Adultério na Bíblia: o que diz o Antigo Testamento e Jesus

14 "Uleke ughoni.(Êxodo 20:14)

20 "Mwiko kuwasa na ipinga wa miyagho, ukutenda apfo kutsokutenda wihe."(Walawi 18:20)

10 "Imunu yang’aghoghighwa ughoni na pinga wa miyaghe, wose weli wakomighwe."(Walawi 20:10)

27 Pfihi imunu kodaha kwika chiwenge mmambagha, na ligwanda lyake lileke kulakala? 28 Angu imunu kodaha kukanyagha ghumoto na kutsayo kwake kuleke kulakala? 29 Apfi pfipfo pfaitsolawila kwa immale iyowasa na ipinga wa miyaghe, wowose iyomdolitsa ipinga ayo katsotowighwa.(Ng'ungo 6:27-29)

32 Immale iyowasa na pinga wa munu yungi, ayo kahela tsimbutsi ghendo, iyotenda apfo kekoma imwenyegho ghendo. 33 Katsopata pfilonda na ukubetsighwa, na ichinyala chayopata ng’achitsomala baye. 34 Kwa apfila wipfu wayali nawo immale womtenda yone maya, na ng’atsakona libatsi baye hayatsomuyitsila ighehile imghoni wake. 35 Ng’atsobokela liho lyolyose baye, hata liwe kulu pfihi, katsolema ghendo ukulibokela.(Ng'ungo 6:32-35)

27 "Mhulika tsailongighwa, ‘Uleke kutenda ughoni.’ 28 Lekeni nene nomlongelani, munu wowose iyololesa ipinga kwa kutama, ayo mala katenda naye ughoni mmoyo mwake.(Matei 5:27,28)

19 Kwaapfila mghati mwa ghumoyo gholawa mawatso ghehile, ukukoma, ughoni, uashelati, uhitsi, ukalangama wa ughutsu, na maligho.(Matei 15:19)

32 Lekeni nene nomlongelani, Munu wowose iyomleka imwehe wake, na imwehe wake ayo ng’atendile ughoni baye, komtenda yawe mghoni, na imunu iyomkwela ipinga ayo iyalekighwe apfo, naye kotenda ughoni.(Matei 5:32)

11 Kawedika, "Imunu wowose iyomleka mwehe wake na kukwela ipinga yungi komtendela utsinzi mwehe wake. 12 Pfipfila, ipinga yomleka immale wake na kukwelighwa ne immale yungi komtendela utsinzi immale wake."(Maliki 10:11,12)

18 "Immale wowose iyomleka mwehe wake na kumkwela ipinga yungi kotenda utsinzi, ne immale iyomkwela ipinga iyalekighwe kotenda utsinzi."(Luka 16:18)

4 Wamlongela, "Mlangulitsi, ipinga ayuno kaghoghighwa ughoni, hayang’ali yowasa na immale. 5 Mna Itorati, Musa katulaghitsa ipinga ka ayu kobamighwa yatowighwe na ghamabwe. Na ghweghwe ulongatse?" 6 Lekeni tsawaghutsa apfo wamghetse na wamwonze, ili wapate ghomba lya kumshitaki. Lekeni Yesu kenamila hasi, kandusa kwandika mna lidongo kwa ichidole chake.

7 Hawaghendelele kumghutsa, Yesu kenula litwi kawalongela, "Imunu wowose mna mwemwe yang’ana yatende chinu chihile yalongole ukumwasila libwe." 8 Kuya Yesu kenama keli, kandika mna lidongo. 9 Iwanu awala hawahulike apfi, wandusa kuka yumweyumwe, kwandusila iwabala. Yesu kasighala yaliyeka na ipinga ayula iyemile ahala. 10 Yesu kenula litwi, kamghutsa, "Walikwani iwanu iwakughoghile? Pfihi kuduhu munu iyakuhighile?"

11 Ipinga ayo kamwidika, "Mndewa, kuduhu munu iyanihighile."

Yesu kamlongela, "Na nene sikuhigha baye. Uka, na uleke kutenda nzambi keli."(Yohana 8:4-11)

18 Kwa apfila ing’anda yake yolongotsa kuna ukufa, na tsinzila tsake tsoghenda kutsimu. 19 Wose iwomghendela ng’awakuya baye, ng’awoyiyila keli baye inzila ya ugima.(Ng'ungo 2:18,19)

3 Kwa apfila ghumlomo ghwa ipinga chiweghe ghwamta ka uki, na ghamalonga ghake ghotelebuka ka ghamapfuta, 4 lekeni hambele ghosungu ka nyongo, na ghotema ka mmaghe ighutema akuno na akuno, 5 Maghulu ghake ghohulumkila kuna ukufa, na ghamatsayo ghake ghoghenda kukabuli. 6 Yeye ng’olola baye inzila ya ugima, tsinzila tsake tsakwanga akuno na akuno, wala ng’omanya baye.

