Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Ikyikak bi ki daam yin awo, tit ayɛt akaakyɛ, taas yin Adakunom awon yin, nɛ kanak yin, ni ifeng yin ayɛt awon.
In nesek ifeng sak na Adakunom in kaakyi izen fi in yiring ni yin.
Ayɛt kaakyɛ fi i da fɛ̀ yin ke i da nye yin ayi, nye yin kaakyɛ ni iyerek aTisa aYeso, nesek ifeng sak na Ada Adakunom ayit iyerek aYeso.
In nyes yit ifeng na Adakunom kaakyi izen mok iyin, in ki tes yin ayɛt awon yit. Kaakyi izen in yiring yit ni yin ashon Adakunom, ni ntomong inɔɔk atsak yin, ni mgbang fi i se yin ne nek ishim, ni inye nyɛk, fi ite iyɛ yin ayɛt aTisa aYeso Kristi bɛ́s e.
In nesek Adakunom ifeng kaakyi izen nek itek wu fɛ́ a ki nesek yin ayɛt Anet-Isheshek aYeso.
Awɛt ifeng sak na Adakunom, iwu fɛ́ a ki nesek yit awɛng ayɛt aTisa aYeso Kristi.
Won in tere yit Adakunom, iwu fɛ́ a ki kɔk yit kubɔk na ki yɛs yit irèn kaakyi izen ayɛt Anet-Isheshek, na ra kutomong ni iyit kaakɛ ni ishara yit ifɛ̀ wu fi i bi nkɔn ntek makiyi.
Adakunom wu a nesek anet ikap ija, iwu wu a tɛ nesek akaangan nayak. Nek anɔng, a da ki nɔk yin ija fi i da tuus yin, a da tɛ sak ija yin ni i rasak, na anɔng wu a da te inesek ishim iyɛ da ki barang yin mo itek ayit kutomong kutek yin. A da ki te yin awɛng na akaakyi irèn nɔng i da nesek yin ni kubɔk washak, nɔng banet dot bin tere Adakunom ni izen fi in ka ba kabasa yin ares e.
Cɛɛt yin na bafidang ayɛt abom itere, nɛ abom fɛ́ a nes na abik, tere yin aTisa na abom fɛ́ a nes na ayɛ yin. Nesek yin Ada Adakunom ifeng nek kaakyi ikyɛng ni iyerek aYeso Kristi.
Nabasa yin ace yin na bafidang, nek iratek fi i nesek yin Anet-Isheshek.