglo duglo boramga paugwa
Na diga i, ene Mudu Murubuglo duglo bogl meglbi, deno muduno goglo pogglau boran, ene ta yage sikraiglkwa. Deno muduno goglo Mudu Murubuglo ake atne edenagledi eruko, Mudu Murubuglo deno muduno goglo ama ake atne edenagledi eruko, eribrika. Ye kuda ikne ikne miurka i pre ene mabuno wakai boramnedi eribi, waragne paugwa.
Ana yoba deno muduno goglo duglo beglkwa igne, ye mabuno siragl mere erikwa i, nogugl paugo, kamga. Kumugl abai ya yagl abu ta bogl kunogl nedre, mabuno deglbi yogwa i ersre, mabuno gua gua eriko, kamga. Te, ye god kibi kamage ere tedre, kumo giai erikwa. Te, yene ama ikne ikne kide kan, jelas ere tedre, nonga digwa. Yoba yegl ersre, ama deno podo kubro, si buno di ede pere pere pidre, yene mogl mitna edidre, yoba no kano swara praiglmedi erikwa. Ye yegl ersre, te, yoba pere taraglno bubuno goglsre, spak ersre, spak erimara ama ka kade didre, mabuno gua gua erikwa. Yegl ersre, tadaglme tau mere ama erikwa. Na okna ene di teiga ba aglke kor di tenaglka. Yoba mabuno kide yegl ta ere moraiglkwa i, God yoba kingno mogl, suglno morabara taragl swara ta ikraiglkwa.
Yagl abu bogl inaiglkwa mabuno pre mitna edio. Te marit ere kide ere dinamnedi kunogl nekrio. I siragl pre kumugl abai mo yagl abu ta ye yagl abu pere bogl kunogl nenaiglkwa i, God ye ka tage tenabuka.
No ka swara ta ene okna beke tomga i, ene kumugl abai ya yagl abu ta bogl kunogl nekrio dumga. I siragl pre God ene mabuno yegl mere erekre, mogl pere edinaiglmedi prukwa. God prukwa i, ene ye mabunomo bekidre, ogono nagino mina mabuno kide ere dinamnedi sugl wakai mogl, mabuno wakai, yoba pere wakai kanaiglkwa i keme ene eraiglmedi prukwa. Yoba meda God pre kan erekrikwa i, ye mabuno kide yegl mere ta pogglau boglkwa i, duglo boglsre, mabuno deglbi yogwa erimere yegl, God ene yegl ta ere dinaiglmedi prukwa.
Ana ene mabuno yegl erikwa i, ene kide erikwa. Ene abu ta bogl kunogl neigwa mere yegl paugwa. Ene prio! Makandigle yoba ebrie mabunono i, yoba ta wakai kanan, ye God kudamo ikne mere yegl moglkwa.
Na abu i nomane yake tedre, mabunomo kide i, kide kodinabedi sugl moglka ba ye nomanemo gigle dugwa. Yegl pre ene prio! Na kide ta dedibo, abu i sinabuka. Te, yoba ta ye ka beke togwa i prisre, yagl abu ta bogl kunogl neigwa i ama nomano yake tekre, mabunono kide i, ere pai meglbi, ye ama yubun podo inaiglkwa.