7 Lelo mwemwe wanangu, tegheletseni, wala mleke kwisemwa chanilonga. 8 Kala kutali naye, wala uleke kusoghela hana lilango lya ing’anda yake, 9 hela kutsoweng’a wanu wangi tsingupfu tsako, na miyaka yako yose yaukalile itsomalila kwa munu yalihela libatsi.(Ng'ungo 5:3-9)

8 Kala kutali naye, wala uleke kusoghela hana lilango lya ing’anda yake, 9 hela kutsoweng’a wanu wangi tsingupfu tsako, na miyaka yako yose yaukalile itsomalila kwa munu yalihela libatsi. 10 Wagheni watsosola mali tsako, na lijasho lyako litsomalila mna ing’anda ya munu yungi. 11 Mna ghamatsuwa ghako gha utsighilo kutsodomboketsa, ahala ilukuli lwako halutsosoka. 12 Baho kutsolonga, "Heule nene tsandema ukufundighwa? Na ghumoyo ghwangu tsaghulema kumanighwa. 13 Siwahulikitse baye walangulitsi wangu, wala siwambile baye lighutwi lyangu niwategheletse iwanifundile. 14 Nikala habehi ghendo na ukuhinyika, mghati mwa ghumtingano ghwa iwanu."(Ng'ungo 5:8-14)

19 Ayo kanogha ka kongoni, ka dondolo, na ghamatombo ghake ghakudeng’eletse matsuwa ghose, ughoghighwe na ukukunda kwake. 20 Mwanangu, heule ughoghighwa na pinga chiweghe? Heule ughahaghatila ghamatombo gha pinga mgheni?(Ng'ungo 5:19,20)

14 Mlomo ghwa pinga chiweghe ka pondo ilighendese hasi, na ayula IMNDEWA iyomwihila katsakwingila amwo.(Ng'ungo 22:14)

3 Imulungu kowabama muwe wahenzeluka na mleke ghendo ughoni. 4 Chila imunu mghati mwenu amanye kukala na mwehe wake kwa uenzeluka na pfinoghile, 5 na si kwa dong’o tsihile bae ka iwanu wangi ing’awammanyile Imulungu.(1 Watesalonike 4:3-5)

18 Mkale kutali ne ughoni. Nzambi tsose tsimwenga itsitendighwa ng’atsilagha lukuli, lekeni mghoni kolutendela nzambi lukuli lwake.(1 Wakolinto 6:18)

16 Lelo nolonga pfino, mlekeni Ghumuhe we Imulungu yalongotse ughima wenu, namwe ng’amtsotimitsa soyoka tse nzambi itsili mghati mwenu. 17 Mana soyoka tse nzambi itsili mghati mwenu ng’atsimtoghola Ghumuhe we Imulungu, na Ghumuhe we Imulungu ng’otsitoghola bae soyoka atso itsili mghati mwetu, pfinu pfino pfibili pfesonga, apfo ng’amtsotenda chochose chambama muwenyegho.(Wagalatiya 5:16,17)

19 Ghamatendo ghe soyoka tse nzambi ghomanyika ghendo, utsinzi na wihi na uweghe na 20 kutamanila milungu ya ughutsu na uhawi na unebe na ughobo na chepfu na maya na ubwa na fitina na makingili na uchongetsi na 21 husuda na ukupatika na tsoyoka na ipfinu pfimwenga ipfighala na apfo. Nomkanyeni ka pfanongole kuwakanya, iwanu iwotenda agho ng’awatsohala bae undewa we Imulungu.(Wagalatiya 5:19-21)

4 Iwanu iwekwelile wehulikitse, mmale au mwehe yaleke kuwasa ne imunu yungi. Imulungu katsowahigha waghoni na watsinzi.(Waebulaniya 13:4)

4 Mwemwe iwanu yang’amtogholighwa! Apfi ng’ammanya bae ka kuwa sale we iisi kumwihila Imulungu? Imunu wowose iyosaghula kuwa sale we pfinu pfe iisi, imunu ayo katsakuwa mwihile we Imulungu.(Yakobu 4:4)

21 Na nene nimwing’a chipindi cha kuleka ughoni wake, lekeni kolema kuleka ughoni wake. 22 Apfo nitsomwing’a utamu, yeye na wayaghe iwatendile utsinzi naye, watsoghaya ghendo, ka ng’awoleka bae ukutenda ghehile.(Ughubulo 2:21,22)