O adultério
O adultério é pecado grave que destrói alianças, famílias e vidas. A Bíblia condena firmemente a infidelidade conjugal e chama à pureza, fidelidade e santidade no casamento.
A lei de Deus
Não adulterarás. Quem comete adultério destrói a própria alma. A Palavra de Deus é clara e direta sobre este pecado.
Jesus ensina
Quem olhar para uma mulher com intenção impura já adulterou no coração. Jesus elevou o padrão da pureza.
Na Vaivagigalaina Na Babarata
<<Qu tei nongoroniamiu tu agou sa isa pira sau perangana, <Munake babarata,> sau. Ba ara ma pojanigou sagou: na tinoni sa dodoro nyoroguania gu sa kai rereko iviva, sa sa tei baratia tugu pa bulona isa sisa.
Ba ara ma pojanigou: na tinoni sake vaiputa taviti goboro na maqotana ba sa loa pale goboro, sa sa vababaratia sa na rereko api beto na marene sa nagoa na rereko sa taloa pale api ba sa babarata tugu,>> sau si Jisu.
Ura na koko lame veidi pa bulo sira na roroqu ikikeredi, na varivai, na babarata, na toa lulasana, na ikiko, na jutu sesekeria na goto tinoni, beto na poja vivikereria na goto tinoni.
Poni sa parangaria i Jisu sira, <<Na marene sa loa pale na maqotana ko sa alava ligua kai rereko gotona mule sa sa babarata tugu sisa. Ko na rereko ba vei bi loa pale na marenena ko bi alava beia kai goto marene mule sa sa babarata mutugu sa na rereko isa,>> sau sisa.
Na tinoni sa loa pale na maqotana ko sa lao alava beia mule kai goto rereko sa sa babarata tugu sisa. Beto isa na tinoni sa alavia na rereko qai loa pale sa sa babarata tugu sisa,>> sau si Jisu.
Beto qai parangia si Jisu, <<Tinoni vaivagigalai, na rereko api sa sa tapoa sosoto tonai sa kole babarata. Ko pa oda Vavanau sa vanigita i Mosese sa na rereko sa roiti vei inara sa mina tagona vamateni patu tugu. Ba na sa qugu sao?>> qarigunia. (Inara qai paranga veinia si Jisu, vei ko mai vagonai qarigu, beto vei ko mai jutua gu qarigu.)
Poni sa ovoro kokopo gore pa peso si Jisu, ko sa kole kukutinia na kakarusuna pa peso. Ko tonai qai kole tugu nanasia lalaodia ira, poni sa sa turu vatuvisi ko pira sauniria, <<Isa sa kepore ona sela agou sa mi gonania na patu momoe sa na rereko ina,>> sauniria. Beto sa kokopo ligu gore pa peso ko sa kole mutugu kukuti pa peso.
Totonai qai nongoria inara sa paranga vei isa, sa qai okoto taloloa riu memeka sira doru, podalai tadira na tinoni momoadi ko mi gore, ko tinganai sa taloa vamekai si Jisu, beto ko na rereko ba sa kole tugu turuona ketakoi. Beto sa turu vatuvisi ligu mule si Jisu, ko pira saunia sa na rereko, <<Ago, ai sira? Ko kepore kame sa pitugo ao?>> saunia.
Poni pira sau sa na rereko, <<Kepore tugu, Bangara,>> sau.
Poni pira sau si Jisu, <<Ego, jongana, ara ba qake pitugo tugu sao. Ko mu taloa riumua gu, goto muneke roiti ligunia na sela,>> sau.)
Armadilhas e consequências
Os lábios da mulher estranha destilam mel, mas o seu fim é amargo. Fuja da imoralidade — o adultério escraviza.
Mu ukunia sa na toa lulasana! Doru sela qai roitinia ira na tinoni sa pa peguruna gu na tini, goto na tinoni sa toania na toa lulasana sa sa roiti ngangulia na tinina mekana.
Na vaitoni tana Gagala beto na nyorogua tana tini
Ara ma pojanigou sapi. Mu tutia na vaitoni tana Gagala ko muke roitiniria sira na nyorogua ikikeredi tana tini. Ura na nyorogua ikikeredi sa nyoroguania na tini sa sake nyoroguania sa na Gagala, beto isa sa nyoroguania na Gagala sa sake nyoroguania na tini. Ura qaike vaitavaragua sira karu, ko sa vei sa agou quke boka roitiniria sira na sakasava qu nyorogua roitiniria.
Na roiti ikikeredi tana tini sa qai tadoro pikatadi gu. Qai tabata votu pana toa lulasana, aru vabosi, toa manugu, vavatarasae beku, isisongo potana, vavaikana, vavaipera paranga, seinia nona sakasava goto tinoni, vavaikokora, muino, vavaipikatai ko na vavaigua, vavaikono, bubuku, na vavaikamu bubuku beto doru toa vevei pira. Ma pojanigou sagou kai muqisi vei tugu qa tei pojanigou tu, ira na tinoni qai roitiniria na sakasava vevei pira sa maike teku isongia na binangara tana Tamasa.
Na vaialava sa mai pangagania doru tinoni, beto ko na roiti tamabaragoso sa kepore selana. Goto ira qai aru valulasa beto ira qai babarata sa na Tamasa mina tutiniria.
Ura na nyorogua tana Tamasa sa agou mu toania na toa liosona, mu ukunia na toa lulasana, mu tavagigalania ai muna kopu mule venia na tinimiu mekamiu, beto mu isongia pana toa madina beto na toa pangagana, muke toania na nyonyorogua roiti valulasa qai vevei ira na tinoni karovodi qaike gigilai na Tamasa.
Qu vei na rereko babaratamiu sagou! Qu gigilaimiu agou sa na tinoni sa baeria na kasia gusu sa sa kanaia isa sa na Tamasa. Ko na tinoni sa nyorogua baeria na kasia gusu sa sa kanaia isa sa na Tamasa.
Qa tei vania tu na totoso ara sisa ko mi gabala qaunia, ba sake nyorogua gabala loa pale isa sa na toa lulasana. Ko mu vainongoro ko! Kode mana gona vakole palea ara pana lovu sisa ko mina vakamunia na mo. Beto ko ira qai babarata tavitia isa ba mai gosoria tugu sa na vitigi vei maike gabala pana roiti ikikeredi tana sira.